ვოლოდიმირ ზელენსკიმ საქართველოში უკრაინის ახალი ელჩის დანიშვნის განკარგულებას ხელი მოაწერა

თეთრი სახლის პრესსპიკერი კეროლაინ ლევიტი აცხადებს, რომ დონალდ ტრამპი უკრაინაში სამშვიდობო პროცესთან დაკავშირებით არ ნებდება და აქტიურად არის ჩართული მოლაპარაკებებში.„პრეზიდენტი სამშვიდობო პროცესთან დაკავშირებით არ ნებდება. მას ახლახან შეხვდა პრეზიდენტი ზელენსკი, როცა დავოსში, შვეიცარიაში ვიყავით“, – განაცხადა ლევიტმა.თეთრი სახლის პრესსპიკერის თქმით, ამ ეტაპზე რუსეთის ან უკრაინის ლიდერებთან დაგეგმილი სატელეფონო საუბრების შესახებ ინფორმაცია არ აქვს, თუმცა ლევიტმა აღნიშნა, რომ აშშ-ის პრეზიდენტი ჩართულია პროცესში.„პრეზიდენტი კვლავ აქტიურად არის ჩართული და, რა თქმა უნდა, მას ამ მოლაპარაკებების შესახებ აცნობებენ მისი მრჩევლები, კერძოდ, ჯარედ კუშნერი და სპეციალური წარმომადგენელი უიტკოფი. მათ გასულ შაბათ-კვირას მრავალმხრივი შეხვედრა ჰქონდათ, რომელიც სათანადოდ არ გაშუქებულა, მაგრამ ეს ისტორიული ხასიათის იყო, სადაც პრეზიდენტის გუნდმა ერთ მაგიდასთან მოიყვანა ამ ომის ორივე მხარე, რათა პროცესი უფრო ახლოს მივიდეს მშვიდობასთან“, – აღნიშნა თეთრი სახლის პრესსპიკერმა.

პეტრა ბაირი ევროპის საბჭოს საპარლამენტო ასამბლეის პრეზიდენტი გახდა, - ინფორმაციას ევროპის საბჭოს პრესსამსახური ავრცელებს.საპარლამენტო ასამბლეის წევრებმა პეტრა ბაირი (ავსტრია, SOC - სოციალისტების, დემოკრატებისა და მწვანეების ჯგუფი) ევროპის საბჭოს საპარლამენტო ასამბლეის (PACE) პრეზიდენტის თანამდებობაზე აბსოლუტური უმრავლესობით, 164 ხმით აირჩიეს.პეტრა ბაირი ევროპის საბჭოს საპარლამენტო ასამბლეის 36-ე პრეზიდენტი გახდა და ის აღნიშნულ თანამდებობას ერთი წლის ვადით დაიკავებს, რომლის გახანგრძლივებაც კიდევ ერთი ვადით არის შესაძლებელი.პეტრა ბაირმა აღნიშნულ თანამდებობაზე თეოდოროს რუსოპულოსი შეცვალა.

"სპორტინგის" ნახევარმცველი გიორგი ქოჩორაშვილი შესაძლოა, 6-თვიანი იჯარით "ლევანტეში" დაბრუნდეს, ამის შესახებ ინფორმაციას ავტორიტეტული პორტუგალიური გამოცემა Record-ი ავრცელებს. წყაროს ცნობით, "ღამურებს" "სპორტინგისთვის" ჯერჯერობით ოფიციალური შეთავაზება არ გაუკეთებიათ, გარიგების განსახორციელებლად კი 1 კვირა აქვთ. 26 წლის ფეხბურთელს მიმდინარე სეზონში პორტუგალიურ გუნდში დიდი სათამაშო დრო არ ეძლევა, მოსალოდნელი ტრანსფერის გამო ქართველი ფეხბურთელი "სპორტინგის" ბოლო მატჩის განაცხადში არ ყოფილა. გიორგი ქოჩორაშვილმა "ლევანტეს" მაისურით 57 მატჩი ჩაატარა და 9 გოლი გაიტანა. გუნდს 2019 წელს შეუერთდა და თავდაპირველად სარეზერვო გუნდში ასპარეზობდა. იმავე წელს შედგა მისი დებიუტი ლა ლიგაში "ატლეტიკის" წინააღმდეგ.

საქართველომ საერთაშორისო საზღვაო სწავლებაში, Phoenix Express 2026-ში მიიღო მონაწილეობა.ამის შესახებ სოციალურ ქსელში საქართველოში აშშ-ის საელჩო ავრცელებს ინფორმაციას.„საქართველო ერთ-ერთია იმ რვა პარტნიორი ქვეყნიდან, რომელიც იქნა არჩეული პრესტიჟულ წვრთნებში მონაწილეობის მისაღებად“, – წერს აშშ-ის საელჩო.ამასთან, საქართველოს სასაზღვრო პოლიციის ინფორმაციით, საერთაშორისო საზღვაო სწავლება ტუნისის რესპუბლიკის ქალაქ ტუნისში ოთხი დღის განმავლობაში მიმდინარეობდა. საქართველოს სასაზღვრო პოლიციის სანაპირო დაცვის დეპარტამენტის თანამშრომლები სწავლების პერიოდში სასწავლო მართვის ცენტრში ახორციელებდნენ მათზე დაკისრებული ამოცანების შესრულებას. 

გერმანიის კანცლერი ფრიდრიხ მერცი შეშფოთებას გამოთქვამს ამერიკაში ძალადობის დონესთან დაკავშირებით და მინეაპოლისში იმიგრაციის სამსახურის აგენტების მიერ მოქალაქის მკვლელობის შემთხვევის გამოძიებას ითხოვს.„ველოდები, რომ ამერიკის ხელისუფლება ახლა საფუძვლიანად გამოიძიებს, აუცილებელი იყო თუ არა ამ შემთხვევაში სროლა, რეალურად არსებობდა თუ არა საფრთხე ოფიცრებისთვის. ნებისმიერ შემთხვევაში უნდა ვთქვა, რომ შეერთებულ შტატებში ძალადობის ამ დონეს, რბილად რომ ვთქვათ, საგანგაშოდ მივიჩნევ“, – განაცხადა მერცმა.ცნობისთვის ალექს პრეტის დაღუპვის შემდეგ, რომელიც საიმიგრაციო და საბაჟო სამსახურის ოპერაციის დროს სროლის შედეგად გარდაიცვალა, მინესოტაში საპროტესტო აქციები განახლდა. აშშ-ის ხელისუფლება აცხადებს, რომ სროლა თავდაცვის მიზნით მოხდა, თუმცა ეს ვერსია ბევრი მოქალაქისთვის საეჭვოა.