ირანის ელჩი სეიედ ალი მოჯანი: ჟენევა – ამერიკის ქმედების გამოცდა ირანული დიპლომატიის ლოგიკის წინაშე

საქართველოს ტექნიკური უნივერსიტეტის სამთო-გეოლოგიური და მთის მდგრადი განვითარების ფაკულტეტის სტუდენტები, MULgrants პროგრამის ფარგლებში, ავსტრიაში, Montanuniversität Leoben-ში გააგრძელებენ სწავლას.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, ფაკულტეტის ბაკალავრი მათე ბერიძე, მაგისტრანტები - გიორგი საბიაშვილი და დავით მეკოკიშვილი და დოტორანტი იოვანე ლომსაძე სამთო, ნავთობისა და გაზის ინჟინერიის, ასევე დედამიწის შემსწავლელ მეცნიერებათა მიმართულებით ვროპის მასშტაბით ერთ-ერთ წამყვან სპეციალიზებულ უნივერსიტეტში ერთი აკადემიური სემესტრის განმავლობაში ისწავლიან.სტუ-ის სამთო-გეოლოგიური და მთის მდგრადი განვითარების ფაკულტეტის დეკანის განმარტებით, Montanuniversität Leoben-ში სწავლის გაგრძელებით სტუდენტები ჩაერთვებიან საერთაშორისო მოწინავე კვლევებში, რაც მათ შესაძლებლობას მისცემს გაიღრმავონ ცოდნა, მიიღონ საერთაშორისო გამოცდილება და გაიძლიერონ პროფესიული კომპეტენციები გეოლოგიის, ნავთობისა და გაზის ტექნოლოგიების მიმართულებით.როგორც პროფესორი ნოე ხოზრევანიძე აღნიშნავს, ახალგაზრდებისთვის განსაკუთრებით მნიშვნელოვანია ის ფაქტი, რომ საქართველოში სამთო-სამეცნიერო სკოლის ფუძემდებელი გრიგოლ წულუკიძე Montanuniversität Leoben-ის კურსდამთავრებულია.„დიდმა გრიგოლ წულუკიძემ 1913 წელს სწორედ ეს ცნობილი ავსტრიული უნივერსიტეტი დაამთავრა, რის შემდგომაც დააფუძნა პოლიტექნიკური ინსტიტუტის - დღევანდელი საქართველოს ტექნიკური უნივერსიტეტის - სამთო-ქიმიური ფაკულტეტი და მისი პირველი დეკანი გახდა. სწორედ გრიგოლ წულუკიძის საქმიანობით ჩაეყარა საფუძველი საქართველოში ევროპულ სტანდარტებზე დაფუძნებულ სამთო განათლებასა და სამეცნიერო კვლევას. ეს ისტორიული სიმბოლიზმი უდიდესი მოტივატორია საქართველოს ტექნიკური უნივერსიტეტისთვის.დღეს ჩვენი სტუდენტებისთვის Montanuniversität Leoben-ში სწავლა არა მხოლოდ აკადემიური და კვლევითი მობილობაა, არამედ ისტორიული და პროფესიული პასუხისმგებლობაც: ამით ჩვენი ახალგაზრდები აგრძელებენ იმ ტრადიციას, რომელსაც ას წელზე მეტი ხნის წინ ჩაეყარა საფუძველი. ამასთან ერთად, საერთაშორისო კვლევებში ჩართულობა, ახალი ტექნოლოგიებისა და კვლევითი მეთოდების ათვისება მათ საშუალებას მისცემს, ჩამოყალიბდნენ კონკურენტუნარიან სპეციალისტებად და სამომავლოდ მნიშვნელოვანი წვლილი შეიტანონ ქართული სამთო-გეოლოგიის დარგისა და ქვეყნის მდგრად განვითარებაში“, - ამბობს ნოე ხოზრევანიძე.ფაკულტეტის სამთო-გეოლოგიური ტექნოლოგიების ცენტრის ხელმძღვანელის, პროფესორ გიორგი ხეცურიანის თქმით, დღეს საქართველოს ტექნიკური უნივერსიტეტი ავითარებს გრიგოლ წულუკიძისა და მის თანამოაზრეთა სამეცნიერო-აკადემიურ მემკვიდრეობას და ამ მიზნით აძლიერებს საერთაშორისო საგანმანათლებლო და კვლევით პარტნიორობას. როგორც გიორგი ხეცურიანი განმარტავს, აღნიშნული პროცესის ერთ-ერთი კომპონენტი MULgrants პროგრამის ფარგლებში სტუ-ის სტუდენტების აკადემიური და კვლევითი მობილობაა, რომელიც ასევე ფართოდ არის მხარდაჭერილი საქართველოს ტექნიკური უნივერსიტეტის პარტნიორი ინდუსტრიების, მათ შორის კომპანია RMG-ის მხრიდან.„ასეთი მიდგომები ქმნის მყარ საფუძველს ინსტიტუციური წინსვლისთვის და უზრუნველყოფს ქართველი სტუდენტების ინტეგრაციას საერთაშორისო აკადემიურ და სამეცნიერო სივრცეში. სასიხარულოა, რომ მსგავს კოლაბორაციებს მხარს უჭერენ საქართველოში მოქმედი ინდუსტრიები, რომლებიც მჭიდროდ პარტნიორობენ საქართველოს ტექნიკურ უნივერსიტეტთან - მათ შორისაა ჩვენი ქვეყნის უმსხვილესი სამთო-მოპოვებითი კომპანია RMG-ი. კომპანია დაინტერესებულია უნივერსიტეტთან გრძელვადიანი თანამშრომლობით და ნიჭიერი, მოტივირებული ახალგაზრდა სპეციალისტებისა და მკვლევრების მოზიდვით, რაც კიდევ უფრო ამყარებს კავშირს განათლებას, მეცნიერებასა და პრაქტიკულ წარმოებას შორის.განსაკუთრებით მნიშვნელოვანია, რომ ჩვენი ფაკულტეტის 4 სტუდენტი, რომლებიც სასწავლო და კვლევით პროცესს ავსტრიულ უნივერსიტეტში გაივლიან, მიღებულ ცოდნასა და გამოცდილებას საქართველოში ჩამოიტანენ, რასაც მოახმარენ დარგში არსებული გამოწვევების დაძლევას, ქვეყნის სამთო-სამრეწველო და სამეცნიერო განვითარებას“, - აღნიშნავს გიორგი ხეცურიანი.

ქართულ ტრადიციებზე, იდენტობასა და კულტურაზე როდესაც ვსაუბრობთ, უნდა გვახსოვდეს, რომ მათზე უმთავრესი გავლენა ქრისტიანულმა რელიგიამ იქონია. ჩვენი ერის უმდიდრეს, 3 000-წლოვან ისტორიაში ქრისტიანობის მიღება გარდამტეხი მომენტი აღმოჩნდა, რამაც წარსული 17 საუკუნე, ჩვენი აწმყო და მომავალი განსაზღვრა, – ამის შესახებ საქართველოს პრეზიდენტმა, მიხეილ ყაველაშვილმა პარლამენტში ყოველწლიური მოხსენების წარდგენისას განაცხადა.მისივე თქმით, სწორედ ქრისტიანულმა რელიგიამ იქონია უმთავრესი გავლენა ქართველების ცივილიზაციურ არჩევანზე და მათში ზნეობრივი, შემწყნარებლური თუ კეთილშობილური პრინციპების დამკვიდრებას მნიშვნელოვნად შეუწყო ხელი.„ჩვენი ხალხი ერთ-ერთი პირველი იყო, რომელმაც ქრისტეს მოძღვრებას გაუღო გული და უნიკალურ, უძველეს და უწყვეტ ქრისტიანულ ცივილიზაციას ჩაუყარა საფუძველი. დროთა განმავლობაში ქრისტიანობა და ქართველობა ერთმანეთისგან განუყოფელ ცნებებად იქცა, ამიტომ ჩვენი წინაპრებისთვის სამშობლოზე ზრუნვა – სარწმუნოებაზე ზრუნვას, ქვეყნისთვის ბრძოლა კი უფლისთვის ბრძოლას გულისხმობდა. სწორედ ქრისტიანულმა რელიგიამ იქონია უმთავრესი გავლენა ქართველების ცივილიზაციურ არჩევანზე და ჩვენში ზნეობრივი, შემწყნარებლური თუ კეთილშობილური პრინციპების დამკვიდრებას მნიშვნელოვნად შეუწყო ხელი. როგორც მოგეხსენებათ, წელს ჩვენ აღვნიშნავთ 1 700 წელს ჩვენი ერის გაქრისტიანების. ეს უდიდესი ისტორიაა, რომელიც შეგვახსენებს, რომ სწორედ აქ, საქართველოში ჩამოყალიბებულმა ქრისტიანულმა ცივილიზაციამ უამრავ დამპყრობელს გაუძლო. ჩვენს ხალხს კი ყოველი მომდევნო განსაცდელის გადალახვის შემდეგ რწმენა უფრო და უფრო უმყარდებოდა. საბედნიეროდ, დღეს ქართველი ერი ისევ მტკიცედ დგას და აგრძელებს იმ გრძელ გზას, რომელიც სათავეს 17 საუკუნის წინ იღებს“, – განაცხადა მიხეილ ყაველაშვილმა.

,,გთხოვთ გააზიარეთ და ვისაც როგორ შეგვიძლია დავეხმაროთტაძრის მგალობელს სამი შვილის მამას რომელიც დიდი ხანია ებრძვის სიმსივნეს ესაჭიროება ფინანსური დახმარება. აკაკი ოჯახს ჯართის მოგროვებით არჩენსვისაც გაქვთ სურვილი და საშუალება ერთად დავეხმაროთGE98TB7526345064300091საქართველოს ბანკი GE25BG0000000533668849''-წერს თბილისის ვაკის მაცხოვრის ფერიცვალების სახელობის ტაძარი

უნგრეთის პრემიერ-მინისტრი ვიქტორ ორბანი აცხადებს, რომ 2025 წლის იანვრის შემდეგ უნგრეთში 17 ამერიკული ინვესტიცია განხორციელდა.ორბანის თქმით, ეს ამტკიცებს, რომ უნგრეთი იზოლირებული არ არის.„გასული წლის იანვრიდან უნგრეთში 17 ახალი ამერიკული ინვესტიცია განხორციელდა, რაც ათწლეულის განმავლობაში ყველაზე მაღალი მაჩვენებელია. ეს ნათელი პასუხია მათთვის, ვინც ამტკიცებს, რომ უნგრეთი იზოლირებულია. ამერიკული კომპანიები უნგრეთს კონკურენტუნარიან და ბიზნესისთვის ხელსაყრელ ბაზად ირჩევენ. ასე გავაგრძელოთ!“ – წერს ვიქტორ ორბანი სოციალურ ქსელში.

ბელარუსის პრეზიდენტი ალექსანდრ ლუკაშენკო ეთანხმება და მხარს უჭერს რუსეთის საგარეო საქმეთა სამინისტროს იდეას, სანქციების ქვეშ მყოფი ქვეყნების გაერთიანების შესახებ.მისი თქმით, სანქციების ქვეშ მყოფი ქვეყნები თუ გაერთიანდებიან, შეზღუდვების ინიციატორები თავად შეშინდებიან.„ჩვენ თუ გავერთიანდებით და შეთანხმებას მივაღწევთ, შეშინდებიან ისინი, ვინც ჩვენ წინააღმდეგ სანქციები დააწესა,“ – აღნიშნა ლუკაშენკომ.ამასთან, ბელარუსის პრეზიდენტის განცხადებით, ამჟამად 50 ქვეყანა პირდაპირი სანქციების ქვეშაა და „მეორადი ეფექტი სავარაუდოდ უკვე ასობით სახელმწიფოზე მოქმედებს.“„რუსეთის საგარეო საქმეთა სამინისტრომ მოგვმართა და გვთხოვა, ეს საკითხი განგვეხილა და როგორმე გაგვეერთიანებინა ყველა, ვინც სანქციების ქვეშ იმყოფება. ჩვენ ასევე დავარწმუნეთ ჩინეთი. მათი დარწმუნება საჭირო არ არის, მათ ესმით, რომ შემდეგი ისინი იქნებიან,“ – აღნიშნა ბელარუსის პრეზიდენტმა.ამასთან, მისივე თქმით, საჭიროა, რომ ეს ქვეყნები „გაერთიანდნენ და თავიანთი ძალა აჩვენონ.“