„დოიჩე ველე“ – გერმანიის მთავრობაში აცხადებენ, რომ უკრაინაში ცეცხლის შეწყვეტაზე ვლადიმირ პუტინის განცხადებები მოლაპარაკებების გაჭიანურებაა

ჩვენ კარგად ვხედავთ, რომ ბევრი ქვეყანა, მათ შორის, ამერიკის შეერთებული შტატები საქართველოს ხელისუფლებასთან კომუნიკაციაზეა გამოსული, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისი თქმით, საგარეო საქმეთა სამინისტროში შეერთებული შტატების ელჩის მისვლა დონალდ ტრამპის ადმინისტრაციის გარეშე ვერ მოხდებოდა.„კოლექტიური „ნაცმოძრაობა“ ყველანაირად ეცდება, რომ ის მარცხი, რაც განიცადა პოლიტიკური, ქუჩაში, პარლამენტში, უცხოეთში, როგორმე გაამართლოს. ჩვენ კარგად ვხედავთ, რომ ბევრი ქვეყანა, მათ შორის, ამერიკის შეერთებული შტატები რეალურად არის გამოსული კომუნიკაციაზე საქართველოს ხელისუფლებასთან. ის ფაქტი, რომ თავად შეერთებული შტატების ელჩი მიდის საგარეო საქმეთა სამინისტროში, ბუნებრივია, თავისთავად ეს არ ხდება, ტრამპის ადმინისტრაციის გარეშე ეს ვერ მოხდებოდა. ისიც ბუნებრივია, რომ ტრამპის ადმინისტრაციას რა პოლიტიკაც აქვს, ძალიან კარგად იციან ამერიკაში, რომ საქართველოს სახელმწიფოს აქვს იგივე პოლიტიკა ღირებულებებთან პარტნიორობასთან, მშვიდობასთან დაკავშირებით და შესაბამისად, ბუნებრივიც იყო, რომ შეერთებული შტატების ელჩი ზუსტად იმ გზავნილებს ეტყოდა საგარეო საქმეთა მინისტრს, რომ გარკვეული რებრენდინგი უნდა მოხდეს, აღდგენა ურთიერთობების, რაც დააზიანა ბაიდენმა“, – განაცხადა გურამ მაჭარაშვილმა.მისი თქმით, დონალდ ტრამპი აცხადებს, რომ ჯო ბაიდენმა დააზიანა ურთიერთობები სხვა ქვეყნებთან, ამიტომ გასაკვირი არ არის, რომ ჯო ბაიდენის ადმინისტრაციას ურთიერთობები საქართევლოსთანაც დაეზიანებინა.„და რა გასაკვირია, რომ ბაიდენის ადმინისტრაციას ურთიერთობები საქართველოსთან დაეზიანებინა, ამიტომ ტრამპის ადმინისტრაციისთვის გასაკვირი არ არის, რომ ურთიერთობები დაზიანებულია ბევრ ქვეყანასთან და მათ შორის, საქართველოსთან, ამიტომ, ასევე ბუნებრივია, რომ შეერთებული შტატების ელჩი ახლა ცდილობს, რომ აღდგეს ურთიერთობები ამერიკა – საქართველოს შორის“, – განაცხადა გურამ მაჭარაშვილმა.მისი თქმით, არსებობს გამოთქმა, გაჭირვებულს ქვა აღმართში მიეწიაო და სწორედ ეს არის კოლექტიური „ნაცმოძრაობისთვის“ საგარეო საქმეთა სამინისტროში ამერიკის ელჩის მისვლა.„დიდი წერტილია დასმული ნებისმიერ სპეკულაციაზე, როდესაც ამერიკის ელჩი პირდაპირ, რა თქმა უნდა, ჯერ ერთი, რომ აღიარებს ლეგიტიმაციას საქართველოს ხელისუფლებისა და მეორე, თვლის, რომ უნდა მოხდეს ურთიერთობების განახლება საქართველო-შეერთებულ შტატებს შორის. ახლა კოლექტიურ „ნაცმოძრაობას“ ერთადერთი რამე აქვს დარჩენილი, რომ ვინ სად გადანაწილდება, ვინ პენსიაზე წავა და ვინ სხვა საქმეს მიყოფს ხელს, ამაზე უნდა იფიქრონ“, – განაცხადა გურამ მაჭარაშვილმა.

ვფიქრობ, ევროპა ცივილიზაციური თვითმკვლელობის რისკის წინაშე დგას, - განაცხადა აშშ-ის ვიცე-პრეზიდენტმა, ჯეი დი ვენსმა.ტელეკომპანია Fox News-თან ინტერვიუში ჯეი დი ვენსმა აღნიშნა, რომ მას სურს აყვავებული ევროპის ხილვა, რომელიც პატივს სცემს თავის ხალხს.„მე ნამდვილად მჯერა, რომ ჩვენ ევროპასთან ბევრი საერთო გვაქვს. დიახ, ევროპელები ხანდახან მაღიზიანებენ და მათთან გარკვეულ საკითხებზე არ ვთანხმდები, მაგრამ უნდა გვახსოვდეს, რომ ეს დასავლური ცივილიზაციის აკვანია. ქრისტიანული ცივილიზაციის მთელი იდეა, რამაც ამერიკის შეერთებული შტატების დაარსებამდე მიგვიყვანა, ევროპაში ჩამოყალიბდა. კულტურული კავშირები, რელიგიური კავშირები - ეს ყველაფერი პოლიტიკურ უთანხმოებებს მიღმა გაგრძელდება“, - განაცხადა აშშ-ის ვიცე-პრეზიდენტმა.„მაგრამ ვფიქრობ, ევროპა ცივილიზაციური თვითმკვლელობის რისკის წინაშე დგას. ისინი ვერ ახერხებენ ან არ სურთ თავიანთი საზღვრების კონტროლი. ხედავთ, რომ ისინი ამის წინააღმდეგ გამოდიან და ეს კარგია. ხედავთ, რომ ისინი იწყებენ საკუთარი მოქალაქეების სიტყვის თავისუფლების შეზღუდვას. მე მინდა, რომ ევროპა აყვავებული იყოს, მინდა, რომ ის იყოს მნიშვნელოვანი მოკავშირე, და ამის ნაწილი არის ის, რომ ევროპამ პატივი უნდა სცეს საკუთარ ხალხს, საკუთარ სუვერენიტეტს და ამერიკა ამას მათ ნაცვლად ვერ გააკეთებს“, - დასძინა ჯეი დი ვენსმა.

"მე მქონდა სატელეფონო საუბარი პრეზიდენტ ტრამპთან. შედგა ჩვენი საგარეო საქმეთა მინისტრის პირველი კონტაქტები ამერიკელ კოლეგასთან. ზოგადად, წინსვლა გვაქვს. ვნახოთ, რა გამოვა", - აცხადებს რუსეთის პრეზიდენტი, ვლადიმერ პუტინი.მისი თქმით, ის ტელეფონით ესაუბრა დონალდ ტრამპს და პირობა მისცა, რომ ალყაში მყოფ უკრაინელ სამხედროებს, რომლებიც, პუტინის მტკიცებით, კურსკის ოლქში არიან, იარაღის დაყრისა და ტყვედ ჩაბარების შემთხვევაში, გარანტირებული ექნებათ სიცოცხლის შენარჩუნება."ჩვენ ვნახეთ აშშ-ის პრეზიდენტის, ბატონი ტრამპის დღევანდელი მიმართვა უკრაინის არმიის სამხედრო მოსამსახურეების სიცოცხლის გადასარჩენად, რომელთაგან ზოგიერთი ბლოკირებულია რუსული ჯარების მიერ უკრაინის შეიარაღებული ძალების კურსკის რეგიონში შეჭრის ზონაში. იარაღის დაყრისა და ტყვედ ჩაბარების შემთხვევაში მათ გარანტირებული ექნებათ სიცოცხლის შენარჩუნება და ღირსეული მოპყრობა საერთაშორისო სამართლის ნორმებთან და რუსეთის ფედერაციის კანონებთან შესაბამისობაში. აშშ-ის ახალი ადმინისტრაცია პრეზიდენტი ტრამპის მეთაურობით ყველაფერს აკეთებს იმისთვის, რომ თუნდაც რამე აღდგეს იქიდან, რაც ნულამდე იყო დაყვანილი და განადგურებული წინა ადმინისტრაციის მიერ. როგორც ყველამ იცის, მე მქონდა სატელეფონო საუბარი პრეზიდენტ ტრამპთან. შედგა ჩვენი საგარეო საქმეთა მინისტრის პირველი კონტაქტები ამერიკელ კოლეგასთან. ზოგადად, წინსვლა გვაქვს. ვნახოთ, რა გამოვა", - ამბობს ვლადიმერ პუტინი.

საგანგებო სიტუაციების მართვის სამსახური, მოქალაქეებს მოუწოდებს, გამოიჩინონ მაღალი სამოქალაქო პასუხისმგებლობა და მიზანმიმართულად არ დაანთონ ცეცხლი სასოფლო-სამეურნეო სავარგულებზე, ტყის ან ველის სიახლოვეს, - ნათქვამია სამსახურის მიერ გავრცელებულ განცხადებაში.უწყება მოქალაქეებს შესაბამის პასუხისმგებლობასაც ახსენებს.„შინაგან საქმეთა სამინისტროს საგანგებო სიტუაციების მართვის სამსახური, მოქალაქეებს მოუწოდებს, გამოიჩინონ მაღალი სამოქალაქო პასუხისმგებლობა და მიზანმიმართულად არ დაანთონ ცეცხლი სასოფლო-სამეურნეო სავარგულებზე, ტყის ან ველის სიახლოვეს, წინააღმდეგ შემთხვევაში, მათ მიმართ გატარდება კანონით გათვალისწინებული შესაბამისი ზომები.მოსალოდნელი საფრთხის თავიდან აცილების მიზნით, მივმართავთ მოქალაქეებს, თავი შეიკავონ ტყის მასივში კოცონის დანთებისგან, ასევე, არ დატოვონ უყურადღებოდ, თვითაალებადი საყოფაცხოვრებო ნარჩენები.აღნიშნულმა ქმედებებმა შესაძლოა ცეცხლის უკონტროლო გავრცელება და გარემოს დაზიანება გამოიწვიოს.დაკვამლიანების ან ცეცხლის შემჩნევის შემთხვევაში კი, დაუყოვნებლივ აცნობეთ შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ს", - აცხადებს საგანგებო სიტუაციების მართვის სამსახური.

ჩვენ ვიცოდით არა მხოლოდ ის, როგორ იწყება ასეთი ომები, არამედ ისიც, როგორ მთავრდება, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.პაპუაშვილი ამგვარად გამოეხმაურა ნატო-ს გენერალური მდივნის, მარკ რუტეს განცხადებას, სადაც მან აღნიშნა: „ნორმალური იქნებოდა, თუ ომი შეწყდებოდა და ევროპა როგორღაც ნაბიჯ-ნაბიჯ და ამერიკა ნაბიჯ-ნაბიჯ აღადგენდა ნორმალურ ურთიერთობებს რუსეთთან, მაგრამ ჩვენ ჯერ აბსოლუტურად არ ვართ იქ“.„ჩვენ ვიცოდით არა მხოლოდ ის, თუ როგორ იწყება ასეთი ომები, არამედ ისიც, თუ როგორ მთავრდება. ისიც ვიცოდით, როდის აფენენ წითელ ხალიჩებს და როდის იღებენ. „რაც ყოფილა, იგივე იქნება და რაც მომხდარა, იგივე მოხდება. არაფერია მზის ქვეშ ახალი“ (ეკლესიასტე 1:9)“, – წერს პაპუაშვილი.