გიორგი ვოლსკი NGO-ების დაორგანიზებულ აქციაზე: ესეთ გაცხოველებულ, გააფთრებულ ტაშ-ფანდურს, რომელსაც ჩვენ ახლა თვალყურს ვადევნებთ, ერთი სახელი შეიძლება ეწოდოს მხოლოდ – ეს არის უსამშობლოთა აღლუმი, რომელიც უშედეგოდ დამთავრდება

საქართველოს ტექნიკური უნივერსიტეტის რექტორი, აკადემიკოსი დავით გურგენიძე საქართველოს სამოციქულო ავტოკეფალიურ მართლმადიდებელ ეკლესიასა და მრევლს ავტოკეფალიის აღდგენის დღეს ულოცავს. ინფორმაციას საქართველოს ტექნიკური უნივერსიტეტი ავრცელებს.როგორც საქართველოს ტექნიკური უნივერსიტეტის მიერ გავრცელებულ ინფორმაციაშია აღნიშნული, საქართველოს მართლმადიდებელი ეკლესიის ავტოკეფალია ცარისტულმა რუსეთმა 1811 წელს გააუქმა და ის რუსეთის სინოდს დაუქვემდებარა. ქართული მართლმადიდებელი ეკლესიის ავტოკეფალია, 1917 წლის 12 (25) მარტს, მცხეთის სვეტიცხოვლის ტაძარში შეკრებილმა ქართველმა სამღვდელოებამ საგანგებო საეკლესიო კრებაზე აღადგინა, ხოლო 1990 წელს, სრულიად საქართველოს კათალიკოს-პატრიარქის, ილია მეორის დიდი მცდელობით, მსოფლიოს საპატრიარქომ ოფიციალურად ცნო და აღიარა საქართველოს ეკლესიის დამოუკიდებლობა.„საქართველოს ტექნიკური უნივერსიტეტის სახელით, გილოცავთ საქართველოს მართლმადიდებელი ეკლესიის ავტოკეფალიის აღდგენის დღეს!საქართველოს მართლმადიდებელ ეკლესიას უმნიშვნელოვანესი როლი აქვს შესრულებული ეროვნული თვითმყოფადობის ჩამოყალიბებაში, ჩვენი კულტურის დაცვასა და მრავალი თაობის სულიერ აღზრდაში. მიუხედავად ისტორიის მძიმე გამოწვევებისა, განსაკუთრებით, 1811 წელს ავტოკეფალიის გაუქმებისა, ჩვენმა ეკლესიამ გაუძლო ყველა განსაცდელს და რწმენითა და თავდადებით განაგრძო თავისი ისტორიული მისია.1990 წელს მსოფლიო საპატრიარქოს მიერ საქართველოს ეკლესიის ავტოკეფალიის ოფიციალური აღიარება, რომელიც მისი უწმინდესობისა და უნეტარესობის, ილია მეორის უშუალო ძალისხმევის შედეგი იყო, კიდევ ერთხელ ადასტურებს ქართველი ერის ერთიანობასა და სულიერ სიმტკიცეს. ეს დღე არის რწმენის, შეუპოვრობისა და ერთობის ძალის სიმბოლო.საქართველოს ტექნიკური უნივერსიტეტი, ყოველთვის იცავდა და იცავს ქართულ კულტურულ მემკვიდრეობას და ემსახურება ჩვენი სამშობლოს განვითარებას იმ სულიერი საფუძვლებით, რომელიც წინაპრებმა გვიანდერძეს.ღმერთმა დალოცოს საქართველო და საქართველოს ავტოკეფალიური მართლმადიდებელი ეკლესია!“, - აღნიშნულია სტუ-ის რექტორის მიმართვაში.

„საქართველოს ტექნიკური უნივერსიტეტის ბიოსამედიცინო ინჟინერიის ინგლისურენოვანმა პროგრამამ, რომელმაც წარმატებით გაიარა საერთაშორისო ABET აკრედიტაცია, საშუალება მომცა ჩემი წვლილი შევიტანო ჯანდაცვის ტექნოლოგიების განვითარებასა და სამედიცინო ტრანსპორტირების სისტემების გაუმჯობესებაში“, - ამის შესახებ სტუ-ის დოქტორანტი ნიკა გუგუშვილი აცხადებს.სტუ-ის ცნობით, ნიკა გუგუშვილმა 2024 წელს დაასრულა ინფორმატიკისა და მართვის სისტემების ფაკულტეტის ბიოსამედიცინო პროგრამის მაგისტრატურა, ამჟამად სწავლობს დოქტორანტურაში და, პარალელურად, მუშაობს კავკასიის მედიცინის ცენტრში (CMC), სამედიცინო აპარატურის მართვის განყოფილების უფროსის თანამდებობაზე.როგორც ნიკა გუგუშვილი აცხადებს, საქართველოს ტექნიკურმა უნივერსიტეტმა მისცა მყარი საფუძველი ბიომედიცინის მეცნიერებაში, ინჟინერიის პრინციპებში და რაც ყველაზე მნიშვნელოვანია, მიაღებინა პრაქტიკული გამოცდილება კლინიკურ ინჟინერიაში. მისი თქმით, უნივერსიტეტის თანამედროვე ლაბორატორიებმა, წამყვან სამედიცინო დაწესებულებებთან თანამშრომლობამ და პრაქტიკულ სწავლებაზე ორიენტირებულმა მიდგომებმა შესძინა უნარები, რომლებიც მას რეალური პრობლემების გადაჭრაში დაეხმარა; სტაჟირებების, კვლევითი პროექტებისა და გუნდური მუშაობის მეშვეობით კი, ისწავლა, როგორ დაააკავშიროს ინჟინერია და მედიცინა ისე, რომ ტექნოლოგიამ მაქსიმალურად გააუმჯობესოს პაციენტთა მოვლა.„ყველაზე მნიშვნელოვანი გამოცდილება, რომელიც საქართველოს ტექნიკურმა უნივერსიტეტმა მომცა, იყო შესაძლებლობა ჩავწვდომოდი სამედიცინო პარატრანსპორტის მენეჯმენტს. პროფესორებისა და ინდუსტრიის სპეციალისტების ხელმძღვანელობით, გავაცნობიერე, თუ რაოდენ გადამწყვეტი როლი აქვს ეფექტურ და ტექნოლოგიურად გაძლიერებულ სამედიცინო ტრანსპორტირებას. სწორედ ამ გამოცდილებამ გამიღვიძა ლიდერობისა და ინოვაციებისკენ სწრაფვის სურვილი.საქართველოს ტექნიკურმა უნივერსიტეტმა არა მხოლოდ პროფესიული ცოდნა შემძინა, არამედ მასწავლა, როგორ ვიყო ლიდერი. აქ მიღებულმა განათლებამ გამიძლიერა თავდაჯერებულობა, გამიჩინა მოქნილობა ცვალებად ინდუსტრიაში და მომცა ხედვა, რომელიც საშუალებას მომცემს პოზიტიური ცვლილებები შევიტანო. ახლა, როდესაც პროფესიულ გზაზე ვდგამ ნაბიჯებს, ამას ვაკეთებ დიდი მადლიერებით, ამბიციით და პასუხისმგებლობით, რათა ჩემი ცოდნა გამოვიყენო ჯანდაცვის გაუმჯობესებისთვის“, - აცხადებს ნიკა გუგუშვილი.ინფორმაციას საქართველოს ტექნიკური უნივერსიტეტი ავრცელებს.

მაიკლ უოლცმა გაკვეთილი ისწავლა და ის კარგი კაცია,  – ამის შესახებ აშშ-ის პრეზიდენტმა, დონალდ ტრამპმა „ენბისი ნიუსთან“ სატელეფონო ინტერვიუში განაცხადა.ამერიკის პრეზიდენტმა ასევე აღნიშნა, რომ მაიკლ უოლცის მიერ შიდა მიმოწერაში შემთხვევით The Atlantic-ის რედაქტორის, ჯეფრი გოლდბერგის დამატებას არანაირი გავლენა არ ჰქონია სამხედრო ოპერაციაზე.აღნიშნული განცხადება ტრამპმა მას შემდეგ გააკეთა, რაც მანამდე ცნობილი გახდა, რომ ეროვნული უსაფრთხოების საკითხებში აშშ-ის პრეზიდენტის მრჩეველმა, მაიკ უოლცმა ჟურნალ The Atlantic-ის რედაქტორი ჯეფრი გოლდბერგი შემთხვევით ჯგუფურ ჩატში ჩაამატა, სადაც ეროვნული უსაფრთხოების გუნდი იემენში „ჰუსიტებზე“ საჰაერო დარტყმების გეგმებს განიხილავდა.აშშ-ის პრეზიდენტმა ასევე გამოხატა რწმენა თავისი გუნდის მიმართ და აღნიშნა, რომ არ არის იმედგაცრუებული მომხდარის გამო.„ორ თვეში ეს იყო ერთადერთი შეცდომა და როგორც აღმოჩნდა, არა სერიოზული“, – ამბობს პრეზიდენტი.

ევროკავშირში მცხოვრები მოქალაქეების მხარდაჭერა ორგანიზაციის მიმართ რეკორდულად მაღალია, გამოკითხული მოქალაქეების თითქმის სამი მეოთხედი თვლის, რომ მათმა ქვეყანამ ევროკავშირში გაწევრიანებით ისარგებლა. ინფორმაციას ამის შესახებ „როიტერი“ „ევრობარომეტრის“ გამოკითხვაზე დაყრდნობით ავრცელებს.გამოკითხვა „ევრობარომეტრმა“ იანვარსა და თებერვალში ჩაატარა. გამოკითხვის თანახმად, ევროკავშირის მოქალაქეების 74% ფიქრობს, რომ მათმა ქვეყანამ ევროკავშირის წევრობით ისარგებლა. ეს 1983 წლის შემდეგ დაფიქსირებული ყველაზე მაღალი მაჩვენებელია.გამოკითხვის მიხედვით, ძირითადი მიზეზი, რის გამოც ხალხი ფიქრობს, რომ ევროკავშირის წევრობა მომგებიანია, შეიცვალა. მშვიდობის დაცვა და უსაფრთხოების განმტკიცება ევროკავშირის მოქალაქეების 66%-ს სურს, რათა ორგანიზაციამ უფრო მეტი როლი ითამაშოს გლობალური კრიზისებისა და უსაფრთხოების რისკებისგან დაცვაში. ეს მოსაზრება განსაკუთრებით ფიგურირებს ახალგაზრდა რესპონდენტებში.„ევროპელთა ორ მესამედს სურს, რომ ევროკავშირმა უფრო დიდი როლი ითამაშოს მათ დაცვაში. ეს არის მოქმედების მკაფიო მოწოდება, რომელსაც ჩვენ გამოვეხმაურებით. ევროპა უნდა იყოს უფრო ძლიერი, რათა ჩვენმა მოქალაქეებმა თავი დაცულად იგრძნონ“, – განაცხადა რობერტა მეცოლამ.

სანქციების საკითხი, იქნება ეს ეროვნული თუ კოლექტიური, ევროკავშირის, მნიშვნელოვანია, მაგრამ თუ სანქციები გამოიყენება, ისინი არ უნდა იყოს მხოლოდ სასჯელის ხასიათის. პირიქით, მათ უნდა ჰქონდეთ პოლიტიკური სტრატეგიის კონტექსტი, რომელიც ამჟამად აკლია: გახდნენ ნამდვილი პირობითობის პოლიტიკის ნაწილი, დაკავშირებული ახალი არჩევნების მოთხოვნასთან, გაწერილი მკაფიო კალენდრით, – ამის შესახებ საქართველოს ყოფილმა პრეზიდენტმა, სალომე ზურაბიშვილმა ლიეტუვის სეიმის პლენარულ სხდომაზე სიტყვით გამოსვლისას განაცხადა.„მიმდინარე დე ფაქტო არაღიარების პოლიტიკის მიღმა, ევროკავშირმა უნდა გამოხატოს მეტი მხარდაჭერა იმ ერთადერთი ცნობილი, სტაბილური და მშვიდობიანი გამოსავლისადმი, რომელიც არსებობს მმართველ პარტიასა და საპროტესტო გამოსვლებს შორის დაპირისპირებაში, რომლებიც უკვე მეხუთე თვეა, გრძელდება: ახალი არჩევნები თავისუფალ და სამართლიან გარემოში. სხვა ალტერნატივა არ არსებობს, არც მშვიდობიანი გამოსავალი, არც სტაბილურობა, რადგან ჩვენ თუ ერთად ვერ ვიპოვით ამ ალტერნატივას, ეს ნიშნავს, რომ საქართველო სრულად გადაიქცევა რუსულ მოდელად, რაც წარუმატებელი იქნება ევროპული პოლიტიკისთვის იმ ადგილას, სადაც ათწლეულობით იყო ჩადებული ევროპული ძალისხმევა და რესურსები, ან რისკის ქვეშ დადგება მერყეობა, დაუსრულებელი კრიზისისთვის დამახასიათებელი არასტაბილურობა.ვიდრე უკრაინაში ომის გზიდან გამოსვლის გზებს ვეძებთ, ცხადია, არავის უნდა სურდეს, ნახოს ახალი ღია კრიზისისა და არასტაბილურობის აღმოცენება ევროპისა და შავი ზღვის პერიფერიაზე. განსაკუთრებით იმის გათვალისწინებით, რომ ეს დღესაც შეიძლება თავიდან იქნეს აცილებული“, – განაცხადა ზურაბიშვილმა.მისივე თქმით, „შავი ზღვისა და კავკასიის უსაფრთხოების ახალი სტრატეგია აუცილებელია, რომელიც უზრუნველყოფს ევროპის წვდომას ცენტრალურ აზიაზე, ამძაფრებს ნატო-ს ყოფნას და ახშობს რუსულ და ჩინურ გაფართოებას რეგიონში“.„ასეთ სტრატეგიას სჭირდება პარტნიორი და ერთადერთი ხელმისაწვდომი პარტნიორი არის სტაბილური და დემოკრატიული საქართველო, რომელიც წაახალისებს და მხარს დაუჭერს იმ პროგრესს, რომელშიც ამჟამად ჩართულია მეზობელი სომხეთის სამშვიდობო მოლაპარაკებებში სომხეთსა და აზერბაიჯანს შორის, რაც გზას უხსნის უფრო ძლიერ და მშვიდობიან კავკასიას, რომელსაც კვლავ სჭირდება საქართველო, შეინარჩუნოს თავისი პოზიციები და იყოს ძლიერი საყრდენი ჩვენი ევროკავშირისა და ევროამერიკული პარტნიორებისთვის, როგორც ეს იყო გასული სამი ათწლეულის განმავლობაში“, – განაცხადა ზურაბიშვილმა.„არანაკლებ მნიშვნელოვანია საუბარი ევროკავშირის მზაობაზე, შეჩერებული ოფიციალური პროგრამების დაფინანსება ჩაანაცვლოს საგანგებო მხარდაჭერით სამოქალაქო საზოგადოებისთვის, მათ შორის ფინანსური დახმარებით დევნილი აქტივისტებისთვის, დამოუკიდებელი ჟურნალისტებისთვის და იმ არასამთავრობო ორგანიზაციებისთვის, რომლებიც დემოკრატიის წინა ხაზზე იბრძვიან. ეს არ უნდა დარჩეს მხოლოდ სიტყვებად, არამედ უნდა იქცეს რეალობად. დრო იწურება და დღემდე რეპრესიული კანონები უფრო სწრაფად კეტავენ გზებს, ვიდრე მათი გახსნაა შესაძლებელი, მაგრამ უნდა იქნეს ნაპოვნი გზები და საშუალებები ასეთი მხარდაჭერის მიწოდებისთვის, იმავე გზებით, როგორც შემოქმედებითი არხები იყო შექმნილი რუსეთისა და ბელარუსის შემთხვევაში ადრე. საქმე ეხება ჩვენი ცოცხალი სამოქალაქო საზოგადოების გადარჩენას. ეს არის ჩემი გზავნილი, ეს არ არის მხოლოდ საქართველოს დაცვა, ეს ეხება ევროპის სტრატეგიული მომავლისა და იდენტობის დაცვას.თუ ევროპა, რომელიც ხელახლა აღმოაჩენს საკუთარ ძლიერ მხარეებსა და ავტონომიის საჭიროებას, ვერ ჰპოვებს გზებს, რათა ჰქონდეს ბერკეტი პატარა ქვეყანაზე, მასობრივად პროევროპული მოსახლეობით, და დაუბრუნოს იგი თავის არჩეულ გზას, როგორც კანდიდატი ქვეყანა, თუ ევროპა ვერ მართავს საკუთარი გადაწყვეტილების მიღების პროცესს იმგვარად, რომ არ დაზიანდეს რამდენიმე ქვეყნის გამო, მაშინ გამოწვევა სცდება საქართველოს. ეს იმოქმედებს ევროკავშირის საგარეო, გაფართოების პოლიტიკის და ძლიერ ეკონომიკურ, პოლიტიკურ და სამხედრო ძალად ქცევის პოლიტიკის სანდოობაზე. ჩვენ იმ ქვეყნებიდან ვართ, რომელსაც ხანგრძლივი დროის განმავლობაში ჰყავს ყველაზე მტკიცე, პროევროპული მოსახლეობა, ევროპული ინტეგრაციის წინა ხაზზე, სადაც დიდი რესურსები იქნა ჩადებული ჩვენი ევროპელი, ნატოელი და ამერიკელი პარტნიორების მიერ დამოუკიდებელი ინსტიტუტების, მართლმსაჯულების, პოლიციისა და ჯარის შესაქმნელად და შესანარჩუნებლად, სტაბილურობისა და უსაფრთხოების უზრუნველსაყოფად.ყველა ეს ინვესტიცია უნდა იქნეს დაცული და უზრუნველყოფილი, არა მხოლოდ საქართველოსთვის, არამედ ევროპისთვის და ჩვენი საერთო მომავლისთვის. ლიეტუვა ამას უკეთ აცნობიერებს, ვიდრე რომელიმე სხვა ქვეყანა. თქვენ იცით, რას ნიშნავს რუსული ბატონობისთვის წინააღმდეგობა. თქვენ იცით, რომ დემოკრატია არ არის მოცემული, მისთვის უნდა იბრძოლო და თქვენ დაამტკიცეთ, რომ გამარჯვება შესაძლებელია. სწორედ ამიტომ, საქართველო ეყრდნობა ლიეტუვას, სწორედ ამიტომ ვეყრდნობით ევროპას, რადგან ჩვენ თუ ერთად ვიდგებით, არა მხოლოდ საქართველოს გადავარჩენთ, არამედ შევინარჩუნებთ ევროპის უსაფრთხოებასა და მთლიანობას“, – განაცხადა სალომე ზურაბიშვილმა.