გია ვოლსკი – საქართველოს აქვს პოტენციალი, რეგიონში უსაფრთხოებისთვის იზრუნოს, როგორც ნეიტრალურმა ქვეყანამ, რომელიც დაინტერესებულია სომხეთსა და აზერბაიჯანს შორის ურთიერთობების მოგვარებით

სურსათის ეროვნული სააგენტომ მოქალაქეების შეტყობინებების საფუძველზე, თევზპროდუქტების მასიური არაგეგმური შემოწმება დაიწყო.იმისთვის, რომ თევზი უვნებლად ჩაითვალოს, მისი შენახვის ტემპერატურა უნდა იყოს მინუს 18 გრადუსიდან მინუს 20 გრადუსამდე. ამ შემთხვევაში, თევზპროდუქტები არ არის ეტიკეტირებული და დაუდგენელია მისი როგორც წარმომავლობა, ისე შენახვის ვადებიც. ასეთი დარღვევებისთვის რეალიზატორები სოლიდური სახდელით ჯარიმდებიან.თვალხილულ საფრთხეზე ინსპექტორები ადგილზევე რეაგირებენ, თუმცა იმის დასადგენად, არის თუ არა თევზპროდუქტები დაბინძურებული პარაზიტებით, მასალა ლაბორატორიაში მიაქვთ.საეჭვო თევზის ნიმუშები ინსპექტორებმა მთელი ქვეყნის მასშტაბით აიღეს - როგორც საცალო ვაჭრობის ობიექტებიდან, ისე საწარმოებიდან და, რამდენიმე შემთხვევაში, საშიში პარაზიტებიც აღმოაჩინეს.ის, რაც ლაბორატორიულმა კვლევამ აჩვენა, საშიშია ადამიანის ჯანმრთელობისთვის, თუმცა რისკების დაზღვევა შესაძლებელია სწორი თერმული დამუშავებით - მაღალ ტემპერატურაზე მომზადებით ან პირიქით, ძალიან დაბალ ტემპერატურაზე შოკური გაყინვით.ზოგადად, თევზპროდუქტები როგორც გაყინული, ისე ნედლი, ცოცხალი ან სულაც შებოლილი, მაღალი რისკის სურსათის ჩამონათვალშია. ის აუცილებლად უნდა ინახებოდეს სამაცივრე პირობებში.თევზის ის პარტია, რომელშიც სეს-მა საშიში პარაზიტები აღმოაჩინა, გაყიდვაში აღარ არის, მაგრამ მომხმარებელს სიფრთხილე მაინც მართებს. პირველ რიგში, შეძენა უნდა მოხდეს სანდო გამყიდველისგან, ყიდვისას უნდა დავაკვირდეთ განთავსების პირობებს და გავეცნოთ ეტიკეტს. საეჭვო პროდუქტის აღმოჩენის შემთხვევაში, შეგვიძლია, მივმართოთ სურსათის ეროვნული სააგენტოს ცხელ ხაზს ნომერზე 1510.ვრცლად ↓

უკრაინის პრეზიდენტი ვოლოდიმირ ზელენსკი, სულ მცირე, 30-დღიან ცეცხლის შეწყვეტას ითხოვს. ამის შესახებ ვოლოდიმირ ზელენსკიმ ყოველდღიურ ვიდეომიმართვაში განაცხადა მას შემდეგ, რაც მოსკოვმა 8 მაისს ცეცხლის შეყვეტის შესახებ განაცხადა.ზელენსკის თქმით,11 მარტის შემდეგ უკრაინა მზადაა ცეცხლის შეწყვეტისთვის, ხოლო რუსეთი მუდმივად უარყოფდა ყველა შეთავაზებას და აშშ-ის მოტყუებას ცდილობდა.„ჩვენთვის ფასეული არის ადამიანის სიცოცხლე და არა აღლუმები. სწორედ ამიტომ ვფიქრობთ, მსოფლიო ფიქრობს, რომ არ არსებობს მიზეზი 8 მაისამდე ლოდინისთვის. ცეცხლი უნდა შეწყდეს არა მხოლოდ რამდენიმე დღით, მხოლოდ იმისთვის, რომ შემდეგ ხელახლა დაიწყოს მკვლელობა, არამედ დაუყოვნებლივ, მოხდეს სრული და უპირობო ცეცხლის შეწყვეტა. სულ მცირე, 30 დღით, რათა უზრუნველყოფილი იყოს მისი გარანტირებულობა და სანდოობა. ეს არის ის, რამაც შეიძლება, შექმნას საფუძველი რეალური დიპლომატიისთვის“, – თქვა ზელენსკიმ.უკრაინის პრეზიდენტმა ასევე აღნიშნა, რომ ყოველი ახალი დღე კიდევ ერთი ნათელი მტკიცებულებაა იმისა, რომ რეალური, ხელშესახები ზეწოლა უნდა განხორციელდეს რუსეთზე, რათა მოსკოვში იძულებული გახდნენ, დაასრულონ ეს ომი.

"არ არის ერთპარტიულობა - ქვეყანაში არის მრავალპარტიულობა. ეს მრავალპარტიულობა გამოიხატება ბიზნესმენებშიც, მედიაშიც და უამრავ რამეში. აქ ლაპარაკია იმაზე, რომ ეს მრავალპარტიულობა საქართველოში როგორ ვაქციოთ რეალურ მრავალპარტიულობად და არა ერთგვარ აგენტურულ, ძირგამომთხრელ პოლიტიკურ ტერორისტულ მოძრაობად. ეს არის საქართველოსთვის მთავარი. მრავალპარტიულობის გაუქმება კი არ არის ამოცანა, საქართველოს შიდა პოლიტიკური ამოცანა არის, რომ მრავალპარტიულობა გახდეს რეალურად მრავალპარტიულობა," - ამის შესახებ "ქართული ოცნების" წევრმა, ირაკლი ქადაგიშვილმა "ღამის კურიერის"ეთერში ისაუბრა.მისივე თქმით, ხელისუფლების მთავარი ამოცანა ქართული პოლიტიკური სპექტრის გაჯანსაღებაა."როგორ უნდა გახდეს - ასეთი ტიპის პოლიტიკურ იდეოლოგიას და პარტიებს საქართველოში პერსპექტივა არ უნდა ჰქონდეს და ამას არამარტო სამართლებრივი შეფასება სჭირდება, ამას სჭირდება პოლიტიკური და მორალური შეფასება და გაცნობიერება საზოგადოების მხრიდანაც. ეს თუ არ გაკეთდა, ისე სულ, მუდამ, სხვადასხვა დროს, სხვადასხვა არჩევნების შედეგებით უკმაყოფილო რომელიღაცა პოლიტიკური პარტია თუ პარტიები იტყვიან, რომ არ მოგვწონს ეს არჩევნები და ვიწყებთ რევოლუციას. სულ, მუდმივად ვიქნებით არასტაბილურ მდგომარეობაში მყოფი ქვეყანა.მუდმივად გამოჩნდება ან დასავლეთიდან, ან აღმოსავლეთიდან, ან ჩრდილოეთიდან, ან სამხრეთიდან პოლიტიკოსთა და ინტერესთა ჯგუფები, რომლებიც ამა თუ იმ ფორმით ხელს შეუწყობენ ამ ქვეყანაში არასტაბილურობას, რადგან ყველას ინტერესში შედის არასტაბილურობა ამ ქვეყანაში, რადგან ისეთი გეოპოლიტიკური მდგომარეობა გვაქვს, რომ ყველას უნდა, თვითონ აკონტროლებდეს ამ ქვეყანას. ეს უნდა დამთავრდეს. ეს თუ არ დამთავრდება, ბანანის რესპუბლიკა მეტს კი არაფერს არ ნიშნავს?მე ვფიქრობ, რომ აუცილებლად გაკოტრდება ეს პოლიტიკური მიდგომა. ასეთი პოლიტიკური მიდგომები უნდა გაკოტრდეს. ჩვენ ვმუშაობთ იმისთვის, რომ საქართველოში, საბოლოოდ, სწორედ ჯანსაღი პოლიტიკური კლიმატი ჩამოყალიბდეს," - განაცხადა ირაკლი ქადაგიშვილმა.

ესპანეთში საგანგებო მდგომარეობა გამოცხადდა. ამის შესახებ ქვეყნის შინაგან საქმეთა მინისტრმა განაცხადა.მინისტრის თქმით, საგანგებო მდგომარეობა გავრცელდება იმ რეგიონებზე, რომლებმაც თავად მოითხოვეს ეს.„ბიბისი“ წერს, რომ საგანგებო მდგომარეობის გამოცხადება ამ დროისთვის მადრიდმა, ანდალუსიამ და ექსტრემადურამ მოითხოვეს.ამასთან, ესპანეთის ელექტროკომპანია „რედ ელექტრიკაში“ აცხადებენ, რომ ელექტროენერგიის მიწოდება უკვე მოსახლეობის 20 პროცენტზე მეტს აღუდგა.შეგახსენებთ, ესპანეთსა და პორტუგალიაში 28 აპრილს ელექტროენერგია გაითიშა, რასაც ორივე ქვეყანაში პრობლემები მოჰყვა. ესპანეთის პრემიერ-მინისტრის თქმით, უცნობია, რა გახდა ელექტროენერგიის გათიშვის მიზეზი. პორტუგალიის ენერგეტიკულ კომპანიაში აცხადებენ, რომ ქვეყანაში ელექტროენერგიის გათიშვა შესაძლოა, ესპანეთის ელექტროქსელში არსებულ გაუმართაობას უკავშირდებოდეს, ხოლო ელექტროენერგიის მიწოდების აღდგენას ერთი კვირა დასჭირდება.

ოპოზიციამ მორალური ფუნქცია შეასრულოს - თვითონ წავიდეს იმ ზღვარზე, რა ზღვარიც აქვს გადასალახი და დაუმტკიცოს საზოგადოებას, რომ ის მზად არის, არა მარტო საპყრობილისთვის, არამედ სიკვდილისთვისაც , - ამის შესახებ „კოალიცია ცვლილებებისთვის“ ერთ-ერთმა ლიდერმა, გედევან ფოფხაძემ „პალიტრანიუსის“ გადაცემაში „360 გრადუსი“განაცხადა.მისივე მოსაზრებით, ოპოზიცია ხალხით აპელირებას არ უნდა ცდილობდეს, რადგან ხალხის მიერ ოპოზიციის გვერდით დგომა, არანაირ ეფექტს არ მოიტანს.როგორც ფოფხაძე ფიქრობს, „ქართულ ოცნებას“ მშვიდობიანი აქციების არ ეშინია, რადგან ხალხის დასარბევად საკმარისი პოლიციური რეჟიმი ჰყავს.„ქართულ ოცნებას შეეშინდება იმ შემთხვევაში, თუკი ჩვენ სამხედრო იარაღს შემოვიტანთ და ამ ხალხს ქუჩაში ავტომატებს დავურიგებთ, ამისი შეეშინდებათ, მაგრამ მშვიდობიანი აქციების არ შეეშინდება. „ქართულ ოცნებას“ საკმარისი პოლიციური რეჟიმი ჰყავს იმისათვის, რომ ეს ხალხი დაარბიოს. ნებისმიერი მშვიდობიანი აქცია, რომელიც რუსთაველზე ყოფილა და იქნება, იქნება დარბეული ხელისუფლების მხრიდან.არის კიდევ მღვდელი გაპონის მისია, მე შემიძლია ვუთხრა - შენობაში შევიჭრათ ან ზღვარს გადავიყვან ამ ხალხს, გაისვრიან და ისევ მე გამოვალ მტყუანი. მგონია, რომ ოპოზიცია ხალხით აპელირებას არ უნდა ცდილობს. თუ ჩვენ ვიტყვით, რომ ხალხი ჩვენ მხარეს არის, ეს არანაირი ეფექტს არ მოიტანს. თუ ჩვენ ვეტყვით ხალხს - „მოდით დავამხოთ ეს რეჟიმი“, ეს უკვე „მღვდელი გაპონის“ ფუნქციაა.მიმაჩნია, რომ ოპოზიციამ მორალური ფუნქცია შეასრულოს - თვითონ წავიდეს იმ ზღვარზე, რა ზღვარიც აქვს გადასალახი და დაუმტკიცოს საზოგადოებას, რომ ის მზად არის არა მარტო საპყრობილისთვის , არამედ სიკვდილისთვისაც“, - განაცხადა ფოფხაძემ.ფოფხაძის თქმით, ოპოზიციამ უნდა მიიღოს გადაწყვეტილება, რომ წავიდეს ციხეში.„ვგულისხმობ იმას, რომ ჩვენ არ უნდა ვცნოთ მათი სამართლებრივი არსებობა. თუ სასამართლო ნიკა მელიას იჭერს, მარტო ნიკა მელია არ უნდა დაიჭირონ, უნდა დაგვიჭირონ ყველა. ამისი წინაპირობები ჩვენ უკვე უნდა შევქმნათ. ოპოზიცია უნდა წავიდეს ციხეში - ეს გადაწყვეტილება უნდა მივიღოთ! ჩვენი მასობრივი პროტესტი, მასობრივი დაუმორჩილებლობა რეჟიმის მიმართ უნდა გადაიზარდოს იმაში, რომ ჩვენ დავიკავოთ ის ადგილები, რომელსაც ხვალ მათ დავუთმობთ. ივანიშვილის ვაძლევ გარანტიას, რომ თუ ის მე საკანში ადგილს მომიძებნის, იმ საკანში თავად ჩემზე უფრო დიდი ხანი იქნება.არ უნდა გადაიხადო გირაო, მათი არანაირი დოკუმენტი არ უნდა ჩაიბარო. არ უნდა ცნო მათი არანაირი მოქმედება, რადგან ჩვენ არ ვცნობთ ამ რეჟიმს და მათ ჩინოვნიკებს. მათი სამართლებრივი გადაწყვეტილებები უნდა ჩავთვალოთ ფარატინა ქაღალდებად. უნდა ვუთხართ, რომ ეს ქაღალდები სხვა ფუნქციით მოიხმარონ, ჩვენ ამ ქაღალდებით ნუ გველაპარაკებიან. ციხეში არის ივანიშვილის, კობახიძის ადგილი, ისინი არიან სამშობლოს მოღალატეები და კრიმინალები“, - განაცხადა ფოფხაძემ.მისივე თქმით, „ქართულ ოცნებასთან“ რამე ფორმით თანამშრომლობა ნიშნავს ღალატს.„ჩვენ გუნდში ბევრია ისეთი, რომლებიც მზად არიან ნებისმიერი მსხვერპლი გაიღონ თუ სამშობლოს დასჭირდება. ვინც ხალხის ნებას ბოლომდე შეასრულებს, ის დარჩება პოლიტიკურ ველზე. ვინც დაიწყებს პოლიტიკურ კეკლუცობას, თამაშს და ორმაგი სტანდარტით ცხოვრებას ის ხალხის მიერ ავტომატურად ჩამოიშლება პოლიტიკიდან.ვინც რეჟიმთან რამე ფორმით ითანამშრომლებს ის არის კოლაბორაციონისტი. ან თამასას ბოლომდე ავწევთ და ყველა წავალთ იმაზე, რომ გავანულებთ ამათ სამართლებრივ სისტემას. რეჟიმთან ნებისმიერი სახის თანამშრომლობა არის ღალატი“,- განაცხადა ფოფხაძემ.