ხუთშაბათი, მაისი 22, 2025

გთხოვთ გაავრცელოთ-თბილისში 13 წლის ბიჭს ეძებენ

თბილისში 13 წლის გიორგი დანელიანს ეძებენ.

როგორც ოჯახის ახლობელმა ისაუბრა, ბავშვი ვარკეთილიდან, გუშინ, 23 აპრილს, დაახლოებით 16:00 საათზე, დაიკარგა. გიორგი ბოლოს ისნის მეტროში ნახეს.

ბავშვმა არ იცის ქართული. საუბრობს სომხურად და რუსულად.

ბიჭს ოჯახის წევრებთან ერთად ეძებს პოლიციაც.

თუ ვინმემ ნახეთ, ან რაიმე ინფორმაცია გაქვთ, დარეკეთ ნომერზე: 555 169 775.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

უეფა-ს აღმასკომმა ევრო 2028-ის საკვალიფიკაციო ეტაპის ახალი ფორმატი დაამტკიცა – ფინალურ ეტაპზე მასპინძლები ავტომატურად ვერ მოხვდებიან

უეფა-ს აღმასრულებელი კომიტეტი ევროპა ლიგის ფინალის წინ ბილბაოში შეიკრიბა და მნიშვნელოვანი გადაწყვეტილებები მიიღო. აღსანიშნავია, რომ ფინალურ ეტაპზე მასპინძლები ავტომატურად ვერ მოხვდებიან.ევრო 2028-ის საკვალიფიკაციო ეტაპის ახალი ფორმატიუეფა-ს აღმასრულებელმა კომიტეტმა ევრო 2028-ის შესარჩევი ეტაპის ახალი ფორმატი დაამტკიცა, რომელიც დიდ ბრიტანეთსა და ირლანდიაში ცხრა სტადიონზე გაიმართება და 24 გუნდი მიიღებს მონაწილეობას.ბოლო საკვალიფიკაციო ეტაპის მსგავსად, ახლაც 12 ჯგუფი იქნება, თითოეული 4 ან 5-გუნდიანი. მასპინძელი ქვეყნები ასევე მონაწილეობას მიიღებენ საკვალიფიკაციო ტურნირში, ოღონდ, ინგლისი, შოტლანდია, უელსი და ირლანდია აუცილებლად სხვადასხვა საკვალიფიკაციო ჯგუფში ითამაშებენ.ევრო 2028-ის ფინალურ ტურნირზე პირდაპირი გზით 12 ჯგუფის გამარჯვებული და 8 საუკეთესო მეორეადგილოსანი მოხვდება – სულ 20 გუნდი. ორი საგზური გარანტირებულად შენახული იქნება მასპინძელი ქვეყნებისთვის (რომლებიც ტურნირზე საკვალიფიკაციო გზით ვერ მოხვდებიან) – ასე რომ, ევროზე მინიმუმ ორი მასპინძელი მაინც ითამაშებს.დარჩენილი ადგილები პლეი ოფში გათამაშდება საკვალიფიკაციო ჯგუფების დარჩენილ მეორეადგილოსნებსა და ერთა ლიგის (2026/27) რეიტინგით საუკეთესო ჯგუფების გამარჯვებულებს შორის, რომლებიც კლასიკური შესარჩევიდან ევროს საგზურს ვერ მოიპოვებენ.მასპინძლების მიერ მოპოვებული ადგილების რაოდენობის მიხედვით გადაწყდება, პლეი ოფში ფინალურ ეტაპის რამდენი საგზური გათამაშდება. ეს რაოდენობა შეიძლება ორიდან ოთხამდე მერყეობდეს – სულ მოსალოდნელია სამი სცენარი:1. თუ მასპინძელი ქვეყნები ორივე საგზურს მოიპოვებენ – დარჩენილი 2 ადგილისთვის 8 გუნდი (ერთმატჩიანი ნახევარფინალებითა და ფინალებით) ითამაშებს;2. თუ მასპინძელი ქვეყნები ერთ საგზურს მოიპოვებენ – დარჩენილი 3 ადგილისთვის 12 გუნდი (ერთმატჩიანი ნახევარფინალებითა და ფინალებით) ითამაშებს;3. თუ მასპინძელი ქვეყნები საგზურს ვერ მოიპოვებენ – დარჩენილი 4 ადგილისთვის 8 გუნდი (ერთმატჩიანი ნახევარფინალებითა და ფინალებით) ითამაშებს.შესარჩევი ტურნირის განრიგი 2025 წლის შემოდგომაზე გამოქვეყნდება, ხოლო ოფიციალური რეგულაციები – წლის ბოლომდე.დაფინანსების პროგრამა და განაწილების პრინციპები 2024-2028 წლებისთვისშემდეგი ციკლისთვის, რომელიც ევრო 2028-ს მოიცავს, უეფა-სა და ევროპის კლუბების ასოციაციას (ECA) შორის გაფორმებული მემორანდუმის შესაბამისად, 240 მილიონი ევრო განაწილდება, რომელსაც წინა ციკლის შვიდი მილიონი ევროც დაემატება.ECA-ს წინადადებით გადაწყდა, რომ 2020-2024 წლების სეზონიდან დარჩენილი შვიდი მილიონიდან სამი, უეფა-ს ქალთა ევრო 2025-ის პროგრამაში გადაირიცხოს, რათა თანხის ოდენობა ექვსიდან ცხრა მილიონ ევრომდე გაიზარდოს.დარჩენილი 244 მილიონი ევროს განაწილების მექანიზმი უცვლელი რჩება და ორ ნაწილად გაიყოფა. 104 მილიონი ევრო უეფა-ს ერთა ლიგის ორ ტურნირს (2024/25 და 2026/27 წლების სეზონებსა და 2026-28 წლების ევროპის საკვალიფიკაციო მატჩებს) დაფარავს. 140 მილიონ ევრო კი იმ კლუბებისთვის იქნება განკუთვნილი, რომლებიც თავიანთ მოთამაშეებს ევრო 2028-ზე გაგზავნიან.ერთა ლიგის ფინალური ტურნირის განაცხადებიუეფა-ს აღმასრულებელმა კომიტეტმა, სეზონის დასრულების დინამიკისა და მომავალ ზაფხულში გაზრდილი აქტივობის გათვალისწინებით, 2025 წლის უეფა-ს ერთა ლიგის მატჩებში მონაწილე გუნდების განაცხადში მოთამაშეთა რაოდენობა 23-დან 26-მდე გაზარდა.

🎥„მძიმე დღეები რომ იყო ჩემს ცხოვრებაში, ქუჩაში რომ გამოვიდოდი, მანქანები ჩერდებოდნენ…“ – ნიკოლოზ წულუკიძე

თე­ატრმ­ცოდ­ნე და ტე­ლე­წამ­ყვა­ნი ნიკა წუ­ლუ­კი­ძე გა­და­ცე­მა "Ajaratv • SHOWS"-ში გულ­წრფე­ლად სა­უბ­რობს იმ მხარ­და­ჭე­რა­ზე, რო­მე­ლიც ხალ­ხის­გან უგ­რძნია და ამ­ბობს, რომ სწო­რედ ამ სიყ­ვა­რულ­მა გა­და­არ­ჩი­ნა ერთ დროს, ცხოვ­რე­ბა­ში მომ­ხდა­რი ტრა­გე­დი­ის შემ­დეგ. 

როგორი ამინდია მოსალოდნელი საქართველოში

გარემოს ეროვნული სააგენტოს ცნობით, საქართველოს უმეტეს რეგიონში ხანმოკლე წვიმა და ელჭექია მოსალოდნელი.აღმოსავლეთ საქართველოში სინოპტიკოსები ქარს პროგნოზირებენ. დედაქალაქში დღეს და მომდევნო ორი დღის განმავლობაში, უნალექო ამინდი იქნება.

დონალდ ტრამპმა NBC News-ის ჟურნალისტს საშინელი და სამარცხვინო რეპორტიორი უწოდა

აშშ-ის პრეზიდენტმა, დონალდ ტრამპმა NBC News-ის ჟურნალისტს საშინელი რეპორტიორი უწოდა. ტრამპის გაღიზიანება გამოიწვია ჟურნალისტ პიტერ ალექსანდერსის შეკითხვამ, რომელიც კატარის მიერ ნაჩუქარ ძვირადღირებულ ბოინგს ეხებოდა.„ეს შესანიშნავი რამაა. ჩვენ ვსაუბრობთ ბევრ სხვა რამეზეც. ეს არის NBC, რომელიც ცდილობს იმ თემიდან გადახვევას, რაც თქვენ ახლახანს ნახეთ“, – თქვა ტრამპმა.ჟურნალისტმა აღნიშნულ საკითხზე ტრამპს კითხვა მაშინ დაუსვა, როდესაც სამხრეთ აფრიკის პრეზიდენტს თეთრკანიანი ფერმერების გენოციდის შესახებ ვიდეოს აჩვენებდა.„იცით, თქვენ საშინელი რეპორტიორი ხართ. პირველ რიგში, თქვენ არ გაქვთ ის, რაც საჭიროა რეპორტიორობისთვის. თქვენ არ ხართ საკმარისად ჭკვიანი“, – განაცხადა ტრამპმა.აშშ-ის პრეზიდენტმა ასევე აღნიშნა, რომ თვითმფრინავის გარდა კატარი 5,1 ტრილიონი დოლარის ინვესტიციას აპირებს აშშ-ში.„თქვენ უნდა დაბრუნდეთ თქვენს სტუდიაში, NBC-ში, რადგან ბრაიან რობერტსი და ის ხალხი, ვინც იმ ადგილს მართავს, გამოძიებას საჭიროებენ. თქვენ სამარცხვინო ხართ. მეტი კითხვა თქვენგან აღარ იქნება“, – აღნიშნა ტრამპმა.

ერთმანეთს სამი მანქანა შეეჯახა

რუსთავში, შარტავას გამზირზე ავტოსაგზაო შემთხვევა მოხდა. ერთმანეთს სამი მანქანა შეეჯახა, რის შედეგადაც სამი ადამიანი დაშავდა.ინფორმაციას „ინფო რუსთავი“ ავრცელებს.ადგილზე მობილიზებული იყო საპატრულო პოლიციისა და სამაშველო სამსახურების ეკიპაჟები.სასწრაფო დახმარების ეკიპაჟმა დაშავებულები კლინიკაში გადაიყვანა.

ბოლო სიახლეები