დაღუპულები 25 წლამდე გოგონები არიან – გონიოში მომხდარი ავარიის შესახებ ახალი დეტალები ხდება ცნობილი

ისრაელის პრემიერ-მინისტრის, ბენიამინ ნეთანიაჰუს თქმით, ირანი ძალიან მაღალ ფასს გადაიხდის ისრაელის მშვიდობიან მოსახლეობაზე თავდასხმისთვის.პრემიერ-მინისტრმა ბათ-იამში თავდასხმის ადგილი მოინახულა, რომელსაც დღეს დილით ირანის მიერ ნასროლი რაკეტა დაეცა.„ირანი ძალიან მაღალ ფასს გადაიხდის მშვიდობიანი მოსახლეობის – ქალების, ბავშვების – მკვლელობისთვის, რომელიც მან განზრახ განახორციელა. ჩვენ მივაღწევთ ჩვენს მიზნებს და მათ დაუძლეველი ძალით დავარტყამთ. დაფიქრდით, რა მოხდება, ირანს ისრაელის ქალაქებზე ჩამოსაგდებად ბირთვული იარაღი რომ ჰქონდეს. დაფიქრდით, რა მოხდება, ირანს 20 000 ასეთი რაკეტა რომ ჰქონდეს – არა ერთი, არამედ 20 000. ეს ისრაელისთვის ეგზისტენციალური საფრთხეა. სწორედ ამიტომ დავიწყეთ გადარჩენის ომი. ჩვენი ჯარისკაცები, ჩვენი პილოტები ირანის ცის ზემოთ არიან“, – განაცხადა ნეთანიაჰუმ.

რუსეთმა უკრაინას კიდევ 1 200 გარდაცვლილის, მათ შორის სამხედრო მოსამსახურეების ცხედრები დაუბრუნა. მანამდე კი კიევმა და მოსკოვმა ტყვეთა გაცვლის მორიგი ეტაპი განახორციელეს.როგორც უკრაინის სამხედრო ტყვეებთან ქცევის საკითხებში საკოორდინაციო შტაბში განაცხადეს, რეპატრირებულ ცხედრებს იდენტიფიკაციის მიზნით ყველა საჭირო ექსპერტიზა ჩაუტარდება.2 ივნისს, სტამბოლში მოლაპარაკებებისას რუსეთი უკრაინას 6 ათასამდე ცხედრის გადაცემას დაჰპირდა. 11 ივნისიდან მოსკოვმა კიევს 4 812 ცხედარი უკვე გადასცა.

ინდოელი მილიარდერი შემთხვევით ფუტკრის გადაყლაპვის შედეგად გარდაიცვალა. ამის შესახებ უცხოური მედია წერს.გამოცემის ცნობით, ფუტკარი 58 წლის ბიზნესმენ სანჯაი კაპურს პირში ჩაუფრინდა და ყელში უკბინა. ნაკბენმა მძიმე ალერგიული რეაქცია და გულის გაჩერება გამოიწვია - მამაკაცის გადარჩენა ვერ მოხერხდა.კაპური მსოფლიოში ერთ-ერთი წამყვანი ავტონაწილების მწარმოებელი კომპანია “Sona Comstar”-ის დირექტორთა საბჭოს თავმჯდომარე იყო.იგი ასევე იყო პრინც უილიამის მეგობარი.

ირანი შეერთებულ შტატებთან ბირთვულ მოლაპარაკებებს იქამდე არ განაახლებს, სანამ ისრაელი ირანზე იერიშებს არ შეწყვეტს, - განაცხადა ისლამური რესპუბლიკის პრეზიდენტმა ფრანგ კოლეგასთან სატელეფონო საუბრისას და შეერთებული შტატები ორმაგ სტანდარტებში დაადანაშაულა.სატელეფონო საუბრის შესახებ ინფორმაცია სოციალურ ქსელში ემანუელ მაკრონმაც გაავრცელა.„ირანის ბირთვული პროგრამა სერიოზულ შეშფოთებას იწვევს და ის მოლაპარაკებების გზით უნდა გადაწყდეს, ამიტომ მოვუწოდე პრეზიდენტ პეზეშკიანს სწრაფად დაუბრუნდეს მოლაპარაკებების მაგიდას შეთანხმების მისაღწევად. ეს დეესკალაციის ერთადერთი სიცოცხლისუნარიანი გზაა. ჩვენ მზად ვართ წვლილი შევიტანოთ და მობილიზება მოვახდინოთ ყველა ჩვენი ძალისხმევის ამ მიზნის მისაღწევად“, - განაცხადა მაკრონმა.

კიდევ ერთი ავიაკატასტროფა ინდოეთში - ვერტმფრენი, რომელსაც მომლოცველები გადაჰყავდა, ჩრდილოეთ ინდოეთის შტატ უტარახანდში ჩამოვარდა, რის შედეგადაც, სულ მცირე, 7 ადამიანი დაიღუპა. ინფორმაციას dailymail-ი ავრცელებს.მედია ინფორმაციით, ვერტმფრენი აფრენიდან მალევე, ტყიან მასივში ჩამოვარდა. ის ჰიმალაის მთებში, ინდუისტი მომლოცველების ცნობილ ადგილამდე მიფრინავდა.ვერტმფრენი ადგილობრივი დროით დილის 5:30 საათზე ჩამოვარდა.ამ დროისთვის, ხელისუფლება ფართომასშტაბიან სამძებრო-სამაშველო ოპერაციას აწარმოებს. გავრცელებული ინფორმაციით, დაღუპულთა სხეულები ხანძრის შედეგად ძლიერად დაიწვა.ცნობისთვის, ყოველ ზაფხულს, ათიათასობით ინდუისტი მომლოცველი კედარნათში მიემგზავრება. ბევრი მათგანი, რთულ რელიეფზე ლაშქრობის თავიდან ასაცილებლად, ვერტმფრენებს იყენებს.რამდენიმე დღის წინ, ინდოეთში, ისტორიაში ერთ-ერთი ყველაზე მასშტაბური ავიაკატასტროფა მოხდა. Air India-ს თვითმფრინავი დასახლებულ რაიონში ჩამოვარდა, რასაც ასეულობით ადამიანი ემსხვერპლა. ავიაკატასტროფას თვითმფრინავის მხოლოდ ერთი მგზავრი გადაურჩა.