საქართველოს ტექნიკური უნივერსიტეტის რექტორი პროფესორ ვახტანგ კვარაცხელიას 75 წლის იუბილეს ულოცავს

ავსტრიის რესპუბლიკაში საქართველოს საგანგებო და სრულუფლებიანმა ელჩმა, ეუთო-სა და ვენაში განლაგებულ საერთაშორისო ორგანიზაციებში საქართველოს მუდმივმა წარმომადგენელმა, ალექსანდრე მაისურაძემ შეხვედრა გამართა ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) დირექტორთან, მარია ტელალიანთან.საქართველოს საგარეო საქმეთა სამინისტროს ინფორმაციით, შეხვედრა გაიმართა ეუთო/ოდირ-ის მიერ საქართველოსთან დაკავშირებით 7 ივლისს გავრცელებული განცხადების თაობაზე.„შეხვედრაზე ელჩის მხრიდან კიდევ ერთხელ დადასტურდა ეუთო-ს ძირითადი ღირებულებებისა და ვალდებულებებისადმი საქართველოს მტკიცე ერთგულება და იმედი გამოითქვა, რომ მხარეთა შორის ურთიერთპატივისცემაზე დაფუძნებული თანამშრომლობა გაგრძელდება.ამასთან, ელჩმა შეშფოთება გამოხატა მარია ტელალიანის განცხადებასთან დაკავშირებით, რომელიც, სამწუხაროდ, ეფუძნება ფაქტობრივ უზუსტობებსა და აღქმებს და არ შეესაბამება საქართველოსა და ეუთო-ს შორის არსებულ მჭიდრო თანამშრომლობას.აღინიშნა, რომ ორგანიზაციის დირექტორის  განცხადება ხელს არ უწყობს ქვეყანაში კონსტრუქციული წინასაარჩევნო გარემოს უზრუნველყოფას და ჩრდილს აყენებს სახელმწიფო ინსტიტუტებს. ამასთან, ხაზი გაესვა იმ გარემოებას, რომ განცხადებაში გაჟღერებულია გზავნილები ქვეყანაში მიმდინარე სასამართლო პროცესებთან დაკავშირებით, რაც, შესაძლოა, აღქმული იქნეს დამოუკიდებელი სასამართლოს საქმიანობაში ჩარევად“, – აღნიშნულია საქართველოს საგარეო საქმეთა სამინისტროს მიერ გავრცელებულ განცხადებაში.მათივე ცნობით, ყურადღება ასევე გამახვილდა ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) სადამკვირვებლო მისიის ანგარიშზე 2024 წლის ოქტომბერში საქართველოს საპარლამენტო არჩევნებთან დაკავშირებით.„ქართული მხარის მიერ აღინიშნა, რომ, სამწუხაროდ, აღნიშნული ანგარიში უსაფუძვლო თავდასხმის ობიექტი გახდა ევროსაბჭოსა და ევროპარლამენტის ზოგიერთი პოლიტიკოსის მხრიდან – ევროპარლამენტის რეზოლუციამ ეჭვქვეშ დააყენა ორგანიზაციის ანგარიში და მეთოდოლოგია, რითიც შეილახა მისი ავტორიტეტი და რეპუტაცია.ქართულმა მხარემ გამოთქვა წუხილი, რომ ეუთო-ს დემოკრატიული ინსტიტუტებისა და ადამიანის უფლებათა ოფისზე (OSCE/ODIHR)  აღნიშნულ თავდასხმებს არ მოჰყვა სათანადო რეაგირება ორგანიზაციის ხელმძღვანელობის მხრიდან“, – ნათქვამია საქართველოს საგარეო უწყების ინფორმაციაში.მათივე ცნობით, შეხვედრის ბოლოს ელჩმა გამოთქვა მზაობა, გაგრძელდეს თანამშრომლობა ეუთო-ს დემოკრატიული ინსტიტუტებისა და ადამიანის უფლებათა ოფისთან კონსტრუქციულ ფორმატში.

იქნება თუ არა ალეკო ელისაშვილი თბილისის მერის პოსტზე "ლელოსა" და გახარიას გუნდის საერთო კანდიდატი? გავრცელებულ ინფორმაციას, ამ ეტაპზე, არცერთ ოპოზიციურ პარტიაში ოფიციალურად არ ადასტურებენ.ელისაშვილის შესაძლო კანდიდატურით კმაყოფილია მმართველი გუნდი. "ქართულ ოცნებაში" ამტკიცებენ, რომ მას რეიტინგიდან გამომდინარე არჩევნებში დამარცხება გარანტირებული აქვს.პარტიის "გახარია საქართველოსთვის" პოლიტიკური საბჭოს წევრის, ტატა ხვედელიანის განცხადებით, კანდიდატებზე მსჯელობა ახალი დაწყებულია. შესაბამისად, ის ალეკო ელისაშვილზე გავრცელებულ ინფორმაციას არ ადასტურებს."ურთიერთთანამშრომლობის მემორანდუმის მიზანი გახლავთ ის, რომ შევარჩიოთ კანდიდატები, რომლებიც საზოგადოებისთვის იქნებიან მისაღებები და ესენი იქნებიან პარტიულად ნეიტრალური კანდიდატები.რაც შეეხება ჭორებს იმასთან დაკავშირებით, რომ ვითომ, ალექსანდრე ელისაშვილი გახლავთ ჩვენი კანდიდატი, ღიმილისმომგვრელია და, რა თქმა უნდა, არ დავადასტურებ, რადგან კანდიდატებზე მსჯელობა ახლა დაიწყო", - განაცხადა ტატა ხვედელიანი.

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, კაია კალასმა აშშ-ს მოუწოდა, უკრაინისთვის სამხედრო დახმარების შესყიდვის „ტვირთი გაიზიაროს“.ამასთან, კალასმა აღნიშნა, რომ ევროკავშირი მიესალმება აშშ-ის პრეზიდენტის, დონალდ ტრამპის გადაწყვეტილებას იარაღის ნატო-სთვის მიყიდვისა და შემდგომ უკრაინისთვის მიწოდების თაობაზე.„ჩვენ თუ ვიხდით ამ იარაღის ღირებულებას, ეს ჩვენი, ანუ ევროპის მხარდაჭერაა. უკრაინის დასახმარებლად ჩვენ ყველაფერს ვაკეთებთ, რაც ჩვენს ძალებშია. ამიტომ ჩვენ ყველას მოვუწოდებთ იგივე გააკეთონ. თქვენ პირობას თუ იძლევით, რომ იარაღს მიაწვდით, მაგრამ ამბობთ, რომ მის ღირებულებას სხვა გადაიხდის, ეს არ ნიშნავს, რომ თქვენ მას აძლევთ, არა?“ – აღნიშნა კაია კალასმა.

17 ივლისამდე საქართველოში უამინდობა გასტანს, ხოლო 18 ივლისიდან ქვეყნის მთელ ტერიტორიაზე გამოიდარებს. -  ამის შესახებ სინოპტიკოსი ხათუნა ქოქოსაძე „პრაიმტაიმთან“საუბრობს.„ხვალ დღის მეორე ნახევრიდან 17 ივლისის დღის ბოლომდე, დასავლეთ საქართველოში მოსალოდნელია წვიმა, ზოგან ძლიერი. აღმოსავლეთ საქართველოში მაღალი ტემპერატურა შენარჩუნდება +36 +37 გრადუსი.19 ივლისს, დასავლეთ საქართველოში, უმეტესად უნალექო ამინდი იქნება. 20, 21, 22 ივლისს შესაძლოა, კვლავ მცირე ხანმოკლე წვიმა იყოს.სანაპირო ზოლს რაც შეეხება, 15-დან 17-მდე მოსალოდნელია წვიმა“,- ამბობს „პრაიმტაიმთან“ სინოპტიკოსი.

ჰიტ-შოუს ჯილდოს მფლობელი მუსიკალური დირექტორი რობინ კეი და 70 წლის თომას დელუკა დახვრეტილები იპოვეს ენსინოში, საკუთარ სახლში. ამის შესახებ Daily Mail-ს ლოს-ანჯელესის პოლიციის დეპარტამენტმა განუცხადა.პოლიცია ექვსსაძინებლიან სახლში გამოიძახეს, თუმცა შიგნით შესვლისას აღმოაჩინეს კეის და დელუკას ცხედრები, თავში ნასროლი ჭრილობებით. წყარომ TMZ-ს განუცხადა, რომ ხელისუფლებამ წყვილის სახლის შესასვლელთან სისხლი შენიშნა, სანამ ფანჯარას ჩაამტვრევდნენ და სახლში შეღწევას მოახერხებდნენ.პოლიციის თქმით, მათი უეცარი გარდაცვალება ორმაგი მკვლელობის მუხლით განიხილება. მოტივები უცნობია.მეზობლების თქმით, კალიფორნიის ერთ-ერთი მდიდრული უბნის ქუჩაზე შეიარაღებული მამაკაცი შენიშნეს.პოლიცია სახლში გამოიძახეს სიტუაციის შესამოწმებლად მას შემდეგ, რაც მეზობლებსა და ოჯახის წევრებს ოთხი დღის განმავლობაში მათგან არაფერი სმენიათ.კეი ბოლო 15 სეზონის, ანუ 300 ეპიზოდის განმავლობაში, სიმღერის კონკურს American Idol-ის მუსიკალური დირექტორის თანამდებობას იკავებდა.წლების განმავლობაში მან მუსიკალური დირექტორთა გილდიის რამდენიმე ჯილდო მოიპოვა.იგი ასევე მუშაობდა სხვა ცნობილ შოუებში, მათ შორის Lip Sync Battle, Hollywood Game Night და Worn Stories.კეი ასევე მუშაობდა NAACP Image Awards-ზე, The Singing Bee-ზე, Miss USA-ზე, Miss Universe-ზე, American Inventor-ზე, The Dance Scene-ზე, Dance Your A** Off-ზე, Your Chance to Dance-ზე, Adventures of Power-სა და Crashed-ზე.2017 წელს ჰოლივუდში გამართულ მუსიკის აღმასრულებელთა გილდიის მე-7 ყოველწლიურ დაჯილდოებაზე კეიმ ღიად ისაუბრა თავისი კარიერული გზის შესახებ, რომელიც, მისი თქმით, ხშირად არასაკმარისად იყო შეფასებული.„ეს ბიზნესის ერთ-ერთი იმ ნაწილია, რომლის არსებობის შესახებაც ხალხმა არც კი იცის“, - თქვა კეიმ.„ეს კინოსა და ტელევიზიის ძალიან მნიშვნელოვანი ნაწილია. გასართობ ინდუსტრიაში მუსიკა თითქმის ყველაფერშია და ხალხს უბრალოდ ჰგონია, რომ ის იქ არის.“ მისი ქმარი მუსიკოსი იყო, რომელმაც ბოლოს ალბომი სახელწოდებით Street Rock 2022 წელს გამოუშვა.მისი პირველი „აღიარებული კულტური სადებიუტო ალბომი“. დელუკას ვებსაიტის ცნობით, „Down To The Wire“ Epic Records-მა 1986 წელს გამოუშვა.საჯარო ჩანაწერების თანახმად, წყვილმა სახლი 2023 წლის იანვარში, 5 მილიონად შეიძინა.მეზობლებმა KTLA-ს განუცხადეს, რომ სახლი ადრე გარდაცვლილ რეპერ Juice WRLD-ს ეკუთვნოდა, რომელიც 2019 წელს ნარკოტიკების დოზის გადაჭარბებით გარდაიცვალა.