გიორგი კახიანი BBC-ის ფილმზე: იმ ფონზე, როდესაც დეკემბერში იგეგმება ევროკომისიის კონკრეტული გადაწყვეტილებები, რა თქმა უნდა გარკვეული ბიუროკრატების ხელში ასეთი სიუჟეტები შეიძლება გახდეს პოლიტიკური მანიპულირების შესაძლებლობა

დროა, ევროპელებმა შეწყვიტონ დონალდ ტრამპის ზურგს უკან ყოფნა და შეიმუშაონ საკუთარი სამშვიდობო გეგმა უკრაინისთვის, – ამის შესახებ გამოცემა „პოლიტიკოსთან“ ინტერვიუში თავდაცვის საკითხებში ევროკომისარმა, ანდრიუს კუბილიუსმა განაცხადა.მისი თქმით, ევროკავშირი უნდა იყოს დამოუკიდებელი ან, სულ მცირე, მზად იყოს, დაიკავოს ძლიერი პოზიცია გეოპოლიტიკურ მოვლენებში, მათ შორის ჰქონდეს საკუთარი გეგმა, როგორ შეიძლება უკრაინაში მშვიდობის დამყარება და ეს გეგმა თავის ტრანსატლანტიკურ პარტნიორებთან განიხილოს.„ყოველ ექვს თვეში ჩვენ ვიღებთ ახალ გეგმებს და, გარკვეულწილად, მაქვს შეგრძნება, რომ ჩვენ აქ ველოდებით, გავიგოთ, რა გეგმები მოვა ვაშინგტონიდან ამ წელს. გეგმები ასევე უნდა მოდიოდეს ბრიუსელიდან ან ბერლინიდან“, – თქვა კუბილიუსმა.მისივე თქმით, ევროპას სჭირდება საკუთარი სამშვიდობო გემის შემუშავება, რათა მოიპოვოს ადგილი მოლაპარაკებების მაგიდასთან.„ჩვენ უნდა გვქონდეს შესაძლებლობა, განვიხილოთ ორი გეგმა – ერთი ევროპული და მეორე, შესაძლოა, ჩვენი ამერიკელი მეგობრების მიერ მომზადებული“, – თქვა მან და აღნიშნა, რომ მიზანია ამ ორი გეგმით საუკეთესო შედეგის მიღწევა.ამასთან, კუბილიუსის თქმით, ევროპას ყოველთვის უნდა ჰქონდეს ნატო-ს მეხუთე მუხლის იმედი.„საქმე იმაშია, გვჭირდება თუ არა რამე სახის დამატებითი უსაფრთხოების გარანტიები და ინსტიტუციური მექანიზმები, რათა ვიყოთ მზად იმ შემთხვევისთვის, თუ მოულოდნელად მეხუთე მუხლი არ იმოქმედებს“, – განაცხადა ანდრიუს კუბილიუსმა.

ჯეი დი ვენსმა განაცხადა, რომ ვიცე-პრეზიდენტის თანამდებობაზე მისი ყველაზე დიდი იმედგაცრუებაა, რომ რუსეთისა და უკრაინის ომის დასრულების შესახებ შეთანხმებას ვერ მიაღწიეს, თუმცა აღნიშნა, რომ ოპტიმისტურადაა განწყობილი და დიდ პროგრესს ხედავს, – ამის შესახებ აშშ-ის ვიცე-პრეზიდენტმა „ენბისი ნიუსთან“ ინტერვიუში განაცხადა.„რუსეთ-უკრაინის საკითხი, ვფიქრობ, მთელი თეთრი სახლისთვის მუდმივი იმედგაცრუების წყაროა. ვფიქრობ, ჩვენ ნამდვილად გვეგონა – და თქვენ მილიონჯერ გსმენიათ ეს პრეზიდენტისგან – რომ რუსეთ-უკრაინის ომი ყველაზე მარტივი გადასაწყვეტი იქნებოდა. თქვენ თუ დაუშვებდით, რომ ახლო აღმოსავლეთში მშვიდობის მიღწევა აღმოსავლეთ ევროპაში მშვიდობის მიღწევაზე უფრო ადვილი იქნებოდა, გეტყოდით, რომ თქვენ გაგიჟდით“, – აღნიშნა ჯე დი ვენსმა.ამასთან, აშშ-ის ვიცე-პრეზიდენტმა განაცხადა, რომ პოზიტიურად არის განწყობილი და აღნიშნულ საკითხთან დაკავშირებით დიდ პროგრესს ხედავს.„ვფიქრობ, რა თქმა უნდა, ჩვენ დიდ პროგრესს მივაღწიეთ, მაგრამ ჯერ ფინიშის ხაზამდე ვერ მივედით. ვფიქრობ, იმედი არსებობს. იმედია, მომდევნო რამდენიმე კვირაში ამ მხრივ კარგი ამბები იქნება“, – განაცხადა ჯეი დი ვენსმა.

გეფიქრათ მაინც ორშაბათამდე, - ასე გამოეხმაურა პარლამენტის თავმჯდომარე გრიგოლ გეგელიას განცხადებას. კერძოდ, გეგელია ალეკო ელისაშვილს თანამებრძოლად მოიხსენიებს და ამბობს, რომ არსაიდან არ იქნება გარიცხული.მანამდე შალვა პაპუაშვილი ქეთი თურაზაშვილის და ლევან სამუშიას განცხადებას გამოეხმაურა და დაწერა, რომ „ორშაბათამდე კიდევ არის დრო ALDE-სთვის და „ლელოსთვის“, რომ უკვე ფორმალურადაც არ გახდნენ ტერორისტთან თანამშრომლობაში მყოფი პარტია“.

4 დეკემბერს აშშ-ის სამხედრო ძალებმა წყნარი ოკეანის აღმოსავლეთ ნაწილში ნარკოტიკებით ვაჭრობაში ჩართული გემი დაბომბეს, – ინფორმაციას აშშ-ის სამხრეთი სარდლობა ავრცელებს.აშშ-ის სამხრეთის სარდლობაში აცხადებენ, რომ დაბომბვა პიტ ჰეგსეტის მითითებით, „სამხრეთის შუბმა“ საერთაშორისო წყლებში განახორციელა. მათივე ცნობით, თავდასხმის შედეგად ოთხი მამაკაცი დაიღუპა.ტრამპის ადმინისტრაციის ინფორმაციით, სექტემბრის დასაწყისიდან მოყოლებული, აშშ-ის სამხედროებმა 20-ზე მეტი დარტყმა განახორციელეს გემებზე, რომლებიც, სავარაუდოდ, ნარკოვაჭრობაში იყვნენ ჩართული კარიბის ზღვის აუზსა და აღმოსავლეთ წყნარ ოკეანეში, რასაც სულ მცირე 87 ადამიანის სიცოცხლე ემსხვერპლა.

ევროპის საგარეო ქმედებათა სამსახურში კორუფციული სკანდალი ფართოვდება. ყოფილი ხელმძღვანელი პირების დაპატიმრების პარალელურად, ევროკავშირის უმაღლეს წარმომადგენელ კაია კალასზე ზეწოლა იზრდება, - წერს გერმანული გამოცემა Berliner Zeitung."ბრიუსელში დაძაბულობაა. ევროპის საგარეო მოქმედებათა სამსახურში (EEAS) მანიპულირებული ტენდერების გარშემო კორუფციული სკანდალი ევროპულ კვარტალში სულ უფრო მეტად ფართოვდება. მიუხედავად იმისა, რომ ისეთი მაღალი თანამდებობის ყოფილი პირი დააკავეს, როგორიცაა ფედერიკა მოგერინი, ყურადღების ცენტრში ახლა კიდევ ერთი პიროვნებაა: კაია კალასი, ევროკავშირის ამჟამინდელი უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში." - აღნიშნულია სტატიაში.გამოცემის ცნობით, გამოძიება კალასის ევროკავშირის მთავარ დიპლომატად დანიშვნამდე პერიოდის შესახებ ტარდება, მაგრამ ეს არ ათავისუფლებს მას მისი როლის ირგვლივ არსებული კრიტიკული კითხვებისგან, რომლებიც ბოლო დღეებში გაჩნდა."EEAS, რომელსაც კალასი დაახლოებით ერთი წელია ხელმძღვანელობს, ევროკავშირის ერთ-ერთ ყველაზე გაუმჭვირვალე სააგენტოდ ითვლება. ახლა კი, როდესაც ევროკავშირის რამდენიმე ინსტიტუტში ფასადები ინგრევა, კრიზისის მართვა მისი მხრიდანაც, სულ უფრო დეტალური განხილვის საგანი ხდება." - წერს Berliner Zeitungკაია კალასი მიიჩნევს, რომ მოგერინისა და სხვა მაღალჩინოსნების მიმართ ბრალდებებმა, არ უნდა იმოქმედოს ევროკავშირის საგარეო საქმეთა სამინისტროს „კარგ მუშაობაზე“. თუმცა, როგორც Berliner Zeitung-სთვის გახდა ცნობილი, ზოგიერთი თანამშრომელი კალასის მემორანდუმს კრიტიკულად უყურებს. ზოგადი განწყობაა, რომ ევროკავშირის უმაღლეს წარმომადგენელს სურს კორუფციის საქმისგან რაც შეიძლება მალე დისტანცირება. როგორც გამოცემისთვის გახდა ცნობილი, კალასის „სრული გამჭვირვალობის“ შესახებ დახურულ კარს მიღმა გაცემულ დაპირებას სკეპტიციზმით შეხვდნენ. რამდენიმე თანამშრომელი აკრიტიკებს იმ ფაქტს, რომ შიდა კონტროლის სტრუქტურების შესახებ თითქმის არანაირი დეტალი არ გამოქვეყნებულა. ისინი მიუთითებენ, თუ როგორ მოხდა სავარაუდო მანიპულაციები და რატომ არ იქნა ყურადღება მიქცეული ბოლო წლებში გამაფრთხილებელ ნიშნებზე.კრიტიკულად განიხილება კალასის მიერ ახალი ანტიკორუფციული სტრატეგიის მინიშნებაც. კითხვა, თუ რატომ გახდა ასეთი ზომები აუცილებელი მხოლოდ მისი მანდატის ფარგლებში და იყო თუ არა სააგენტო სტრუქტურულად კორუფციისადმი მიდრეკილი მანამდე, პასუხგაუცემელი რჩება. მიუხედავად იმისა, რომ კაია კალასი ამჟამად პოლიტიკური ზიანის შეზღუდვას ცდილობს, ევროპარლამენტში მემარჯვენე კონსერვატიული ჯგუფები, ამჟამინდელ კორუფციულ სკანდალს ბრიუსელის ხელმძღვანელობის მისამართით მწვავე კრიტიკის გასავრცელებლად იყენებენ. საუბარია იმაზეც, რომ ევროკომისიის მხრიდან ჯერჯერობით მხარდაჭერა გამოხატული არ ყოფილა ევროკავშირის უმაღლესი წარმომადგენლის მიმართ. "ბოლო თვეების განმავლობაში, კომისიის პრეზიდენტ ურსულა ფონ დერ ლაიენსა და კალასს შორის უკვე მიმდინარეობდა ძალაუფლებისთვის ბრძოლა, რომელშიც საბოლოოდ ევროკომისიის პრეზიდენტმა გაიმარჯვა," - ვკითულობთ სტატიაში, სადაც ასევე საუბარია კალასის კრიტიკოსების მტკიცებაზე, რომ სკანდალი ფუნდამენტურ კითხვებს ბადებს ევროკავშირის ინსტიტუტებში შიდა კონტროლის მექანიზმებთან და გამჭვირვალობასთან დაკავშირებით. გარდა ამისა, ოპოზიციონერი ევროპარლამენტარები აფრთხილებენ საზოგადოებას, რომ გამჭვირვალობის ნაკლებობა საფრთხეს უქმნის ევროკავშირის ინსტიტუტების მიმართ სანდოობას და ზოგადად, საზოგადოების ნდობას. ეს ყველაფერი კი ხდება "ისედაც მგრძნობიარე დროს, როდესაც ევროკავშირი ძალიან სუსტ გეოპოლიტიკურ პოზიციაშია.„Berliner Zeitung-ის სტატიაში ნათქვამია ისიც, რომ კაია კალასი, რომელიც წარსულში კანონის უზენაესობისა და გამჭვირვალობის დამცველად წარმოაჩენდა თავს, გამოძიებების გამო, რა თქმა უნდა, გაძლიერებული კონტროლის ქვეშაა. გამოცემის ცნობით, ისიც ხშირად აღინიშნება, რომ საგარეო საქმეთა სამსახურში სტრუქტურული სისუსტეები, როგორც ჩანს, წლების განმავლობაში შეუმჩნეველი დარჩა.