მამუკა ხაზარაძე – კიდევ დამიბარეს არალეგიტიმური პარლამენტის არალეგიტიმურ კომისიაში – მგონი მკაფიოდ გითხარით, რომ არ გაღიარებთ, მოსვლას არ ვაპირებ!

საფრანგეთის პრეზიდენტი ემანუელ მაკრონი აცხადებს, რომ ირანში რეჟიმის ცვლილების ნებისმიერი მცდელობა ახლო აღმოსავლეთში „ქაოსს“ გამოიწვევს.აღნიშნული განცხადება მაკრონმა „დიდი შვიდეულის“ სამიტზე გააკეთა, რომელიც კანადაში იმართება.საფრანგეთის ლიდერი თქმით, აშშ-ის პრეზიდენტ დონალდ ტრამპს კრიტიკული როლი აკისრია თეირანთან დიპლომატიის განახლებაში.როგორც ემანუელ მაკრონი განმარტავს, ქვეყნები ირანის ბირთვული პროგრამის განსასახილველად კვლავ მოლაპარაკებების მაგიდასთან უნდა დაბრუნდნენ.„ვფიქრობ, ჩვენ გვჭირდება ამერიკის შეერთებული შტატები, რათა ყველა კვლავ მაგიდასთან დააბრუნოს“, – აღნიშნა მაკრონმა ჟურნალისტებთან საუბრისას.

ისრაელის თავდაცვის ძალებში აცხადებენ, რომ ირანმა ისრაელის მიმართულებით ბალისტიკური რაკეტების ახალი ტალღა გაუშვა.ქვეყნის სხვადასხვა ნაწილში, განსაკუთრებით ჩრდილოეთით, სირენები უკვე ჩაირთო.„საფრთხის შესაჩერებლად თავდაცვითი სისტემები მუშაობს“, – განაცხადეს ისრაელის არმიაში.მანამდე, ირანმა თელ ავივისა და ჰაიფის მცხოვრებლებს ევაკუაციისკენ მოუწოდა.

კანადის პრემიერ-მინისტრმა, მარკ კარნიმ „დიდი შვიდეულის“ ლიდერების შეხვედრას უმასპინძლა, რომელსაც უკრაინის პრეზიდენტი, ვოლოდიმირ ზელენსკიც ესწრებოდა.ვოლოდიმირ ზელენსკიმ „დიდი შვიდეულის“ ლიდერებს უკრაინისადმი მეტი მხარდაჭერისკენ მოუწოდა.უკრაინის პრეზიდენტი თავდაპირველად ცალკე შეხვდა კანადის პრემიერ-მინისტრ მარკ კარნის, რომელმაც განაცხადა, რომ ოტავა კიევს 2 მილიარდ კანადურ დოლარს გამოუყოფს სამხედრო დახმარებისთვის და ახალ ფინანსურ სანქციებს დააწესებს.მარკ კარნის თქმით, რუსეთის მხრიდან კიევზე ღამით განხორციელებული თავდასხმა, რომელსაც 12 ადამიანი ემსხვერპლა, ხაზს უსვამს უკრაინისადმი სრული სოლიდარობის მნიშვნელობას.ამასთან, „დიდი შვიდეულის“ ლიდერებმა ისაუბრეს რუსეთის წინააღმდეგ „მაქსიმალური ზეწოლის“ მნიშვნელობაზე, რათა აიძულონ იგი, დაიწყოს სამშვიდობო მოლაპარაკებები.

ჩვენს ისტორიას თავად გავიაზრებთ დახმარებების და მით უმეტეს, ასეთი მავნე დახმარებების გარეშე, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, ირაკლი ხვადაგიანი წარსულის ვერგააზრების მაგალითია, რადგან 2024 წელს „ნაციონალური მოძრაობის“ პარტიულ სიაში ჩაეწერა.„არაფერს ვედავები არც ხვადაგიანს და არც კობახიძეს, გერმანიის საელჩოს ვედავები, რომელიც შეხვედრაზე სააკაშვილის რეჟიმის პროპაგანდისტს წარადგენს, როგორც წარსულის გამააზრებელ ადამიანს. ეს ხომ თვალში ნაცრის შეყრაა. ფაქტია, იქ საქმე გვექნებოდა არა წარსულის გააზრებასთან, არამედ ტვინების გამორეცხვასთან. წარმოიდგინეთ, წარსულის გააზრებაზე უნდა ისაუბროს ადამიანმა, რომელიც წარსულს იმდენად ვერ იაზრებს, რომ რომ 2024 წელს, „ნაციონალური მოძრაობის“ პარტიულ სიაში ჩაეწერა. ირაკლი ხვადაგიანი მაგალითია წარსულის ვერგააზრების. ადამიანი 2024 წელს, „ნაციონალური მოძრაობის“ პარტიულ სიაში რომ ჩაეწერება, იმან საერთოდ არ იცის, რა არის ისტორია და მისი გააზრება. გერმანიის საელჩომ ზუსტად იცის ამ ადამიანების და ორგანიზაციის მიმართ დამოკიდებულება ბოლო სკანდალებიდან გამომდინარე. საფრანგეთის საელჩომ როცა კანონის მიღებამდე რამდენიმე საათით ადრე ფული მისცა, ზუსტად იცოდნენ, ვის მოჰკიდეს ხელი და ვინ მიჰყავდათ ექსპერტად. თუმცა, გერმანიის საელჩო ასე უტიფრად და უხეშად იქცევა, რაც სამწუხაროა.როდესაც საუბარია გერმანიის დემოკრატიული რესპუბლიკის შემდეგ ისტორიის გააზრებაზე და თითქოს ამ მხრივ, საქართველოს გააზრებაში გერმანიის დახმარება სჭირდება, გერმანიაში ბოლო არჩევნების შედეგებს გადახედონ. ფედერალური მიწების მიხედვით დახედონ, რომელ რეგიონში ვინ გაიმარჯვა და პირდაპირ დაინახავენ საზღვარს აღმოსავლეთ და დასავლეთ გერმანიას შორის. ისე ვერ გაიაზრა გერმანულმა საზოგადოებამ თავისი წარსული, რომ ახლაც, გერმანიის გაერთიანებიდან 35 წლის თავზე, გაყოფილია წარმოსახვითი საზღვრით, რაც აღმოსავლეთ და დასავლეთ გერმანიას ზუსტად მიჰყვება. ამიტომ, როცა ისტორიის გააზრება, გადააზრება და გადახარშვა საკუთარ ქვეყანაში ვერ შეძლეს და ზუსტად ამაზე მეტყველებს არჩევნების შედეგები, მგონი, ამ შემთხვევაში, გერმანიის საელჩომ ცოტა თავმდაბლობა უნდა აჩვენოს, რომ ქართველ ხალხს გერმანიის საელჩოს დახმარება სჭირდება საკუთარი ისტორიის გასააზრებლად. ისტორიის, რომელიც სხვათა შორის, რამდენიმე ათწლეული არ არის, ათასწლეულის ისტორია გაგვიაზრებია აქამდეც და როგორმე ჩვენს ისტორიას თავად გავიაზრებთ დახმარებების და მით უმეტეს, ასეთი მავნე დახმარებების გარეშე“, – განაცხადა პაპუაშვილმა.ცნობისთვის, საქართველოში გერმანიის საელჩომ 15 ივნისს გაავრცელა პოსტი, სადაც ნათქვამია, რომ საელჩომ საქართველოში მოიწვია ისტორიკოსი და აღმოსავლეთ გერმანიის (გდრ) დროინდელი მოვლენების მოწმე, პეტერ კოიპი. მათივე ცნობით, გორსა და ქუთაისში პეტერ კოიპის ლექციები მიმდინარეობდა. საელჩოს ინფორმაციით, ღონისძიებაში ასევე მონაწილეობდა ისტორიკოსი ირაკლი ხვადაგიანი.

აუხსნელია, თუ მანდატებზე, პარლამენტზე უარს ამბობ და აცხადებ, რომ ეს იყო პრინციპული საკითხი, რომელიც რაღაცით „ქოცების“ ლეგიტიმაციას განსაზღვრავდა, მაშინ რატომ იღებ ამ არჩევნებში მონაწილეობას? ამ თვალსაზრისით „ნაცების“ კრიტიკა სრულიად გამართულია. , – ამის შესახებ „გირჩის“ ერთ-ერთმა ლიდერმა, იაგო ხვიჩიამ პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.„უბრალოდ, „ნაცები“ ასევე არ პასუხობენ შეკითხვას, რამდენ ხანს ვიქნებით ბოიკოტში, „ქართულ ოცნებას“ რამდენ ხანს ექნება 100%-ი ყველგან. პარლამენტში 54 ხომ დაიწერეს, აიღეს 100, რის შემდეგაც ჩვენ ვთქვით, რომ 97-ით სამი მოიგო ბიძინამ. ფაქტობრივად აღმოჩნდა, რომ ყველამ მისი თამაში ითამაშა. ახლა ადგილობრივ არჩევნებს აბარებ და ფიქრობ, რომ საკუთარ თავზე ზიანის მიყენებით „ქართულ ოცნებას“ აზიანებ. ეს აზრი ვინ დაამკვიდრა ქართულ პოლიტიკაში, მე, სხვათაშორის, ვეძებ პირველწყაროს. რაღაც უცნაური რწმენით მოძრაობენ ჩემი კოლეგები. მე ბევრ პროფესიაში ვყოფილვარ, სხვადასხვა ადგილას მიმუშავია და ადამიანები ასე არსად, არცერთ პროფესიაში არ მოძრაობდნენ, რომ საკუთარი თავის დაზიანება ყოფილიყო მოწინააღმდეგის განადგურების ტაქტიკა. რა სპორტიც და რა თამაშებიც მინახავს, არსად ასეთი გზა არ ყოფილა წარმატებული და რატომ არის ეს ამ პროფესიაში ასე, მოდით, კარგად გავინადგუროთ თავი, ყველა პრივილეგიაზე, ბრძოლის ინსტრუმენტებზე უარი ვთქვათ“, – განაცხადა ხვიჩიამ.როგორც ხვიჩიამ აღნიშნა, მას „ლელოს“ ნაბიჯების არ სჯერა.„„ლელო“ ვიდრე ამ საკითხზე დისკუსიას არ გახსნის და სამსახურებიდან არ გაყრის თქვენს იმ კოლეგებს, რომლებიც აგრესიულობით გამოირჩეოდნენ ამ თემასთან დაკავშირებით, არაფერი არ გამოვა. არ გამოვა ეს დამაჯერებელი. მე უბრალოდ, არ მჯერა, რომ „ლელოს“ ეს უნდა, თორემ როგორ შეიძლება, ადამიანი ამდენი ხანი პოლიტიკაში იყო, ამდენი ფული გქონდეს და იმას ვერ ხვდებოდე, რა არის გასაკეთებელი, ნაცვლად იმისა, რასაც აკეთებ?“, – განაცხადა ხვიჩიამ.გადაცემის წამყვანის შეკითხვაზე, როგორ შეაფასებს მისი კოლეგების მუქარას, რომ ისინი სხვადასხვა ფორმით შეეცდებიან, ხელი შეუშალონ, რომ 4 ოქტომბრის არჩევნებში საარჩევნო ბიულეტენზე მრავალფეროვნად იყოს წარმოდგენილი ოპოზიცია, ნაწილი საზოგადოებრივი აზრის ფორმირებით, ნაწილი პირდაპირი ზეწოლის ფორმით და რამდენად არსებობს ამის რესურსი ოპოზიციაში, რომ გახარიას პარტიის, ან „ლელოს“ წარმომადგენლებს პოზიცია შეაცვლევინონ, რადგან, როგორც ჩანს, „გირჩთან“ ამის რესურსი არ არსებობს, იაგო ხვიჩიამ განაცხადა, რომ ზოგადად, „ლელო“ ბულინგის მიმართ სენსიტიურია, მაგრამ ხაზარაძეს იმედი აქვს, რომ იქით დააბულინგებს იმ ხალხს, ვინც არჩევნებზე არ გადის.„ზოგადად, „ლელო“ ბულინგის მიმართ სენსიტიურია. ჯერ ბოკერია აბულინგებდა, მერე გვარამიამ დააბულინგა და შეიძლება, კომპლექსი აქვთ, ახლა ვერ დამაბულინგონო და რაღაც ჯინაზეც ქნას, მაგრამ ზოგადად არ გამოვრიცხავ, ბულინგს ზოგადად აჰყვეს. პრობლემა იმაში მდგომარეობს, რომ განსხვავებით წინა პერიოდისგან, როდესაც „ნაცებს“ საკუთარი ტელევიზიები ჰქონდათ, ახლა ყველა ოპოზიციური ტელევიზია „ლელომ“ იყიდა. მართალია, იქ შემორჩენილი ჟურნალისტები ჯერ ვერ გამოდიან საკუთარი ძველი პოზიციიდან, რომ ვინც არჩევნებზე მონაწილეობას იღებს ყველა ეშმაკისეულია, მაგრამ მე მგონი, მალე ეს პოზიცია შეიცვლება. კიდევ ერთი პრემიის ჩარიცხვა შეიძლება, დასჭირდეს ჟურნალისტებთან ბატონ ხაზარაძეს. ამიტომ, ეს პოზიცია შეიცვლება და მას დარწმუნებული ვარ, იმედი აქვს, რომ იქით დააბულინგებს იმ ხალხს, ვინც არჩევნებზე არ გადის. მას დარწმუნებული ვარ, ასე წარმოუდგენია საარჩევნო კამპანია და პლუს მოსყიდვა. მე ვთქვი, სადღაც დავწერე კიდეც, რომ „ლელოს“ ხალხი ახლა დადის და ნადირობს „ნაცების“ ხალხზე, კოორდინატორებზე. ეს პროცესი მანამდე გაჩერებული იყო ქვედა დონეზე და შესაბამისად, იქ ყველამ იცის, რომ „ნაცები“თუ არ მონაწილეობენ არჩევნებში, იმ ელექტორატს, რომელიც რადიკალური მიშას ელექტორატი იყო, რაღაცნაირად უთმობენ „ლელოს“. მთელი პროცესი ამაში მდგომარეობს, რომ როგორც წინა არჩევნებზე გვარამიას დაუთმეს მიშას ელექტორატი, მანამდე კიდევ „ევროპულ საქართველოს“ უთმობდნენ, ახლა ჩვეულებრივად, კლასიკაა იგივე და ახლა „ლელოს“ უნდა დაუთმონ“, – განაცხადა ხვიჩიამ.