საქართველოსა და ესპანეთის მატჩის საუკეთესო მოთამაშედ ფიბა-მ სანდრო მამუკელაშვილი დაასახელა

თურქეთში, 23 წლის ბიჭი საკუთარი ქორწილის წვეულებაზე მოკლეს. როგორც the guardian-ი წერს, 23 წლის ალი კ.-ს სავარაუდოდ, მეუღლის ნათესავმა ესროლა.მედიის ცნობით, როდესაც ახალდაქორწინებულებს ცერემონიის შემდეგ სახლში აცილებდნენ, 23 წლის ალი კ.-ს სავარაუდოდ, მეუღლის ნათესავმა ცეცხლსასროლი იარაღიდან ესროლა.პოლიციელებმა ქალი დააკავეს და მის ბაღში ორი არარეგისტრირებული პისტოლეტი აღმოაჩინეს. ინციდენტთან დაკავშირებით, პროკურატურამ გამოძიება დაიწყო.შემთხვევა გირესუნის პროვინციის ქალაქ სებინკარაჰისარში მოხდა.

თბილისში, დიდუბეში, წერეთლის გამზირზე მდებარე ღვთისმშობლის შობის სახელობის ტაძარში სასწაულმოქმედი ღვთისმშობლის ხატია დაბრძანებული. ცოტამ თუ იცის ისტორია, რომელიც ამ ხატს უკავშირდება. იქ, სადაც ახლა დიდუბის ღვთისმშობლის ტაძარი დგას, ძველად საძოვრები ყოფილა. ერთ ქრისტიან მწყემსს, რომელიც იმ ტერიტორიაზე აძოვებდა ცხვარს და კარგად იცნობდა არემარეს, ანგელოზი დასიზმრებია, რომელსაც უთქვამს:"დიდუბის მინდორში, ამა და ამ ადგილას, ღვთისმშობლის სასწაულთმოქმედი ხატია დაბრძანებული. ეახელ, თაყვანი ეცი და სასწაულს გიჩვენებსო".მწყემსმა ხილვა დედ-მამასა და მეზობლებს უამბო. ყველა მინიშნებული ადგილისკენ გაემართა. სასწაულის მოლოდინში თან ერთი ბრმაც წაიყვანეს. ღვთისმშობლის ხატმა მართლაც მოახდინა სასწაული - დაბადებიდან უსინათლო ადამიანს თვალი აეხილა! ეს ორშაბათ დღეს მომხდარა. სასწაულის ადგილას იმავე დღეს ნიში აღუმართავთ, ხატი იქ დაუბრძანებიათ და თაყვანი უციათ. სასწაულთმოქმედი ხატის ამბავი მთელ საქართველოს მოსდებია. მოჰყავდათ თურმე სხვადასხვა სნეულებით შეპყრობილნი და ყველა განკურნებული ბრუნდებოდა შინ. მალე ნიშის ადგილას ეკლესია აუგიათ, რომელიც ყოველ ორშაბათს მლოცველებით ივსებოდა.დიდუბის ტაძრისთვის მორწმუნეთა მიერ შეწირული საგანძური ერთ სარდაფში ჰქონიათ გადამალული, მაგრამ კომუნისტებს შეუტყვიათ მისი არსებობა და საუნჯე გაუზიდავთ. მაშინ დაკარგულა დიდუბის ღვთისმშობლის ხატის პერანგიც. დღევანდელი პერანგი რუსეთის პატრიარქს ალექსი I-ს დაუმზადებინებია და 1950 წელს დიდუბის ღვთისმშობლისთვის შეუწირავს.დიდუბის ღვთისმშობლის ხატი დღესაც ახდენს სასწაულებს მათთვის, ვინც რწმენით მიეახლება. ორშაბათობით, დილას, მარიამ ღვთისმშობლის სახელზე ტარდება ლოცვა, დაესწარით, მოილოცეთ, გულით შესთხოვეთ და გულმოწყალე დედა შეგეწევათ.

ღმერთის მადიდებლობას ვერავინ და ვერავითარი ძალა ვერ შეგვაცვლევინებს, ვერც რუსეთის იმპერია, ვერც ევროკავშირის ვიზები, ვერც სხვადასხვა რამე, - განაცხადა ბოდბის ეპარქიის მთავარეპისკოპოსმა მეუფე იაკობმა ქადაგებისას.მისივე თქმით, ერთი მხრივ, 20% გვაქვს წართმეული ოკუპაციით რუსეთის მხრიდან და სხვა მხარეს სულიერი ოკუპაცია მიდის.„დედა ღვთისმშობელი ყოველთვის ყოფილიყოს თითოეული თქვენგანის, თქვენი ოჯახების და ჩვენი ძვირფასი სამშობლოს, საქართველოს მფარველი. ღმერთის მადიდებლობას ვერავინ და ვერავითარი ძალა ვერ შეგვაცვლევინებს, ვერც რუსეთის იმპერია, ვერც ევროკავშირის ვიზები, ვერც სხვადასხვა რამე. მთავარია ჩვენ ვიცოდეთ, რომ კეთილდღეობა რომ გვინდა და აუცილებელია თითოეულ ადამიანს კეთილდღეობა ჰქონდეს, ეს რის საფასურად. ვინმეს უნდა უღირსი მამა და დედა, მაგრამ მდიდარი იყოს, კარგად ცხოვრობდეს? ვინმეს უნდა უღირსი შვილი? ერთი მხრივ, 20% გვაქვს წართმეული ოკუპაციით რუსეთის მხრიდან და სხვა მხარეს სულიერი ოკუპაცია მიდის. ღმერთის და საქართველოს, თქვენს ინტერესებს ვიცავ და რა უნდა გავაკეთო? ღვთის მცნებებს ვუღალატო? ჩემთვის არაფერი უნდა იყოს ოჯახური ღირებულება, რომ ბავშვებს ცუდი არაფერი ვუქადაგოთ. ისინი თუ იმას იცავენ, რომ ახალი რელიგიით უნდა გაგვხადონ ისეთები, როგორც ისინი არიან, ჩვენ ახალ რელიგიას არ ვიღებთ, ქრისტიანები ვართ. გვიტევენ, გვიტევენ და ვერავინ ვერაფერს დაგვაკლებს“, - აღნიშნა იაკობმა.

კიევზე რუსეთის თავდასხმის გამო ევროკავშირმა ბრიუსელში რუსეთის ელჩი გამოიძახა.აღნიშნულის შესახებ ევროკავშირის უმაღლესი წარმომადგენელი კაია კალასი სოციალურ ქსელ X-ში წერს.„ახლახან ვესაუბრე ჩემს კოლეგებს კიევში ევროკავშირის დელეგაციიდან მას შემდეგ, რაც ჩვენი შენობა დაზიანდა რუსეთის დარტყმის შედეგად. თქვენი სიმტკიცე, გააგრძელოთ უკრაინის მხარდაჭერა, ძალას გვმატებს. არცერთი დიპლომატიური მისია არ უნდა იყოს სამიზნე. საპასუხოდ, ჩვენ ბრიუსელში რუსეთის ელჩს ვიძახებთ“, – დაწერა კაია კალასმა.კიევზე რუსეთის თავდასხმის შედეგად დაღუპულთა რაოდენობა 15-მდე გაიზარდა, მათ შორის ოთხი ბავშვია. რუსეთის იერიშის შედეგად კიევში დაზიანდა საცხოვრებელი კორპუსები, კერძო სახლები და საბავშვო ბაღები. ერთ-ერთი კორპუსი ნაწილობრივ დანგრეულია. ასევე, ზიანი მიადგა უკრაინაში ევროკავშირის დელეგაციის შენობას, ბრიტანული საბჭოსა და „რადიო თავისუფლების“ ოფისებს.

უვიზო მიმოსვლის შეჩერებას გარკვეული პროცედურა და თანხმობა სჭირდება. ეს ასე მარტივი თემა არ არის, ბევრი ქვეყანა საქართველოსთვის ვიზალიბერალიზაციის შეჩერებას მხარს არ დაუჭერს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, „მათი მოთხოვნები მოწყვეტილია იმ პრინციპებისგან, რაც ევროკავშირს აქვს“.„პირველი საკითხია გამჭვირვალობის უგულებელყოფა. ეს პირდაპირ დაპირისპირებული პრინციპია ევროკავშირის სისტემასთან. არ შეიძლება, ქვეყანაში შავბნელი ფული შემოდიოდეს და რევოლუციის მოწყობაში იხარჯებოდეს. საქართველოში უმცირესობის უფლებები დაცულია, მათ შორის შესაბამისი კანონებით. რაც მთავარია, ეროვნულ თვითმყოფადობასთან დაკავშირებული საკითხი ის თემა არ არის, რაზეც შეიძლება, ევროკავშირი საქართველოს უპირისპირდებოდეს. ეს არის ლგბტ პროპაგანდის შეზღუდვა. ამ კანონის გაწვევა იმდენად გამაოგნებელი მოთხოვნაა, რომ პირდაპირ მიუთითებს სერიოზულ პოლიტიკურ მიზანზე, როგორმე ახალგაზრდები რევოლუციური პროცესის განვითარებისთვის დარაზმონ. ამ თემაზე არგუმენტირებული პასუხი გვექნება. ყველა პუნქტზე სამართლებრივი დასაბუთება იქნება“, – განაცხადა გია ვოლსკიმ.