თეონა აქუბარდია – ახალი საპარლამენტო არჩევნები, პოლიტიკური პატიმრების გათავისუფლება არის უწყვეტი პროტესტის მიზანი, „ოცნების“ დღის წესრიგით ნაკარნახევ საკითხებზე არ ვაპირებთ პასუხის გაცემას

თბილისში მიმდინარე ძიუდოს გრანდ სლემის პირველ დღეს ფინალურ ბლოკში სამმა ქართველმა უკვე იჭიდავა, რომელთაგანაც მედლის მოპოვება მხოლოდ თემურ ნოზაძემ (66 კგ) შეძლო.ქართველი ფინალში ნეიტრალური დროშით მოასარეზე ალბერტ ნაგუჩევთან დამარცხდა და საქართველოს ნაკრებს პირველი მედალი მოუტანა. გრანდ სლემზე ბრინჯაოს მედლებისთვის იჭიდავეს ლაშა ნადირაძემ (66კგ) და თორნიკე მაზიაშვილმა, მაგრამ ორივე მათგანი უმედოდ დარჩა.შეგახსენებთ, რომ ფინალშია ეთერ ლიპარტელიანი (57 კგ). იმავე წონაში ბრინჯაოსთვის იბრძოლებს ნინო ლოლაძე.შეჯიბრების ფინალური ბლოკი 17:00 საათზე დაიწყება, პირდაპირ რეპორტაჟს საქართველოს პირველი არხი შემოგთავაზებთ.

2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, სადაც ბესიკ ხარძიანის გახმაურებულ საქმეზე, წილის იძულებით გადაფორმების დროს, მინდობილობის გამფორმებელი ადვოკატი დავით კვაჭანტირაძე იკითხებოდა, კომისიის წევრი, დეპუტატი გურამ მაჭარაშვილი დაინტერესდა, კვაჭანტირაძის, როგორც მოქალაქის შეფასებით 2003-2012 წლებში ციხეებში არსებული მდგომარეობაზე.„მაინტერესებს თქვენი აზრი არა, როგორც ადვოკატის, არამედ, როგორც მოქალაქის 2003-2012 წლამდე ციხეებში არსებული სიტუაციის შესახებ, მით უმეტეს, რომ ხართ სისხლის სამართლის ადვოკატი და იქ არსებული მდგომარეობის შესახებ ინფორმაცია უნდა გქონოდათ. როგორი იყო ციხეებში მდგომარეობა 2003-2012 წლამდე და 20012 წლიდან დღემდე?კვაჭანტირაძემ დეპუტატს უპასუხა, რომ 2003-2012 წლებში საპატიმროებში ძალიან მძიმე მდგომარეობა იყო. ახლა კი მდგომარეობა გამოსწორებულია.მაჭარაშვილი ადვოკატისგან ასევე დაინტერესდა თუ რა რეაქცია ექნებოდა და რაიმე ეჭვი ხომ არ გაუჩნდებოდა მას თუ მისი დაცვის ქვეშ მყოფ პატიმართან სხვა ადვოკატს შეუშვებდნენ.„იცოდით, რომ საპატიმროებში ძალიან ცუდი მდგომარეობა იყო. ნახეთ, რომ პატიმარი Iყო დათრგუნული და მიუხედავად ამისა, არ გაგიჩნდათ სურვილი, რომ ამ საქმისთვის ხელი არ მოგეკიდათ?ადვოკატი ირწმუნება, რომ მინდობილობის გაფორმების დროს ის მხოლოდ კლიენტის ინტერესებიდან გამოდიოდა. რაც შეეხება ბესიკ ხარძიანის გახმაურებულ საქმეს, ადვოკატი ამბობს, რომ საქმის სიმძიმის შესახებ, მხოლოდ მოგვიანებით გაიგო.

ადგილობრივი თვითმმართველობის არჩევნები - კიდევ ერთი თემა, რაც ოპოზიციისთვის უთანხმოების საგნად რჩება. თვითმმართველობის არჩევნებში გადაწყვეტილად არ მონაწილეობს "ნაციონალური მოძრაობა", ბარიერგადალახულ პარტიებში ეს ერთადერთია, ვინც ცალსახად ამბობს, რომ ამომრჩეველს ბიულეტენზე მისი ნომერი არ დახვდება. დანარჩენ სამ პარტიაში კონკრეტულ პასუხს კითხვას არ სცემენ. ამბობენ, რომ ახლა ეს თემა აქტუალური არ არის და უნდა შესრულდეს როგორც ახალი არჩევნების, ასევე აქციებზე დაკავებულების გათავისუფლების მოთხოვნა.არჩევნებამდე შვიდი თვით ადრე პასუხის თქმა სულ არ არის ნაადრევი "გირჩისთვის", სადაც აცხადებენ, რომ მარათონისთვის სამზადისი უკვე დაწყებული აქვთ:"მე ის მიკვირს ამდენი ხანი როგორ შეიძლებოდა ერთმანეთს არ დაჰპირისპირებოდნენ. ახლა ამაზე ლაპარაკის დრო არ არის, რადგან კარს მოგვადგა ადგილობრივი თვითმმართველობის არჩევნები. შენ უნდა წარმოიდგინო ზოგადად აპირებ თუ არა მოგებას არჩევნების გზით, თუ რამე უკეთესი გეგმა გაქვს და მე რასაც ვუყურებ, ჯერჯერობით ეს არ გამოჩენილა. მაშინ როგორ შეიძლება საკუთარ თავს ურტყამდე და ამბობდე, რომ იცი რა, მე არჩევნებში არ მივიღებ მონაწილეობას,"- აცხადებს პარტია ”გირჩის” თავმჯდომარე იაგო ხვიჩია.

საქართველოს პარლამენტის თავმჯდომარემ, შალვა პაპუაშვილმა მარნეულში აზერბაიჯანელ თანამოქალაქეებს ნოვრუზ ბაირამის დღესასწაული მიულოცა.„გილოცავთ დღევანდელ დღეს, ნოვრუზ ბაირამს, ვულოცავ ჩვენი მრავალეთნიკური სახელმწიფოს თითოეულ მოქალაქეს. ნოვრუზ ბაირამი ჩვენი საზოგადოებისთვის მნიშვნელოვანი დღე არის, არა მხოლოდ მისი კულტურული ტრადიციებიდან გამომდინარე, არამედ იმიტომ, რომ ეს დღესასწაული აერთიანებს სხვადასხვა ერის თუ რელიგიის წარმომადგენლებს. დღესაც მარნეულში ყველა ერთად აღვნიშნავთ ნოვრუზ ბაირამს, გაზაფხულის, განახლების დღეს. კიდევ ერთხელ გილოცავთ ნოვრუზ ბაირამს, გვეცხოვროს, მშვიდობიან, მთლიან და ძლიერ საქართველოში“ , – განაცხადა შალვა პაპუაშვილმა.მარნეულში შეკრებილ მოსახლეობას სიტყვით ასევე მიმართეს პრემიერ-მინისტრმა ირაკლი კობახიძემ, საქართველოს პრეზიდენტმა, მიხეილ ყაველაშვილმა, შერიგებისა და სამოქალაქო თანასწორობის საკითხებში სახელმწიფო მინისტრმა, თეა ახვლედიანმა.მარნეულში გამართულ ღონისძიებაში მონაწილეობა მიიღეს სახალხო დამცველმა, ლევან იოსელიანმა, ქვემო ქართლის გუბერნატორმა, გიორგი დოხტურიშვილმა, საკანონმდებლო და აღმასრულებელი ხელისუფლების წარმომადგენლებმა.პარლამენტის თავმჯდომარე ნოვრუზ ბაირამისადმი მიძღვნილ საზეიმო ღონისძიებებს დაესწრო, დაათვალიერა საგამოფენო სივრცე და აზერბაიჯანული ეთნოკუთხე. მარნეულში ასევე გაიმართა სპორტული და კულტურული ღონისძიებები.

ნოვრუზ ბაირამს ვულოცავ ყველას, ვინც ამ დღესასწაულს ზეიმობს, – ამის შესახებ დედაქალაქის მერი კახა კალაძე სოციალურ ქსელში წერს.„გაზაფხულის ეს ლამაზი დღესასწაული, კარგა ხანია, საქართველოს მრავალეთნიკური კულტურის ნაწილად იქცა.დაე, მოეტანოს მას სასიკეთო ცვლილებები, განახლება, მშვიდობა და კეთილდღეობა!“ – წერს კახა კალაძე.