ნიკა მელია – დადგა დრო, პოლიტიკური ორაზროვნება დასრულდეს და პასუხი გაეცეს კითხვას, შევდივართ თუ არა ფარსში, სახელად ადგილობრივი არჩევნები?

პეპელა, როგორც სიმბოლო, ყოველთვის იპყრობდა ხალხის ყურადღებას. სხვადასხვა კულტურაში ის არა მხოლოდ ბუნებრივ სილამაზეს წარმოადგენს, არამედ სულების მნიშვნელოვან შეტყობინებებსაც. სტატიაში განვიხილავთ, თუ რა ნიშნები ასოცირდება პეპლებთან, როდის არის მათი გამოჩენა სასიხარულო ამბის მომასწავებელი და როდის უნდა იყოთ ფრთხილად.პეპელა სახლში: სიმბოლიზმი სხვადასხვა კულტურაში მრავალ კულტურაში პეპელა გარდაცვლილი წინაპრების სულთან ასოცირდებოდა. მისი გამოჩენა სახლში ხშირად აღიქმებოდა, როგორც სულის არსებობის ნიშანი, რომელიც შთამომავლებს უყურებს. პეპელა ასევე იყო აღორძინებისა და მარადიული სიცოცხლის სიმბოლო, რომელიც ხშირად იყო გამოსახული ქრისტიანულ ხელნაწერებში, სადაც ჩვილი იესო პეპელას ხელს უწვდის, როგორც ახალი დასაწყისის სიმბოლოს. იაპონურ კულტურაში პეპელა ასევე სიმბოლურად გამოხატავს სულს, განსაკუთრებით გარდაცვლილი საყვარელი ადამიანის სულს. მისი სახლში გამოჩენა იმის ნიშნად ითვლებოდა, რომ გარდაცვლილთან ყველაფერი კარგად იყო და ის სასიხარულო ამბავს გადასცემდა. წყვილად ფრენა პეპლებს ხანგრძლივ და ბედნიერ ურთიერთობებთან აკავშირებდა. იაპონიაში პეპლები ასევე ითვლება აღორძინებისა და სულიერი ზრდის პროცესის სიმბოლოდ.ჩინურ კულტურაში პეპლები ბუნების სულების მაცნეები არიან, ასევე სიყვარულისა და ერთგულების სიმბოლოები. თუ სახლში პეპლები წყვილ-წყვილად ჩნდებიან, ეს ურთიერთობისთვის კარგ ნიშნად ითვლება. გარდა ამისა, ფენ-შუი გვირჩევს სახლის სამხრეთ-დასავლეთ ნაწილში პეპლების სურათების გამოყენებას სიყვარულში წარმატების მოსაზიდად.თანაბრად მნიშვნელოვანი ასპექტია პეპლის ფერი, რომელსაც შეუძლია მნიშვნელოვნად შეცვალოს ნიშნის ინტერპრეტაცია.თეთრი პეპელა კარგი ცვლილებების, სინათლისა და სასიხარულო ამბების სიმბოლოა.ყვითელი და ნარინჯისფერი პეპლები გპირდებიან ფინანსურ წარმატებას, საჩუქრებს და ბედის კეთილშობილებას. ეს პეპლები განსაკუთრებით ხელსაყრელი იყო ვაჭრებისა და ხელოსნებისთვის. ლურჯი ან ღია ცისფერი პეპელა იშვიათი, მაგრამ ძლიერი ნიშანია იმისა, რომ სანუკვარი ოცნება ახდება, განსაკუთრებით თუ ადამიანმა ძალისხმევა გასწია.წითელი პეპელა არის ვნებიანი სიყვარულის ან პირად ცხოვრებაში მკვეთრი ცვლილებების სიმბოლო.შავი პეპელა - ხშირად აღიქმება, როგორც მწუხარების ნიშანი ან გარდაცვლილის შეხსენება, რომელსაც ხსოვნა და ყურადღება სჭირდება.ფერადი პეპელა სიმბოლოა შერეული მოვლენების, სიხარულისა და სიურპრიზების, ასევე მნიშვნელოვანი შეხვედრების.ნიშნის სწორად წასაკითხად დიდი მნიშვნელობა აქვს იმ ადგილს, სადაც პეპელა ჩერდება.ფანჯარაზე სიახლეების მაუწყებელია, ხშირად შორეული ადამიანებისგან. ეს შეიძლება იყოს წერილი ან სატელეფონო ზარი.კარზე - სიმბოლოა წარსულიდან ვინმეს დაბრუნების, ვინც შესაძლოა დიდი ხნის განმავლობაში არ გინახავთ.ხელზე არის საჩუქრის ან ბედნიერი შემთხვევის ნიშანი, რომელიც შთაგონებას მოიტანს.თავზე - აზროვნების ან გამჭრიახობის ცვლილებების საწინდარი. ეს ასევე შეიძლება ნიშნავდეს ხანგრძლივი გამოცდილებისგან განთავისუფლებას.მხარზე - სიმბოლოა საყვარელი ადამიანების მხარდაჭერის ან საიმედო მოკავშირის გამოჩენის. ყვავილზე - ახალი გრძნობებისა და ურთიერთობების აყვავების.ხატებზე ან ფოტოებზე - ეს შეიძლება იყოს გარდაცვლილი ნათესავების გზავნილი, რომელიც სიფრთხილისა და დაბალანსებული გადაწყვეტილებებისკენ მოუწოდებს.თუ პეპელა უბრალოდ წრეზე დაფრინავს დაშვების გარეშე, ეს შეიძლება იყოს ნიშანი იმისთვის, ვინც პირველად შენიშნა იგი. მნიშვნელოვანია გახსოვდეთ, რა განწყობაზე იყავით და რას აკეთებდით იმ დროს, როდესაც მწერი შენიშნეთ, რათა სწორად გაიგოთ შეტყობინების მნიშვნელობა.

აშშ-ის სახელმწიფო მდივანს, მარკო რუბიოს სენატის საგარეო ურთიერთობათა კომიტეტში გამოსვლა შეაწყვეტინეს.კერძოდ, რუბიო სენატის საგარეო ურთიერთობათა კომიტეტის წინაშე სახელმწიფო დეპარტამენტის 2026 წლის ბიუჯეტის პროექტზე საუბრობდა, როდესაც ორმა აქტივისტმა ამერიკის პოლიტიკის საწინააღმდეგო ლოზუნგებით გამოსვლა შეაწყვეტინა. ისინი ღაზაში მიმდინარე მოვლენების ფონზე ვაშინგტონის მხრიდან ისრაელის მიმართ მხარდაჭერას აპროტესტებდნენ. ორივე პირი დარბაზიდან დაცვის სამსახურმა გაიყვანა.აქტივისტებმა მარკო რუბიოს დარბაზში შესვლამდეც გამოხატეს პროტესტი.„შეწყვიტეთ გენოციდი“, „დაუწესეთ სანქციები ისრაელს“ და „დაიწყეთ ბავშვების კვება“ – სკანდირებდნენ აქტივისტები, როდესაც რუბიო სხდომაზე შედიოდა.

„სტატისტიკური მონაცემებით, კალენდარული წლის მე-19 კვირას, გრიპის ხვედრითი წილი ლაბორატორიულად დადასტურებულ შემთხვევებში 23%-ია“, – ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, თსუ-ს პროფესორმა, ივანე ჩხაიძემ „მედიაცენტრ მთავარის“ პრესკლუბში განაცხადა.როგორც ჩხაიძემ აღნიშნა, ამ ეტაპზე, 23% განპირობებულია A ტიპის ვირუსით, რაც არის დაავადებების ის ჯგუფი, რომელიც პირველადი ჯანდაცვის რგოლში იმართება.„ეს ეხება გრიპისმაგვარ დავადებებს. ეს არის ის ჯგუფი დაავადებებისა, რომლებიც ძირითადად იმართებიან პირველადი ჯანდაცვის რგოლში. 23% საკმაოდ მაღალია. ერთი განსხვავება რაც არის წინა კვირებთან შედარებით, ეს 23% განპირობებულია A ტიპის ვირუსით და B ტიპის ვირუსის დომინანტობა, რაც აღინიშნა იანვრის მეორე ნახევრიდან, მე-19 კვირას B ტიპის ვირუსის არცერთი შემთხვევა არ დაფიქსირებულა“, – განაცხადა ივანე ჩხაიძემ „მედიაცენტრ მთავარის“ პრესკლუბში.მისივე თქმით, ამ დროისთვის, მძიმედ მიმდინარე ინფექციები რესპირაციულ-სინციტიური ვირუსით არის ჩანაცვლებული, რომელიც ძირითადად, 2 წლამდე ასაკის ბავშვებსა და 65 წელს ზევით ადამიანებში ფიქსირდება.„მძიმე მიმდინარეობის რესპირაციული ინფექციები, რომლებითაც ძირითადად საავადმყოფოებში ხვდებიან, აღარ ფიქსირდება. ეს ძალიან კარგია. ეს იმას ნიშნავს, რომ მძიმედ მიმდინარე გრიპი, რომელსაც სჭირდება ჰოსპიტალიზაცია, საავადმყოფოში დაყოვნება და რომელიც გართულებით მიმდინარეობს, მე-19 კვირას უკვე აღარ ყოფილა და ის ჩანაცვლებულია მთლიანად რესპირაციულ-სინციტიური ვირუსით. ეს ვირუსია ახლა დომინანტური კლინიკებში და ეს არის ვირუსი, რომელიც განაპირობებს 2 წლამდე ასაკის ბავშვებში წვრილი ბრონქიოლების ანთებას. ის მიმდინარეობს შეტევითი ხასიათის ხველით, გახშირებული სუნთქვით, მსტვინავი ხასიათის სუნთქვით, რომელსაც ახლავს ძალიან ხშირად სუნთქვის უკმარისობის მოვლენები, ჟანგბადის მიწოდების აუცილებლობა და ასაკობრივ ჯგუფსაც კიდევ ერთხელ გავუსვამ ხაზს – ძირითადად 2 წლამდე ასაკში ფიქსირდება. ასეთი ბავშვები საჭიროებენ ჰოსპიტალიზაციას. ამავე ვირუსმა 65 წელს გადაცილებულ ადამიანებში შეიძლება, ფილტვების ანთებაც გამოიწვიოს. აქ აქცენტი კეთდება სასუნთქი სისტემის დაზიანებაზე და არა მაღალი ტემპერატურით მიმდინარე პროცესებზე“, – აღნიშნა ჩხაიძემ „მედიაცენტრ მთავარის“ პრესკლუბში.

კახეთის რეგიონში 13 წლის შვილზე სექსუალური ძალადობისთვის მამა დააკავეს.50 წლამდე მამაკაცს ბრალი უკვე წაუყენეს, დაზარალებული გოგონა კი, ოჯახიდან გაყვანილია. მამაკაცი წარსულში ნასამართლევია, მის მიმართ ნაკლებად მძიმე დანაშაულისათვის,  პირობითი სასჯელი იყო გამოყენებული.ადგილობრივების ინფორმაციით, მოზარდზე მამაკაცი თითქმის ერთი წლის განმავლობაში ძალადობდა.მას გოგონა იმ მუნიციპალიტეტის ერთ-ერთ სოფელში დაჰყავდა, სადაც თავად იყო დასაქმებული. ერთ-ერთი ვერსიით, დანაშაულის შესახებ ინფორმაცია ჰქონდა დედასაც, რომელსაც კაცი მოკვლით ემუქრებოდა.ბავშვმა მომხდარი საკუთარ დეიდას უამბო, რის შემდეგაც კაცი პოლიციამ დააკავა.

18 წლის მეხანძრე გოგომ, პირველ სამუშაო დღეს, 16 ადამიანი გადაარჩინა — ინფორმაციას უცხოური მედია ავრცელებს.შემთხვევა, 22 ივლისს კანადაში მოხდა. არსებული ინფორმაციით, ხანძარი კანადაში, იასპერის ეროვნულ პარკში გაჩნდა. სახანძრო-სამაშველო სამსახურს ინფორმაცია მოლაშქრეებმა გადასცეს, რომელთაც დაუყოვნებლივ ესაჭიროებოდათ დახმარება, რადგან ცეცხლი სწრაფად ვრცელდებოდა. ეროვნული პარკისაკენ მიმავალ სახანძროს ჯგუფში ერთ-ერთი მოხალისე მაშველი იყო, 18 წლის გოგო — კოლინ კნული. მისთვის ეს პირველი სამუშაო დღე იყო.როგორც თანამშრომლები და თვითმხილველები ამბობენ, სპეციალური აღჭურვილობის დახმარებით ხანძრიდან მან 16 ადამიანის გამოყვანა მოახერხა."გარდა ყველაფრისა, მან საოცარი ლიდერული თვისებები გამოავლინა. ძალიან სწრაფად მოახერხა სიტუაციის მართვა და გუნდური მუშაობა", — განაცხადა სახანძრო განყოფილების ხელმძღვანელმამაშველებმა ტერიტორიიდან ჯამში 67 ადამიანი გამოიყვანეს. ცეცხლის ლიკვიდაცია მთლიანად მოხერხდა. სახანძრო-სამაშველო დეპარტამენტმა, წარმატებული პირველი დღის შემდეგ, 18 წლის კნულის სპეციალური მადლობის სიგელიც გადასცა.