თბილისში „ერთობის მარში“ მიმდინარეობს

სახელმწიფო უსაფრთხოების სამსახურის უფროსი ანრი ოხანაშვილი მე­უღ­ლეს­ა და შვილებ­თან ერ­თად სრუ­ლი­ად სა­ქართველოს კათო­ლი­კოს-პატ­რი­არ­ქს, უწ­მინ­დეს­სა და უნეტარესს, ილია მე­ო­რეს საპატრიარქოში ესტუმრა.ამის შესახებ ინფორმაციას სახელმწიფო უსაფრთხოების სამსახური ავრცელებს.„უწ­მინ­დეს­მა ანრი ოხანაშვილი და მისი ოჯახი დალო­ცა, თანამდებობაზე დანიშვნა მი­უ­ლო­ცა და საქმიანობაში წარ­მა­ტე­ბე­ბი უსურ­ვა“, – აღნიშნულია სახელმწიფო უსაფრთხოების სამსახურის ინფორმაციაში.

მეგობრებო, მსურს მოგაწოდოთ მეტად საყურადღებო და მნიშვნელოვანი ინფორმაცია, - ნარკოლოგი ზურა სიხარულიძე ქალაქში არსებული საშიში ნივთიერების შესახებ ინფორმაციას ავრცელებს.„ბოლო დღეებში ქალაქში იყიდება ძვირად ღირებული ნარკოტიკული ნივთიერება, რომელიც იყიდება კოკაინის სახელით. თუმცა, როგორც ირკვევა, აღნიშნული ნივთიერების გამოყენებას მოჰყვა რამდენიმე ზედოზირების შემთხვევა, მათ შორის ლეტალური.არსებული ეჭვის მიხედვით, რეალურად არ არის კოკაინი – სავარაუდოდ, საქმე გვაქვს მეტადონის კრისტალისა და ფენტანილის ნარევთან, რაც უკიდურესად საშიშია სიცოცხლისთვის.გთხოვთ, სიფრთხილე გამოიჩინოთ და გაავრცელოთ ეს ინფორმაცია, რათა თავიდან ავიცილოთ მძიმე შედეგები. გაუფრთხილდით საკუთარ და სხვის სიცოცხლეს“, - წერს სიხარულიძე.

„პატრიოტთა ალიანსი“ არასდროს არავის არ შეკვრია და არც შეეკვრება და თუ ვინმეს სჯერა, რომ „ნაცებს“ შევეკარით, ფსიქიატრს მიმართოს, - ამის შესახებ „პატრიოტთა ალიანსის" ლიდერი, ირმა ინაშვილი სოციალურ ქსელში წერს.„გათენდა მენელსაცხებლე დედათა დღე. ვიღაცა სუსის აგენტი, ან ბრიყვი, ან, უბრალოდ, იდიოტი წერს, რომ თითქოსდა პატრიოტთა ალიანსი ნაცმოძრაობას  შეეკრა. ვპასუხობ: ნაციონალების რეჟიმი დაამხო პატრიოტთა ალიანსმა და თქვენ - ამ სისულელის დამწერნი, ვინც სუსის აგენტები ხართ, მაშინ კუდის აგენტები იყავით! ვინც ბრიყვები ხართ, მაშინაც ბრიყვები იყავით და ფეისბუქიდან იფურთხებოდით, მეტი არაფერი გიკეთებიათ. ახლაც იგივეს აგრძელებთ. პატრიოტთა ალიანსი არასდროს არავის არ შეკვრია და არც შეეკვრება და თუ ვინმეს სჯერა, რომ ნაცებს შევეკარით, ფსიქიატრს მიმართოს. ბევრი კარგი ფსიქიატრი ჰყავს საქართველოს... და საიდანაც მოდის ეს კამპანია, ესეც კარგად ვიცი და ნუ ამალაპარაკებთ, "ქართულ ოცნებაში" იმპორტირებულო, მამალო ნაცებო! ასევე, აგენტებო და ბრიყვებო! და დეგენერატებო,  რომლებსაც ამ ქვეყნისთვის არასდროს არაფერი სიკეთე არ გაგიკეთებიათ. ზოგიერთმა, ახლადგამოჩეკილმა პარტიულმა ჯგუფებმაც დააყენეთ ერთი ადგილი. კუდები გიჩანთ“, - წერს ირმა ინაშვილი.

მამა ვიტალი მთელი თავისი სიცოცხლე უფალს და ხალხს ემსახურებოდა. ასეა დღემდე. მონაზონთა გადმოცემით, მას უთქვამს “მოდით ჩემს საფლაზე, თქვენს გასაჭირზე მომიყევით, როგორც ცოცხალს და დაგეხმარებითო”. მამა ვიტალი დასაფლავებულია თბილისში, ალექსანდრე ნეველის ტაძრის ეზოში. მის საფლავზე ყოველდღიურად მიდიან მორწმუნენი, მიაქვთ ყვავილები, ანთებენ სანთლებს და ლოცულობენ.***საჭიროა გავცეთ, ჩვენ კი მოვიხვეჭთ, საჭიროა მოვუსმინოთ, ჩვენ კი ვლაქლაქებთ. “ადამიანისთვის უპირველესი სულის ცხონება უნდა იყოს”. ცხონების ყველაზე მარტივი გზაა – არავინ განიკითხო – და ღმერთიც არ განგიკითხავს. ილოცეთ ნებისმიერ დროსა და მდგომარეობაში, ყოველთვის უნდა იმეოროთ: “უფალო იესო ქრისტე, ძეო ღვთისაო, შემიწყალე მე ცოდვილი”. ზიხარ, ჭამ, საუბრობ, თუ რაიმე საქმეს აკეთებ. მუდამ იესოს ლოცვას უნდა ამბობდე; ამ ლოცვით უფალსაც ვახარებთ, ცოცხლებსაც და მიცვალებულებსაც, საკუთარ სულსაც ვამდიდრებთ და უფალ იესო ქრისტესთან სასუფეველსაც დავიმკვიდრებთ. როგორც სუნთქვისას არ ეკითხები შენ თავს, როგორ აკეთებ ამას, ასევე განუწყვეტლივ ილოცე და ცხონდები. იკითხე იესოს ლოცვა ყოველგვარი გასაჭირისა და მწუხარების ჟამს, მაშინ თავის დროზე მოვა ის რასაც ითხოვ. ეს ლოცვა გიხსნის ანტიქრისტეს ბეჭდისგან, მიგიტევებს ცოდვებს, სათნოებით შეგამკობს და ღმერთთან შეგაერთებს. მოთმინება, მადლიერება, ლოცვითი შრომა – ყოველგვარ გაუგებრობას, წინააღმდეგობას და მწუხარებს გადალახავენ და წყნარ თავშესაფარში მოგიყვანენ… თუ გეყვარებით, არც მწუხარება გექნებათ, არც გულგატეხილობა არასოდეს დაეცეთ სულით და ყოველთვის იქონიეთ ღვთის დახმარების და წყალობის იმედი.სქემარქიმანდრიტი ვიტალი (სიდორენკო)

მემარჯვენე თუ ცენტრისტი პაპი? იტალიური პრესა ჯორჯია მელონისა და ემანუელ მაკრონს შორის დაპირისპირებაზე წერს, რამაც ვატიკანის კულისებში ფრანცისკეს მემკვიდრის არჩევაზე შეიძლება მოახდინონ გავლენა. ცენტრისტული გამოცემების მტკიცებით, იტალიის მთავრობის მეთაური და პოსტფაშისტური პარტია „იტალიის ძმების“ (Fratelli d'Italia) თანადამფუძნებელი ჯორჯია მელონი, იმისთვის, რომ რომის ახალ პაპად კონსერვატორული შეხედულებების მქონე კარდინალი აირჩიონ, ფარულად აღვივებს ინტრიგებს. თავის მხრივ, მემარჯვენე გაზეთები იუწყებიან, რომ საფრანგეთის პრეზიდენტი ლიბერალურად განწყობილი კარდინალის დაწინაურებას ცდილობს. 21 აპრილს არგენტინელი პონტიფიკოსის გარდაცვალებისა და ვატიკანში იმ კარდინალთა მოწვევის შემდეგ, რომლებმაც 7 მაისს გახსნილ კონკლავში უნდა მიიღონ მონაწილეობა, პოლიტიკური მანევრები უკვე დასკვნით ეტაპზეა გასული. პეტრეს ტახტის მომავალი მფლობელი სწორედ ვატიკანში თავმოყრილ „ეკლესიის მთავრებს“ შორის უნდა ვეძებით, რომლებიც ყველა კონტინენტს წარმოადგენენ და განსხვავებული მორალური და პოლიტიკური მგრძნობელობის მქონე სასულიერი პირები არიან. ახალი პაპის პერსონის მიმართ ცხოველი ინტერესის გარდა, ასევე ყურადღების ცენტრშია, თუ როგორი იქნება მისი დამოკიდებულება ეკლესიისთვის ისეთ არსებით საკითხებზე, როგორიცაა ქალების როლი, სექსუალური ძალადობის წინააღმდეგ ბრძოლა, აბორტი, სიცოცხლის ხელყოფა, განქორწინებულთა და ლგბტ+პირთა ეკლესიის წიაღში მიღება... ამ საკითხებთან მიმართებაში მომავალი პაპის კრედოს საზომად შეიძლება გარდაცვლილი ფრანცისკეს მრწამსი გამოდგეს იმის მიუხედავად, რომ ხორხე ბერგოლიოს (ანუ, ფრანცისკეს - რედ.) მოწინააღმდეგეები მეტისმეტად ლიბერალურ პაპად მიიჩნევენ.სიკვდილ-სიცოცხლის საკითხი „ლა სტამპას“ ცნობით, სამოციქულო სასახლესა და პალაცო ჩიგის შორის, რომელიც რომში იტალიის მთავრობის მეთაურის რეზიდენციას წარმოადგენს, „კავშირის ძაფებია გაბმული“. „წლების განმავლობაში კავშირების გაბმა“ კი ალფრედო მანტოვანოს მიეწერება, რომელიც იტალიის პრემიერ-მინისტრის სახელმწიფო მდივანია. თავისი თანამდებობის წყალობით, ის კურიასთან და ვატიკანის სახელმწიფო სამდივნოსთან იტალიის მთავრობის №1 საკონტაქტო პირია. ტურინული გაზეთი იუწყება, რომ წლევანდელი კონკლავი ისტორიაში ერთ-ერთი ყველაზე არაპროგნოზირებადია, რადგან ფრანცისკეს მიერ დანიშნული კარდინალების მნიშვნელოვანი ნაწილი პლანეტის „პერიფერიებიდან“ არიან, ერთმანეთს არ იცნობენ და ვატიკანის კულუარული დაჯგუფებების საიდუმლოებებს არ ფლობენ. იგივე გამოცემა წერს, რომ ალფრედო მანტოვანო „აგროვებს ინფორმაციებს, ესაუბრება კარდინალებს, ეცნობა მათ განზრახვებს“ და ეს ყველაფერი „კავშირშია“ ორ კარდინალთან (ანჯელო ბანიასკოსთან და მაურო პიაჩენცასთან), რომლებიც, მართალია, პაპის არჩევნებში არ მონაწილეობენ, მაგრამ პაპ ფრანცისკეს 12-წლიან მმართველობის „კავშირების გასაწყვეტად“ ძალ-ღონეს არ იშურებენ. მემარჯვენე პრესა, უფრო მეტად, ემანუელ მაკრონის პოზიციით და ქმედებებით ინტერესდება. ულტრამემარჯვენე გაზეთი „ლიბერო“, რომლის რედაქციასაც ჯორჯია მელონის კაბინეტის კომუნიკაციის ყოფილი სპიკერი, მარიო სეკი უდგას სათავეში, ირწმუნება, რომ საფრანგეთის პრეზიდენტმა უკვე შეარჩია სახელი თავისი კანდიდატისთვის, მარსელის არქიეპისკოპოს ჟან-მარკ აველინისთვის: პაპი იოან XXIV. „ეს სიკვდილ-სიცოცხლის საკითხია“ ელისეის სასახლის ბინადრისთვის, რომელსაც ფრანცისკესთან დაძაბული ურთიერთობა ჰქონდა: აწ უკვე გარდაცვლილი რომის ეკლესიის საჭეთმპყრობელი, ერთი მხრივ, საფრანგეთის კონსტიტუციაში აბორტის უფლების შეტანამ გააღიზიანა, მეორე მხრივ, კი ფრანცისკე პარიზის ღვთისმშობლის ტაძრის ხელახალი გახსნის ცერემონიაზე საფრანგეთის სახელმწიფოს მეთაურის მხრიდან იგნორირებამ გაანაწყენა. „მაკრონს პაპის არჩევაში მონაწილეობის მიღება სურს“, - აცხადებს კიდევ ერთი კონსერვატიული გაზეთი „ლა ვერიტა“ და საფრანგეთის პრეზიდენტის „სასოწარკვეთილ მცდელობას“ დასცინის. ემანუელ მაკრონის გარემოცვამ „უსაფუძვლო ბრალდებები“ მალევე უარყო. გაზეთ „ილ ტემპოს“ ცნობით, ემანუელ მაკრონმა, რომში პაპის დაკრძალვაზე ყოფნის დროს, ფრანგ კარდინალებთან ერთად ისადილა. ეს ინფორმაცია „ფრანს პრესს“ სადილის ერთ-ერთი მონაწილის გარემოცვამ დაუდასტურა. როგორც ირკვევა, პრეზიდენტმა მაკრონმა წმინდა საყდარში საფრანგეთის საელჩოში, ფარნგ კარდინალებთან: ჟან-მარკ აველინთან, ფრანსუა-ქსავიე ბუსტილოსთან, ფილიპ ბარბარინთან და კრისტოფ პიერთან ერთად ისადილა. „ყველა ძალიან ფრთხილობდა, რომ მომავალი კენჭისყრის წინ, სადილზე მყოფ კარდინალებზე გავლენა არ მოეხდინათ. დისკუსია, ძირითადად, პაპ ფრანცისკესთან დაკავშირებულ მოგონებებს შეეხო“, - განაცხადა წყარომ.ყველა ფსონი გარკვეულია ბუკმეკერების საიტები ამჟამად პაპის ტახტზე ფავორიტად ვენეციელ პიეტრო პაროლინის ასახელებენ, რომელიც ფრანცისკეს დროს, თავისი გავლენით, მეორე პერსონა იყო. თუმცა - უფრო ზომიერი, დამყოლი და ნაკლებად ქარიზმატული. „ლა სტამპას“ მტკიცებით, თუ პონტიფიკოსად იტალიელ კარდინალს აირჩევენ, ჯორჯია მელონის ურჩევია, ის მატეო ზუპი იყოს, რომელიც დოგმების მიმართ ნაკლები სიხისტით გამოირჩევა. კარდინალი ზუპი ასევე არის კათოლიკური თემის, სანტ-ეგიდიოს გავლენიანი წევრი, რომელიც წმინდა საყდრის არაფორმალური დიპლომატიური არხის როლს ასრულებს. როგორც „ლა ვერიტა“ აღნიშნავს, თავის მხრივ, მაკრონს, პაპის საარჩევო კამპანიაში, სანტ-ეგიდიოს პრეზიდენტის, ანდრეა რიკარდის მხარდაჭერის იმედი აქვს. „რესპუბლიკის პრეზიდენტი ასე არ იქცევა“, - პასუხობს ამაზე მაკრონის გარემოცვა.