დიდუბეში, კაცს თბილისი-ბათუმის მატარებელი დაეჯახა

აშშ-ის პრეზიდენტმა, დონალდ ტრამპმა განაცხადა, რომ დაამტკიცა 175 მილიარდი დოლარის ღირებულების პროექტი „ოქროს გუმბათი“. ამის შესახებ ტრამპმა თეთრ სახლში ჟურნალისტებთან შეხვედრისას განაცხადა.„ოქროს გუმბათი დაიცავს ჩვენს სამშობლოს“, – განაცხადა ამერიკის პრეზიდენტმა და აღნიშნა, რომ კანადამ გამოთქვა ამ პროგრამაში ჩართვის სურვილი.დონალდ ტრამპის თქმით, თავდაცვითი ფარი, რომლის ღირებულებაც დაახლოებით 175 მილიარდი დოლარი იქნება, უნდა ამოქმედდეს მისი უფლებამოსილების ვადის ამოწურვამდე – 2029 წლის იანვრამდე.„რონალდ რეიგანს ეს წლების წინ სურდა, მაგრამ მაშინ შესაბამისი ტექნოლოგიები არ არსებობდა“, – აღნიშნა ტრამპმა.ტრამპის ადმინისტრაციამ სამხედრო მაღალჩინოსნებს უბრძანა, უზრუნველყონ, რომ „ოქროს გუმბათის“ სამომავლო დაფინანსება აისახოს 2026-2030 წლების ახალ საბიუჯეტო ხარჯთაღრიცხვაში.

ივანიშვილს თუ ძალით არ გავიტანთ, არაფერი გამოვა, ეს უნდა გვესმოდეს, – ამის შესახებ „ერთიანობა ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა „ტვ პირველის“ ეთერში განაცხადა.მისი თქმით, როდესაც ყველა მიხვდება, რომ ბიძინა ივანიშვილი პერფორმანსით არ წავა, მაშინ დადგება შედეგი.„როდის დავამარცხებთ ბიძინა ივანიშვილის? როცა ფიზიკურად ვიქნებით მზად. თუ ძალით ივანიშვილს არ გავიტანთ, არაფერი გამოვა და ეგ უნდა გვესმოდეს, ძალას უნდა დავუპირისპიროთ ძალა. ყველა რომ მიხვდება, რომ ბიძინა რაღაც პერფორმანსით არ წავა და ჩვენ ამ ადამიანებთან მოგვიწევს ჩვენი ქვეყნისთვის ბრძოლა, მაშინ დარწმუნებული ვარ, რომ ეს შედეგი დადგება. მე მზად ვარ, რამე დავუშავო იმ მწამებელ ხარებას და წავალ ამის გამო ციხეში“, – განაცხადა ხაბეიშვილმა.

ერთადერთი მე-12 კლასელი ხაშურის რაიონის სოფელ ქინძათის საჯარო სკოლის მოსწავლე - ლერი ნოზაძეა.„დილა მშვიდობისა საქართველოს“ გადამღებმა გუნდმა მოამზადა სიუჟეტი, სადაც ბიჭი მის განვლილ გზაზე საუბრობს. 

გერმანიის ელჩზე, პიტერ ფიშერზე განხორციელებული სიტყვიერი თავდასხმა, გარდა იმისა, რომ ჩვენი ქვეყნის სირცხვილია, ამავდროულად, არის დანაშაული და უსწრაფეს რეაგირებას მოითხოვს! - ამის შესახებ "ლელო - ძლიერი საქართველოს" ლიდერი მამუკა ხაზარაძე სოციალურ ქსელში წერს.მისი თქმით, ის გმობს მომხდარს და გერმანიის ელჩს სოლიდარობას უცხადებს."მომხდარზე პასუხისმგებლობა ეკისრება ე.წ. ხელისუფლებას, რადგან სწორედ მისი ანტიდასავლური რიტორიკა და პროპაგანდა არის მომხდარი ინციდენტის მაპროვოცირებელი! კიდევ ერთხელ, კატეგორიულად ვგმობ მომხდარ სამარცხვინო ფაქტს! სოლიდარობას ვუცხადებ ბატონ ელჩს და ვუდასტურებ ჩემს პატივისცემასა და მეგობრობას!" - წერს ხაზარაძე.შეგახსენებთ, მედიაში გავრცელებული ინფორმაციით, პიტერ ფიშერს ბათუმში 18 მაისს სიტყვიერი შეურაცხყოფა მიაყენეს."საელჩო ადასტურებს ამ შემთხვევას და მადლობას უხდის იმ ქართველებს, რომლებიც შემთხვევით შეესწრნენ ინციდენტს და ამ სიტუაციაში მხარი დაუჭირეს ელჩს, როგორც მათი ქალაქის სტუმარს. მას შემდეგ, რაც ირგვლივ მდგომმა ქართველებმა ბატონ ქოჩიაშვილს მის უღირს საქციელზე მიუთითეს, მან სწრაფად დატოვა იქაურობა. პოლიცია ადგილზე არ ყოფილა", - განუცხადეს "ფორმულას" გერმანიის საელჩოში.

რუსეთს ამერიკის ეშინია, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური ვიდეომიმართვისას განაცხადა.მისივე თქმით, ამჟამად მოკავშირეებთან ერთად განიხილავს აშშ-ის პრეზიდენტ დონალდ ტრამპთან სატელეფონო საუბრის დეტალებს.„დიპლომატია უფრო ძლიერია, როცა გაერთიანებულები ვართ. ჩვენ განვიხილავთ ჩვენს პარტნიორებთან გუშინდელი საუბრის დეტალებსა და იდეებს. მნიშვნელოვანია, რომ ამერიკა დარჩეს ჩართული მშვიდობასთან მიახლოების პროცესში. სწორედ ამერიკის ეშინია რუსეთს და სწორედ ამერიკის გავლენას შეუძლია, გადაარჩინოს ბევრი სიცოცხლე“, – განაცხადა ზელენსკი ყოველდღიურ ვიდეომიმართვაში.ამასთან, უკრაინის პრეზიდენტმა დადებითად შეაფასა ევროკავშირის ახალი, რიგით მეჩვიდმეტე სანქციების პაკეტის დამტკიცება. ზელენსკის შეფასებით, ეს ნაბიჯი მნიშვნელოვანია, თუმცა არასაკმარისი.„ეს სწორი მიმართულებით გადადგმული ნაბიჯია და უნდა იყოს იმდენი სანქცია, რამდენიც საჭიროა რუსეთის მშვიდობით დაინტერესებისთვის, მისი აგრესიისა და ომის გახანგრძლივების სურვილის სრული ფასის შეგრძნებისთვის. მადლობას ვუხდი ყველას, ვინც ეხმარება“, -აღნიშნა უკრაინის პრეზიდენტმა.