76 წლის ჩინელი ბებია შვილიშვილის სკოლაში წასაყვანად დღეში 24 კილომეტრს ფეხით დადის

აშშ-ის პრეზიდენტმა, დონალდ ტრამპმა განაცხადა, რომ აშშ-ის სამხედრო ძალები ირანის სამხედრო პოტენციალის განადგურებას „ფენომენალურად“ უმკლავდება.დონალდ ტრამპის თქმით, გაანადგურეს ირანის საზღვაო და საჰაერო ძალები, ლიდერები, მათი ყველა გემი კი ზღვის ფსკერზეა.„ძალიან კარგად მიდის საქმე ირანში. გაქრა მათი არმია, საზღვაო ძალები, კომუნიკაციები, ლიდერების ორი შემადგენლობა, საჰაერო ძალები მთლიანად განადგურდა. 32 გემი ჰყავდათ, ყველა  ოკეანის ფსკერზეა. ჩვენი სამხედროები ფენომენალურად მუშაობენ. ჩვენ წინაშე იყო არჩევანი – მოგვეთმინა და ასე გაგვეგრძელებინა წლების განმავლობაში, ან რაღაც გაგვეკეთებინა. ჩვენ ეს  გავაკეთეთ. ადამიანები ძალიან შთამბეჭდავად უყურებენ ჩვენს სამხედროებს და აღტაცებას გამოხატავენ. ახლა ჩვენ ვართ ქვეყანა, რომელიც უფრო პატივსაცემია, ვიდრე ოდესმე“, – განაცხადა შეერთებული შტატების პრეზიდენტმა.

რეგიონში ვიდრე ასეთი დაძაბული ვითარებაა, სულ მცირე, მორატორიუმიც კი უნდა გამოვაცხადოთ იმ თემაზე, რომელიც შეიძლება, პოტენციურად საფრთხეს შეიცავდეს საქართველოში მშვიდობის შენარჩუნებისთვის, – ამის შესახებ საქართველოს პირველ არხს განუცხადა პარტიის „გახარია საქართველოსთვის“ წევრმა, გიორგი შარაშიძემ, რითიც თავდაცვის ყოფილი მინისტრის, თინა ხიდაშელისა და გენერალ-მაიორის, ვახტანგ კაპანაძის განცხადებას გამოეხმაურა.დეპუტატის თქმით, ყველამ კეთილი უნდა ინებოს და საკუთარ განცხადებებს ცოტა მეტი სიფრთხილით უნდა მოეკიდოს.„რაც არ უნდა მავნებელი იყოს „ოცნება“, ვინც არ უნდა იყოს, პოლიტიკოსი, არასამთავრობო ორგანიზაციის წარმომადგენელი, ექსპერტი თუ ყოფილი თანამდებობის პირი, მნიშვნელობა არ აქვს, ამ ურთულეს ვითარებაში ყველას ყველაფერი გვმართებს, რათა ამ ქვეყანაში მშვიდობა შევინარჩუნოთ, რადგან მშვიდობაზე დიდი ღირებულება არ არსებობს. ამიტომ ყველამ კეთილი ინებოს და ცოტა მეტი სიფრთხილით მოეკიდოს საკუთარ განცხადებებს. რომ არ ეკიდებიან, ეს იმას ნიშნავს, რომ პირადი ინტერესი აქვთ და არ აინტერესებთ, ასეთ განცხადებას ქვეყნისთვის რა შეიძლება მოჰყვეს“, – განაცხადა შარაშიძემ.

პარლამენტის წევრს, გურამ მაჭარაშვილს მიაჩნია, რომ თავდაცვის ყოფილი მინისტრის, თინა ხიდაშელისა და გენერალ-მაიორის, ვახტანგ კაპანაძის მიერ გაკეთებული განცხადებებით შესაბამისი უწყებები უნდა დაინტერესდნენ.გურამ მაჭარაშვილი საქართველოს პირველ არხთან საუბარში აცხადებს, რომ მათ მიერ გაკეთებული განცხადებები გაცხადებული მტკიცებულებაა საქართველოში უცხო ძალების აგენტურის.„აგენტები პირდაპირ აცხადებენ, რომ საქართველოში უცხო ქვეყნის ინტერესებს წარმოადგენენ და უცხო ქვეყნის ბომბებს მოუყვებიან. 1921 წელს მეტი არაფერი მომხდარა, როცა საოკუპაციო ჯარს ზოგიერთი ქართველი მოუძღვოდა. დღეს გენერლიდან დაწყებული, თავდაცვის მინისტრით დასრულებული უცხო ქვეყანას ეუბნებიან – მობრძანდით, ბატონო, აგერ არის დასარტყამი, აქ არის ის ტერიტორია, სადაც უნდა შემოხვიდეთ, ეკონომიკას ამ ნაწილში დაარტყით და ჩამოაქციეთო. ჩემი აზრით, შესაბამისი უწყებები უნდა დაინტერესდნენ იმით, როგორ შეიძლება, თავდაცვის ყოფილი მინისტრი და გენერალი, რომელთაც საიდუმლოებაზეც მიუწვდებათ ხელი, უცხო ქვეყნის წარმომადგენლებს საჯაროდ ეუბნებოდნენ, სად შეიძლება იყოს სისუსტეები საქართველოში“, – განაცხადა მაჭარაშვილმა.ცნობისთვის, თინა ხიდაშელმა „ტვ პირველის“ ეთერში განაცხადა, რომ „საქართველოში ფუნქციონირებს ე.წ. უნივერსიტეტი, ტერორისტების სკოლა, რომლის რექტორიც იყო ალი ხამეინის მემკვიდრედ გამოცხადებული ადამიანი“.ამასთან, გენერალ-მაიორმა ვახტანგ კაპანაძემ „პალიტრანიუსთან“ საუბრისას აღნიშნა: „ვუშვებ შესაძლებლობას, რომ ირანმა პირდაპირ მიაყენოს დარტყმა საქართველოს – საქართველოშია აშშ-ის საელჩო, ის ფაქტობრივად არის სამიზნე“.

უფალთან ურთიერთობას ბავშვობიდან ვიწყებთ. პატარები მშობლებს დაჰყავთ ტაძარში, თუმცა გვგონია, რომ წირვა-ლოცვაზე, საკურთხევლის წინ მდგარ ბავშვებს, არაფერი გაეგებათ, იქ ყოფნა არ უნდათ და მათი ფიქრები თამაშებისკენაა მომართული. სინამდვილეში კი, მათ ქვეცნობიერში აუცილებლად ილექება ლოცვა, გალობა, ფრესკებისა და ხატების წმინდა გამოსახულებანი და აუცილებლად კეთილ ნაყოფს ისხამს.მამა გაბრიელი:„ასწავლეთ პატარებს, რომ უყვარდეთ... ილოცონ. მშობლების და ახლობლების სიყვარული დაანახეთ...ხშირად აახედეთ ზეცაში და ესაუბრეთ უფალზე, ჩვენი უფლის დედაზე...უთხარით, რომ თვითონაც ანგელოზია, რომელიც თქვენს გასახარებლად მოავლინა უფალმა დედამიწაზე და ადამიანი უნდა დადგეს... დაეხმარეთ გაარკვიოს, რა არის სიკეთე და სწორედ მოქცევა.ყვავილები დააკრეფინეთ და ღვთისმშობლის ხატს მიართვით... ანთებული სანთლები დააჭერინეთ ხელში და მასთან ერთად წარმოთქვით - "მამაო ჩვენო"... მერე შუბლზე დაადეთ ხელი და დალოცეთ. უთხარით, ასწავლეთ, რომ ლოცვას უდიდესი ძალა აქვს და თუკი უფალს ახსენებს, მას არაფრის შეეშინდება. მერე მამასთან გაუშვით და სთხოვოს, რომ ყველა საქმე გადადოს და უქმეზე მთელი ოჯახი წადით ტაძარში. მიეცით ბავშვებს შესაძლებლობა თქვენთან ერთად იარონ უფლის სახლში და მიჰბაძონ მამიკოს, როგორ იწერს პირჯვარს ხატის წინ. ჩვენ ასე ვიქცევით. ნაბიჯ-ნაბიჯ ვსწავლობთ, რომ უფალი სიყვარულის ფერია და რომ ის ყველგან არის - ჩვენშიც, ჩვენ სახლშიც... ზეცაშიც. ღამე ჩვენს სიზმრებს დარაჯობს მისი ანგელოზები და დღისითაც გვიცავს, რომ არ დავეცეთ და არაფერი გვეტკინოს."

გაერო-ში ირანის ელჩი ამირ საიდ ირავანი აცხადებს, რომ ომის განმავლობაში, ირანში, სულ მცირე, 1 332 სამოქალაქო პირი დაიღუპა და ათასობით დაიჭრა.მისი თქმით, ირანი იძიებს ინფორმაციას სამოქალაქო ობიექტებზე დარტყმების შესახებ.ამასთან, ირავანიმ უპასუხა დონალდ ტრამპის განცხადებას ირანის მომავალი ლიდერის არჩევაში მონაწილეობის შესახებ და განაცხადა, რომ ეს სახელმწიფოთა შიდა საქმეებში ჩაურევლობის პრინციპის დარღვევაა.„ირანი სუვერენული და დამოუკიდებელი სახელმწიფოა. ჩვენ არასდროს დავუშვებთ უცხო ძალის ჩარევას ჩვენს შიდა საქმეებში. ირანის ხელმძღვანელობის არჩევა მოხდება მხოლოდ ჩვენი კონსტიტუციური პროცედურების შესაბამისად და მხოლოდ ირანის ხალხის ნებით — ნებისმიერი უცხოური ჩარევის გარეშე“, – განაცხადა ამირ საიდ ირავანიმ.