0
0
კანარის კუნძულებზე მიმდინარე მინიტურნირის მეოთხედფინალში “ბასკონიას” ქართველმა კაპიტანმა კატალონიურ “ბარსელონას” 30 ქულა ჩაუგდო და ორივე გუნდის შემადგენლობაში საუკეთესო შედეგიც დააფიქსირა. სამწუხაროდ, მისმა გარჯამ მოსაგებად არ იკმარა. ბასკური გუნდი ბრძოლაში 90:94 დამარცხდა და სამეფო თასის ნახევარფინალში “ბარსა” გავიდა.
შენგელია სასტარტო ხუთეულში არ ყოფილა, თუმცა მოედანზე მალევე გამოჩნდა და თანაგუნდელთაგან ყველაზე მეტი 30:53 წუთი ითამაშა. შენგელიას ანგარიშზე 30 ქულა, 5 მოხსნა, 1 პასი, 1 ჩაჭრა და 1 დაფარება დაგროვდა.
ქართველი ფორვარდის მარგი ქმედების კოეფიციენტმა 40 შეადგინა, რაც თავისთავად საუკეთესო შედეგია არათუ ამ, არამედ სამეფო თასის ყველა მეოთხედფინალური მატჩის.
შეგახსენებთ, რომ სამეფო თასიდან გიორგი შერმადინის “უნიკახაც” გავარდა, რომელმაც წინა დღეს მადრიდის “რეალთან” 84:89 წააგო.
