რა იპოვეს სამართალდამცველებმა იმ კაცის სახლში, რომელმაც 14 წლის გოგონა იძულებით გააშიშვლა – დაკავებული 40 წლისაა

დღეს საქართველოს დამსახურებული არტისტის, გია ბურჯანაძის, დაბადების დღეა. საქართველოს კულტურისა და სპორტის სამინისტრო ულოცავს დაბადების დღეს გია ბურჯანაძეს და უსურვებს კიდევ მრავალ შემოქმედებით წარმატებას. გია ბურჯანაძე, წლებია, წარმატებით საქმიანობს როგორც თეატრში, ისე კინოში. იგი სხვადასხვა პერიოდში იყო კინომსახიობთა (1980-1987 წწ.), კოტე მარჯანიშვილის სახელობის (1981 წ.); ფოთის ვ. გუნიას სახელობის (1984-1985 წწ.) თეატრების მსახიობი. 1985 წლიდან იგი კვლავ კოტე მარჯანიშვილის სახელობის თეატრში მოღვაწეობს. მონაწილეობდა და საინტერესო სახეები შექმნა სპექტაკლებში: „ოთარაანთ ქვრივი“, „ანა კარენინა“, „შენკენ სავალი გზები“, „გრაალის მცველნი“, „მეფე ლირი“, „დიდოსტატის მარჯვენა“, „მედეა“ და სხვ.; მონაწილეობს ფილმებში: „წიგნი ფიცისა“, „თეთრი ბაირაღები“, „დუბროვსკი“”, „პრემიერა“, „ცეცხლთან თამაში“, „დიმიტრი მეორე“ და სხვა. 1991 წელს მსახიობმა კოტე მარჯანიშვილის სახელობის პრემია მიიღო.

უსაფრთხოება ვისაც ეხება, მათ უნდა გაიგონ, რა მოხდა, რატომ მოხდა და როგორ შეიძლება, რომ შუა ქალაქში ღამით ასეთი რამ ხდებოდეს, – ამის შესახებ საქართველოს ყოფილმა პრეზიდენტმა, სალომე ზურაბშვილმა განაცხადა.„მოხდა ის, რაც დავწერე. მეტი არაფერი არ ვიცი, მეტი ჩემი საქმე არ არის. უსაფრთხოება ვისაც ეხება, მათ უნდა გაიგონ, რა მოხდა, რატომ მოხდა და როგორ შეიძლება, რომ შუა ქალაქში ღამით ასეთი რამ ხდებოდეს. ეს ახალგაზრდების მცირე დაპირისპირება არ იყო, მე რასაც ვუყურებდი, არც ისე ახალგაზრდები იყვნენ, იყო რაღაც სხვა კატეგორია, რომელსაც არ ვიცნობ და არ ვიცი“, – განაცხადა სალომე ზურაბიშვილმა.მისი თქმით, მომხდარს უკავშირებს იმას, რომ ქვეყანაში არის განუკითხაობა.„ქვეყანაში უსაფრთხოების არქონას და განუკითხაობას ვუკავშირებ. ჩემს თავს ძალიან კარგად ვიცავ. ამ დილით 8-9 ტყვია იყო ყველგან მიმოფენილი. პოლიციელები არ მოსულან, მოვიდა საგამოძიებო უწყება თუ რაღაც“, – განმარტა სალომე ზურაბიშვილმა.მანამდე სალომე ზურაბიშვილმა სოციალურ ქსელში დაწერა, რომ გუდიაშვილის მიმდებარე ტერიტორიაზე, მისი სახლის წინ დილის 04:20 საათზე „40-კაციანი ჯგუფის ერთმანეთში მუშტი-კრივი, წივილ-კივილი და ბოლოს იარაღის გამოყენება (8 ტყვია – ერთი ჩემს ეზოში) – ეს უკვე ჩემი უსაფრთხოების საკითხიც არაა, ეს ქალაქში უსაფრთხოების საკითხია“.გუდიაშვილის ბაღთან მომხდარზე შსს-ში განაცხადეს: „გამოძიებით დადგინდა, რომ მიმდინარე წლის 3 მაისს გუდიაშვილის ბაღის მიმდებარე ტერიტორიაზე უცნობ პირებს შორის მოხდა ურთიერთშელაპარაკება, რა დროსაც ცეცხლსასროლი იარაღით დაიჭრა ორი პირი, რომლებიც კლინიკაში გადაიყვანეს და მათ ჯანმრთელობას საფრთხე არ ემუქრება. საქმეზე გატარებული ოპერატიული ღონისძიებების შედეგად სამართალდამცველების მიერ დადგენილია დანაშაულის ჩამდენი პირი, რომლის დაკავების მიზნით საქმეზე მიმდინარეობს ყველა შესაბამისი საგამოძიებო მოქმედება“.

იუსტიციის უმაღლეს სკოლაში მოსამართლეთა კონფერენცია, გარეთ ხმაურის პარალელურად წარიმართა. შენობასთან შეკრებილები იყვნენ და აქცია გამართეს ნოემბერ-დეკემბრის საპროტესტო აქციებზე დაკავებულთა მშობლებმა.კონფერენციის დასრულების შემდგომ მოსამართლეთა ნაწილმა იუსტიციის უმაღლესი სკოლის შენობა საპროტესტო შეძახილების ფონზე დატოვეს. ადგილზე მყოფები სკანდირებდნენ „მონებო, მონებო“.ასევე, აქციის მონაწილეებს ხელში უჭირავთ მათი შვილების საქმეებზე გადაწყვეტილების მიმღები მოსამართლეების გამოსახულებით პლაკატები, კერძოდ კი: ნინო გალუსტაშვილის, დავით მამისეიშვილის, თამარ მჭედლიშვილის, ნინო სახელაშვილის, ნათია გუდაძის და სხვების.მშობლების განცხადებით, ესენი არიან მოსამართლეები, რომელთაც „უსამართლო გადაწყვეტილებები გამოაქვთ“ საპროტესტო აქციებზე დაკავებულთა საქმეებზე.„გვინდოდა გვეკითხა, თვლებში ჩაგვეხედა, რაღაც შეკითხვები დაგვესვა, მაგრამ ეშინიათ. ხედავთ, რამდენი პოლიცია დგას, ე.ი ეშინიათ. ესენი ვერც კაფეში, ვერც მაღაზიაში შევლენ, თავისუფლად ვერც ქუჩაში გაივლიან იმიტომ, რომ იციან, დანაშაულს სჩადიან, იციან და ეს არის მთელი უბედურება. ამ ბრძოლას ბოლომდე მივიყვანთ. რომელი მოსამართლეც მიიღებს უკანონო გადაწყვეტილებას, სასტიკად დაისჯება“, - განაცხადა დაკავებული მსახიობის, ანდრო ჭიჭინაძის დედამ, ლიკა გუნცაძემ.

ერთმანეთს ეჯიბრებიან, რომელი გზა უფრო დამაზიანებელი იქნება ამ ხელისუფლების შესარყევად და, ზოგადად, საქართველოში დესტაბილიზაციისათვის, არჩევნებში მონაწილეობა თუ „ნაცმოძრაობისთვის“ მხარის დაჭერა, რომელიც პრაქტიკულად ლიდერის პოზიციას კარგავს ოპოზიციაში, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, მთავარი არის ის, რომ კოლექტიური „ნაცმოძრაობა“ დამოკიდებულია გარკვეულ ინსტრუქციაზე, რომელსაც ელოდებიან და ჯერჯერობით ვერ იღებენ.„ესენი ჩამოყალიბდნენ, როგორც პროფესიონალი მარიონეტები გარკვეული ძალების ხელში, რომელთაც თავიანთი ინტერესები აქვთ და არ აინტერესებთ, საქართველო გადარჩება თუ არ გადარჩება. ესენი არ არიან ადამიანები, რომლებიც დამოუკიდებლად წყვეტენ საკითხებს. სააკაშვილს ვერ ღალატობს ლევან ხაბეიშვილის გუნდი, ხაბეიშვილი კვლავ ცდილობს მოწინავე პოზიციებზე გაიჭრას თავის პარტიაში. ცდილობენ, სალომე ზურაბიშვილი როგორმე ლიდერად აქციონ, ევრობიუროკრატია უჭერს მხარს. მას ვინც მიჰყვება, დაახლოებით იმავე ინსტრუქციით მოქმედებს, როგორც მოქმედებს სალომე ზურაბიშვილი პირადად. მათ აერთიანებთ ერთი მთავარი ნიშანი, ეს არის ჩამოყალიბებული, პროფესიონალი მარიონეტების გუნდი. ევრობიუროკრატიას თავისი ინტერესი აქვს, ადრე თუ გვიან, ფიქრობენ, რომ რუსეთთან მათი დაპირისპირება გარდაუვალია და მოლაპარაკებები, რომელიც მიმდინარეობს დღეს, იქნება უშედეგო და კვლავ რადიკალური გზით განვითარებას ფიქრობენ მსოფლიო ისტორიის“, – განაცხადა ვოლსკიმ.გია ვოლსკის განცხადებით, „სალომე ზურაბიშვილი შერჩეულია მხოლოდ იმიტომ, რომ მას არა აქვს პირდაპირი მონაწილეობა მიღებული იმ სისხლიან ანგარიშსწორებაში ქართველი ხალხის მიმართ, რომელიც სააკაშვილის პერიოდის დროს იქნა ჩადენილი“.„სალომე ზურაბიშვილისთვის ლიდერობა კოლექტიური „ნაცმოძრაობისა“ იყო მთავარი ამოცანა, მთავარი გეგმა და ქარტიაზე „ნაცმოძრაობასაც“ მოაწერინეს ხელი და ახალ „ნაცმოძრაობასაც“ მოაწერინეს, მიუხედავად იმისა, რომ უშვერი სიტყვებით აგინებდნენ სულ ახლახან. აქედან გამომდინარე, ჩვენ ზუსტად ვიცით, რომ გარედან შემოსული ინსტრუქცია არის მთავარი. დღეს ინსტრუქცია აგვიანებს და, აქედან გამომდინარე, სააკაშვილის ეჭვებიც და მისი დამოკიდებულებაც ამ საკითხის მიმართ კვლავ წამოიწია წინ. ასე რომ, ეს ჭიდილი ორ ჯგუფს შორის არის პირველობისთვის, მაგრამ მათ აერთიანებთ ორი მთავარი ნიშანი, პირველი – ყველანი არიან მარიონეტები; და მეორე – ერთმანეთს ეჯიბრებიან, ვინ უფრო დამაზიანებელი იქნება საქართველოს დღევანდელობისათვის, რომ როგორმე ხელისუფლება შეიცვალოს“, – განაცხადა ვოლსკიმ.

ზელენსკის უნდა ესმოდეს, რომ 9 მაისს პროვოკაციის შემთხვევაში, შეიძლება კიევში 10 მაისი არ დადგეს, - ასე გამოეხმაურა რუსეთის უშიშროების საბჭოს თავმჯდომარის მოადგილე, დიმიტრი მედვედევი უკრაინის პრეზიდენტის, ვოლოდიმირ ზელენსკის გაცხადებას იმასთან დაკავშირებით, რომ „უკრაინა 9 მაისს მოსკოვში სხვა ქვეყნების წარმომადგენლების უსაფრთხოებას ვერ უზრუნველყოფს“.„მწვანე გაუპარსავმა არამზადამ თქვა, რომ სამდღიანი ზავის შესახებ პუტინის წინადადებას უარყოფს და მოსკოვში მსოფლიო ლიდერების უსაფრთხოების უზრუნველყოფა არ შეუძლია. ვინ ეძებს მის გარანტიებს? ეს ვერბალური პროვოკაციაა და სხვა არაფერი. უნდა ესმოდეს, რომ გამარჯვების დღეს რეალური პროვოკაციის შემთხვევაში, ვერავინ იძლევა იმის გარანტიას, რომ კიევში 10 მაისი დადგება“, - წერს მედვედევი „ტელეგრამის“ არხზე.ცნობისთვის, უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა „პასუხისმგებლობას ვერ აიღებს იმაზე, რაც რუსეთის ფედერაციის ტერიტორიაზე ხდება“.„მე, როგორც პრეზიდენტს მჯერა და ეს საგარეო საქმეთა მინისტრსაც ვუთხარი, რომ იმ ადამიანებს, რომლებიც ჩვენ გვიკავშირდებიან, ვუთხრათ: ჩვენ არ გირჩევთ უსაფრთხოების თვალსაზრისით რუსეთის ფედერაციაში ვიზიტს და თუ ასე მოიქცევით, ჩვენ რაიმეს ნუ მოგვთხოვთ. ეს თქვენი პირადი გადაწყვეტილებაა. უკრაინას ნამდვილად არ ეკისრება პასუხისმგებლობა იმაზე, რაც დღეს რუსეთში ხდება“, - აღნიშნა უკრაინის პრეზიდენტმა.