ნუცა ბუზალაძე მიმართვას ავრცელებს

UFC-ის საშუალო წონის ქართველმა მებრძოლმა, რომან დოლიძემ იტალიელი მარვინ ვეტორი დაამარცხა.ხუთრაუნდიან ბრძოლაში 36 წლის მებრძოლმა მეტოქეს მსაჯთა ერთსულოვანი გადაწყვეტილებით სძლია.შეხვედრა ძირითადად დგომში მიმდინარეობდა, რომან დოლიძე თითოეულ რაუნდში ძალიან დამაჯერებლად გამოიყურებოდა და რამდენჯერმე ნოკაუტის გაფორმებაც შეეძლო, თუმცა იტალიელი მის დარტყმებს იტანდა.ეს მებრძოლები ერთმანეთს ორი წლის წინაც შეხვდნენ. მაშინ სამრაუნდიანი დაპირისპირება შედგა და გამარჯვება მსაჯებმა მარვინ ვეტორის მიანიჭეს.შედეგად, რომან დოლიძემ UFC-ში ზედიზედ მესამედ გაიმარჯვა. შერეულ ორთაბრძოლებში ქართველის ანგარიშზე 15 მოგება და სამი მარცხია. აქამდე ის საშუალო წონის რეიტინგში მე-12 ადგილზე იყო, ახლა კი, დიდი ალბათობით, განახლებულ რეიტინგში მერვე პოზიციაზე გადაინაცვლებს.

„სტრატეგია აღმაშენებელი“ ერთიანობის მხარდამჭერებად ვრჩებით, კოორდინაცია კარგია, მაგრამ ჩვენ დროებითი კოორდინაციები არ გვჭირდება, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.მისი თქმით, გამარჯვებისთვის ნამდვილი ერთიანობის ჩვენებაა საჭირო.„ერთ მხარეს არიან „ქოცები“ და მეორე მხარეს საქართველოს პატრიოტები. ჩვენ ასეთ ერთიანობას ვუჭერთ მხარს, თუმცა რა თქმა უნდა, კოორდინაცია ძალიან მნიშვნელოვანია. კოორდინაცია ნიშნავს იმას, რომ ყველა პარტია თავისი ბრენდით, სახელით, პოზიციონირებს, მაგრამ კოორდინაციაში არიან რაღაც საკითხებში ერთმანეთში. არის რაღაც საკითხები, რაშიც შეიძლება, კოორდინაცია არ იყოს. ბევრი საკითხია, მაგალითად საერთო ბრიფინგის ჩატარება, რაღაც საკითხზე ან ერთიანად განცხადების გავრცელება, არიან პარტიები, რომელიც ამას არ ეთანხმებიან. ამიტომ, კოორდინაცია მნიშვნელოვანია, მაგრამ ჩვენ ვფიქრობთ, რომ გამარჯვებისთვის უკეთესი იქნებოდა ერთიანობა. ერთიანობაში ვგულისხმობ, რომ ჩვენ და ისინი, ანუ „ქართული ოცნება“ და ყველა პარტია, რომელიც არის პროქართული“, – განაცხადა მანჯგალაძემ.ყოფილმა პრეზიდენტმა, სალომე ზურაბიშვილმა განაცხადა: „ჩემი მიზანი არასოდეს ყოფილა ოპოზიციის გაერთიანება, ვამზადებ ძლიერ კოორდიანაციას, რაც უძლებს ყველაფერს, ყალბი გაერთიანება კი არის ყველაზე მოწყვლადი“.

შინაგან საქმეთა სამინისტროს საგანგებო სიტუაციების მართვის სამსახური, მოქალაქეებს მოუწოდებს, გამოიჩინონ მაღალი სამოქალაქო პასუხისმგებლობა და მიზანმიმართულად არ დაანთონ ცეცხლი სასოფლო-სამეურნეო სავარგულებზე, ტყის ან ველის სიახლოვეს, წინააღმდეგ შემთხვევაში, მათ მიმართ გატარდება კანონით გათვალისწინებული შესაბამისი ზომები."მოსალოდნელი საფრთხის თავიდან აცილების მიზნით, მივმართავთ მოქალაქეებს, თავი შეიკავონ ტყის მასივში კოცონის დანთებისგან, ასევე, არ დატოვონ უყურადღებოდ, თვითაალებადი საყოფაცხოვრებო ნარჩენები.აღნიშნულმა ქმედებებმა შესაძლოა ცეცხლის უკონტროლო გავრცელება და გარემოს დაზიანება გამოიწვიოს.დაკვამლიანების ან ცეცხლის შემჩნევის შემთხვევაში კი, დაუყოვნებლივ აცნობეთ შინაგან საქმეთა სამინისტროს საზოგადოებრივი უსაფრთხოების მართვის ცენტრ "112-ს."

პრეზიდენტი მიხეილ ყაველაშვილი რუსთავში ჩატარებულ კრივის საერთაშორისო ასპარეზობას გამოეხმაურა და ქართველ მოკრივეებს მიღწეული შედეგი მიულოცა. "ვულოცავ ქართველ მოკრივეებს რუსთავში საერთაშორისო სარეიტინგო ბრძოლებში მიღწეულ წარმატებას.განსაკუთრებით მსურს მივულოცო ჩვენს სახელოვან სპორტსმენს, ოლიმპიურ მედალოსანს, ლაშა გურულს გამარჯვება - მან პროფესიონალურ კრივში პირველი ბრძოლა გამართა და განელი მეტოქე დაამარცხა", - წერს მიხეი ყაველაშვილი.

აშშ-ის სახელმწიფო მდივანი, მარკო რუბიო რუსეთის საგარეო საქმეთა მინისტრს, სერგეი ლავროვს ტელეფონით ესაუბრა. ინფორმაციას აშშ-ის სახელმწიფო დეპარტამენტი ავრცელებს.მათივე ინფორმაციით, მარკო რუბიომ სერგეი ლავროვს აცნობა ირანის მიერ მხარდაჭერილი "ჰუსიტების" წინააღმდეგ აშშ-ის სამხედრო შემაკავებელი ოპერაციების შესახებ და ხაზგასმით აღნიშნა, რომ აშშ არ მოითმენს წითელ ზღვაში მის სამხედრო და კომერციულ გემებზე „ჰუსიტების“ თავდასხმებს."სახელმწიფო მდივანმა რუბიომ და საგარეო საქმეთა მინისტრმა ლავროვმა ასევე განიხილეს საუდის არაბეთში ბოლო შეხვედრების შემდგომი ნაბიჯები და შეთანხმდნენ, გააგრძელონ მუშაობა შეერთებულ შტატებსა და რუსეთს შორის კომუნიკაციის აღდგენისთვის", - აღნიშნულია ინფორმაციაში.