9 წლის გიორგი ბერიშვილს საზოგადოების დახმარება სჭირდება

სალომე ზურაბიშვილის წერილს ყურადღებას ნუ მივაქცევთ, სინამდვილეში „მაკკეინის ინსტიტუტის“ წერილია, რომელსაც სალომე ზურაბიშვილი ჰყავს დაქირავებული, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, გასაგებია, რას შეიძლება, ემსახურებოდეს ქართველი პოლიტიკოსის ქმედება, რომელიც უცხოური პოლიტიკური ჯგუფის მიერ არის დაქირავებული.„არ დაგვავიწყდეს, ქალბატონი ზურაბიშვილი „მაკკეინის ინსტიტუტის“ მიერ არის დაქირავებული, იმ ინსტიტუტის მიერ, რომელიც პირდაპირ რევოლუციას გეგმავდა საქართველოში. მისი წერილი სინამდვილეში „მაკკეინის ინსტიტუტის“ წერილია კაია კალასის მიმართ. ამას ყურადღებას ნუ მივაქცევთ. ქართველი პოლიტიკოსი როდესაც ღიად არის დაქირავებული უცხოური პოლიტიკური ჯგუფის მიერ, რომელსაც გაცხადებული აქვს მტრული პოლიტიკა ქართველი ხალხის მიმართ, გასაგებია, რასაც ემსახურება. „მაკკეინის ინსტიტუტის“ მიერ დაქირავებული ლობისტია საქართველოში, ატარებს „მაკკეინის ინსტიტუტის“ პოლიტიკას, რომელიც ქართველი ხალხის მიმართ არის მტრული“, – განაცხადა შალვა პაპუაშვილმა.საქართველოს ყოფილი პრეზიდენტი სალომე ზურაბიშვილი ევროკავშირის წევრი ქვეყნების საგარეო საქმეთა მინისტრებს, ევროკავშირის ვიცეპრეზიდენტსა და საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს, კაია კალასს წერილით მიმართავს.

დენის შმიგალმა უკრაინის პრემიერ-მინისტრის თანამდებობა დატოვა. შმიგალმა გადადგომის შესახებ განცხადება დაწერა, რომელიც მან „ტელეგრამის“ არხზე გამოაქვეყნა. „მადლობა ჩვენს დამცველებს, რომლებიც იბრძვიან ფრონტზე და იცავენ უკრაინას. მადლობა უკრაინის პრეზიდენტს, ვოლოდიმირ ზელენსკის ნდობისთვის. მადლობა მთელ გუნდს დაუღალავი შრომისთვის ჩვენი ქვეყნის საკეთილდღეოდ. დიდება უკრაინას“, – წერს დენის შმიგალი.ცნობისთვის, 15 ივლისს უკრაინის პრეზიდენტმა, ვოლოდიმირ ზელენსკიმ პრემიერ-მინისტრის თანამდებობაზე იულია სვირიდენკოს კანდიდატურა წარადგინა. სვირიდენკო ამჟამად ვიცე-პრემიერის პოსტს იკავებს. მედიის ცნობით, მოსალოდნელია, რომ შმიგალი უკრაინის თავდაცვის მინისტრის თანამდებობას დაიკავებს, ხოლო ამჟამინდელი თავდაცვის მინისტრი რუსტემ უმეროვი აშშ-ში უკრაინის ელჩად დაინიშნება.

პარტია „გახარია საქართველოსთვის“ თავმჯდომარე გიორგი გახარია სოციალურ ქსელ X-ზე პოლონეთის საგარეო საქმეთა მინისტრთან, რადოსლავ სიკორსკისთან შეხვედრის შესახებ წერს.როგორც გახარია აღნიშნავს, შეხვედრის მიზანი იყო პოლიტიკური კრიზისის გადაჭრის გზების განხილვა.„ევროკავშირის მინისტერიალის შეხვედრის ფარგლებში მქონდა შესაძლებლობა, შევხვედროდი პოლონეთის საგარეო საქმეთა მინისტრს, რადოსლავ სიკორსკის – საქართველოს ნამდვილ მეგობარს, რათა განგვეხილა ჩვენი ქვეყნის პოლიტიკური კრიზისის გადაჭრის გზები. ჩვენ ხაზი გავუსვით ევროკავშირის, დიდი ბრიტანეთისა და აშშ-ის ერთიანი და კოორდინირებული ქმედებების გადამწყვეტ მნიშვნელობასა და გადაუდებელ აუცილებლობას, ქართველი ხალხის მხარდაჭერისთვის“, – წერს გიორგი გახარია.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტის ხელმძღვანელს, გამოჩენილ მეცნიერსა და მკვლევარს, პროფესორ ვახტანგ კვარაცხელიას, დაბადებიდან 75 წლის იუბილეს ულოცავს.ინფორმაციას საქართველოს ტექნიკური უნივერსიტეტი ავრცელებს.„ბატონო ვახტანგ, გულითადად გილოცავთ 75 წლის იუბილეს.მეცნიერებისა და განათლების განვითარების საქმეში თქვენი მრავალწლიანი, ნაყოფიერი მოღვაწეობა შეუფასებელია. თქვენ, როგორც ნიკო მუსხელიშვილის სახელობის გამოთვლითი მათემატიკის ინსტიტუტის ხელმძღვანელმა, არა მხოლოდ განაგრძეთ ქართული მათემატიკის სკოლის უმდიდრესი ტრადიცია, არამედ, მნიშვნელოვნად შეუწყეთ ხელი მის შემდგომ განვითარება-გაძლიერებას.თქვენი სამეცნიერო ბიბლიოგრაფია, რომელიც მოიცავს 50-ზე მეტ ნაშრომს, სახელმძღვანელოებსა და მონოგრაფიას, მიუთითებს იმ დაუღალავ შრომასა და პროფესიონალიზმზე, ასე რომ გახასიათებთ. თქვენი პედაგოგიური და სამეცნიერო საქმიანობა მაგალითია მომავალი თაობებისთვის, ხოლო თქვენი თაოსნობით განხორციელებული საერთაშორისო კვლევითი პროექტები მნიშვნელოვანი შენატანია როგორც ქართული, ისე საერთაშორისო სამეცნიერო სივრცის განვითარებაში.გისურვებთ ჯანმრთელობას, ახალ წარმატებებს და სამეცნიერო მიღწევებს. დარწმუნებული ვარ, თქვენი გამოცდილება კიდევ დიდხანს იქნება მნიშვნელოვანი საყრდენი ნიკო მუსხელიშვილის გამოთვლითი მათემატიკის ინსტიტუტის, საქართველოს ტექნიკური უნივერსიტეტისა და ჩვენი ქვეყნის განათლებისა და მეცნიერების სისტემისთვის“, - აღნიშნულია რექტორის მილოცვაში.

ამ დრომდე ვინარჩუნებდით პოზიციას, რომ არ გვინდა, ტკივილი მივაყენოთ ქართველ ხალხს ვიზალიბერალიზაციის გაუქმებით, რაც რეალურად აისახება მათზე, – ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, კაია კალასმა ევროკავშირის საგარეო საქმეთა მინისტრების საბჭოს სხდომის დასრულების შემდეგ გამართულ პრესკონფერენციაზე განაცხადა.კალასს წერილის შესახებ ჰკითხეს, რომელიც, როგორც ევროკავშირის უმაღლესმა წარმომადგენელმა თქვა, საქართველოს მთავრობას გადაეგზავნება. მედია დაინტერესდა წერილის შინაარსით და ასევე იმით, რა შეიძლება იყოს მომდევნო ნაბიჯი.„როგორც იცით, საქართველოსთან უვიზო რეჟიმი გვაქვს 2017 წლიდან, ეს არის დიდი სარგებელი, რომელსაც ევროკავშირი აძლევს ქვეყნებს. შესაბამისად, არის რეკომენდაციები, რომლებიც საქართველომ არ შეასრულა და ეს რეკომნადაციები მოცემულია ვიზალიბერალიზაციის შეფასების მეშვიდე ანგარშში. თითოეულ მათგანს ახლა აქ არ წავიკითხავ, მაგრამ მაგალითისთვის, ხაზი რომ გავუსვათ ერთ-ერთს – საქართველოს მთავრობა იღებს ვალდებულებას, უზურუნველყოს საქართველოს ყველა მოქალაქის ფუნდამენტური უფლებების დაცვა, მათ შორის ასოციაციის, შეკრების და გამოხატვის თავისუფლება, პირადი ცხოვრების ხელშეუხებლობის უფლება, უფლება, მიიღო მონაწილეობა საზოგადოებრივ საქმიანობაში და ასევე დისკიმინაციის აკრძალვა. ეს მხოლოდ ერთი პუნქტია და ასეთი აქ რვა არის. თუ ამ რეკომენდციების შესასრულებლად საქართველოს მთავრობას აქვს მიცემული ვადა აგვისტოს ბოლომდე, მაშინ ისმის კითხვა, შემდეგ რა რეაგირება გვექნება, თუ ეს რეკონედაციები არ შესრულდება? და მაშინ, როდესაც გვესმის, რომ ოპოზციის რვა ლიდერიდან შვიდი დაპატიმრებულია, ეს ნამდვილად არ არის თანხვედრაში იმ პუნქტთან, რომელიც ახლახან მაგალითად მოვიყვანე.ამ დრომდე ჩვენ ვინარჩუნებდით პოზიციას, რომ არ გვინდა, ტკივილი მივაყენოთ ქართველ ხალხს ვიზალიბერალიზაციის გაუქმებით, რაც რეალურად აისახება მათზე. ამასთან ერთად, ეს ასევე არის ევროკავშირის სანდოობის საკითხი. თუ ჩვენ გვაქვს ეს სარგებელი და ბონუსი, რომელსაც ამ ქვეყანას ვაძლევთ, რომელიც პირობებს არ ასრულებს, მაშინ ასევე ამას ექნება შედეგი, რათა საზოგადოებამ დაინახოს, რომ მთავრობა არ ადგას ევროპულ გზას და არ უდგება ევროკავშირის წევრობის კანდიდატის სტატუსს სერიოზულად“, – განაცხადა კაია კალასმა.