ვოლოდიმირ ზელენსკი აცხადებს, რომ უკვე 34 დღეა, რუსეთი ღიად ამბობს უარს ცეცხლის შეწყვეტაზე

სომხეთის პრემიერ-მინისტრის, ნიკოლ ფაშინიანის განცხადებით, ეუთო-ს მინსკის ჯგუფს, სულ მცირე, დე ფაქტო აქვს უფრო ფართო კონტექსტი, სომხეთს კი სურს იყოს დარწმუნებული, რომ აზერბაიჯანი არ განიხილავს მინსკის ჯგუფის დაშლას, როგორც ნაბიჯს, აზერბაიჯანის ტერიტორიაზე სომხეთ-აზერბაიჯანის კონფლიქტის დახურვისა და სომხეთის რესპუბლიკის სუვერენულ ტერიტორიაზე გადატანისთვის.ფაშინიანის თქმით, სწორედ ამიტომ სთავაზობს სომხეთი აზერბაიჯანს ორ შეთანხმებაზე ერთდროულად ხელმოწერას. რაც შეეხება სომხეთის კონსტიტუციაში შესწორების შეტანის მოთხოვნას აზერბაიჯანის მხრიდან, ნიკოლ ფაშინიანმა აღნიშნა, რომ სომხეთის კონსტიტუციის ინტერპრეტაციაზე საკონსტიტუციო სასამართლომ შეუქცევადი გადაწყვეტილებით დაადგინა, რომ კონსტიტუციაში არ არსებობს ტერიტორიული პრეტენზია აზერბაიჯანის ან რომელიმე სხვა ქვეყნის მიმართ, რაც არის უმაღლესი იურიდიული ძალის მქონე გადაწყვეტილება და შეუქცევადია.„მიუხედავად ყველა სირთულისა, მთავრობა და პირადად მე არ გადავუხვევთ მშვიდობის დღის წესრიგს. აშკარაა, რომ ზოგიერთი ძალა, როგორც სომხეთში, ისე სომხეთის ფარგლებს გარეთ, ომის პროპაგანდას ახორციელებს ყოველდღიურად და ახორციელებს კონკრეტულ ქმედებებს, რომლებიც მიმართულია მის განხორციელებაზე. ამ ქმედებებს შორის, აზერბაიჯანის საომარი რიტორიკა გამოირჩევა, რიტორიკასთან ერთად, რომელიც გამოიხატება ცრუ ბრალდებებით სომხეთის წინააღმდეგ ცეცხლის შეწყვეტის დარღვევისა და აზერბაიჯანის შეიარაღებული ძალების მხრიდან ცეცხლის შეწყვეტის რეჟიმის ხშირი, თუ არა ყოველდღიური, დარღვევით. ეს დარღვევები ძირითადად არამიზნობრივ ხასიათს ატარებს, თუმცა ბოლო ერთი თვის განმავლობაში სიუნიქის რაიონის სოფელ ხნაწახზე სროლის ორი კონკრეტული შემთხვევა დაფიქსირდა. აღნიშნული სროლები ან აზერბაიჯანის შეიარაღებულ ძალებში უდისციპლინობის შედეგია, ან მიზნად ისახავს აღნიშნული დასახლებების მოსახლეობაზე ფსიქოლოგიური ზეწოლას.კიდევ ერთხელ ვიმეორებ, რომ სომხეთის არმიას მივეცი მკაფიო ბრძანება არ დაარღვიოს ცეცხლის შეწყვეტის რეჟიმი და სომხეთის რესპუბლიკა მზადაა გამოიძიოს ინფორმაცია ჩვენი არმიის მიერ ცეცხლის შეწყვეტის რეჟიმის დარღვევის შესახებ. ომს გამართლება არ აქვს. სომხეთმა და აზერბაიჯანმა აღიარეს ერთმანეთის ტერიტორიული მთლიანობა, სუვერენიტეტი, საერთაშორისოდ აღიარებული საზღვრების ხელშეუხებლობა და ძალის გამოყენებისა და ძალის მუქარის დაუშვებლობა. ამ რეალობიდან გამომდინარე, მოვუწოდებ სომხეთსა და აზერბაიჯანში მოქმედ ყველა ძალასა და პირს, გამოიჩინონ უკიდურესად პასუხისმგებლობა, არ გააკეთონ განცხადებები, რომლებიც პირდაპირ თუ ირიბად ეწინააღმდეგება ზემოხსენებულ ლოგიკას. სომხეთისა და აზერბაიჯანის ხალხები იმსახურებენ მშვიდობას და მშვიდობიან თანაცხოვრებას. არ იქნება ომი, იქნება მშვიდობა“, – განაცხადა ნიკოლ ფაშინიანმა.

მოხარული ვარ, რომ პრეზიდენტის თანამდებობაზე არჩევის შემდეგ, ეს თქვენი პირველი ოფიციალური ვიზიტია აზერბაიჯანაში. ჩვენ ამას მაღალ შეფასებას ვაძლევთ, – ამის შესახებ აზერბაიჯანის პრეზიდენტმა, ილჰამ ალიევმა საქართველოს პრეზიდენტ მიხეილ ყაველაშვილთან ერთად გამართულ პრესკონფერენციაზე განაცხადა, რომელიც ბაქოში პირველი ოფიციალური ვიზიტით იმყოფება.ალიევის თქმით, პრეზიდენტის რანგში მიხეილ ყაველაშვილის პირველი ვიზიტი აზერბაიჯანში, საქართველო-აზერბაიჯანის ურთიერთობების მნიშვნელობის მაჩვენებელია.„პატივცემულო ბატონო პრეზიდენტო, ძვირფასო სტუმრებო, კიდევ ერთხელ მოგესალმებით, ბატონო პრეზიდენტო, აზერბაიჯანში. კეთილი იყოს თქვენი ჩამოსვლა აზერბაიჯანში. კიდევ ერთხელ გილოცავთ საქართველოს პრეზიდენტად არჩევას, გისურვებთ წარმატებებს. მოხარული ვარ, რომ პრეზიდენტის თანამდებობაზე არჩევის შემდეგ, ეს თქვენი პირველი ოფიციალური ვიზიტია აზერბაიჯანში. ჩვენ ამას მაღალ შეფასებას ვაძლევთ აზერბაიჯანში. საქართველო-აზერბაიჯანის ურთიერთობების მნიშვნელობის მაჩვენებელია ეს, ჩვენი მეგობრობის მაჩვენებელია“, – განაცხადა ილჰამ ალიევმა.

სულხან მოლაშვილს სამ-თვიანი პატიმრობა სამჯერ შეუფარდეს, თუმცა, ბოლოს დაავიწყდათ, რომ პატიმრობის ვადა ეწურებოდა და თავად მოლაშვილის შეხსენების შემდეგ, ღამის ორ საათზე, საკნის წინ, როდესაც ეძინა, პროკურორისა და მოსამართლის მონაწილეობით შეუფარდეს მესამე პატიმრობა, – ამის შესახებ სულხან მოლაშვილის მამამ, თამაზ მოლაშვილმა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე განაცხადა.თამაზ მოლაშვილის თქმით, „სულხან მოლაშვილს საკანში რომ ეძინა, დადგნენ მის წინ და განაჩენი გამოუცხადეს“.„სამჯერ მისცეს სამ-სამი თვით პატიმრობა. ორი პატიმრობა რომ გავიდა, დაავიწყდათ, მესამედ რომ უნდა მიეცათ. თვითონ სულხანმა გაახსენა, ხვალიდან თქვენი პატიმარი აღარ ვიქნები, დამიმთავრდა ის სამი თვეო. სულხანს ექიმისთვის უთქვამს, დასაძინებელი წამალი მომეცი, კარგად რომ დამეძინოსო, შუაღამისას, ორ საათზე მივიდნენ, სულხანს ეძინა, პროკურორი, მოსამართლე მიიყვანეს და მესამედ კიდევ შეუფარდეს პატიმრობა. ისეთ რაღაცებს აკეთებდნენ, ტანჯავდნენ. საკანში რომ ეძინა, დადგნენ მის წინ და განაჩენი გამოუცხადეს“,  – განაცხადა თამაზ მოლაშვილმა.ამასთან, როგორც კომისიის სხდომაზე თამაზ მოლაშვილმა აღნიშნა, სულხან მოლაშვილი საშინელ წამებაში ჰყავდათ.„სულხანს ჰყავდა მეგობრები, რომლებიც ეუბნებოდნენ, სურათს რომ გიღებდნენ, მიშა სააკაშვილი გაბღენძილი სიამოვნებით უყურებდა, როდესაც გაწამებდნენო. საშინელ წამებაში ჰყავდათ. 11 თვე რომ არ უმკურნალეს, იქ ძალიან დააავადეს სულხანი“, – განაცხადა თამაზ მოლაშვილმა.

ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო ყველა წარდგენილ ბრალდებაში და უვადო თავისუფლების აღკვეთა მიუსაჯა.აღნიშნული გადაწყვეტილება თბილისის საქალაქო სასამართლოს მოსამართლე ნინო გალუსტაშვილმა მიიღო.ამ გადაწყვეტილებით გალუსტაშვილმა პროკურატურის შუამდგომლობა სრულად დააკმაყოფილა.გალუსტაშვილის განაჩენით, ჯაიანი დამნაშავედ იქნა ცნობილი, როგორც განსაკუთრებული სისასტიკით, გენდერის ნიშნით ჩადენილ მკვლელობაში, ასევე გენდერული იდენტობის ნიშნით შეუწყნარებლობის მოტივით სისტემატურ ცემაში.განაჩენის გამოცხადებას არ დასწრებია ბრალდებული ბექა ჯაიანი, მას პროცედურულად დღევანდელ სხდომაზე საბოლოო სიტყვა უნდა ეთქვა. თუმცა, ის პენიტენციური დაწესებულებიდან არ გამოცხადებულა.როგორც მოსამართლე ნინო გალუსტაშვილმა აღნიშნა, ჯაიანმა წერილი გამოგზავნა, სადაც ბრალდებული მიუთითებდა, რომ ფსიქო-ემოციური მდგომარეობიდან გამომდინარე ის სხდომაზე არ გამოცხადდა და ნანობს თავის საქციელს.ჯაიანი ბრალს ნაწილობრივ აღიარებს, არ ეთანხმება არც განსაკუთრებული სისასტიკით, გენდერის ნიშნით მკვლელობას და არც სისტემატურ ცემას.ცნობისთვის, 37 წლის ტრანსგენდერი ქალის, კესარია აბრამიძის განსაკუთრებული სისასტიკით, გენდერის ნიშნით განზრახ მკვლელობაში ბრალდებული 26 წლის ბექა ჯაიანი ქუთაისის აეროპორტის მიმდებარე ტერიტორიაზე დააკავეს.ჯაიანს ბრალდება სისხლის სამართლის კოდექსის 109-ე მუხლის „თ“ და „მ“ პუნქტებით და და 126-ე მუხლის პირველი სეკუნდა ნაწილებით წარედგინა,რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას და გენდერული იდენტობის ნიშნით შეუწყნარებლობის მოტივით სისტემატურ ცემს გულისხმობს.აღნიშნული ქმედება 16-დან 20-წლამდე ან უვადო თავისუფლების აღკვეთას ითვალისწინებს.

მინდა, ჩვენს უცხოელ პარტნიორებს, ელჩებს, მათ შორის ევროკავშირის ელჩს მივმართო, გამოეხმაურონ კომისიის სხდომებზე იმ მსხვერპლთა განცხადებებს, რომლებიც მართლა წამებას აღწერენ, – ამის შესახებ ხალხის ძალის აღმასრულებელმა მდივანმა, გურამ მაჭარაშვილმა განაცხადა.მისივე თქმით, მთავარია, რომ ახალგაზრდებმა მოისმინონ საგამოძიებო კომისიის სხდომაზე გამოსვლები და ამაზე ჰქონდეთ რეაგირება.„რთულია გახსენება, თუმცა მნიშვნელოვანია ამ კომისიისთვის, იმ ახალგაზრდებისთვის და არა მხოლოდ, რომლებიც დღეს, მაგალითად, აპროტესტებენ ელენე ხოშტარიას „წამებას“, რომელიც ღიმილით გამოდის საპატიმროდან მეორე დღეს და სააკაშვილის „წამებას“, რომელიც, როგორც თქვენ ამბობთ, ოროთახიან ლუქსში არის წამოკოტრიალებული.მინდა, კიდევ ერთხელ ახალგაზრდებთან ერთად, ჩვენს უცხოელ პარტნიორებს და ელჩებს მივმართო, რომლებიც გვიწუნებენ ხოლმე ხშირად დემოკრატიას და სხვათა შორის, არაერთხელ რეზოლუციასა და კომენტარში ახსენეს, რომ თითქოს ნაწამები იყო პატიმარი სააკაშვილი. აი, ამ სხდომებს ხომ უყურებენ, უკვე ორ თვეზე მეტია, თითქმის ყოველდღიურად აქ მოსული ადამიანები საუბრობენ წამებაზე. არ აქვს მნიშვნელობა ქონება დაკარგა, თანამდებობიდან გაათავისუფლეს, პოლიტიკურად დევნილი იყო თუ სხვა, საბოლოო ჯამში მაინც ყველა ფაქტი მიდიოდა ციხეზე, წამებაზე. აი, ამიტომ მაქვს სურვილი, რომ გამოეხმაუროს ევროკავშირის ელჩი ამ კომისიის სხდომებზე იმ მსხვერპლთა განცხადებებს, რომლებიც არიან პირველწყაროები, რომლებიც მართლა წამებას აღწერენ და ეს დადასტურებულია საერთაშორისო სასამართლოს ფაქტებით და ქართული მართლმსაჯულების ფაქტებით. რაც მთავარია, საზოგადოებით. ამიტომ მინდოდა, გამეკეთებინა ეს განცხადება, რომ მესამე თვე სრულდება და აი ამ მართლაც წამებებზე და უბედურებებზე გამოხმაურება რა არის ზოგიერთი ელჩისგან, ჯერჯერობით არავინ არ იცის. მთავარია, რომ ახალგაზრდებმა, რომლებიც იმ ელჩების განცხადების საფუძველზე ვითომ აპროტესტებენ ვითომ დემოკრატიის უკუსვლას, აი, ეს მოისმინონ და ამაზე გააკეთონ რეაგირება“, – განაცხადა მაჭარაშვილმა.