საქმე გახსნილია! – ვაკეში მოკლული ბიზნესმენის საქმეზე კიდევ ერთი პირი დააკავეს- ცნობილია დაკავებულის ვინაობა

ხვიჩა კვარაცხელიას „პარი სენ-ჟერმენმა“ საფრანგეთის თასის ფინალში „რეიმსი“ 3:0 დაამარცხა და სეზონში მეორე ტიტული მოიპოვა.საქართველოს ნაკრების ლიდერი თავდაპირველად სასტარტო შემადგენლობაში იყო და გუნდთან ერთად წინასამატჩო მოთელვაშიც მონაწილეობდა, მაგრამ თამაშის დაწყებამდე ცოტა ხნით ადრე თავის ტკივილი იგრძნო. კლუბის ხელმძღვანელობამ აღარ გარისკა და კვარაცხელიას ნაცვლად სასტარტო შემადგენლობაში ბრედლი ბარკოლა შეიყვანა.შეხვედრა პარიზელთა უპირატესობით წარიმართა, ბრედლი ბარკოლას დუბლითა და ჰაკიმის გოლით პსჟ პირველივე ტაიმში 3:0 დაწინაურდა, მეორე ტაიმში ანგარიში აღარ შეცვლილა და პსჟ-მა საფრანგეთის ჩემპიონობის შემდეგ, საფრანგეთის თასიც მოიპოვა.„პარი სენ-ჟერმენი“ მომდევნო შეხვედრას 31 მაისს გამართავს – ლუის ენრიკეს გუნდი მიუნხენის „ალიანც არენაზე“, ჩემპიონთა ლიგის ფინალში, მილანის „ინტერს“ დაუპირისპირდება.პარიზელთა მოგებით გიორგი მიქაუტაძის „ლიონის“ საქმეც გააკეთა – მომავალ სეზონში ლიონელები კონფერენს ლიგის ნაცვლად, ევროპა ლიგაზე ითამაშებენ.

გარდაიცვალა ჟურნალისტი, საინფორმაციო სააგენტო „ნიუსდეის“ დამფუძნებელი ავთანდილ ოთინაშვილი.გარდაცვალების შესახებ ინფორმაციას მისი ახლობლები ავრცელებენ.მათი ცნობით, ავთანდილ ოთინაშვილი იმყოფებოდა ჩინეთში, სადაც მოულოდნელად გარდაიცვალა.საზოგადოებრივი მაუწყებელი მწუხარებას გამოთქვამს და სამძიმარს უცხადებს ოჯახის წევრებსა და სააგენტოს თანამშრომლებს.

„დინამო თბილისისა“ და ქუთაისის „ტორპედოს“ მატჩი შემდეგ ფეხბურთელებს შორის ჩხუბი მოხდა – შეხვედრის არბიტრმა, გიორგი ყრუაშვილმა ცხრა ფეხბურთელი წითელი ბარათით დასაჯა.დაძაბული მატჩის მიუხედავად, შეხვედრის მთავარ არბიტრს თამაშის დროს წითელი ბარათი არ გამოუყენებია, მაგრამ მატჩის დასრულების შემდეგ მომხდარი ჩხუბის გამო მსაჯმა მკაცრი გადაწყვეტილება მიიღო.ყრუაშვილმა „დინამო თბილისის“ მხრიდან ხუთი ფეხბურთელი დასაჯა – თორნიკე მორჩილაძე, საბა ხვადაგიანი, თემურ ოდიკაძე, ცოტნე ბერელიძე და მიხეილ მაქაცარია, ხოლო „ტორპედოდან“ წითელი ბარათები ლეგიონერებმა – ფელიპე პირესმა, ერიკ პიმენტელმა, ჟოუ კამარგომ და კისლე ზიტამ მიიღეს.

პაკისტანის პენჯაბის პროვინციაში ქვიშის ქარიშხალს რვა ადამიანი ემსხვერპლა, 45 კი დაშავდა. ამის შესახებ ინფორმაციას პაკისტანის რეგიონის კატასტროფების მართვის სააგენტო ავრცელებს.ქვიშის ქარიშხალსა და შემდგომ ძლიერ წვიმას წინ უძღოდა რეგიონში ჰაერის მაღალი ტემპერატურა, რომელიც პაკისტანის ზოგიერთ ნაწილში მთელი კვირის განმავლობაში შენარჩუნებული იყო.სტიქიის შედეგად დაინგრა და დაზიანდა რამდენიმე სახლი. პროვინციის ადმინისტრაციულ ცენტრში ქალაქ ლაჰორში ძლიერმა ქარმა წააქცია ხეები და დააზიანა მზის ენერგიის პანელები.პაკისტანის მეტეოროლოგიურმა დეპარტამენტმა მოსალოდნელი ქვიშის ქარიშხლისა და ძლიერი წვიმის შესახებ მოსახლეობა ცოტა ხნით ადრე გააფრთხილა.

ისრაელის თავდაცვის ძალებში აცხადებენ, რომ იკვლევენ ცნობებს ღაზაში დრონით დარტყმის შედეგად ცხრა ბავშვის დაღუპვის შესახებ.პალესტინური მხარის ცნობით, ხან-იუნისის ერთ-ერთ საცხოვრებლის სახლზე განხორციელებულ დარტყმას ერთი ოჯახის ცხრა ბავშვი ემსხვერპლა. ყველა მათგანი 12 წელზე ნაკლები ასაკის იყო. ოჯახის მამა და მისი ერთი 11 წლის შვილი სერიოზულად დაშავდნენ. დედა ალაა ნაჯარი ნასერის საავადმყოფოს პედიატრია და იერიშის დროს სამსახურში იმყოფებოდა.გავრცელებულ ცნობებზე საპასუხოდ, ისრაელის თავდაცვის ძალებში დაადასტურეს, რომ განახორციელეს დარტყმა ხან-იუნისში. ისრაელს არმიის ცნობით, სამიზნეს რამდენიმე ეჭვმიტანილი წარმოადგენდა.„ხან-იუნისი არის საბრძოლო მოქმედებების საშიში ზონა, საიდანაც სახმელეთო ოპერაციის დაწყებამდე ისრაელის თავდაცვის ძალებმა მშვიდობიანი მოქალაქეების ევაკუაციის განკარგულება გასცეს უსაფრთხოებისთვის მიზნით. ცნობები სამოქალაქო პირებისთვის მიყენებული ზიანის შესახებ მოწმდება“, – განაცხადეს ისრაელის თავდაცვის ძალებში.