კვირა, ივნისი 29, 2025

ნიკა მელია – ციხეში, სიზმარისეული მდგომარეობაა, სულ ცოტაც და გურამ აბსანძესაც დაიჭერენ და შემდეგ ბატონი გურამი კვლავ გათხრის გვირაბს და ჩვენც გამოგვიყოლებს – ამაზე ნაკლები სცენარით ეს თავგადასავალი არ უნდა დასრულდეს

რუსთავის ციხეში, სიზმრისეული მდგომარეობაა, თითქმის ყველა აქ არის, სულ ცოტაც და გურამ აბსანძესაც დაიჭერენ და ამის შემდეგ ბატონი გურამი კვლავ გათხრის საიდუმლო გვირაბს და ჩვენც გამოგვიყოლებს. ამაზე ნაკლები სცენარით, ეს ჩვენი თავგადასავალი არ უნდა დასრულდეს, – ამის შესახებ „კოალიცია ცვლილებისთვის“ ერთ-ერთი ლიდერის, ნიკა მელიას ციხიდან გამოგზავნილ წერილშია აღნიშნული, რომელიც მის ოფიციალურ „ფეისბუქის“ გვერდზე გამოქვეყნდა.

ნიკა მელიას განცხადებით, „რეჟიმის შემოტევების ამოცანაა თავი უსუსურებად გვაგრძნობინოს, გაუბედავებად გვაქციოს და საკუთარი „მე“ წაგვართვას”.

„გამარჯობა და გამარჯვება! მართალია საბჭოთა კავშირი კი შემოგვიბრუნდა აწმყოში და უნდა ჩვენი გონება სულ წარსულს ეპოტინებოდეს, თუმცა წარმოუდგენლად დიდი პატივია ქვეყნის თავისუფლებისთვის ბრძოლა, რომელიც თავგადასავლიან ცხოვრებას მოითხოვს და ამაში გასაკვირი არაფერია.

ჩვენ არ გამოგვიცხადებია ბოლო ბრძოლა, ჩვენ გამოვაცხადეთ ბრძოლა ბოლომდე! ამ და ასეთ ბრძოლაში პრინციპულები გაიმარჯვებენ, პრინციპულობით გავიმარჯვებთ. ასე მჯერა, ასე ვიცი, ასე მიბრძოლია და ასე ვიბრძოლებთ. მაგრად მახარებს შეუპოვრების რაოდენობა, შემგუებლებს ცვლილება არასოდეს მოუტანიათ.

რეჟიმის შემოტევების ამოცანაა თავი უსუსურებად გვაგრძნობინოს, გაუბედავებად გვაქციოს, საკუთარი „მე“ წაგვართვას.

არ გამოუვათ, იმიტომ რომ ჩვენს მხარეს არის სიმართლის ძალა, რაც ყველასთვის მოულოდნელ მომენტში გამარჯვების ენერგიად გადაიქცევა და ნაკუწებად ვაქცევთ მილიარდერის ბადეს, რომელშიც ყველანი ვართ გახლართულები, მათ შორის თვითონაც.

მოკლედ, რაც არ უნდა ბედნიერების ხრონწით ხმაში ამბობდნენ, რომ თუ ჩვენს პარლამენტს არ აღიარებენ, მაშინ ყველანი ციხეში წავლენო, აი ზუსტად ასეთ დილიხორში მყოფები დაიშლებიან, როგორც ქიმიური შენაერთი სინჯარაში.

საქართველო ვერ გახდება ბიძინასი და რუსების, ჩასუნთქული გვაქვს უკვე თავისუფლების ჰაერი და ძალიან ბევრს მენტალურად დატოვებული გვაქვს საბჭოთა კავშირი და ვაპირებთ მისი ყველა კარი სამუდამოდ გამოვიხუროთ!

აქ კი, რუსთავის ციხეში, სიზმრისეული მდგომარეობაა, თითქმის ყველა აქ არის, სულ ცოტაც და გურამ აბსანძესაც დაიჭერენ და ამის შემდეგ ბატონი გურამი კვლავ გათხრის საიდუმლო გვირაბს და ჩვენც გამოგვიყოლებს. ამაზე ნაკლები სცენარით, ეს ჩვენი თავგადასავალი არ უნდა დასრულდეს.

ყველას მოკითხვა, მაგრად იყავით! მოკითხვა სართულის მეზობელს – გიორგის, მოკითხვა ქვედა სართულის მეზობლებს- ნიკას, ზურას, ირაკლის, მამუკას და ბადრის. მოკითხვა გივი თარგამაძეს! მოკითხვა სხვა ციხეში მყოფ სინდისის პატიმრებს”, – ნათქვამია წერილში.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

კახეთში ორი მძიმე ავარია მოხდა – არის მსხვერპლი

დედოფლისწყაროში მომხდარი ორი ავტოსაგზაო შემთხვევიდან ერთი მსხვერპლით დასრულდა.ადგილობრივების ინფორმაციით, სოფელ  ზემო ქედიდან შირაქის მიმართულებით მიმავალი მსუბუქი ავტომანქანა  ტრაქტორს შეეჯახა.შეჯახების შედეგად, მსუბუქი ავტომანქანის მძღოლი ადგილზე დაიღუპა, ხოლო ტრაქტორი გადაბრუნდა და შიგ მსხდომი  მამა-შვილი მოიყოლა.სასწრაფო-სამედიცინო დახმარების ბრიგადამ, დაშავებულები დედოფლისწყაროს საავადმყოფოში გადაიყვანა.ექიმების განმარტებით, უახლოეს საათებში მათ შესაბამისი კვლევებისათვის,კატასტროფის ბრიგადა სხვა საავადმყოფოში გადაიყვანს.მეორე ავარია დედოფლისწყაროს ცენტრალურ ქუჩაზე მოხდა.ერთმანეთს მსუბუქი ავტომობილები შეეჯახა.ერთ-ერთი მანქანის  მძღოლი დედოფლისწყაროს  საავადმყოფოშია გადაყვანილი.ექიმების განმარტებით, დაშავებულს თავის ტრავმა და ძლიერი სისხლდენა აღენიშნება.მომხდარ ფაქტებზე გამოძიება უკვე დაიწყო.

კვარა მთელს მსოფლიოში პირველია – რა მაჩვენებლით ლიდერობს ხვიჩა

საფეხბურთო პორტალმა Givemesport-მა მსოფლიოში საუკეთესო დრიბლიორების ახალი რეიტინგი გამოაქვეყნა. რეიტინგი მოტყუებული მეტოქეების სტატისტიკურ მონაცემებს ეყრდნობა და ასახავს იმ მოთამაშეების უნარებს, რომლებიც ბურთის ფლობისას მოწინააღმდეგეებს ყველაზე ეფექტურად სცდებიან.მიუხედავად მრავალი ვარსკვლავის არსებობისა, ყველაზე მაღალი პოზიცია, პირველი ადგილი – ქართველ ფეხბურთელს, ხვიჩა კვარაცხელიას ერგო. ამჟამად პარი სენ-ჟერმენის რიგებში მოასპარეზე ხვიჩა რეიტინგში არაერთ ისეთ ცნობილ მოთამაშეს უსწრებს, როგორებიც არიან ლეო მესი, კილიან მბაპე, ჯამალ მუსიალა და ვინისიუს ჟუნიორი.კვარაცხელიას უნიკალური სტილი – სწრაფი წყვეტები, მჭიდრო ბურთის კონტროლი და პირდაპირი თამაშისადმი მიდრეკილება – მას გამოარჩევს თანამედროვე ვინგერებისგან. საფეხბურთო წრეებში ხშირად ამბობენ, რომ ის „ძველი სკოლის“ მოთამაშეა, რომელიც თანამედროვე ტაქტიკაში განსაკუთრებულად ანათებს.სრული რეიტინგი ასე გამოიყურება:1. ხვიჩა კვარაცხელია (პსჟ) 2. რაიან შერკი (ლიონი) 3. ჯამალ მუსიალა (ბაიერნი) 4. ვინისიუს ჟუნიორი (რეალი) 5. უსმან დემბელე (პსჟ) 6. ლეო მესი (ინტერ მაიამი) 7. ლამინ იამალი (ბარსელონა) 8. დეზირე დუე (პსჟ) 9. ნიკო უილიამსი (ბილბაო) 10. კილიან მბაპე (რეალი) 11. როდრიგო (რეალი) 12. ფლორიან ვირტცი (ბაიერი) 13. ჟერემი დოკუ (მანჩესტერ სიტი) 14. სავინიო (მანჩესტერ სიტი) 15. ჯეიმი გიტენსი (დორტმუნდი)

ილია მეორემ ახალი ბრძანება გამოსცა, რომელიც 1 ივლისიდან ამოქმედდება

ქრისტიანობის სახელმწიფო რელიგიად გამოცხადების (326წ.) 1700 წელთან დაკავშირებით 1 ივლისიდან საქართველოს საპატრიარქოს კომისია შეიქმნება.შესაბამისი ბრძანება, რომელსაც საქართველოს საპატრიარქო ავრცელებს, სრულიად საქართველოს კათოლიკოს-პატრიარქმა ილია II-მ გამოსცა.კომისიას ევალება, შეიმუშაოს საიუბილეო წლის პროგრამა.„ქრისტიანობის სახელმწიფო რელიგიად გამოცხადების (326წ.) 1700 წელთან დაკავშირებით ა.წ. 1 ივლისიდან შეიქმნას საქართველოს საპატრიარქოს კომისია შემდეგი შემადგენლობით:საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი),სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე),ჭიათურისა და საჩხერის მიტროპოლიტი დანიელი (დათუაშვილი),ნიქოზისა და ცხინვალის მიტროპოლიტი ისაია (ჭანტურია),მანგლისისა და თეთრიწყაროს მიტროპოლიტი ანანია (ჯაფარიძე),ურბნისისა და რუისის მიტროპოლიტი იობი (აქიაშვილი),აბბა ალავერდელი მიტროპოლიტი დავითი (მახარაძე),ფოთისა და ხობის მიტროპოლიტი გრიგოლი (ბერბიჭაშვილი),ახალქალაქისა კუმურდოსა და კარის მიტროპოლიტი ნიკოლოზი (ფაჩუაშვილი),ხონისა და სამტრედიის მიტროპოლიტი საბა (გიგიბერია),ზუგდიდისა და ცაიშის მიტროპოლიტი გერასიმე (შარაშენიძე),გორისა და ატენის მიტროპოლიტი ანდრია (გვაზავა),ქუთათელ-გაენათელი მიტროპოლიტი იოანე (გამრეკელი),ბოდბელი მთავარეპისკოპოსი იაკობი (იაკობიშვილი),ნიკორწმინდელი ეპისკოპოსი ვახტანგი (ლიპარტელიანი),თბილისის სასულიერო აკადემია-სემინარიის რექტორი, პროტოპრესვიტერი გიორგი ზვიადაძე,სრულიად საქართველოს კათოლიკოს-პატრიარქის მდივანი, დეკანოზი მიქაელ ბოტკოველი,საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.კომისიას ევალება, შეიმუშაოს საიუბილეო წლის პროგრამა“, - აღნიშნულია ბრძანებაში.

გია ფერაძის უფროსი ვაჟი გარდაიცვალა

გია ფერაძის უფროსი ვაჟი, ბიძინა ფერაძე გარდაიცვალა.გარდაცვალების მიზეზი ჯერჯერობით უცნობია

,,ტრაქტორი გადაბრუნდა და შიგ მსხდომი მამა-შვილი მოიყოლა…“ – ტრაგედია კახეთში

დედოფლისწყაროში მომხდარი ავარია მსხვერპლით დასრულდა.ადგილობრივების ინფორმაციით, სოფელ  ზემო ქედიდან შირაქის მიმართულებით მიმავალი მსუბუქი ავტომანქანა ტრაქტორს შეეჯახა.შეჯახების შედეგად, მსუბუქი ავტომანქანის მძღოლი ადგილზე დაიღუპა, ხოლო ტრაქტორი გადაბრუნდა და შიგ მსხდომი  მამა-შვილი მოიყოლა.სასწრაფო-სამედიცინო დახმარების ბრიგადამ, დაშავებულები დედოფლისწყაროს საავადმყოფოში გადაიყვანა.ექიმების განმარტებით, უახლოეს საათებში მათ შესაბამისი კვლევებისათვის, კატასტროფის ბრიგადა სხვა საავადმყოფოში გადაიყვანს.მომხდარ ფაქტებზე გამოძიება უკვე დაიწყო.

ბოლო სიახლეები