ირაკლი კობახიძე – კომპანიას, რომელიც დუბაის სასწაულის შემოქმედია, მძიმე ბიზნეს და პოლიტიკური წარსულის მქონე ადამიანები უწუნებენ რეპუტაციას

მიწის ნაკვეთების თანამესაკუთრედ რჩება საქართველოს სახელმწიფო, რაც შეეხება მიწის გასხვისებას, პარტნიორ კომპანიას არ აქვს მიწის გასხვისების არავითარი შესაძლებლობა, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში, ინტერპელაციის წესით მოსმენისას განაცხადა.მისივე თქმით, ეს მიწები შეიძლება, მხოლოდ ერთადერთი დანიშნულებით იყოს გამოყენებული და ეს არის უშუალოდ კონკრეტული დეველოპერული პროექტის განხორციელება.„ესეც არის გარანტირებული იმ ხელშეკრულებით, რომელიც დადებულია სახელმწიფოსა და „იგლ ჰილსს“ შორის. ორივე ნაკვეთი არის არასასოფლო-სამეურნეო დანიშნულების მიწა, რომელსაც მშენებლობის დასრულების შემდეგ, ავტონომიური დატვირთვა აღარ ექნება და ეს მიწა იქნება დამაგრებული შესაბამის შენობა-ნაგებობებზე ანუ, ცალკე მიწას ავტონომიური დატვირთვა აღარ ექნება იმიტომ, რომ ეს არის არასასოფლო-სამეურნეო დანიშნულების მიწა. ერთ-ერთი მესიჯია ამ პროექტის ოპონენტების ის, რომ ქართული მიწა იყიდება უცხოელებზე. ძალიან მარტივად შეიძლება ითქვას, რომ არავითარი ქართული მიწა უცხოელებზე არ იყიდება. ძალიან მარტივია აქ გზავნილი, რომელიც შეგვიძლია, საზოგადოებას გავუზიაროთ“, – განაცხადა პრემიერ-მინისტრმა.პრემიერის თქმით, არავითარი არსებითი პუნქტი აღნიშნული ხელშეკრულებიდან საზოგადოებისთვის უცნობი არ არის.„მე მინდა, გთხოვოთ პარლამენტარებს, თეორიულად წარმოიდგინეთ რაიმე პუნქტი, რაც შეიძლება, იყოს შეტანილი ამ ხელშეკრულებაში და რომელთან დაკავშირებითაც გსურთ ინფორმაციის მიღება. ერთ-ერთი ასეთი თეორიული საკითხი წამოჭრა ერთ-ერთი პარტიის წარმომადგენელმა, მან ეჭვი გამოთქვა, რომ მეჩეთების აშენებაა გათვალისწინებული ამ ხელშეკრულებით. თუნდაც ასეთი თეორიული კითხვები შეგიძლიათ დასვათ, ხომ არ არის რაიმე ასეთი ჩადებული ხელშეკრულებაში და როგორც მეჩეთების შემთხვევაში შეგვიძლია განვმარტოთ, რომ, რა თქმა უნდა, არავითარი მეჩეთების აშენება არაა გათვალისწინებული ამ ხელშეკრულებით, გიპასუხებთ. მეტიც, ზოგადად შეიძლება ითქვას, რომ არავითარი არაკომერციული შინაარსის პუნქტი არაა შეტანილი ხელშეკრულებაში. იგივე ავიღოთ მეჩეთები, ან თუნდაც შეღავათები უცხოელი მყიდველებისთვის. არავითარ შეღავათებს არ ითვალისწინებს ეს ხელშეკრულება, მათ შორის, ბინადრობის ნებართვის გაცემის კუთხით. მით უმეტეს, არავითარი დისკრიმინაციული პუნქტები არ არის შეტანილი საქართველოს მოქალაქეების საზიანოდ. მაგალითად, არ წერია, აქ ვინ შეიძლება იყოს დასაქმებული, მყიდველი და ა.შ. ეს ყველაფერი დარეგულირდება შესაბამისი საბაზრო ურთიერთობებით, ისევე, როგორც ეს ხდება ხოლმე სხვა ინვესტიციების შემთხვევაში. თქვენ შეგიძლიათ, ნებისმიერი თეორიული კითხვა დასვათ, თუ არის რაიმე თეორიული პუნქტი, რაც შეიძლება იყოს შეტანილი ამ ხელშეკრულებაში, რომელიც შესაძლოა, თქვენი აზრით იყოს საზიანო სახელმწიფოსთვის, ჩვენი მოქალაქეებისთვის და მარტივად გიპასუხებთ. ყველა არსებითი საკითხი, რაც არის გათვალისწინებული ამ ხელშეკრულებაში, საზოგადოებისთვის არის ცნობილი და გამომდინარე მაღალი საზოგადოებრივი ინტერესებიდან, ეს ინფორმაცია პირადად მეც გავუზიარე საზოგადოებას,“- განაცხადა მთავრობის მეთაურმა.

ჩვენი ოპონენტები ამბობენ, რომ 12 ათასი დოლარი ეღირება ბინა ამ ტერიტორიებზე – გონიოსა და კრწანისში, ერთსა და იმავეს ამბობენ „ლელო“, „ალტ ინფო“ და „ნაცმოძრაობა“, მათემატიკა არ არის ამ ადამიანების ძლიერი მხარე, არც ჰუმანიტარულ საგნებში არიან ძლიერები, თუმცა მათემატიკაში განსაკუთრებული სისუსტე აღენიშნებათ, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.კობახიძის თქმით, არაბული ინვესტიციის წინააღმდეგ ხელისუფლების ოპონენტებს კოორდინირებულია კამპანია აქვთ წარმოებული.„როდესაც შენდება ბინები, დაახლოებით 80 პროცენტს ყიდულობენ საქართველოს მოქალაქეები და 20 პროცენტს უცხო ქვეყნების მოქალაქეები. ჩვენ ვფიქრობთ, რომ ამ პროექტის მაჩვენებლებიც იქნება დაახლოებით იგივე. ეს არ არის მხოლოდ ჩვენი ზოგადი დასკვნა. აქაც ოპონენტები სპეკულირებენ, რომ ბინის ფასი იქნება ძალიან მაღალი და საქართველოს მოქალაქეებს არ ექნებათ ამ პროექტში ბინების შეძენის შესაძლებლობა. ერთი და იგივე რიცხვებს ატრიალებენ, ჩანს, რომ კოორდინირებულია ეს კამპანია. ამბობენ, რომ 12 ათასი დოლარი ეღირება ბინა ამ ტერიტორიებზე – გონიოსა და კრწანისში, რაც არაფერს ეფუძნება. ერთი და იგივეს ამბობენ „ლელო“, „ალტ ინფო“ და „ნაცმოძრაობა“. მათემატიკა არ არის ამ ადამიანების ძლიერი მხარე, არც ჰუმანიტარულ საგნებში არიან ძლიერები, თუმცა მათემატიკაში განსაკუთრებული სისუსტე აღენიშნებათ. რომ დავთვალოთ, 16 ათასი ბინა საშუალოდ რომ ავიღოთ 100 კვადრატული მეტრი, გამოდის, მილიონ 600 ათასი კვადრატული მეტრი გასაყიდი ფართი, ეს ყველაფერი 12 ათას დოლარად რომ გაყიდოს კომპანიამ, გამოდის, რომ შემოსავალი მარტო ბინების ნაწილში უნდა იყოს 19,2 დოლარი. რამხელა მოგებაზე უნდა გავიდეს კომპანია, საუბარი, კოლოსალურ მოგებაზე. ამ შემთხვევაში სახელმწიფოს მოგების სახით შემოუვა არა 2 მილიარდი ლარი, არამედ 4 მილიარდი დოლარი. რა მასშტაბით არიან აცდენილები ჩვენი ოპონენტები, შეგიძლიათ განსაჯოთ“, – განაცხადა კობახიძემ.

ამერიკელი სენატორი ჯინ შაჰინი აცხადებს, რომ უკრაინას ახლა ევროპაში ყველაზე დიდი ჯარი ჰყავს. ამის შესახებ შაჰინმა „სიენენთან“ ინტერვიუში განაცხადა.მისი თქმით, რუსეთის მხრიდან ნებისმიერი მცდელობა, განსაზღვროს უკრაინის ჯარის ქმედება, მიუღებელია.„უკრაინას ახლა ჰყავს ყველაზე დიდი ჯარი ევროპაში. ისინი ტექნოლოგიურად ყველაზე განვითარებულები არიან. ჩვენ გვსურს, რომ ეს არმია მოკავშირეების მხარეს იყოს და მომავალ კონფლიქტში ევროპასა და შეერთებულ შტატებთან ერთად იბრძოლოს. ჩვენ უნდა დავრწმუნდეთ, რომ ეს დაცულია. ჩვენ უნდა დავრწმუნდეთ, რომ უკრაინის სუვერენიტეტი დაცულია“, – განაცხადა შაჰინმა. 

Emaar/Eagle Hills-ი არის ე.წმ დუბაის სასწაულის შემოქმედი, სწორედ Emaar-ის და Eagle Hills-ის მიერ განხორციელებული პროექტების შედეგად, რამდენჯერმე გაიზარდა დუბაის არა მხოლოდ ტურისტული, არამედ საერთო ეკონომიკური პოტენციალიც, – ამის შესახებ საქართველოს პრემიერ-მინისტრმა ირაკლი კობახიძემ პარლამენტში, ინტერპელაციის წესით მოსმენისას განაცხადა.მთავრობის მეთაურის თქმით, Eagle Hills-ი არის მსოფლიოში ცნობილი ბრენდი, რომლის საქართველოში შემოსვლა არის სიგნალი სხვა ინვესტორებისთვისაც.„საუბარია ასეთი ტიპის კომპანიაზე, რომელსაც ძალიან მძიმე, მათ შორის ბიზნესწარსულის და პოლიტიკური წარსულის ადამიანები უწუნებენ რეპუტაციას. საზოგადოებისთვის ალბათ ყველაფერი ნათელია ამასთან დაკავშირებით. როდესაც გაივლით დუბაის ცენტრში, ნახავთ, რომ სწორედ ამ კომპანიის აშენებულია შენობების დაახლოებით 80%. მათ შორისაა მსოფლიოში ყველაზე მაღალი შენობა ბურჯ ხალიფა. გასაგებია, როგორიც არის ამ კომპანიის საერთაშორისო რეპუტაცია, თუმცა, აქაც კი ახერხებენ ამ საინვესტიციო პროექტის ოპონენტები, რეპუტაცია დაუწუნონ კომპანია Emaar-ს და Eagle Hills-ს. გარდა იმისა, რომ ეს კომპანია არის დუბაის სასწაულის უშუალო შემოქმედი, მას წარმატებით აქვს განხორციელებული პროექტები არაერთ სხვა ქვეყანაში და ამის უამრავი მაგალითი არსებობს. Eagle Hills-ი არის მსოფლიოში ცნობილი ბრენდი, რომლის საქართველოში შემოსვლა არის სიგნალი სხვა ინვესტორებისთვისაც, აქედან გამომდინარე, გვერდითი დადებითი ეფექტიც არაერთი ექნება ამ ინვესტორის შემოსვლას ჩვენს ქვეყანაში“, – განაცხადა ირაკლი კობახიძემ.

„ლელო – ძლიერი საქართველოს“ წევრი ირაკლი კუპრაძე პარლამენტში ინტერპელაციის წესით პრემიერ-მინისტრ ირაკლი კობახიძის მოსმენას ეხმაურება.კუპრაძის თქმით, კობახიძემ პლენარულ სესიაზე „იგლ ჰილსის“ პროექტთან დაკავშირებით რამდენიმე მნიშვნელოვან შეკითხვას უნდა გასცეს პასუხი.„საქართველოს არალეგიტიმურ პარლამენტში არალეგიტიმური პრემიერ-მინისტრი, ირაკლი კობახიძე პროპაგანდისტულ შოუს წარმოადგენს, რომელიც მხოლოდ ანტი „ქართული ოცნების” და ივანიშვილის სუბიექტურ, კერძო ინტერესებს წარმოადგენს. რა თქმა უნდა, ინტერპელაციის წესით, „ქართული ოცნების“ მხრიდან ირაკლი კობახიძის დაბარება, ივანიშვილისთვის და თავად კობახიძისთვის ემსახურება იმას, რომ საქართველოს პარლამენტის უმაღლესი ტრიბუნა არალეგიტიმურმა პრემიერმა პროპაგანდისტულად გამოიყენოს. რისთვის? იმისთვის, რომ არაბულ პროექტებთან დაკავშირებით კიდევ ერთხელ ცადოს და პროპაგანდით გააყრუოს, დააბინძუროს საქართველოს მოქალაქეების გონება.ფაქტობრივი მოცემულობაა, რომ ამ თვეების განმავლობაში, ანტიქართული ოცნება და ივანიშვილი ცდილობენ, ეს პროექტი ეროვნული ინტერესების ღალატის ნაცვლად, როგორც მნიშვნელოვანი პროექტი, ისე შემოასაღოს. სინამდვილეში კი, პროექტი საქართველოს მოსახლეობის ინტერესებს ლახავს. ჩვენ კიდევ ერთხელ გვინდა, საქართველოს მოქალაქეებს შევახსენოთ, რომ ანტიქართული და ანტიეროვნული „ოცნება“ აპირებს 9 მილიონი კვადრატული მეტრის, საუკეთესო ტერიტორიების არაბული კომპანიისთვის გადაცემას. ამ ყველაფერს ინვესტიციასთან არანაირი კავშირი არ აქვს, ეს არის საქართველოს სიმდიდრის გაცემა, ყოველგვარი რაციონალური არგუმენტაციისა და ყოველგვარი ეროვნული ინტერესების გათვალისწინების გარეშე. ვნახავთ, რომ ირაკლი კობახიძე არცერთ კრიტიკულ შეკითხვას პასუხს არ გასცემს და 15 შეკითხვა, რომელიც ინტერპელაციის პროცესზეა რეგისტრირებული, ანტიქართული „ოცნების“ წევრების მხრიდან იქნება დასმული ისე, რომ ეს კობახიძეს მისცემს შესაძლებლობას, კითხვებს პროპაგანდისტული გზავნილებით უპასუხოს.პასუხი უნდა გაეცეს რამდენიმე მნიშვნელოვან შეკითხვას:სასწრაფოდ უნდა გასაჯაროვდეს ხელშეკრულება, რომელიც ივანიშვილმა და ირაკლი კობახიძემ გაასაიდუმლოა. ეს ეხება არაბული კომპანიისთვის ქართული მიწის 9 მილიონი კვადრატული მეტრის გადაცემას, კონკრეტული პირობების გარეშე. ეს ხელსეკრულება არ იძლევა სანდოობას. არ ვიცით, დარღვეულია თუ არა საქღთველოს მოქალაქეების შრომითი უფლებები, შრომითი ინტერესები, მათი დასაქმების შესაძლებლობა. რა ტიპის გარემოსდაცვითი რეგულაციები არსებობს, როგორ უნდა მოხდეს ამ კერძო საკუთრების გასხვისება და ასე შემდეგ. არსებობს უამრავი შეკითხვა; რატომ არ ჩატარდა აუქციონი საჯაროდ, მაშინ, როდესაც საქართველოში ყველა მნიშვნელოვან პროექტზე ჩატარებულია აუქციონი და სხვადასხვა კომპანიისთვის შეთავაზება საჯაროდ არის გაკეთებული. რატომ არ მიეცა მსგავს მნიშვნელოვან პროექტში, თუნდაც ქართულ კომპანიებს მონაწილეობის შესაზლებლობა? რატომ დაუთმო ივანიშვილმა და კობახიძემ უპირობოდ არაბულ უცხოურ კომპანიას 9 მილიონი კვადრატული მეტრის საუკეთესო ტერიტორია თბილისში ტყე-პარკში, რომელიც მცხეთის ტოლა ტერიტორიაა და ბათუმში, გონიოს სანაპირო ერთ- ერთი საუკეთესო ტერიტორია, რომელიც სიღნაღის ზომის ქალაქს წარმოადგენს?;სად არის ის 1.2 მილიარდი დოლარი, რომელიც ინვესტიციის სახით უნდა იყოს ასახული რომელიმე ანგარიშში ან რაიმე თანამონაწილეობის სახით. ეს არის ის 2/3, რა წილიც არაბულმა კომპანიამ მიიღო. საქართველოს სახელმწიფო აპირებს, ეს 1/3 კომპანიის საკუთრების სახით ჩადოს მილიარდი დოლარის ღირებულების ქართული მიწა, მაგრამ სად არის 1, 2 მილიარდი დოლარი, რომელიც არაბულმა კომპანიამ უნდა ჩადოს. ის არ არსებობს;როგორ ხდება ისე, რომ არ არსებობს განაშენიანების გეგმა? არ არსებობს, სამშენებლო ნებართვის შესახებ არანაირი გადაწყვეტილება, გარემოს დაცვის რეგულირების შესახებ გადაწყვეტილებები და პარალელურად, დაწყებულია გაყიდვები არსებული ე.წ. არაბული ქალაქების მშენებლობის პროცესში.აქ გვაქვს შეხება კიდევ ერთ აფიორასთან, სადაც არაბული კომპანია 1,2 მილიარდი დოლარის ჩადების ნაცვლად, ისევ წინასწარი გაყიდვებით, ისევ საქართველოს მოქალაქეების ან უცხო ქვეყნის მოქალაქეების გავლით ცდილობს, არარსებული ინვესტიცია თავის ბენეფიტად აქციოს. ეს არის ტყუილი, რაშიც ივანიშვილი და კობახიძე, პირველ რიგში „ქართული ოცნების“ მხარდამჭერებს ამყოფებს. ამიტომ ჩვენი მთავარი მოთხოვნაა, სასწრაფოდ გასაჯაროვდეს ხელშეკრულება, გასაჯაროვდეს ის პირობები, რას მოაწერა ხელი ივანიშვილმა. იმ ხელისუფლების მხრიდან საუბარი, რომელთა თითოეული თანამდებობის პირი, დაწყებული პრემიერ-მინისტრიდან, დამთავრებული აუდიტის სამსახურით, კორუფციაშია ბრალდებული, თითქოს სახელმწიფოს და საქართველოს მოქალაქეების ინტერესები არის დაცული, ჩემთვის დამაჯერებელი არ არის. „ქართული ოცნება“, რომელიც კორუფციაშია ჩაფლული, ნდობას არ იმსახურებს, რომ მსგავსი მნიშვნელობის პროექტზე გასაიდუმლოებულ ხელშეკრულებაში საქართველოს მოქალაქე ენდოს“, – განაცხადა ირაკლი კუპრაძემ.