დონალდ ტრამპი – USAID-ში კორუფციამ ისეთ დონეს მიაღწია, როგორიც აქამდე იშვიათად უნახავს ვინმეს, დახურეთ ის

გრძელი ნახევრად ლიტერატურული ტექსტებით, გულისამაჩუყებელი ისტორიებით და დითირამბებით დიქტატურა არსად და არასდროს დამარცხებულა“ - ამის შესახებ ნიკა გვარამია სოციალურ ქსელში წერს:   „ჩემთვის რამდენიმე რამეა ცხადი:   1. რაც კეთდება, გინდა აქტივისტების, გინდა პოლიტიკოსების, გინდა ენჯეოების, გინდა მედიების მიერაც კი, საკმარისი არაა - რეჟიმი აგონიაში არაა. იგი დასუსტებულია, იზოლაციაშია, მაგრამ ადაპტირებულია პროტესტსაც და იზოლაციასაც   2. დაჭერები მუშაობს. თუ ღიას არა, შინაგან ცენზურას მაინც იწვევს და სიფრთხილეს, რომელიც დაჭერების ინტენსიობის მატების კვალდაკვალ, ტრანსფორმირდება შიშში (რაც ძალიან ბუნებრივი და ადამიანურია)   3. პატიმრებს ვერ ვშველით, მოშიმშილეები სიკვდილის პირას არიან;   4. ყველას მუშაობით, განსაკუთრებით კი სახალხო პროტესტით, მნიშვნელოვანი შედეგები დაიდო, მაგრამ განვითარების აღმავალი ხაზი აღარ შეინიშნება მინიმუმ 1 თვეა; 5. პოლიტიკოსებმა ყველაფერი არ იციან და ყველაფერი არ შეუძლიათ. არაა სწორი მათგან შეუძლებლის მოთხოვნა და, განსაკუთებით, განტევების ვაცის ძერწვა. არც ახალი პარტიაა პანაცეა და არც არსებული პარტიების სრული შერწყმა;   6. კრიტიკა, ვისიც და რისიც არ უნდა იყოს, მტრობა არაა და მისი აუტანლობა და პრაქტიკულად აკრძალვა, მხოლოდ საკუთარ და საკუთარი ბაბლის ფსიქოლოგიურ კომფორტს ემსახურება, აფუჭებს საქმეს და გვაშორებს მიზანს.   7. ყველაფერი კარგად არაა, ყველაფერი რთულადაა და ეს კიდევ უფრო მეტი მოქმედებისკენ უნდა გვიბიძგებდეს და არა ხელების ჩამოყრისკენ ან კომფორტზონის ძებნისკენ, რაც თავის მოტყუებას გულისხმობს, რომ ყველაფერი გადასარევად მიდის.   8. გრძელი ნახევრად ლიტერატურული ტექსტებით, გულისამაჩუყებელი ისტორიებით და დითირამბებით დიქტატურა არსად და არასდროს არ დამარცხებულა. არსად და არასდროს.   9. კარდინალური ცვლილებების დროა, რაც ყველამ ერთად უნდა მოვიფიქროთ“- წერს ნიკა გვარამია.

საქართველოს პარლამენტის თავმჯდომარე შალვა პაპუაშვილი საზოგადოებას დავით აღმაშენებლის ხსენების დღეს ულოცავს. როგორც პარლამენტის თავმჯდომარე აღნიშნავს, წმინდა მეფე დავითი არის სიმბოლო გამარჯვებული, დამოუკიდებელი და ძლიერი საქართველოსი. „გილოცავთ დავით აღმაშენებლის ხსენების დღეს! წმინდა მეფე დავითი არის სიმბოლო გამარჯვებული, დამოუკიდებელი და ძლიერი საქართველოსი. მისი ცხოვრება არის მაგალითი და შთამომავლობისთვის დატოვებული ისტორია, თუ როგორ შეძლო 16 წლის ბიჭმა საკუთარი თავის სამშობლოსთვის სრული მიძღვნით, გაჩანაგებული, დანაწევრებული და დაპყრობილი ქვეყნის ფეხზე დაყენება, გამთლიანება და ყველა ხილული თუ უხილავი მტრის დამარცხება. დავით აღმაშენებელმა ყველაზე მკაფიოდ და წარმატებით განსაზღვრა ქვეყანა, როგორც მონარქისა და ეკლესიის ერთობა, გამთლიანებული ერით, მრავალფეროვანი სამეზობლო ურთიერთობებითა და ქრისტიანულ იდენტობაზე აგებული პოლიტიკით. საქართველოს ყველა თაობას, ნებისმიერ დროსა და ადგილას, გააჩნია პასუხისმგებლობა არა მხოლოდ აწმყოსა და მომავლის, არამედ ისტორიისა და წინაპართა წინაშეც. გილოცავთ ჩვენი წმინდა მეფის, დავით IV აღმაშენებლის ხსენების დღეს!” – წერს შალვა პაპუაშვილი.

პრობლემა უფრო ფართოა, პოლიტიკურ სპექტრში ლაპარაკია აკრძალული, – განაცხადა „გირჩის“ ერთ-ერთმა ლიდერმა, ალექსანდრე რაქვიაშვილმა საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას. „ზოგადად, პოლიტიკა ხომ ლაპარაკს ნიშნავს, არა მუშტებით და არა იარაღით მოგვარდეს რაღაც ძალაუფლების საკითხი, ხომ? ზოგადად, ეს იმდენად აკრძალულია, რომ მაგალითად, ჩემი გადმოსახედიდან, პარლამენტში არშესვლის იდეა რომ რაღაცნაირად, კარგ იდეად ითვლება ოპოზიციურ ამომრჩეველში, ეს არის დიდი შეცდომა. იმიტომ, რომ თავისთავად, თუ რამე არსი არსებობს და თუ რამე ლოგიკაა პოლიტიკაში, ესაა სიტყვიერი დაპირისპირება ერთმანეთთან და პარლამენტი ერთ-ერთი ადგილია, სადაც ეს ხდება ნებისმიერ შემთხვევაში, რომც არ გინდოდეს და ამის სურვილი არ გქონდეს. ამიტომ, როცა ოპოზიციამ და ახლა „ქართულმა ოცნებამ“ ფაქტობრივად, უარი განაცხადეს პარლამენტზე, რადგან რა მნიშვნელობა აქვს, თუ ოპოზიცია არ გყავს, გინდ პარლამენტში დაჯექი და გინდ პარტიულ ოფისში ხომ? პარლამენტი ვეღარ იქნება, თუ იქ ოპოზიცია არ არის. პარლამენტის არსი არის ლაპარაკი, ლაპარაკიდან მოდის და ვის უნდა ელაპარაკო, საკუთარ თავს? სარკეში ხომ არ ჩაიხედები? მაშინ იკარგება პოლიტიკის არსი და თუ პოლიტიკა არ გვექნება, მაშინ ხალხის უკმაყოფილება ხომ არსად არ გაქრება და საბოლოო ჯამში, ეს უკმაყოფილება დაგროვდება, დაგროვდება და ღმერთმა იცის, რაში გამოიხატება, რევოლუცია იქნება, თუ რაღაც სხვა ტიპის პრობლემები სოციალური, ამის პროგნოზირება რთულია, მაგრამ პოლიტიკა იმიტომაც გვჭირდება, რომ ეს არ მოხდეს. ახლა, ყველა ვხედავთ, რომ „ქართული ოცნების“ ბოლო გადაწყვეტილება ამას ნიშნავს, მაგრამ იმის წინა გადაწყვეტილება ოპოზიციური პარტიების, რომ არ შევიდნენ პარლამენტში, იმავე შინაარსისაა, რომ ლაპარაკზე ვთქვათ უარი“, – განაცხადა რაქვიაშვილმა.

საგარეჯოს მუნიციპალიტეტის სოფელ ანთოკის თემში, ალინჯაში, 38 წლის კაცის ცხედარი იპოვეს. ადგილობრივების ინფორმაციით, გარდაცვლილს სახის არეში დაზიანებები, ხოლო სხეულის მარჯვენა მხარეს ბასრი საგნით მიყენებული ჭრილობები აქვს. ამ ეტაპზე უცნობია, რა ვითარებაში და რა მიზეზით მოკლეს მამაკაცი. შსს-ს ცნობით, მომხდარზე გამოძიება სსკ-ის 108-ე, განზრახ მკვლელობის მუხლით დაიწყო.

ევროსაბჭოს გენერალური მდივანი ალენ ბერსე საქართველოს პრემიერ-მინისტრ ირაკლი კობახიძესთან სატელეფონო საუბრის შესახებ განცხადებას აქვეყნებს. როგორც ევროსაბჭოს ვებგვერდზე გამოქვეყნებულ განცხადებაშია ნათქვამი, ალენ ბერსემ ირაკლი კობახიძესთან 3 თებერვალს გამართული სატელეფონო საუბრისას „უცხოური გავლენის“ კანონში ცვლილებების შეტანის მიზნით ერთობლივი სამუშაო ჯგუფის შექმნის საკითხი განიხილა. ბერსეს განცხადების თანახმად, სატელეფონო საუბრისას პრემიერმა კობახიძემ განაცხადა, რომ „შეცვლილი გარემოებების გამო“ მისი მთავრობა აღარ აპირებს ერთობლივ სამუშაო ჯგუფში მონაწილეობას ან „უცხოური გავლენის“ კანონში ადრე განხილული ცვლილებების შეტანას. „ჯგუფის შექმნის გადაწყვეტილება მიღებული იყო ურთიერთშეთანხმებით 2024 წლის 20 დეკემბერს, გენერალური მდივნის თბილისში ვიზიტის დროს. 20 იანვარს სამდივნომ გაგზავნა ოფიციალური წერილი სამუშაო ჯგუფის შექმნის მოთხოვნით, ეს მოთხოვნა უპასუხოდ დარჩა. ორშაბათს გამართული სატელეფონო საუბრისას პრემიერ-მინისტრმა განაცხადა, რომ „შეცვლილი გარემოებების გამო“ მისი მთავრობა აღარ აპირებს ერთობლივ სამუშაო ჯგუფში მონაწილეობას ან „უცხოური გავლენის“ კანონში ადრე განხილული ცვლილებების შეტანას. თუმცა, მან კვლავ დაადასტურა საქართველოს ვალდებულება, გააგრძელოს ევროსაბჭოსთან თანამშრომლობა სამთავრობათაშორისო თანამშრომლობის ფარგლებში. გენერალურმა მდივანმა ასევე სინანულით აღნიშნა ქართული მხარის გადაწყვეტილების შესახებ. მან კიდევ ერთხელ გამოხატა შეშფოთება საქართველოში კანონის უზენაესობისა და ადამიანის უფლებების მდგომარეობის, ასევე პოლიტიკური ლანდშაფტის პოლარიზაციის გამო. ახლა ამოცანა არის საქართველოს მთავრობის მიერ კურსის ცვლილების შედეგად შექმნილი ახალი ვითარების გავლენის შეფასება. საქართველოს ხელისუფლებასთან დიალოგი გრძელდება. ევროსაბჭოს როლია, მტკიცედ დაიცვას დემოკრატიის, კანონის უზენაესობისა და ადამიანის უფლებების პრინციპები“, – აღნიშნულია განცხადებაში. აქვე ნათქვამია, რომ ევროსაბჭოს გენერალური მდივნის ვიზიტის შემდეგ, საქართველოში ვიზიტით იმყოფებოდნენ ევროპის საბჭოს სხვადასხვა ორგანოების წარმომადგენლები, მათ შორის PACE-ის თანამომხსენებლები, წამების პრევენციის კომიტეტი (CPT), ადამიანის უფლებათა კომისარი და ადგილობრივ და რეგიონულ ხელისუფლებათა კონგრესი.