ოთხშაბათი, მაისი 21, 2025

ბექა სივსივაძე 2011 წლის 26 მაისის მოვლენებზე-ცხადი გახდა, რომ ეს ღამე დაძაბული იქნებოდა. მე და გიორგი მამაცაშვილი იმდენად მშვიდობიანად მივდიოდით, ვერც წარმოგვედგინა, რომ ჩვენს მიმართ შესაძლოა რაიმე ექსცესი განხორციელებულიყო-დაახლოებით 40-ზე მეტი რეზინის ტყვია გვქონდა მოხვედრილი

„ამბავი გავრცელდა, რომ კოლმეურნეობის მოედნის მხრიდან ამოდიოდნენ სპეცრაზმელებით სავსე ავტობუსები. მე პირადად ჩავედი კოლმეურნეობის მოედანზე და საკუთარი თვალით ვნახე ავტობუსების კოლონა, რომელიც მოდიოდა და ბანაკდებოდა მიმდებარე ტერიტორიებზე. ჩემთვის ცხადი გახდა, რომ ეს ღამე იქნებოდა დაძაბული“- განაცხადა ჟურნალისტმა ბექა სივსივაძემ პარლამენტის დროებითი საგამოძიებო კომისიის სხდომაზე, რომელიც 2011 წლის 26 მაისის აქციის დარბევის მოვლენებზე საუბრობს.

როგორც ბექა სივსივაძე იხსენებს, სპეცრაზმს გიორგი მამაცაშვილმა გამაფრთხილებლად უთხრა „ჟურნალისტები ვართო“ და პრეს ბარათი ასწია, რა დროსაც ერთ-ერთი პირველი რეზინის ტყვია გიორგის კიდურებში მოხვდა. მისი თქმით, დაახლოებით 40-მდე ტყვია მოგვხვდა მას და გიორგის.

ასევე, იხსენებს, როგორც ჩაარტყეს ხელკეტი სპეცრაზმელებმა, რა დროსაც გაითიშა და როდესაც თვალი გაახილა წყლის გუბეში ჰქონდა თავი ჩარგული და ხელები პლასტმასის ხელბორკილით შეკრული.

„აქცია აბსოლუტურად მშვიდობიანი იყო. გახდა თუ არა 12 საათი, ისეთი პროცესები განვითარდა, რაც მხოლოდ საშინელებათა ფილმში შესაძლოა ნახოს ადამიანმა. პარლამენტის ორივე მხრიდან ჩამომავალმა სპეცრაზმმა გახსნა ცეცხლი. ეს იყო წყლის ჭავლი, ყუმბარები, რომელიც ეცემოდა სცენას და ცხადი გახდა, რომ ეს პროცესი ძალიან დაიძაბებოდა. რაც მე ვნახე, კინოთეატრ რუსთაველთან ჩასასვლელი ჩაკეტილი იყო, სპეცრაზმელები იდგნენ. თავდაპირველად, მე და გიორგიმ [მამაცაშვილი] ვცადეთ, რომ ამოვსულიყავით თავისუფლების მეტროსთან, კანცელარიისკენ ამომავალ კიბეებზე, მაგრამ იქაც სპეცრაზმელები იყვნენ. ამის შემდეგ მე და გიორგი წავედით თავისუფლების მოედნისკენ და გადავაწყდით, რომ ქვემოთა მხრიდან სპეცრაზმელების დიდი ტალღა ამოდიოდა. მე და გიორგი იმდენად მშვიდობიანად მივდიოდით, ვერც წარმოგვედგინა, რომ რაიმე ექსცესი შესაძლოა ჩვენს მიმართ განხორციელებულიყო. იმდენად მივუახლოვდით სპეცრაზმს, რომ დაახლოებით 2 მეტრის მანძილი იყო ჩვენს შორის და გამაფრთხილებლად გიორგიმ მაინც შესძახა, რომ ბიჭებო, ჟურნალისტები ვართო და პრეს ბარათი ასწია. მათ ხელში მომარჯვებული ჰქონდათ შესაბამისი იარაღი, როგორც გაირკვა რეზინის ტყვიებს ისროდნენ. პირველი ტყვია გიორგის მოხვდა ქვემო კიდურებში, რა დროსაც სიმწრისგან დაბლა დაიხარა. მეც და გიორგისაც დაახლოებით 40-ზე მეტი რეზინის ტყვია გვქონდა მოხვედრილი. ვეცადეთ, სირბილით წამოვსულიყავით თავისუფლების მეტროსკენ. მეტრო გადაკეტილი ჰქონდა პატრულის თანამშრომლებს. ვცდილობდით მათთვის აგვეხსნა, რომ „ვართ ჟურნალისტები და თუ შესაძლებელია ჩვენთვის გამონახეთ ადგილი, რომ გავჩერდეთ“, სწორედ ამ დროს ისინი წამოგვეწივნენ, ვინც ტყვიებით უკვე გადაგვცხრილეს და მე თავში ჩამარტყეს ხელკეტი, რა დროსაც გავითიშე. არ მახსოვს, რამდენი წუთით ვიყავი გონებადაკარგული. როდესაც თვალი გავახილე წყლის გუბეში მქონდა თავი ჩარგული და ხელები მქონდა პლასტმასის ხელბორკილით შეკრული“-განაცხადა ბექა სივსივაძემ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

მარკო რუბიოს სენატის საგარეო ურთიერთობათა კომიტეტში გამოსვლა შეაწყვეტინეს

აშშ-ის სახელმწიფო მდივანს, მარკო რუბიოს სენატის საგარეო ურთიერთობათა კომიტეტში გამოსვლა შეაწყვეტინეს.კერძოდ, რუბიო სენატის საგარეო ურთიერთობათა კომიტეტის წინაშე სახელმწიფო დეპარტამენტის 2026 წლის ბიუჯეტის პროექტზე საუბრობდა, როდესაც ორმა აქტივისტმა ამერიკის პოლიტიკის საწინააღმდეგო ლოზუნგებით გამოსვლა შეაწყვეტინა. ისინი ღაზაში მიმდინარე მოვლენების ფონზე ვაშინგტონის მხრიდან ისრაელის მიმართ მხარდაჭერას აპროტესტებდნენ. ორივე პირი დარბაზიდან დაცვის სამსახურმა გაიყვანა.აქტივისტებმა მარკო რუბიოს დარბაზში შესვლამდეც გამოხატეს პროტესტი.„შეწყვიტეთ გენოციდი“, „დაუწესეთ სანქციები ისრაელს“ და „დაიწყეთ ბავშვების კვება“ – სკანდირებდნენ აქტივისტები, როდესაც რუბიო სხდომაზე შედიოდა.

„მსტვინავი სუნთქვა, ჟანგბადის საჭიროება, ფილტვების ანთება“ – ივანე ჩხაიძის გაფრთხილება მოსახლეობას!

„სტატისტიკური მონაცემებით, კალენდარული წლის მე-19 კვირას, გრიპის ხვედრითი წილი ლაბორატორიულად დადასტურებულ შემთხვევებში 23%-ია“, – ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, თსუ-ს პროფესორმა, ივანე ჩხაიძემ „მედიაცენტრ მთავარის“ პრესკლუბში განაცხადა.როგორც ჩხაიძემ აღნიშნა, ამ ეტაპზე, 23% განპირობებულია A ტიპის ვირუსით, რაც არის დაავადებების ის ჯგუფი, რომელიც პირველადი ჯანდაცვის რგოლში იმართება.„ეს ეხება გრიპისმაგვარ დავადებებს. ეს არის ის ჯგუფი დაავადებებისა, რომლებიც ძირითადად იმართებიან პირველადი ჯანდაცვის რგოლში. 23% საკმაოდ მაღალია. ერთი განსხვავება რაც არის წინა კვირებთან შედარებით, ეს 23% განპირობებულია A ტიპის ვირუსით და B ტიპის ვირუსის დომინანტობა, რაც აღინიშნა იანვრის მეორე ნახევრიდან, მე-19 კვირას B ტიპის ვირუსის არცერთი შემთხვევა არ დაფიქსირებულა“, – განაცხადა ივანე ჩხაიძემ „მედიაცენტრ მთავარის“ პრესკლუბში.მისივე თქმით, ამ დროისთვის, მძიმედ მიმდინარე ინფექციები რესპირაციულ-სინციტიური ვირუსით არის ჩანაცვლებული, რომელიც ძირითადად, 2 წლამდე ასაკის ბავშვებსა და 65 წელს ზევით ადამიანებში ფიქსირდება.„მძიმე მიმდინარეობის რესპირაციული ინფექციები, რომლებითაც ძირითადად საავადმყოფოებში ხვდებიან, აღარ ფიქსირდება. ეს ძალიან კარგია. ეს იმას ნიშნავს, რომ მძიმედ მიმდინარე გრიპი, რომელსაც სჭირდება ჰოსპიტალიზაცია, საავადმყოფოში დაყოვნება და რომელიც გართულებით მიმდინარეობს, მე-19 კვირას უკვე აღარ ყოფილა და ის ჩანაცვლებულია მთლიანად რესპირაციულ-სინციტიური ვირუსით. ეს ვირუსია ახლა დომინანტური კლინიკებში და ეს არის ვირუსი, რომელიც განაპირობებს 2 წლამდე ასაკის ბავშვებში წვრილი ბრონქიოლების ანთებას. ის მიმდინარეობს შეტევითი ხასიათის ხველით, გახშირებული სუნთქვით, მსტვინავი ხასიათის სუნთქვით, რომელსაც ახლავს ძალიან ხშირად სუნთქვის უკმარისობის მოვლენები, ჟანგბადის მიწოდების აუცილებლობა და ასაკობრივ ჯგუფსაც კიდევ ერთხელ გავუსვამ ხაზს – ძირითადად 2 წლამდე ასაკში ფიქსირდება. ასეთი ბავშვები საჭიროებენ ჰოსპიტალიზაციას. ამავე ვირუსმა 65 წელს გადაცილებულ ადამიანებში შეიძლება, ფილტვების ანთებაც გამოიწვიოს. აქ აქცენტი კეთდება სასუნთქი სისტემის დაზიანებაზე და არა მაღალი ტემპერატურით მიმდინარე პროცესებზე“, – აღნიშნა ჩხაიძემ „მედიაცენტრ მთავარის“ პრესკლუბში.

„შვილზე მამა, თითქმის ერთი წლის განმავლობაში, სექსუალურად ძალადობდა…“ – რა ინფორმაცია ვრცელდება კახეთში მომხდარ შემზარავ დანაშაულზე

კახეთის რეგიონში 13 წლის შვილზე სექსუალური ძალადობისთვის მამა დააკავეს.50 წლამდე მამაკაცს ბრალი უკვე წაუყენეს, დაზარალებული გოგონა კი, ოჯახიდან გაყვანილია. მამაკაცი წარსულში ნასამართლევია, მის მიმართ ნაკლებად მძიმე დანაშაულისათვის,  პირობითი სასჯელი იყო გამოყენებული.ადგილობრივების ინფორმაციით, მოზარდზე მამაკაცი თითქმის ერთი წლის განმავლობაში ძალადობდა.მას გოგონა იმ მუნიციპალიტეტის ერთ-ერთ სოფელში დაჰყავდა, სადაც თავად იყო დასაქმებული. ერთ-ერთი ვერსიით, დანაშაულის შესახებ ინფორმაცია ჰქონდა დედასაც, რომელსაც კაცი მოკვლით ემუქრებოდა.ბავშვმა მომხდარი საკუთარ დეიდას უამბო, რის შემდეგაც კაცი პოლიციამ დააკავა.

18 წლის მეხანძრე გოგომ, პირველ სამუშაო დღეს, 16 ადამიანი გადაარჩინა

18 წლის მეხანძრე გოგომ, პირველ სამუშაო დღეს, 16 ადამიანი გადაარჩინა — ინფორმაციას უცხოური მედია ავრცელებს.შემთხვევა, 22 ივლისს კანადაში მოხდა. არსებული ინფორმაციით, ხანძარი კანადაში, იასპერის ეროვნულ პარკში გაჩნდა. სახანძრო-სამაშველო სამსახურს ინფორმაცია მოლაშქრეებმა გადასცეს, რომელთაც დაუყოვნებლივ ესაჭიროებოდათ დახმარება, რადგან ცეცხლი სწრაფად ვრცელდებოდა. ეროვნული პარკისაკენ მიმავალ სახანძროს ჯგუფში ერთ-ერთი მოხალისე მაშველი იყო, 18 წლის გოგო — კოლინ კნული. მისთვის ეს პირველი სამუშაო დღე იყო.როგორც თანამშრომლები და თვითმხილველები ამბობენ, სპეციალური აღჭურვილობის დახმარებით ხანძრიდან მან 16 ადამიანის გამოყვანა მოახერხა."გარდა ყველაფრისა, მან საოცარი ლიდერული თვისებები გამოავლინა. ძალიან სწრაფად მოახერხა სიტუაციის მართვა და გუნდური მუშაობა", — განაცხადა სახანძრო განყოფილების ხელმძღვანელმამაშველებმა ტერიტორიიდან ჯამში 67 ადამიანი გამოიყვანეს. ცეცხლის ლიკვიდაცია მთლიანად მოხერხდა. სახანძრო-სამაშველო დეპარტამენტმა, წარმატებული პირველი დღის შემდეგ, 18 წლის კნულის სპეციალური მადლობის სიგელიც გადასცა.

„გასასკდომი გულიც აღარ მაქვს“ – აკა სინჯიკაშვილი საზოგადოებას მიმართავს

სცენარისტი და ქველმოქმედი აკა სინჯიკაშვილი სოციალურ ქსელში წერს:„კიდევ ერთი უსახლკარო, შშმ პირი მოხუცი გარდაიცვალა ქუჩაში. ეტლიდან გადმოვარდა და თავი დაარტყა. სისხლიანი იყო სულ, მიშო ეხმარებოდა, ეტლში ჩასვა და სამჯერ გამოიძახა სასწრაფო. სამი დღით ვიყავი წასული, რასაც თავს ვერ ვაპატიებ ვერასდროს და დღეს რომ მივაკითხე, მითხრეს, რომ ცოცხალი აღარაა. გასასკდომი გულიც აღარ მაქვს.ამ წამიდან ვაყალიბებთ ჯგუფს, რომელიც ყველანაირი ხერხით ეცდება, რომ ქუჩაში აღარავინ გარდაიცვალოს.რომ არავის არ ეძინოს ქუჩაში. შემოგვიერთდით, მეტი არავინ არის, ვინც ამათზე ზრუნავს. მარტო მე და ირაკლი კიდევ, რომ გავიხეთ, ყველგან მისვლას მაინც ვერ ვასწრებთ. გადავერთვებით, მხოლოდ ამ საქმეზე და მნიშვნელობა არ აქვს შეგვიძლია თუ არა, მაინც ბოლომდე უნდა მივიყვანოთ. მომწერეთ აქ -558181218.ქალაქის ნებისმიერ ადგილას, სადაც შეამჩნევთ, რომ ღამით სძინავს ვინმეს, ან ცუდადაა და სასწრაფოს არ მიჰყავს, ამ პოსტის ქვეშ ჩააგდეთ ფოტო, ან დამირეკეთ და მომწერეთ ტელეფონზე -558181218.დამიკავშირდით, ვისაც შეგიძლიათ ავადმყოფის მოვლა ქუჩაში, დროგამოშვებით მისვლა და საჭმლის და წამლების მიტანა. ყველაფერს, რას დაგჭირდებათ მე გაგატანთ.მივმართავ კომპანიებს, რომლებსაც ნახევარი ქალაქის ტერიტორია აქვთ აღებული. სულ 7 კვადრატული მიწა გვჭირდება, რომ კონტეინერი დავუდგათ, სადაც უბრალოდ დაიძინებენ. რაღაცნაირად, ეს გამოცხადებული სიკვდილის ქრონიკა უნდა დავამთავროთ ქალაქში. თქვენ თვითონ არ გაწუხებთ ქუჩაში მომაკვდავი ავადმყოფები?გაგვიზიარეთ ეს პოსტი და დაგვეხმარეთ ყველა, ვინც რით შეძლებთ, ამისი გაგრძელება აღარ შეიძლება. არავინ არ უნდა გამოგვრჩეს, ვისაც გარეთ სძინავს. ფულს ვაგროვებთ კონტეინერებისთვის, მათი საჭმლისთვის, წამლებისთვის, კლინიკაში გადაყვანისთვის და ადგილზე დასაძინებლის მოწყობისთვის.ფული შეგიძლიათ ჩარიცხოთ - ანგარიშის ნომერი:საქართველოს ბანკი #GE35BG0000000144817300 აკაკი სინჯიკაშვილითიბისი ბანკი #GE90TB7603845061100016 PayPal – [email protected] უცხო ქვეყნებიდან შეგიძლიათ გამოგზავნოთ გზავნილით – Akaki Sinjikashvili.მართლა მოგვეხმარეთ ყველა რა, თითქმის ყველას ვიცნობთ და ყველაფერს მე აგიხსნით ყველაზე, ვის რა მიუტანოთ, ვინ როგორი ადამიანია და ვის როგორ მოეპყროთ. ვისაც რა შეგვიძლია, გავაკეთოთ და ეს უზარმაზარი პრობლემა აუცილებლად მოგვარდება,” – წერს აკა სინჯიკაშვილი.

ბოლო სიახლეები