70-მდე ქვეყანაში “ქვევრის საერთაშორისო დღე” წესდება ამ დღის მიზანია, ქვევრისა და ქართული ღვინის პოპულარიზაცია

პარლამენტის პირველი ვიცე-სპიკერი, გია ვოლსკი არ გამორიცხავს, რომ პარტია „ქართული ოცნების“ თავმჯდომარე შაბათს, 3 მაისს ყრილობაზე აირჩიონ.ვოლსკის თქმით, ყრილობის თარიღთან დაკავშირებით ჯერჯერობით მსჯელობა მიმდინარეობს, თუმცა არის მოსაზრება, რომ ყრილობა შაბათს ჩატარდეს.„სულ მალე იქნება ყრილობა და, რასაკვირველია, იქ შესაბამის განცხადებებს მოისმენთ. ჯერჯერობით თარიღთან დაკავშირებით ვმსჯელობთ. შაბათი, ზოგადად მოსაზრებაა. ალბათ, სწორი იქნება, დროულად ჩატარდეს. რასაკვირველია, პოლიტსაბჭოს ახალი წევრიც დაგვჭირდება, პარტიის ხელმძღვანელიც და ამასთან დაკავშირებით გარკვეულ მოსაზრებებზე თითქმის შეთანხმებული ვართ და დაველოდოთ იმ დღეს, როცა ეს კომპეტენტური ადამიანის მიერ კომპეტენტური პლატფორმიდან გაჟღერდება“, – აღნიშნა გია ვოლსკიმ.რაც შეეხება პოლიტიკიდან წასვლის შესახებ ირაკლი ღარიბაშვილის განცხადებას, ვოლსკის შეფასებით, ირაკლი ღარიბაშვილი არა მხოლოდ ღირსეული ადამიანი, არამედ მაღალი დონის სპეციალისტია და არ გამორიცხავს, გარკვეული დროის შემდეგ პოლიტიკაში ვიხილოთ.„ირაკლი ღარიბაშვილს მადლობები ეკუთვნოდა და ვუთხარით კიდეც. დღესაც კიდევ ერთხელ დავადასტურებთ, რომ ირაკლი ღარიბაშვილი არა მხოლოდ ღირსეული ადამიანი, ქართველი და მეოჯახეა, არამედ მაღალი დონის სპეციალისტი და თავისი საკითხების ექსპერტია. მას შესანიშნავი განათლება აქვს მიღებული, ახალგაზრდა კაცია და არ გამოვრიცხავ, რომ უახლოეს პერიოდში თუ არა, გარკვეული დროის შემდეგ, იგი პოლიტიკაში ვიხილოთ“, – განაცხადა გია ვოლსკიმ.ირაკლი ღარიბაშვილმა 25 აპრილს პოლიტიკიდან წასვლის შესახებ განაცხადა.

საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტზე მოქმედ ვირტუალური მოდელირებისა და პროექტირების ცენტრს, სენაკის თემურ ბოკუჩავას სახელობის აფხაზეთის #7 საჯარო სკოლის მე-9 და მე-10 კლასების მოსწავლეები და აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი ეწვივნენ.ამის შესახებ ინფორმაციას საქართველოს ტექნიკური უნივერსიტეტი ავრცელებს.მათივე ცნობით, შედეგად იმ ინოვაციურ პროექტებს გაეცნენ, რომლებიც საჯარო სკოლების მოსწავლეთა გუნდებმა, მათ შორის აფხაზეთიდან დევნილმა მოსწავლეებმა უნივერსიტეტის მეცნიერთა მენტორობით განახორციელეს და სხვადასხვა დროს, ადგილობრივ თუ საერთაშორისო კონკურსებში გამარჯვება მოიპოვეს.სტუ-ის ინფორმაციით, სენაკის თემურ ბოკუჩავას სახელობის აფხაზეთის #7 საჯარო სკოლის მოსწავლეთა გუნდები, ინოვაციურ პროექტებს უნივერსიტეტის ინფორმატიკისა და მართვის სისტემების ფაკულტეტის საინჟინრო ფიზიკის დეპარტამენტის მკვლევრის, ვირტუალური მოდელირებისა და პროექტირების ცენტრის ხელმძღვანელის, დავით სონღულაშვილისა და უნივერსიტეტის მკვლევართა მენტორობით შეიმუშავებენ.„სამომავლოდ, შოთა რუსთაველის საქართველოს ეროვნული სამეცნიერო ფონდის გამომგონებელთა და მკვლევართა კონკურსზე - „ლეონარდო და ვინჩი“ - წარადგენენ. მეცნიერებით დაინტერესებულ ნიჭიერ მოსწავლეებს, აფხაზეთის ავტონომიური რესპუბლიკის განათლებისა და კულტურის სამინისტროს სახელით, მხარდაჭერა მინისტრმა ბექა ღვაჩლიანმა აღუთქვა.სტუ-ის ვირტუალური მოდელირებისა და პროექტირების ცენტრში მოსწავლეებთან შეხვედრას ესწრებოდნენ სტუ-ის ინფორმატიკისა და მართვის სისტემების ფაკულტეტის დეკანი, პროფესორი თალიკო ჟვანია, საინჟინრო ფიზიკის დეპარტამენტის პროფესორები, აფხაზეთის ავტონომიური რესპუბლიკის განათლებისა და კულტურის მინისტრის მოადგილე დავით მიქავა, მინისტრის მრჩეველი ნინო ლობჟანიძე, სენაკის თემურ ბოკუჩავას სახელობის აფხაზეთის #7 საჯარო სკოლის დირექტორი ელისო სიჭინავა და ფიზიკის პედაგოგი ლია ოხანაშვილი ესწრებოდნენ.ინფორმატიკისა და მართვის სისტემების ფაკულტეტის დეკანის განცხადებით, ინოვაციურ პროექტებზე მუშაობის პროცესში, სენაკის თემურ ბოკუჩავას სახელობის აფხაზეთის #7 საჯარო სკოლის მოსწავლეთა ახლადჩამოყალიბებულ გუნდებს შესაძლებლობა ექნებათ, ეფექტურად გამოიყენონ ვირტუალური მოდელირებისა და პროექტირების საუნივერსიტეტო ცენტრის მდიდარი ლაბორატორიული რესურსი და სწავლების თანამედროვე მეთოდებთან ერთად, წარმატებით შეითვისონ დამოუკიდებელი და გუნდური მუშაობის STEM უნარ-ჩვევები. პროფესორმა თალიკო ჟვანიამ მოსწავლეებს სამეცნიერო ასპარეზზე წარმატებები უსურვა“,-აღნიშნულია ინფორმაციაში.როგორც სტუ-ის საინჟინრო ფიზიკის დეპარტამენტის მეცნიერმა, ვირტუალური მოდელირებისა და პროექტირების ცენტრის ხელმძღვანელმა, პროფესორმა დავით სონღულაშვილმა აღნიშნა, საუნივერსიტეტო ცენტრში აფხაზეთის ავტონომიური რესპუბლიკიდან იძულებით გადაადგილებული მოსწავლე-ახალგაზრდების არაერთი თაობა აღიზარდა და ინოვაციური საინჟინრო გამოგონებების მიმართულებით მნიშვნელოვან წარმატებას მიაღწია. დავით სონღულაშვილის თქმით, სენაკის თემურ ბოკუჩავას სახელობის აფხაზეთის #7 საჯარო სკოლის მოსწავლეთა ახალი გუნდები უკვე უახლოესი მომავლიდან, სტუ-ის მეცნიერ-მკვლევართა მენტორობით, პროექტებზე მუშაობას ონლაინ ფორმატში შეუდგებიან.„საგულისხმოა, რომ ვირტუალური მოდელირებისა და პროექტირების საუნივერსიტეტო ცენტრში აფხაზეთიდან დევნილ მოსწავლეთა ნიჭიერი თაობები აღიზარდა და მათ მნიშვნელოვან წარმატებებსაც მიაღწიეს. მხედველობაში გვაქვს მათ მიერ STEM მიმართულებით შემუშავებული ინოვაციური პროექტები და სხვადასხვა კონკურსებში მოპოვებული გამარჯვებები. სასიხარულოა, რომ ამჯერადაც, სენაკის აფხაზეთის #7 საჯარო სკოლის მოსწავლეები და მათი პედაგოგები იმდენად არიან მოტივირებული, რომ მზადყოფნას გამოთქვამენ, ჩამოაყალიბონ გუნდები, რომლებიც STEM პროექტებზე იმუშავებენ. მათ მენტორობას გავუწევთ როგორც მე, ასევე საქართველოს ტექნიკური უნივერსიტეტის საინჟინრო ფიზიკის დეპარტამენტის მკვლევრები. სამუშაო საკმაოდ ბევრია. უახლოესი მომავლიდან მუშაობას ინტენსიურად, ონლაინ ფორმატში შევუდგებით, ასევე, დაგეგმილი გვაქვს საჯარო სკოლის პედაგოგებისთვის ტრენინგების ჩატარება. ყველა სამუშაო ვირტუალური მოდელირებისა და პროექტირების საუნივერსიტეტო ცენტრის ბაზაზე ჩატარდება. მომზადებულ პროექტებს წარვადგენთ ისეთ მნიშვნელოვან STEM ღონისძიებაზე, როგორიცაა საქართველოს განათლებისა და მეცნიერების სამინისტროსა და შოთა რუსთაველის საქართველოს ეროვნული სამეცნიერო ფონდის გამომგონებელთა და მკვლევართა კონკურსი - „ლეონარდო და ვინჩი“. მადლობას ვუხდით აფხაზეთის ავტონომიური რესპუბლიკის განათლებისა და კულტურის სამინისტროს, პირად მინისტრს, ბატონ ბექა ღვაჩლიანს, მოადგილეს, ბატონ დავით მიქავას, აფხაზეთიდან დევნილი მოტივირებული და ნიჭიერი მოზარდი თაობის მხარდაჭერისთვის“, - განაცხადა დავით სონღულაშვილმა.სტუ-ის ინფორმაციით, პროფესორმა დავით სონღულაშვილმა სენაკის თემურ ბოკუჩავას სახელობის აფხაზეთის #7 საჯარო სკოლის მოსწავლეებსა და პედაგოგებს, ასევე, აფხაზეთის ავტონომიური რესპუბლიკის განათლებისა და კულტურის მინისტრსა და მოადგილეს ვირტუალური მოდელირებისა და პროექტირების საუნივერსიტეტო ცენტრში შექმნილი ინოვაციური პროექტები, რეალური, ვირტუალური და დისტანციურად მართვადი ლაბორატორიები დაათვალიერებინა. ამასთან, აღნიშნულია რომ შეხვედრის დასასრულს საჯარო სკოლასა და მოსწავლეებს STEM პროგრამის კომპლექტები, ულტრაბგერული რობოტი, ფიზიკა-ქიმიის ვირტუალური ლაბორატორიული კურსისა და აფხაზური ენის შემსწავლელი კურსის ელექტრონული პროგრამები საჩუქრად გადასცა.

სანქციები უსამართლოა და რა თქმა უნდა, ეს შემაშფოთებელია. ხელისუფლებაში გამწარებული არიან, ასეთ კნინობით ფორმაში კახი კახიშვილისგან საუბარი მოულოდნელი იყო, თუმცა ეს ხასიათის სიმდაბლეზე მიუთითებს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის კითხვა დაუსვეს სანქციებთან დაკავშირებით კახა კახიშვილის იმ განცხადებაზე, სადაც კახიშვილი ამბობს: „ვიღაცას აქვს მყარი ნერვები და სანქციებს გაუძლებს, საჯარო მოხელეებზე ვსაუბრობ, ხოლო ვიღაცას ოჯახი ეტყვის – კარგი შენ კიდე, რა გინდა? ბოლო-ბოლო ნუ გადაგვაყოლე ამ „ქართულ ოცნებას“, მოდი, წამოდი აქედან“.ვოლსკის თქმით, სანქციები არავისთვის არ არის სასიამოვნო, თუმცა პრობლემა ის არ არის, რასაც კახიშვილი ამბობს.„არ ვიცი, ამას რატომ და რა მოტივით აკეთებს. პრობლემა ის უსამართლობა და ბნელი კონსპირაციაა, რასაც საქართველოს მიმართ ახორციელებენ. სწორედ ამიტომ ვართ შეშფოთებული, თორემ ნებისმიერ სანქციას უნდა გაუძლო, როცა ადამიანებისა და ქვეყნის ნგრევაზეა ლაპარაკი“, – განაცხადა გია ვოლსკიმ.

თბილისის პროკურატურაში „კოალიცია ცვლილებისთვის“ ერთ-ერთი ლიდერის, ნიკა მელიას მიმართ ბრალდების წარდგენის პროცედურა მიმდინარეობს. საქმე ეხება საქართველოს პარლამენტის დროებითი საგამოძიებო კომისიის მოთხოვნის შეუსრულებლობას, კერძოდ კი, იქ გამოუცხადებლობას.ცნობისთვის, ნიკა მელია პარლამენტის დროებითი საგამოძიებო კომისიის სხდომაზე ახსნა-განმარტებისთვის დაიბარეს, სადაც ის არ მივიდა.აღნიშნული ქმედება სისხლის სამართლის კოდექსის 349-ე მუხლით გათვალისწინებულ დანაშაულად ითვლება, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს.ეს ქმედება ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების, ან საქმიანობის უფლების ჩამორთმევით ვადით სამ წლამდე.

პარტია „ხალხის ძალის“ წევრი დავით ქართველიშვილი სოციალურ ქსელში ვლადიმერ პუტინის განცხადებას ეხმიანება, სადაც რუსეთის პრეზიდენტი აღნიშნავს, რომ ჩრდილოეთ კორეის სამხედროებმა დიდი როლი ითამაშეს კურსკში მიმდინარე ბრძოლაში. ექსპერტის თქმით, ვრცელდება ინფორმაცია, რომ დონალდ ტრამპის ადმინისტრაცია ჩრდილოეთ კორეასთან მოლაპარაკებებისთვის ემზადება.„როგორ გაუხარდებოდა ეს აღიარება, წარმომიდგენია, მაგრამ ამ "ნიუსს" მეორე მხარეც რომ აქვს? მას აშშ-ს პრეზიდენტი დონალდ ტრამპიც გაეცნო. გაეცნო იმ ინფორმაციას, რომ კურსკის ოლქში 76 ათასი (პუტინის მონაცემებით) განადგურებული უკრაინელის უკან - ჩრდილოეთ კორეელი ჯარისკაცები დგანან. და რას აკეთებს ტრამპი? დამატებითი სანქციები შემოაქვს ფხენიანის წინააღმდეგ? შეშფოთებით აღსავსე, აღშფოთებულ განცხადებას აკეთებს? არა!აშშ-ის პრეზიდენტის, დონალდ ტრამპის ადმინისტრაცია ჩრდილოეთ კორეასთან შესაძლო მოლაპარაკებებისთვის ემზადება. ინფორმაციას გამომცემლობა Axios-ი ავრცელებს. როგორც გამოცემა ანონიმურ წყაროებზე დაყრდნობით აღნიშნავს, ჩრდილოეთ კორეასთან დიალოგის შესაძლო განახლების მიზნით, ადმინისტრაციის თანამშრომლებმა დისკუსიები და კონსულტაციები ექსპერტებთან უკვე დაიწყეს.ამით რისი თქმა მინდა, ვლადიმერ ვისოცკის არ იყოს - თქვენ ან "ჯვარი მოიხსენით", ან "ნიფხავი ჩაიცვით". გაბედეთ და პუტინის ციტირებას - ტრამპს შეაგინეთ. შეეცადეთ აბა, გაბედეთ! მაგრამ, ყარს თქვენი პრინციპულობა, ყვავის თქვენი სიმხდალე. ტკბებით პუტინის აღიარებით? კიმ ჩენ ინთან ტრამპის შეხვედრის გაშუქება არ გამომაპაროთ, ფარჩაკებო!-“ წერს დავით ქართველიშვილი სოციალურ ქსელში.