დღევანდელ აქცია-მსვლელობაზე სტუდენტებმა პროკურატურასთან მიმართვა წაიკითხეს – გადადგეს არალეგიტიმური მთავრობა, ანუ „ქართული ოცნება“ სამუდამოდ მოშორდეს საქართველოს

დონალდ ტრამპის თქმით, პუტინს არ ჰქონდა მიზეზი, ბოლო დღეებში უკრაინის ქალაქები დაებომბა. როგორც თეთრი სახლის ლიდერი აცხადებს, უკრაინაზე რუსეთის ბოლო დროინდელი თავდასხმები აფიქრებინებს, რომ შესაძლოა პუტინს ომის დასრულება არ სურს, რის გამოც რუსეთისთვის საბანკო ან მეორადი სანქციების დაწესება გახდება საჭირო.„პუტინს არ ჰქონდა მიზეზი, ბოლო რამდენიმე დღის განმავლობაში სამოქალაქო პირებისთვის, ქალაქებისა და დაბებისთვის რაკეტები ესროლა. ეს მაფიქრებინებს, რომ შესაძლოა მას არ სურს ომის შეჩერება, უბრალოდ ცრუ იმედს მაძლევს და სხვანაირად უნდა მოვიქცეთ საბანკო თუ მეორადი სანქციების მეშვეობით. ძალიან ბევრი ადამიანი იღუპება!“, - წერს ტრამპი სოციალურ ქსელში.

შესაძლოა, მომავალში კბილები ლაბორატორიულ პირობებში გავზარდოთ. ეს ყველაფერი კი ჩვენივე უჯრედების გამოყენებით.ლონდონის კინგს კოლეჯის მეცნიერებმა ლაბორატორიაში კბილების გაზრდის გზას მიაგნეს, რაც სტომატოლოგიაში გარღვევად შეგვიძლია მივიჩნიოთ.მკვლევრებმა წარმოადგინეს სპეციალიზებული მასალა, რომელიც უჯრედებს ერთმანეთთან კომუნიკაციის საშუალებას აძლევს. ამით ერთი უჯრედი მეორეს კბილის უჯრედად გარდაქმნის სიგნალს უგზავნის.კბილების ადრეული განვითარების ბუნებრივი პირობების იმიტაციით, ეს ინოვაცია მეცნიერებს ახალ შესაძლებლობებს აძლევს. სწორედ ასე, მომავალში, შესაძლოა, კბილები ლაბორატორიაში გავზარდოთ.ბიოინჟინერიით შექმნილმა კბილებმა შეიძლება ჩაანაცვლოს ბჟენები და იმპლანტები, რაც დღევანდელი სტომატოლოგიური პროცედურის უფრო ბუნებრივი და გამძლე ალტერნატივა იქნება.ბჟენი კბილების აღსადგენად იდეალური გადაწყვეტა არ არის, რადგან ის დროთა განმავლობაში ასუსტებს კბილის სტრუქტურას, აქვს შეზღუდული ეფექტი და შეიძლება გამოიწვიოს კარიესის განვითარება.რაც შეეხება იმპლანტებს, ისინი ინვაზიურ ქირურგიულ ჩარევას საჭიროებს და ალვეოლურ ძვალთან სწორ დაკავშირებას.როგორც ბჟენები, ასევე იმპლანტები ხელოვნურია და სრულად არ აღადგენს კბილების ბუნებრივ ფუნქციას. ამან, შესაძლოა, გრძელვადიანი გართულებები გამოიწვიოს."ეს ალტერნატივა ბუნებრივი კბილის ლაბორატორიულ პირობებში გაზრდის საშუალებას იძლევა. ჩვენ ვაიძულეთ უჯრედები გაეგზავნათ ისეთი სიგნალები, რომლებიც კბილის გაზრდისთვისაა საჭირო", — განაცხადა ლონდონის კინგს კოლეჯის სტომატოლოგიის, პირის ღრუსა და კრანიოფაციალური მეცნიერებების ფაკულტეტის წარმომადგენელმა, სიუეჩენ ჟანგმა.მკვლევრების თქმით, აქამდე ეს ვერავინ შეძლო და ეს ისტორიაში პირველი შემთხვევაა, როდესაც კბილი ლაბორატორიულ პირობებში გაზარდეს.სირთულეების დაძლევა ლაბორატორიაში კბილების გაზრდის შემდეგ, მეცნიერები ახლა მათი პაციენტების პირის ღრუში გადატანის გამოწვევის წინაშე დგანან. სიუეჩენის თქმით, გუნდი ამ გამოწვევის დასაძლევად სხვადასხვა მიდგომას იკვლევს."ჩვენ რამდენიმე ვერსიას განვიხილავთ. შეგვიძლია 'ახალგაზრდა' კბილის უჯრედები გადავიტანოთ დაკარგული კბილის ადგილას და მივცეთ მათ პირის ღრუში ზრდის საშუალება. მეორე მხრივ, შეგვიძლია მთელი კბილი ლაბორატორიაში შევქმნათ, სანამ პაციენტის პირის ღრუში მოვათავსებთ. ორივე ვარიანტის შემთხვევაში, კბილის ადრეული განვითარების პროცესი ლაბორატორიაში უნდა დავიწყოთ", — ამბობენ მკვლევრები.ეს კვლევა რეგენერაციული მედიცინის ნაწილია, რომელიც დაზიანებული ქსოვილების აღსადგენად და ჩასანაცვლებლად ორგანიზმის ბიოლოგიის გამოყენებას ცდილობს."დარგის განვითარებასთან ერთად, ასეთ ინოვაციას აქვს პოტენციალი რევოლუცია მოახდინოს სტომატოლოგიაში", — აღნიშნულია კვლევაში.

ახალ ზელანდიაში დაიწყო ყინულის ჰოკეის მეორე დივიზიონის B ჯგუფის გუნდების მსოფლიო ჩემპიონატი. საქართველოს ეროვნულმა ნაკრებმა პირველი მატჩი ისლანდიასთან გამართა და 4:0 გაიმარჯვა.საქართველოს ნაკრების შემადგენლობიდან ორი გოლი ნიკიტა ბუკიას ანგარიშზეა, თითო შაიბა ტიმურ ბეშაროვმა და კონსტანტინ გავრილენკომ მიითვალეს.მატჩის საუკეთესო მოთამაშედ ნიკიტა ბუკია დასახელდა.საქართველოს ნაკრები მომდევნო მატჩს 28 აპრილს ახალი ზელანდიასთან გამართავს.დარჩენილი თამაშების განრიგი:28 აპრილი | საქართველო – ახალი ზელანდია(ურთიერთშეხვედრები: 2 თამაში, 2 წაგება)30 აპრილი | საქართველო – ბულგარეთი(ურთიერთშეხვედრები: 6 თამაში, 3 მოგება, 3 წაგება)2 მაისი | საქართველო – ტაივანი(ურთიერთშეხვედრები: 2 თამაში, 2 მოგება)3 მაისი | საქართველო – ტაილანდი(ურთიერთშეხვედრები: 1 თამაში, 1 მოგება)პირველ ადგილზე გასული გუნდი მომავალი წლიდან მეორე დივიზიონის A ჯგუფში ითამაშებს, ბოლოადგილოსანი კი მესამე დივიზიონში დაქვეითდება.საქართველოს ნაკრების შემადგენლობა:მეკარეები: მიხეილ ფოფანოვი, ივან სტაროსტინი;მცველები: დიმიტრი ერმოშენკო, არტიომ კურბატოვი, ანდრეი რომანოვი, კონსტანტინე გავრილენკო;ფორვარდები: სანდრო მუმლაძე, სემიონ ხარიზოვი, ვიტალი დუმბაძე, ტიმურ ბაშიროვი, ნიკიტა ბუკია, ბორის კოჩკინი, დანიელ მეტლიოკი, ოლივერ ობოლგოგიანი, ივან შვეცოვი, დანიელ დავიდოვი, არტიომ კოზიულინი, ნიკოლოზ კეჭაყმაძე, მაკარ ნიკაშანინი, მიხეილ დავითაშვილი, ივან კარელინი;მთავარი მწვრთნელი: ალექსანდრე ვედერნიკოვი;მწვრთნელის ასისტენტი: რევაზ ცომაია.

რუსეთის ხელისუფლება მზად არის უკრაინასთან მოლაპარაკებებისთვის ყოველგვარი წინაპირობის გარეშე, – ეს განცხადება რუსეთის პრეზიდენტის პრესმდივანმა, დიმიტრი პესკოვმა გააკეთა.მისი თქმით, ეს პოზიცია ვლადიმერ პუტინმა აშშ-ის პრეზიდენტის სპეციალურ წარმომადგენელს, სტივ უიტკოფს მოსკოვში 25 აპრილს გამართული მოლაპარაკებებისას გააცნო. კრემლი ასევე იტყობინება, რომ შეხვედრაზე განიხილეს რუსეთსა და უკრაინას შორის პირდაპირი მოლაპარაკებების შესაძლებლობა.„შეხვედრისას ტრამპის წარმომადგენელ უიტკოფთან, ვლადიმერ პუტინმა კიდევ ერთხელ განაცხადა, რომ რუსული მხარე მზადაა უკრაინასთან მოლაპარაკების პროცესის განახლებისთვის ყოველგვარი წინაპირობის გარეშე“, – განაცხადა პესკოვმა.ცნობისთვის, 26 აპრილს, ვატიკანში ვოლოდიმირ ზელენსკისთან შეხვედრის შემდეგ საფრანგეთის პრეზიდენტმა, ემანუელ მაკრონმა განაცხადა, რომ „უკრაინა მზადაა ცეცხლის უპირობო შეწყვეტისთვის“.​​​​​​​​​​​​​​​​

ამერიკელი რესპუბლიკელი სენატორი ლინდსი გრემი აცხადებს, რომ სენატი მზად არის რუსეთის წინააღმდეგ დამატებითი სანქციების დასაწესებლად. სენატორი გამოეხმაურა დონალდ ტრამპის გუშინდელ განცხადებას რუსეთის წინააღმდეგ საბანკო ან მეორადი სანქციების შესაძლო შემოღებასთან დაკავშირებით.როგორც ლინდსი გრემმა სოციალურ ქსელ X-ში დაწერა, სენატში მომზადებული ორპარტიული კანონპროექტი მეორადი ტარიფების ამოქმედებას ითვალისწინებს ნებისმიერი ქვეყნისთვის, რომელიც რუსეთისგან ნავთობს, გაზს, ურანს ან სხვა პროდუქტებს ყიდულობს.„ძალიან ვაფასებ პრეზიდენტ ტრამპისა და მისი გუნდის გულმოდგინე მუშაობას უკრაინაში პუტინის ბარბაროსული ინტერვენციის დაწყებული ომის დასასრულებლად პატიოსანი და სამართლიანი გზით. პუტინის რუსეთის დამატებითი სანქციების დასაწესებლად მაქვს ორპარტიული კანონმდებლობა 60-მდე თანასპონსორით, რომელიც დააწესებს მეორად ტარიფებს ნებისმიერი ქვეყნისთვის, რომელიც რუსულ ნავთობს, გაზს, ურანს ან სხვა პროდუქტს ყიდულობს. სენატი მზად არის, ამ მიმართულებით გადადგას ნაბიჯი და ამას აბსოლუტური უმრავლესობით გააკეთებს, თუ რუსეთი არ მიიღებს პატიოსან, სამართლიან და ხანგრძლივ მშვიდობას“, – წერს ლინდსი გრემი.შეგახსენებთ, რომ აშშ-ის პრეზიდენტმა, დონალდ ტრამპმა თავის სოციალრ ქსელში დაწერა, რომ პუტინის ბოლო იერიშები უკრაინის დასახლებებზე აფიქრებინებს, რომ შესაძლოა, მას არ სურსომის დასრულება და საჭიროა მასთან სხვანაირი მოპყრობა „საბანკო“ ან „მეორადი სანქციების“ გზით.