,,2012 წელს არამხოლოდ გადავრჩით, არამედ გავიმარჯვეთ კიდეც, თუმცა, მოპოვებულ თავისუფლებას თუ არ გავუფრთხილდით ყველაფრს დავკარგავთ, რაც ამდენი წლის განმავლობაში გვიშენებია” – ბიძინა ივანიშვილი

დამოუკიდებელი საქართველოს ისტორიაში ყველაზე მნიშვნელოვანი გამარჯვებიდან 13 წელი გავიდა. პირველი ოქტომბერი თანამედროვე საქართველოსთვის ერთიანობის, ღირსების, თეთრის შავზე და სიკეთის ბოროტებაზე გამარჯვების სიმბოლოდ იქცა! - აღნიშნულია „ქართული ოცნების“ საპატიო თავმჯდომარის, ბიძინა ივანიშვილის განცხადებაში, რომელსაც პარტია ავრცელებს.„2012 წლის პირველი ოქტომბერი საქართველოს მრავალსაუკუნოვანი ისტორიის განმავლობაში მოპოვებული ღირსშესანიშნავი გამარჯვებების გვერდით კუთვნილ, გამორჩეულ ადგილს იკავებს, რადგანაც ეს დღე ჩვენი ქვეყნის უახლეს, დამოუკიდებლობის 35-წლიან ისტორიაში, ერთი მხრივ, ავტორიტარიზმს, გარე ინტერესების მორჩილებას, შიშსა და ტერორს, ხოლო, მეორე მხრივ, დემოკრატიას, ეროვნული სუვერენიტეტის ერთგულებასა და თავისუფლებას შორის უმთავრეს წყალგამყოფად იქცა!ეს დღე არ ეკუთვნის კონკრეტულ ადამიანებს ან რომელიმე პოლიტიკურ პარტიას, 1 ოქტომბრის მთავარი შემოქმედი ქართველი ხალხია, რომელიც ჩვენი წინაპრების შეგონების, ტრადიციების, ქრისტიანული ღირებულებების ერთგულია და რომელსაც არასდროს დაუხრია თავი შიდა თუ გარე მტრებისთვის!ქართველ ხალხს ერთი განსაკუთრებული თვისება გამოარჩევს, რომელიც ჩვენი მრავალსაუკუნოვანი ბრძოლის ისტორიის განმავლობაში გამოვიმუშავეთ - ქვეყნისთვის კრიტიკულ მომენტში, როდესაც დაღუპვის საფრთხე მართლაც რეალური ხდება, ყოველთვის სწორ მხარეს ვირჩევთ, ყოველთვის ვახერხებთ შავისა და თეთრის გარჩევას, ვდგებით იქ, სადაც თავისუფლება, სამართლიანობა, ურთიერთპატივისცემა, სიყვარული, ღირსება და დამოუკიდებლობა გვეგულება.2012 წლის პირველი ოქტომბერი კი სწორედ ამ იდეალებს დაეფუძნა და იმ ბრძოლის გარდაუვალ დასასრულად იქცა, რომელიც პირადად მე, „ქართულმა ოცნებამ“ და, მისმა უდიდებულესობა ქართველმა ხალხმა 2011 წლიდან, გარე ძალებს მორჩილ შიდა მტრებთან დავიწყეთ.13 წელი მართლაც დიდი დროა, თუმცა, 2012 წლის პირველი ოქტომბრის იდეალები არსად გამქრალადა ჩვენი გუნდის მოქმედების მთავარი საფუძველიც სწორედ ეს ღირებულებებია. ამის საუკეთესო შემფასებელი კი კვლავ ბრძენი ქართველი ხალხია, რომელიც დღესაც ისევე გვაძლევს უფლებას მათ წარმოვადგენდეთ, როგორც 2012 წელს და რომელსაც ვერც სიცრუით, ვერც პროპაგანდით, ვერც დაპირებებით, ვერავინ გააცურებს!ამ ისტორიული გამარჯვებიდან მოყოლებული, ჩვენ ერთად ვცდილობთ მეტ კეთილდღეობას, სიმდიდრეს, ეკონომიკურ სიმყარეს მივაღწიოთ, ნაბიჯ-ნაბიჯ მივიწევთ ჭეშმარიტი დამოუკიდებლობისა და მყარი სუვერენიტეტის მისაღწევად, თუმცა, ამ გზაზე უმთავრეს ბარიერად რადიკალიზმის, ურთიერთდაპირისპირების, ხელოვნური შუღლის შემოქმედი ძალები გვევლინება, რომლებიც ამჯერად ოპოზიციის სახელით ებრძვიან საკუთარ ხალხსა და ქვეყანას, ცდილობენ წარსულსა და უძრაობაში, უცხო ინტერესების მორჩილებაში დაგვაბრუნონ.მიუხედავად მათი მცდელობებისა, ჩვენ მართლაც ხელშესახებ შედეგებს მივაღწიეთ. თუ გვერდით გადავდებთ პროპაგანდასა და უხეშ რიტორიკას, შეუიარაღებელი თვალითაც ჩანს, რომ დამოუკიდებლობის მოპოვების შემდეგ, „ქართული ოცნების“ ხელისუფლება ერთადერთი მმართველი ძალაა, რომელიც უწყვეტ მშვიდობას ინარჩუნებს, ამავდროულად კი, არ არსებობს არც ერთი სფერო, რომლის მიმართულებითაც 2012 წელთან შედარებით მდგომარეობა კარდინალურად არ არის გაუმჯობესებული, - ამას ადასტურებს არაერთი საერთაშორისო რეიტინგი, ობიექტურ კრიტერიუმებზე დაფუძნებული კვლევები და რაც მთავარია, ისევ და ისევ ქართველი ხალხი, რომელიც კვლავაც გვენდობა და ქვეყნის მართვის მანდატს გვანიჭებს!განვლილი 13 წელიწადი ჩვენი მრავალსაუკუნოვანი ყოფის ლოგიკური გაგრძელებაა. 2012 წელს არამხოლოდ გადავრჩით, არამედ გავიმარჯვეთ კიდეც, თუმცა, მოპოვებულ თავისუფლებას თუ არ გავუფრთხილდით ყველაფერს დავკარგავთ, რაც ამდენი წლის განმავლობაში გვიშენებია! საქართველოს ისტორიაც სწორედ ეს არის - მუდმივი ბრძოლა, რომელიც სხვადასხვა დროს გადარჩენისთვის თავგანწირვაში, დამოუკიდებლობის მოპოვებაში, ანგარიშგასაწევი სახელმწიფოს ჩამოყალიბებაში, მამულის, ენისა და სარწმუნოების - ქართველობის მთავარი განმსაზღვრელების შენარჩუნებაში ვლინდებოდა. დღეს ჩვენ კვლავ ვიბრძვით, თუმცა,სახეცვლილ მტერთან და გამოწვევებთან, დღეს ჩვენი ბრძოლის ხაზი მშვიდობისა და სტაბილურობის შენარჩუნებაზე გადის, რაც განვითარების, უკეთესი მომავლის, ერთიანი საქართველოსკენ მიმავალი ერთადერთი გზაა.კარგად უნდა გავიაზროთ, რომ დღეს კვლავ ბეწვის ხიდზე გავდივართ და არ გვაქვს უფლება, ფეხი დაგვიცდეს. უნდა გვესმოდეს, რომ სუვერენიტეტისა და დამოუკიდებლობისთვის მუდმივ ბრძოლას მუდმივი სიფხიზლე სჭირდება.რა თქმა უნდა, განვლილ 13 წელიწადში იყო შეცდომებიც, თუმცა, საბედნიეროდ, არა იმ ხარისხის, რომ ჩვენს სახელმწიფოებრიობას თუ ფიზიკურ არსებობას საფრთხე დამუქრებოდა, არა იმ ხარისხის, რომლის გამოსწორება და აღმოფხვრაც შეუძლებელი იქნებოდა.პირადად ჩემთვის, უმძიმესია, რომ განვლილ წლებში ჩვენი გუნდის შიგნით იყო მუხანათური ღალატიც, რამაც არამხოლოდ „ქართული ოცნება“ დააყენა კრიზისის წინაშე, არამედ, ქართველ ხალხსა და ჩვენს ქვეყანას შეუქმნა განვითარების ტრაექტორიიდან აცდენის, ქვეყნის სათავეში უცხო ინტერესების მორჩილი ძალების დაბრუნების რეალური საფრთხე. წარსულში ჩვენი გუნდის არაერთმა წევრმა გადაწყვიტა, რომ გავლენიანი უცხო ძალების მორჩილებაში გადასვლას ან ჩვენი მოქალაქეების ინტერესების დაზიანების ხარჯზე პირადი კომფორტისთვის ზრუნვას, მათთვის დიდი სარგებლის მოტანა შეეძლო, შესაბამისად, გუნდისა და ქვეყნის ინტერესების გვერდით გადადებაც ღირდა, თუმცა, ჩვენ ამასაც გავუძელით! ამ პროცესში, ისე, როგორც 2011 წლიდან მოყოლებული, ქართული საზოგადოების, ჩვენი ბრძენი ხალხის გვერდში დგომა მაძლევდა და გვაძლევდა ბრძოლის შემართებას, გვიმყარებდა რწმენას, რომ ყველა სირთულის გადალახვა შეგვეძლო.და მართლაც, სწორედ მუდმივმა სიფხიზლემ, სიმართლის მხარეს დგომამ და სუვერენიტეტის გამყარებაზე გამუდმებულმა ზრუნვამ მიგვიყვანა იქამდე, რომ ყველა მოღალატე ვამხილეთ, შიდა მტრებს ვაიძულეთ, ეღიარებინათ, რომ მათ ქმედებას არა ეროვნული, არამედ, გარე ინტერესი უდევს საფუძვლად. მეგობრისა და პარტნიორის ნიღაბს ამოფარებულ კონკრეტულ უცხო ძალებს ღიად მოუწიათ ეღიარებინათ, რომ ჩვენგან მათი ინტერესების მორჩილებას მოითხოვენ!სწორედ ამიტომ, ჩვენი ქვეყნისა და ხალხის წინააღმდეგ გაიზარდა ზეწოლა და შანტაჟი, რომელმაც სხვადასხვა ფორმა მიიღო. ბუნებრივია,გარე გამოწვევების, რეგიონში მიმდინარე დამანგრეველი ომების ფონზე, ჩვენს სუვერენიტეტზე თავდასხმები უფრო და უფრო ხშირდება და კიდევ უფრო მძაფრი ხდება, თუმცა, კონკრეტულ ძალებს უწევთ, რომ ეს არა შიდა მტრების, როგორც ამას წლების მანძილზე აკეთებდნენ, არამედ გარე მტრების ხელით გააკეთონ.ამ ფონზე, ქვეყნის შიგნით მოქმედი მათი დასაყრდენი აგენტები, რომლებიც ოპოზიციურ პარტიებსა და ე.წ. არასამთავრობო სექტორში უხვად არიან გაბნეული, ერთი შეხედვით დასუსტდნენ, თუმცა, კარგად უნდა გვესმოდეს, რა ძალები ცდილობენ ჩვენი ქვეყნის საკუთარი ინტერესებისთვის დაქვემდებარებას.მათთვის არანაირ პრობლემას არ წარმოადგენს, ჩვენი მოქალაქეების თვალის ასახვევად, ერთი ცნობადი სახის სხვა ადამიანით, ერთი პარტიის სხვა პარტიით, ან თუნდაც, ერთი ტელევიზიის სხვა ტელევიზიით ჩანაცვლება. მათ შეუძლიათ საქართველოს წინააღმდეგ მოქმედი ახალ-ახალი უცხოელი პოლიტიკოსები, ე.წ. გავლენიანი ექსპერტები გამოიყვანონ სცენაზე, რომლებიც სიცრუეში უკვე მხილებულ, მსგავსი რანგის ადამიანებს ჩაანაცვლებენ, თუმცა, უჭირთ გააზრება, რომ ვეღარ მოგვატყუებენ. დღეს ჩვენი საზოგადოება გულისყურით უსმენს იდეებსა და აზრებს, ხოლო ანალიზის საფუძველზე ლოგიკურ დასკვნებს აკეთებს, რაც მთავარია, ქართველი ხალხისთვის ავტორიტეტს არა კონკრეტული სახელები და გვარები, რეგალიები ან ხელოვნურად შექმნილი გავლენიანი პოლიტიკოსები, არამედ სიმართლე წარმოადგენს!და მაინც, გასული 13 წლის განმავლობაში „ქართული ოცნების“ მთავარი მონაპოვარი არის ის, რომ გუნდმა ისწავლა მოვლენებისა და ფაქტების სწორად შეფასების უნარი. ამასთანავე, უდიდესი მონაპოვარია ისიც, რომ საზოგადოება ჩვენთან ერთად გაიზარდა და თავადაც შესანიშნავად ახერხებს სწორი ანალიზის გაკეთებას, რათა ყველაფერს ერქვას თავისი სახელი. ჩვენ, ქართველ ხალხთან ერთად წარმატებით გავანეიტრალეთ წინა ხელისუფლების მიერ, გარე პატრონებისგან ათვისებული მთავარი იარაღი - თეთრი შავად წარმოეჩინათ, შენება ნგრევად, ხოლო სიკეთე -ბოროტებად. საზოგადოებასთან ერთად, წარმატებით გავანეიტრალეთ თავსმოხვეული ფსევდოლიბერალური იდეოლოგია, რომელიც დამნაშავე რეჟიმს დემოკრატიის შუქურად წარმოაჩენდა, ხოლო, ჭეშმარიტად დემოკრატიულ ხელისუფლებას დიქტატურას უწოდებს. დღეს ჩვენ აღარ გვეშლება ხარისხობრივი შეფასება იმისა, თუ ვინ მეგობარია და ვინ - მტერი. კარგად გავაანალიზეთ, რომ არც ერთი უცხო ძალა ჩვენს დასახმარებლად არ იღვწის, ყველას საკუთარი ინტერესები და სურვილები ამოძრავებს.ცხადია, არავისთან პარტნიორობაზე უარს არ ვამბობთ, თუმცა, ეს არ უნდა მოხდეს ჩვენი ქვეყნის სუვერენიტეტის დასუსტების და საქართველოს გამოყენების ხარჯზე. მტკიცედ ვდგავართ პოზიციაზე, რომ პარტნიორობა და მეგობრობა უნდა იყოს ორმხრივი.ჩვენი ერთიანობის, 1 ოქტომბრის იდეალების, განვლილი წლების მონაპოვრისა და მიღწევების დაცვის თვალსაზრისით კიდევ ერთი გამოცდა გველოდება 4 ოქტომბერს. მოახლოებულ ადგილობრივი თვითმმართველობის არჩევნებში ნიღაბჩამოხსნილი შიდა და გარე მტრები არეულობის, სახელმწიფო გადატრიალებისა და საკუთარი მიზნების განხორციელების კიდევ ერთ შესაძლებლობას ხედავენ.მათ რეალურ ზრახვებში სულ უფრო და უფრო ბევრი ადამიანი რწმუნდება, მათი მხარდაჭერაც ყოველდღიურად იკლებს, საქართველოში სახელმწიფო ინსტიტუტებიც დღეს ისეთი მყარია, როგორც არასდროს, ეს კი არწმუნებთ, რომ ერთადერთი შანსი დარჩათ, რაც კიდევ უფრო მეტ რადიკალიზმს, საკუთარ სახელმწიფოზე და, შესაბამისად, ხალხზე პირდაპირ თავდასხმას გულისხმობს.ამ ფონზე, 4 ოქტომბერს გვაქვს შანსი ყველას კიდევ ერთხელ დავანახოთ, რომ ჩვენი ბრძოლა დღეს საარჩევნო უბნებზე მისვლასა და თავისუფალი არჩევანის გაკეთებაზე, მშვიდობისა და სტაბილურობის შენარჩუნებაზე გადის. დღეს გვაქვს შესაძლებლობა 2012 წელს მოპოვებული მშვიდობიანი გამარჯვება საბოლოოდ, მშვიდობიანადვე გავაფორმოთ, რადიკალიზმი და ურთიერთდაპირისპირება გუშინდელ დღედ ვაქციოთ, შემდეგ კი, მეტი განვითარებისა და კეთილდღეობისთვის, სიღარიბის საბოლოოდ დაძლევისთვის, სუვერენიტეტის გამყარებისა და ქვეყნის მშვიდობიანად გამთლიანებისთვის ვიბრძოლოთ!გაუმარჯოს ერთიან ქართველ ხალხს! გაუმარჯოს გაერთიანებულ საქართველოს!“ - წერს ივანიშვილი.

როგორც თბილისის მერს და ამ ქალაქში მცხოვრებ ადამიანს, მეამაყება, რომ თანამონაწილე გავხდი ამ მნიშვნელოვანი მოვლენის და დღეს მაქვს პატივი, მივულოცო თბილისელებს „პარაგრაფ თაბორის” გახსნა, - ამის შესახებ თბილისის მერმა, კახა კალაძემ სასტუმრო კომპლექსის „პარაგრაფ თაბორის“ გახსნის ღონისძიებაზე სიტყვით გამოსვლისას განაცხადა.კალაძის თქმით, „პარაგრაფ თაბორი“ საქართველოს უახლეს ისტორიაში ერთ-ერთი მასშტაბური საინვესტიციო პროექტია.„მოხარული ვარ, რომ თბილისს შეემატა სივრცე, რომელიც თავისი გამორჩეული არქიტექტურით და უნიკალური მდებარეობით, მალე ჩვენი ქალაქის სავიზიტო ბარათი გახდება. „პარაგრაფ თაბორი“ საქართველოს უახლეს ისტორიაში ერთ-ერთი მასშტაბური საინვესტიციო პროექტია. სასტუმროს, გოლფის მოედნებისა და საბაგიროს ინვესტიცია ჯამში 500 მლნ ლარზე მეტს შეადგენს. როგორც თბილისის მერს და ამ ქალაქში მცხოვრებ ადამიანს, მეამაყება, რომ თანამონაწილე გავხდი ამ მნიშვნელოვანი მოვლენის და დღეს მაქვს პატივი, მივულოცო თბილისელებს “პარაგრაფ თაბორის” გახსნა. სასტუმრო მდებარეობს თაბორის მთაზე, რომელიც საბაგირო გზით არის დაკავშირებული თავისუფლების მოედანთან. როგორც ხედავთ, აქედან საუცხოო ხედი იშლება, ხელისგულივით მოჩანს მთელი თბილისი. აქვეა ეროვნული ბოტანიკური ბაღი, დედაქალაქის კიდევ ერთი სიამაყე და მშვენება, რომლის განვითარებაშიც დიდი წვლილი აქვს შეტანილი საერთაშორისო საქველმოქმედო ფონდ “ქართუს”. მადლობა მათ მხარდაჭერისთვის“, - განაცხადა კახა კალაძემ.მანვე ახალი ტურისტული მნიშვნელობის ობიექტის შექმნისთვის და მხარდაჭერისთვის მადლობა გადაუხადა ბიძინა ივანიშვილს და „საქართველოს ტურიზმის განვითარების ფონდს“.„მინდა, მადლობა გადავუხადო „საქართველოს ტურიზმის განვითარების ფონდს“ იმისთვის, რომ მსოფლიო ტურისტულ რუკაზე მოინიშნა ასეთი მასშტაბის და მნიშვნელობის მქონე ადგილი, “პარაგრაფ თაბორის” სახით.რასაკვირველია, უდიდესი მადლობა ეკუთვნის ადამიანს, ვინც სული ჩაუდგა ამ პროექტს და კიდევ ერთი უნიკალური ადგილი შემატა თბილისს - მადლობა ბატონ ბიძინა ივანიშვილს და მის ოჯახს“, - აღნიშნა კახა კალაძემ.თბილისის მერის თქმით, დედაქალაქის განვითარების მიზნით, მუნიციპალიტეტის მერია მსგავსი პროექტების მხარდაჭერას მომავალშიც განაგრძობს.„ჩვენ, მუნიციპალიტეტი, რა თქმა უნდა, მომავალშიც ხელს შევუწყობთ ქალაქში მსგავსი ტიპის პროექტების განხორციელებას - პროექტების, რომელთაც მოაქვთ პრესტიჟი დედაქალაქისთვის, ზრდიან ტურისტულ პოტენციალს, ხელს უწყობენ მოქალაქეების დასაქმებას და კიდევ უფრო ალამაზებენ თბილისს“, - განაცხადა კახა კალაძემ.

მოხარული ვარ, რომ დღეს ვიმყოფები ამ საუცხოო კომპლექსის გახსნაზე, რომელიც, შეიძლება ითქვას, წარმოადგენს ქართული ტრადიციული და თანამედროვე სტუმარ-მასპინძლობის მწვერვალს, - ამის შესახებ საქართველოს პარლამენტის თავმჯდომარე, შალვა პაპუაშვილმა სასტუმრო "პარაგრაფ თაბორის" გახსნის ღონისძიებაზე სიტყვით გამოსვლისას განაცხადა.როგორც მან აღნიშნა, თაბორის მთის პროექტი, ყველაზე მკაფიოდ წარმოაჩენს ამ ჩანაფიქრს, რომელიც ცოდნით, მიზანდასახულობითა და სამშობლოს სიყვარულითაა ხორცშესხმული და რომელიც მომავალში არაერთი მსგავსი ძალისხმევის საძირკველი გახდება.მისი თქმით, ბიძინა ივანიშვილის შრომის ნაყოფს ვხედავთ არა მხოლოდ აქ, არამედ მთელს ქვეყანაში, საქართველოს სხვადასხვა წერტილში.„მოხარული ვარ, რომ დღეს ვიმყოფები ამ საუცხოო კომპლექსის გახსნაზე, რომელიც, შეიძლება ითქვას, წარმოადგენს ქართული ტრადიციული და თანამედროვე სტუმარ-მასპინძლობის მწვერვალს.ჩვენ, როგორც სტუმარ-მასპინძლობით გამორჩეულ ქვეყანას, მიზნად უნდა გვქონდეს ტურისტული ინფრასტრუქტურის ყველა საფეხურის სრული განვითარება - ზურგჩანთიანი ტურისტის საჭიროებებიდან დაწყებული, გაგრძელებული საშუალო კლასის ქსელური სასტუმროებით, ადგილობრივი მარნებით, კურორტებითა და ისტორიული ძეგლებით და დასრულებული ისეთი ულტრათანამედროვე ობიექტებით, როგორიც თაბორის ეს მშვენიერი კომპლექსია.ეს ყველაფერი ერთად, წარმოადგენს ჩვენი სამშობლოს განუმეორებელ ხიბლს, სილამაზეს და მიმზიდველობას.თაბორის მთის პროექტი, რომელიც დღეს იხსნება, ყველაზე მკაფიოდ წარმოაჩენს ამ ჩანაფიქრს, რომელიც ცოდნით, მიზანდასახულობითა და სამშობლოს სიყვარულითაა ხორცშესხმული და რომელიც მომავალში არაერთი მსგავსი ძალისხმევის საძირკველი გახდება.წარმატებით განხორციელებული ეს პროექტი არის ბატონი ბიძინა ივანიშვილის ჩანაფიქრი, შორსმჭვრეტელი გეგმა, რომელიც მან ათი წლის წინ დაისახა და მოთმინებითა და სიმტკიცით ხორცი შეასხა. მისი შრომის ნაყოფს ვხედავთ არა მხოლოდ აქ, არამედ მთელს ქვეყანაში, საქართველოს სხვადასხვა წერტილში.ბიძინა ივანიშვილის მიერ წამოწყებული საქმეები არ წარმოადგენს რიგით პროექტებს. ბოლო ათწლეულებში მან დიდი დაკვირვებით შეარჩია ის სფეროები, რომლებიც ქვეყნისთვის სტრატეგიულად თუ კულტურულ-ისტორიულად იყო მნიშვნელოვანი, განსაკუთრებით იქ, სადაც სახელმწიფოს და ბიზნესს საკმარისი რესურსი არ გააჩნდა.ამიტომ არის ყველა მისი წამოწყება ყინულმჭრელი, რომელიც თავის თავზე იღებს მთავარ ტვირთს, მთავარ შრომას და ფუძემდებლურ ინვესტიციას და ამით გზას უხსნის სხვებს. სწორედ ამგვარი ყინულმჭრელი იყო „ბლექ სი არენა“ და „პარაგრაფი შეკვეთილი“ შავი ზღვის სანაპიროსთვის, ასეთი იქნება აბასთუმნის პროექტი სამცხე-ჯავახეთისთვის და ქუთაისის საერთაშორისო უნივერსიტეტი იმერეთისთვის და ასეთია თაბორის ეს მშვენიერი კომპლექსი თბილისისთვის.ეს პროექტები საფუძველია სამომავლო საქმეებისა, რომელიც საქართველოს შემდგომმა თაობებმა უნდა ითავონ და გააგრძელონ”,- განაცხადა პაპუაშვილმა.როგორც მან სიტყვით გამოსვლისას აღნიშნა, ხვალ 1-ელი ოქტომბერია, 13 წლის წინ „ჩვენი ქვეყანა განთავისუფლდა ყველაფერი ქართულის მოძულე რეჟიმისგან და სხვათა თამაშებში საქართველოს პაიკად გამოყენების როლისგან“.მისი თქმით, მაშინაც, ბიძინა ივანიშვილმა ყინულმჭრელის როლი იტვირთა და გზა გაუხსნა ეროვნულ ინტერესებზე მდგომი და ადამიანზე მზრუნველი სახელმწიფოს მშენებლობას.„13 წელია, ყველა შიდა თუ გარე წინააღმდეგობის მიუხედავად, ჩვენი შრომით, ქვეყნის სიყვარულით და საქმის ერთგულებით, ვცდილობთ ასეთი სახელმწიფოს შენებას. ჩვენ ეს გამოგვდის, ხალხი ამას ხედავს და აფასებს.ჩვენ ვდგავართ ისტორიულ ადგილას, რომელიც მოწმეა ქართველთა მრავალი ბრძოლისა და საგმირო საქმისა. ჩვენი ბრძოლა დღეს გადის მშვიდობისა და კეთილდღეობის შენარჩუნებაზე, რასაც ქვეყნის აღმშენებლობა ჰქვია. ეს უნდა გახდეს საქართველოს გამთლიანებისა და ძლიერების საფუძველი. ეს საუცხოო კომპლექსი კი, როგორც დასახული პოლიტიკის ნამდვილი სიმბოლო, საქართველოს გამარჯვებისა და ფერიცვალების მომასწავებელი იქნება”,- განაცხადა შალვა პაპუაშვილმა.

დღეიდან დედამიწაზე მაგნიტური ქარიშხალი დადგა, რომელიც ბოლო სამი თვის განმავლობაში ყველაზე ძლიერია. ამინდისადმი მგრძნობიარე ადამიანებს გაუჭირდებათ, მაგრამ არსებობს მათი კეთილდღეობის მხარდაჭერის გზები. ექიმები გვირჩევენ:პირველ რიგში, მნიშვნელოვანია გვესმოდეს, რომ მაგნიტური ქარიშხლის რთულ დღეს, საკუთარი თავის დამშვიდების საუკეთესო გზა განცალკევებაა. განცალკევება, როგორც წესი, საკუთარი თავისა და სიტუაციის მეტაფორებისა და ალეგორიების მეშვეობით ხდება. ამიტომ, დასაწყისისთვის, წარმოიდგინეთ დედამიწა, როგორც უზარმაზარი მაგნიტი, რომელიც ყველაფერს იზიდავს, გვირჩევს ექსპერტი.„და როდესაც მზე მასზე მოქმედებს, დედამიწის გრავიტაციასა და ეფექტს შორის ბალანსი ირღვევა. ეფექტი ძლიერდება. ეს იწვევს დაღლილობას, გაღიზიანებას, თავის ტკივილს და განწყობის ცვალებადობას. ადამიანის შინაგანი ენერგიას თრგუნავს გარე ფაქტორები. ყურადღება მიაქციეთ სუნთქვას. გახადეთ ის რაც შეიძლება თანაბარი და ღრმა. კარგი იდეაა, წარმოიდგინოთ სიმშვიდისა და ჰარმონიის ჩასუნთქვა და ყველა ნეგატიური ემოციისა და პრობლემის ამოსუნთქვა.ასევე სასურველია ამ პერიოდში მეტი იმოძრაოთ: ლიფტის ნაცვლად კიბეებზე ადით, იარეთ ფეხით და ა.შ. სპორტი და დასვენებაც დაგეხმარებათ. სამუშაო დღის ბოლოს გამონახეთ მინიმუმ ნახევარი საათიდან ერთ საათამდე დასვენებისთვის, სწრაფი და სპონტანური ტემპიდან დამამშვიდებელზე გადასვლით. დამშვიდების კარგი გზაა პოზიტიურ ადამიანებთან ურთიერთობა. შეეცადეთ მოერიდოთ კონტაქტს მათთან, ვინც გაგაღიზიანებთ. სპეციალისტი გვირჩევს ურთიერთქმედებების გაფილტვრას.კიდევ ერთი კარგი მეთოდია „ღიმილის ტექნიკა“. როდესაც ვიღიმით, პოზიტივი ძლიერდება კუნთების მეხსიერებაში. ღიმილი ამ მდგომარეობას ადამიანში აღბეჭდავს. თქვენ შეგიძლიათ საკუთარი თავიც კი აიძულოთ გაიღიმოთ.

“პარაგრაფ თაბორი” არის უმაღლესი კლასის ახალი სასტუმრო, რომელიც ჩვენს დედაქალაქს შეემატა, ეს არის ახალი ბიძგი დედაქალაქისთვის და მთლიანად ქვეყნის ეკონომიკის განვითარებისთვის”, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მთავრობის მეთაურმა პროექტის ინიციატორს ბიძინა ივანიშვილს და ყველა იმ ადამიანს, ვინც ამ პროექტის განხორციელებაში შეიტანა წვლილი, მადლობა გადაუხადა.„ხედავთ, რამდენად ღირებული პროექტი განხორციელდა დედაქალაქში, ეს არის უმაღლესი კლასის ახალი სასტუმრო, რომელიც ჩვენს დედაქალაქს შეემატა. კიდევ ერთხელ მინდა ვისარგებლო შემთხვევით, ბატონ ბიძინა ივანიშვილს მადლობა გადავუხადო ამ გამორჩეული წამოწყებისთვის და ყველა იმ ადამიანს მინდა მადლობა გადავუხდო, ვინც ამ პროექტის განხორციელებაში შეიტანა წვლილი. ყველა თვალსაზრისით მნიშვნელოვანია ეს პროექტი. ეს არის ახალი ბიძგი დედაქალაქისთვის და მთლიანად ქვეყნის ეკონომიკის განვითარებისთვის ასევე სოციალური ეფექტიც ძალიან სერიოზულია. 450 ადამიანი იქნება დასაქმებული ამ სასტუმროში.ყველა კუთხით ძალიან მნიშვნელოვანია ეს პროექტი ჩვენი დედაქალაქისთვის და მთლიანად ჩვენი ქვეყნისთვის. კიდევ ერთხელ მადლობა ყველას, ვინც ჩართული იყო ამ პროექტის განხორციელებაში“, – განაცხადა ირაკლი კობახიძემ.