30 იანვარს ისნის რაიონის ზოგიერთ უბანს გაზმომარაგება შეუწყდება

გააზიარეთ გთხოვთ დედის პოსტი . როგორც დედა გთხოვთ შველას,შედეგი შეიძლება იყოს უმძიმესი,ჩემს შვილს სასწაფოდ ესაჭიროება თურქეთში გადაყვანა,6 წლის ბავშვს ეხება საქმე,ბავშვი მეორე სართულიდან გადმოვარდა,რამაც სრულიად შეურყია ჯანმრთელობა,ჩატარდა ორი ოპერაცია,უამრავი კვლევა როგორც საქართველოში ასევე თურქეთში,მკურნალობა რომელიც მოიცავს უდიდეს ხარჯებს,აქვს ღვიძლზე პრობლემები ზომაში იზრდება და ემატება გაცხიმოვნება,სამწუხაროდ 2 სანტიმეტრით გაცდა ნეკნებს,ასაკის გამო ვერ ინიშნება წამალი თუმცა ახლა იძულებულნი ვართ დავიწყოთ, აქვს მხედველობის გაორება პერიოდულად რაც საჭიროებს გამოკვლევებს სასწრაფოდ,-4 გასცდა მხედველობის დონე,ყველას გთხოვთ გაზიარებას, თითო ლარით გვერდში დგომას,ეს ვიზიტი ჯანმრთელობისთვის გადამწყვეტია და გვაქვს იმედი რომ საბოლოო ვიზიტი იქნება და ჩემს შვილს ჯანმრთელს დავიბრუნებ,ეს ის შემთხვევაა რომლისგანაც დაზღვეული არავინაა სამწუხაროდ,ყველას მოგიწოდებთ თითო ლარით დაგვიდექით გვერდში.სამწუხაროს აღარანაირი საშუალება აღარ გვაქვს არ იფიქროთ თქვენი ერთი ლარი არაფერს წყვეტს დაჩისთვის ეხლა თქვენი ერთი ლარი გადამწყვეტია,თქვენით მოვედით აქამდე და თქვენი იმედი მაქვს დღესაცსაქართველოს ბანკი:#GE49BG0000000534228883თიბისი ბანკი:#GE66TB7561245063300016მიმღები:ნათია თანდაშვილი (დედა)

ჯანდაცვის მინისტრის ყოფილ მოადგილეს, ილია ღუდუშაურს ბრალდება საქართველოს სისხლის სამართლის კოდექსის 332-ე მუხლის მე-2 ნაწილით წარედგინა, რაც სამსახურებრივი უფლებამოსილების ბოროტად გამოყენებას გულისხმობს.ღუდუშაურს ბრალდება წინასწარი მოთავსების იზოლატორში გააცნეს.ილია ღუდუშაურის ადვოკატის, დიმიტრი მჭედლიშვილის თქმით, ღუდუშაური წარდგენილ ბრალდებას აღიარებს.„ბრალი საქართველოს სისხლის სამართლის კოდექსის 332-ე მუხლის მე-2 ნაწილით წარედგინა, რაც სამსახურებრივი უფლებამოსილების ბოროტად გამოყენებას გულისხმობს. ჩვენი პოზიცია არის, რომ ბრალს აღიარებს ილია ღუდუშაური და მზად ვართ, ვითანამშრომლოთ გამოძიებასთან. საკითხი ეხება კონკრეტულ შესყიდვებს. საქმის მასალებს სრულად არ გავცნობივარ. ახლა ავიღებ და მეტი დეტალის თქმა შემეძლება“, – განაცხადა ადვოკატმა დიმიტრი მჭედლიშვილმა.

ნიდერლანდების სამთავრობო კოალიცია უმცირესობაში მყოფმა პარტიებმა დააკომპლექტეს. ინფორმაციას ამის შესახებ „დოიჩე ველე“ ავრცელებს.ოქტომბრის არჩევნებში გამარჯვებულ პროევროპულ, ცენტრისტულ D66-ს შეუერთდებიან მემარჯვენე-ცენტრისტული ქრისტიან-დემოკრატები და სახალხო პარტია თავისუფლებისა და დემოკრატიისთვის.როგორც მედია წერს, D66-ის ლიდერი რობ იეტენი კი სავარაუდოდ ქვეყნის ახალი პრემიერ-მინისტრი გახდება.მედიის ცნობით, ახალ კოალიციას მანდატები არ ჰყოფნის სენატშიც.

გარემოს დაცვისა და სოფლის მეურნეობის მინისტრი დავით სონღულაშვილი შპს „საქართველოს მელიორაციის“ 2025 წლის საქმიანობის ანგარიშის წარდგენას დაესწრო, რომელიც კომპანიის მიერ განხორციელებულ ძირითად პროექტებს, სისტემურ ცვლილებებსა და მიღწეულ შედეგებს მოიცავდა. ინფორმაციას ამის შესახებ სოფლის მეურნეობის სამინისტრო ავრცელებს.უწყების ცნობით, მინისტრმა მადლობა გადაუხადა კომპანიის თანამშრომლებს 2025 წლის განმავლობაში გაწეული საქმიანობისთვის და აღნიშნა, რომ ერთობლივი ძალისხმევით შესაძლებელი იქნება 2026 წელს დასახული გეგმების სრულფასოვნად განხორციელება.„„შპს საქართველოს მელიორაცია ჩვენი სამინისტროს ერთ-ერთი უმნიშვნელოვანესი უწყებაა. კოორდინირებული მუშაობის შედეგად შევძელით არაერთი მნიშვნელოვანი რეფორმის განხორციელება. თუ ჩვენ გვინდა სოფლის მეურნეობის განვითარება, უნდა გვესმოდეს, რომ მისი ერთ-ერთი ფუნდამენტური საფუძველი გამართული და ეფექტიანი სამელიორაციო სისტემებია. ამან განაპირობა მელიორაციის სამსახურის სახეცვლილება და განვითარების ახალი ეტაპის დაწყება. ჩვენი მხრიდან კიდევ ერთხელ ვადასტურებ სრულ მზადყოფნას, მაქსიმალურად დავუჭიროთ მხარი როგორც საკანონმდებლო დონეზე, ასევე ცენტრალური ხელისუფლებისა და მთავრობის სხვა წევრების ჩართულობით, რათა ბიუჯეტითა და პრაქტიკული ნაბიჯებით სრულად იყოს უზრუნველყოფილი ის საჭიროებები, რაც ჩვენს ქვეყანას აქვს”, – აღნიშნა დავით სონღულაშვილმა.„2025 წელს „საქართველოს მელიორაციამ“ მნიშვნელოვანი ნაბიჯები გადადგა სარწყავი და სადრენაჟო ინფრასტრუქტურის ეფექტიანობის გაზრდის, მომსახურების გაუმჯობესებისა და წყლის რესურსების რაციონალური მართვის მიმართულებით. განხორციელდა მნიშვნელოვანი ტექნიკური და ადმინისტრაციული ცვლილებები, ჩატარდა რეაბილიტაციისა და გაწმენდითი სამუშაოები სტრატეგიულ არხებსა და ნაგებობებზე, რამაც ათასობით ჰექტარ მიწაზე წყლის მიწოდების სტაბილურობა უზრუნველყო. პარალელურად, განახლდა ტექნიკური ბაზა და გაძლიერდა სამუშაოები რეგიონებში, რაც დადებითად აისახება როგორც სოფლის მეურნეობაზე, ისე ადგილობრივი მოსახლეობის დასაქმებაზე.ანგარიშის წარდგენისას, კომპანიის გენერალურმა დირექტორმა გიგლა თამაზაშვილმა ყურადღება გაამახვილა 2025 წლის მარტიდან დაწყებულ რეორგანიზაციაზე, რომლის შედეგად გაძლიერდა ინსპექტირების სამსახური, შეიქმნა საინფორმაციო-სასწავლო ცენტრი და დაიწყო ინტერაქტიული რუკის შემუშავება; 14 წლიანი პაუზის შემდეგ, სემეკის მიერ დადგინდა ახალი სარწყავი ტარიფი; შეიქმნა კომპანიის ახალი ლოგო და ბრენდ ბუქი; რეფორმების შედეგად გაუმჯობესდა შიდა კოორდინაცია და ოპერატიული მართვა, გაიზარდა შემოსავლების ამოღების მაჩვენებელი და რეკორდულად გაიზარდა დაკონტრაქტებული სასოფლო-სამეურნეო ფართობები – 60 440 ჰექტარიდან 74 000 ჰექტრამდე.2026 წელს კომპანიას დაგეგმილი აქვს მსხვილი ინფრასტრუქტურული პროექტების განხორციელება, მათ შორის, სარწყავი და დამშრობი სისტემების რეაბილიტაცია, წყალსაცავების მშენებლობა და განახლება, კლიმატ-გონივრული ირიგაციის პროგრამის განხორციელება, ასევე, ბილინგისა და სადისპეტჩერო მონიტორინგის (SCADA) სისტემების დანერგვა. დაგეგმილია რეგიონული ოფისებისა და თანამედროვე, მომხმარებელზე ორიენტირებული სტანდარტების მომსახურების სივრცეების მოწყობა“, – ნათქვამია სოფლის მეურნეობის სამინისტროს გავრცელებულ ინფორმაციაში.

საუდის არაბეთის მემკვიდრე პრინცმა, მოჰამედ ბინ სალმანმა სატელეფონო საუბარი გამართა ირანის პრეზიდენტთან მასუდ პეზეშკიანთან, რა დროსაც მას განუცხადა, რომ ოფიციალური ერ-რიადი არ დაუშვებს თავისი საჰაერო სივრცის ირანის წინააღმდეგ სამხედრო მოქმედებებისთვის გამოყენებას. ინფორმაციას Reuters-ი ავრცელებს.ტახტის მემკვიდრემ პეზეშკიანს აგრეთვე განუცხადა, რომ მისი ქვეყანა მხარს უჭერს ნებისმიერ მცდელობას „დიალოგის გზით არსებული უთანხმოების მოგვარების კუთხით“, რათა რეგიონის უსაფრთხოება და სტაბილურობა გაძლიერდეს.ირანის პრეზიდენტთა, თავის მხრივ, მოჰამედ ბინ სალმანს განუცხადა, რომ ოფიციალური თეირანი მიესალმება ნებისმიერ პროცესს საერთაშორისო სამართლის ფარგლებში, რომელიც ქვეყნებს ომს თავიდან აარიდებს.