ვოლოდიმირ ზელენსკი – უკრაინა თურქეთს უსაფრთხოების გარანტიების თვალსაზრისით პარტნიორად ხედავს, კიევი მზადაა, ქვეყნებს შორის თავისუფალი ვაჭრობის შეთანხმებას მოაწეროს ხელი

საქართველოს პარლამენტის თავმჯდომარე შალვა პაპუაშვილი სოციალურ ქსელში „ნაციონალური მოძრაობის“ მიერ ცენტრალური ოფისის გაყიდვას ეხმაურება.„ალამუთის ციხე დაეცა“, – წერს შალვა პაპუაშვილი.„ერთიანობა – ნაციონალური მოძრაობის“ პარტიის ცენტრალური ოფისის გაყიდვასთან დაკავშირებით დღეს პარტიამ განცხადება გაავრცელა. პარტიაში ცენტრალური ოფისის გაყიდვის გადაწყვეტილების მიზეზად ფინანსების მობილიზება და ამომრჩეველთან სიახლოვე დაასახელეს.

„ერთიანობა – ნაციონალური მოძრაობის“ პარტიის ცენტრალური ოფისის გაყიდვასთან დაკავშირებით განცხადებას ავრცელებს.პარტიაში ცენტრალური ოფისის გაყიდვის გადაწყვეტილების მიზეზად ფინანსების მობილიზებასა და ამომრჩეველთან სიახლოვეს ასახელებენ.როგორც განცხადებაშია განმარტებული, მნიშვნელოვანია პარტიის კონსოლიდაცია საზოგადოებასთან, რაშიც ენმ-ის ცენტრალური ოფისის დედაქალაქის ცენტრალურ ლოკაციაზე განთავსებაც შეუწყობს ხელს.„„ერთიანობა – ნაციონალური მოძრაობის“ გადაწყვეტილებით გაიყიდა კახეთის გზატკეცილზე მდებარე პარტიის ცენტრალური ოფისი. აღნიშნული ოფისი, რომელიც 2010 წელს აშენდა, მომსწრეა მრავალი ქარტეხილის და თავდასხმის „ნაციონალურ მოძრაობაზე“. საზოგადოებას კარგად ახსოვს მოღალატე, რუსული რეჟიმის არაერთი ძალადობრივი თავდასხმა აღნიშნულ შენობაზე, მათ შორის სპეცოპერაცია ენმ-ის იმდროინდელი თავმჯდომარის გატაცების მიზნით.ამავდროულად, ცხადია, ჩვენ კარგად გვესმის, რომ პარტია არ არის შენობა. პარტია შედგება ადამიანებისგან, რომლებიც გაერთიანებული ვართ საქართველოს ერთიანობის, სიძლიერისა და ევროპული, დემოკრატიული მომავლის იდეის და სხვა ეროვნული, პატრიოტული ღირებულებების ირგვლივ.დღეს, როდესაც ქვეყნის გადარჩენის ბრძოლა გადამწყვეტ ფაზაშია, როდესაც ივანიშვილის კრიმინალური ბანდის რეპრესიული მანქანა განსაკუთრებული სისასტიკით ებრძვის განსხვავებულ აზრს და როდესაც „ნაციონალური მოძრაობა“ კვლავ რჩება რეჟიმის მთავარ სამიზნედ, რისი გამოხატულებაა პრეზიდენტი სააკაშვილის განგრძობადი პოლიტიკური ტყვეობა, ისევე როგორც არალეგიტიმურ პარლამენტში „ჩეკას“ ანალოგით შექმნილი რუსული კომისია, ყველაზე მნიშვნელოვანია პარტიის კონსოლიდაცია, ჩვენს საზოგადოებასთან მეტი კავშირი და სიახლოვე, რაშიც ენმ-ის ცენტრალური ოფისის დედაქალაქის ცენტრალურ ლოკაციაზე განთავსებაც შეუწყობს ხელს. ამიტომ მიზანშეწონილად მიგვაჩნია, რომ „ნაციონალური მოძრაობის“ ოფისი, პარტიის, რომელიც ყოველთვის იყო და არის ყველაზე სახალხო პარტია, განსაკუთრებით დღეს და ბრძოლის ამ გადამწყვეტ ეტაპზე, იყოს გაცილებით ხელმისაწვდომი ამომრჩევლისთვის, წევრებისთვის, პოტენციური მომხრისთვის, ახალგაზრდისთვის, აქტივისტისთვის თუ ჟურნალისტისთვის.ჩვენ უნდა შევძლოთ ხალხსა და პოლიტიკოსებს შორის არსებული დისტანციის შემცირებაც, ვიყოთ კიდევ უფრო გახსნილი, კიდევ უფრო ღია, კიდევ უფრო ხელმისაწვდომი ყველასთვის“, – აღნიშნულია განცხადებაში.განცხადების თანახმად, აუცილებელი ფინანსური რესურსის მობილიზება სასიცოცხლოდ მნიშვნელოვანია პარტიის ფუნქციონირებისთვის.„ასევე აღსანიშნავია, რომ საბიუჯეტო დაფინანსების შეწყვეტის (საპარლამენტო მანდატებზე უარის გამო) პირობებში აუცილებელი ფინანსური რესურსის მობილიზება სასიცოცხლოდ მნიშვნელოვანია პარტიის ფუნქციონირებისთვის. პარტიას უწევს არსებობა და ბრძოლა, წლების განმავლობაში მძვინვარე რუსული პროპაგანდის, ცილისმწამებლურ, ბინძურ პროპაგანდისტულ კამპანიასთან ერთად, ჩვენს პოტენციურ ფინანსურ მხარდამჭერ ბიზნესმენებზე მუდმივი ტერორის პირობებში. მიუხედავად მრავალი სტიგმისა, რომლებსაც სხვადასხვა აქტორი ქმნიდა, საზოგადოებამ ასევე უნდა იცოდეს, რომ „ნაციონალურ მოძრაობას“ არ აფინანსებს არცერთი მსხვილი ან დომინანტი დონორი. უახლოეს ხანში ჩვენ ვგეგმავთ, ენმ-ის მართვის პროცესში ჩვენი წევრების მეტი უშუალო ჩართულობისა და ამავდროულად, ფინანსური მდგრადობის სისტემის ძირეულ განახლებას, სადაც თითოეულ წევრს შეეძლება, თავის წვლილი შეიტანოს პარტიის პოლიტიკური და სხვა გადაწყვეტილებების მიღების პროცესში, ისევე როგორც ჩვენი პარტიის ფინანსურ მხარდაჭერაში.მოღალატე კრიმინალთა რუსული რეჟიმის საპირწონე ძალისთვის მთავარია სიმართლე, პატრიოტიზმი, ეროვნული ინტერესების ერთგულება და ამასთანავე, ღიაობა, საზოგადოების წინაშე ანგარიშგება, პასუხისმგებლობა და ბრძოლისუნარიანობა ქვეყნის ინტერესებში. მიგვაჩნია, რომ ჩვენი ქვეყნისა და „ნაციონალური მოძრაობისთვის“ ამ რთულ დროს აღნიშნული გადაწყვეტილება მოემსახურება საქართველოსა და ჩვენი გუნდის ამ საერთო და ეროვნულ ინტერესს. ჩვენ, ყველამ ერთად, უკომპრომისო, პრინციპული ბრძოლით უნდა დავამარცხოთ მოღალატე კრიმინალთა რეჟიმი და დავიხსნათ ქვეყანა რუსული მარწუხებისგან. ძალა ერთობაშია! თავისუფლება მიშას!“ – აღნიშნულია განცხადებაში.

მდ. არაგვის ხიდზე მიმდინარე სამუშაოების გამო მოძრაობა გზის ერთ სამოძრაო ზოლზე განხორციელდება, – ამის შესახებ ინფორმაციას გზების დეპარტამენტი ავრცელებს.„საერთაშორისო მნიშვნელობის თბილისი-სენაკი-ლესელიძის საავტომობილო გზის 26-ე კმ-ზე, მდინარე არაგვის ხიდზე  (მარცხენა, თბილისის მიმართულება), დაზიანდა ხიდის სავალი ნაწილის ფილა. დაზიანებული ფილის აღდგენის სამუშაოების გამო, აღნიშნულ მონაკვეთზე 10 დღის განმავლობაში ერთ სამოძრაო ზოლზე, დასავლეთ-აღმოსავლეთის მიმართულებაზე, მოძრაობა შეიზღუდება“, – ნათქვამია ინფორმაციაში.

ფაქტობრივად, ჩვენ ყველა რაიონში ვაკანსია გვაქვს გამოცხადებული ადეკვატური ადამიანის პოვნაზე, რომელიც ჩვენი სახელით მიიღებს მონაწილეობას არჩევნებში. ჩვენ გვინდა ახალი ადამიანების აღმოჩენა ამ არჩევნებზე, – ამის შესახებ „გირჩის“ წევრმა, იაგო ხვიჩიამ განაცხადა.„განსახვავებული ბევრი ვერაფერი გვექნება იქიდან გამომდინარე, რომ ნახევარი წლის წინ იყო არჩევნები და ჩვენ არ შევცვლილვართ. მოგეხსენებათ, ცხრა წელია, ერთსა და იმავეს ვამბობთ, ერთი და იგივე გვინდა, ამიტომ ამ ერთ წელიწადში რამე განსხვავებული ვერ მოხდება, უბრალოდ ახალი ადამიანების პოვნა გვინდა. ალბათ ჩვენ ადამიანებს მოვუწოდებთ წინა არჩევნებზე დაშვებული შეცდომების გამოსწორებისკენ, რადგან არ შეიძლება, ერთხელ დაშვებული შეცდომა კიდევ მეორედ, მესამედ და გაუთავებლად გაიმეორო. შეცდომის ცოტათი გამოსწორების საშუალება მიეცემა შეცდომაში შეყვანილ ამომრჩეველს“, – აღნიშნა ხვიჩიამ.იაგო ხვიჩიას თქმით, ოპოზიცია თვითმმართველობის არჩევნებში მიიღებს მონაწილეობას, რადგან ასე მარტივად არ დაანებებს ხალხს თავს.„ჩემი აზრით, საბოლოო ჯამში, ესენი დალაგდებიან იმაზე, რომ თვითმმართველობის არჩევნებში მიიღებენ მონაწილეობას, რადგან ასე მარტივად არ დაანებებენ ქართველ ხალხს თავს. თუ არ მიიღეს მონაწილეობა, ძალიან კარგი იქნება. მოვუწოდებ, შეასრულონ საკუთარი პირობა, არ გადათქვან და არ მიიღონ მონაწილეობა არჩევნებში. ისინი არ არიან პოლიტიკური პარტიები, შესაბამისად, დიდი არაფერი დაშავდება, რომ არ მიიღონ მონაწილეობა „ქართული ოცნების“ დანამატებმა სხვადასხვა ფორმით. ერთი „ქართული ოცნება“ მონაწილეობს და „პროქსი პარტიები“, საერთოდ არ არის სავალდებულო, მონაწილეობდნენ არჩევნებში, რადგან მიიღეს მონაწილეობა, გაიმარჯვეს კიდეც, ჩემი დაკვირვებით, და მერე უარი თქვეს მანდატებზე, აჩუქეს „ქოცებს“. შესაბამისად, მგონია, რომ მათი მონაწილეობის შემთხვევაში არჩევნებში კიდევ დაიკარგება ხალხის ხმები, რომელიც ძალიან ღელავდა წინასაარჩევნოდ, რომ ხმები არ დაკარგულიყო“, – განაცხადა ხვიჩიამ.ამასთან, კითხვაზე, – „მონაწილეობას თუ არ მიიღებენ, რა გზავნილი იქნება მათი მხრიდან?“ – ხვიჩიამ განაცხადა:„ძალიან კარგი. მივხვდებით, რომ გამოსწორდნენ და ბოდიშს უხდიან ქართველ ხალხს, რომ აქამდე შეცდომაში შეჰყავდათ. ამიტომ ამაზე სწორი ნაბიჯი მათგან ვერ იქნება. უბრალოდ, მე ნაკლებად ოპტიმისტური ვარ ამასთან დაკავშირებით. ცოტა ხანში იჩხუბებენ, ერთმანეთს გალანძღავენ ან იმ ხალხს გალანძღავენ, ვინც არჩევნებში აპირებს მონაწილეობას. ბოლოს კი ყველა მიიღებს მონაწილეობას. უფრო ასეთი დასკვნა მაქვს“, – განაცხადა იაგო ხვიჩიამ.

CrystalSport-ის ცნობით, „შალკე’’ 17 წლის ქართველი ტალანტის, ნიკოლოზ ჩიქოვანის გადაბირებით დაინტერესდა.შესაძლოა, ლევან კობიაშვილისა და ლევან ყენიას შემდეგ ჩიქოვანი „შალკეს’’ ისტორიაში რიგით მესამე ქართველი ფეხბურთელი გახდეს.გერმანული კლუბის მიწვევით ჩიქოვანი მამასთან და მის მენეჯერ ირაკლი ლილუაშვილთან ერთად გელზენკირხენში იმყოფება. შეხვედრა გაცნობითი ხასიათისაა, გერმანული კლუბი ფეხბურთელის მხარეს კლუბის სტატეგიას აცნობს. ასევე, მხარეები სამომავლო თანამშრომლობის შესაძლებლობას განიხილავენ.