25 წლის ლაშა სამჭკუაშვილი თამაშ   ,,ცოდნა ფულიას” გამარჯვებული გახდა

„ტყუილს მოკლე ფეხები აქვს”, ნაცურ მედიაზე არის ზედგამოჭრილი! უტვინოები რომ არიან, იმითაც ამტკიცებენ, ნაცებს ემონებიან და ისეთ უტოპიაში გადადიან, მთელი ერის დასაცინად იხდიან თავს! - ასე ეხმიანება "ქართული ოცნების" რეგიონული მდივანი, დიმიტრი სამხარაძე, "ტვ პირველის" ინფორმაციას, რომლის მიხედვით, "ქველმოქმედებისთვის შექმნილი ფონდიდან ივანიშვილები პროცენტიან სესხებს გასცემენ".სამხარაძის განცხადებით, საქართველოსთვის და ქართველი ხალხისთვის, მსგავსი ქველმოქმედება არასდროს არავის გაუკეთებია, რაც ბიძინა ივანიშვილმა და მისმა ოჯახმა გააკეთა. ის აქვეყნებს "ქართული ოცნების" დამფუძნებლისა და საპატიო თავმჯდომარის ქველმოქმედების ნაწილის ჩამონათვალს და წერს, რომ სია შეიძლება უსასრულოდ გაგრძელდეს.“ტყუილს მოკლე ფეხები აქვს”, ნაცურ მედიაზე არის ზედგამოჭრილი! უტვინოები რომ არიან, იმითაც ამტკიცებენ, ნაცებს ემონებიან და ისეთ უტოპიაში გადადიან, მთელი ერის დასაცინად იხდიან თავს! რაც შეეხება ერისკაც ბატონ ბიძინა ივანიშვილს და მისი ოჯახის ქველმოქმედებას საქართველოსთვის, ქართველი ხალხისთვის, მსგავსი არავის, არასდროს გაუკეთებია! არ არსებობს ქართველი, რომელმაც საკუთარ სამშობლოს იმდენი სიკეთე მოუტანა, რამდენიც ბატონმა ბიძინამ და მისმა ოჯახმა! ბიზნესი ახალი დაწყებული ჰქონდა, როდესაც პირველი მილიონი შემოუვიდა და ამ მილიონიდან, 750 ათასის ტრაქტორები იყიდა და საქართველოში გამოაგზავნა ხალხისთვის! რატომ ვიწყებ იცით ამ მაგალითით? მაშინ არავინ იცოდა, არც ბატონმა ბიძინამ, ბიზნესი როგორ გაუგრძელდებოდა, წარმატებას მიაღწევდა ისევ თუ არა! შანსი გამოუჩნდა და უფრო მეტი მის ხალხს დაახარჯა, ვიდრე თავის ოჯახს! ვინმე შეძლებდა? 1.ააშენა სამების ტაძარი 2.გაარემონტა და თანამედროვე ტექნიკით აღჭურვა თსუ-ს 1 კორპუსი 3.გაარემონტა კონსერვატორია 4.გაარემონტა სამხატვრო აკადემია 5.გაარემონტა პირველი კლასიკური გიმნაზია 6.აშენებს ტექნოლოგიურ უნივერსიტეტს, 7.ააშენა ფრანგული სკოლა 8.საქართველოში ააშენა და თანამედროვე ტექნიკით აღჭურვა 36 სკოლა 9.გარემონტდა 400-ზე მეტი სკოლა 10.აღდგა და რესტავრაცია ჩაუტარა 540 ტაძარს და ძეგლს. (აგრეთვე კაცხის მონასტერს, ვარძიას, მცხეთა – სვეტიცხოველი, გერგეტის სამებას, უფლისციხეს და ა.შ.) 11.ჯანსულ კახიძის მუსიკალური ცენტრს ჩაუტარა სრული რეკონსტრუქცია, 12.ოპერისა და ბალეტის თეატრს სრული რეკონსტრუქცია 13.განაახლა და სრული რეკონსტრუქცია ჩაუტარა თბილისის დიდ საკონცერტო დარბაზს (ფილარმონია) 14.შოთა რუსთაველის თეატრს ჩაუტარა სრული რეკონსტრუქცია 15.მარჯანიშვილის თეატრს ჩაუტარა სრული რეკონტრუქცია 16.გრიბოედოვის თეატრის სრული რეკონსტრუქცია 17.თავისუფალი თეატრის სრული რეკონსტრუქცია 18.მოზარდმაყურებელთა თეატრი, 19.თუმანიშვილის თეატრი 20.მარიონეტების თეატრი 21.მუსიკისა და დრამის თეატრი 22.მსახიობების ხელფასით უზრუნველყოფა 23.ააშენა ბათუმის დელფინარიუმი 24.ბათუმის ზოოპარკი 25.ბათუმის ეშმაკის ბორბალი 26.გასართობი ცენტრი “ციცინათელა” 27.,სიღნაღის სრული რეკონსტრუქცია 28.ბაკურიანის საბაგირო გზა 29.საქართველოს ეროვნული მუზეუმი 30.ილია ჭავჭავაძის სახლ-მუზეუმი 31.იოსებ გრიშაშვილის სახლმუზეუმი 32.აკაკი წერეთლის სახლ-მუზეუმი 33.მაიაკოვსკის სახლ-მუზეუმი 34.თეატრის, კინოსა და ქორეოგრაფიის მუზეუმი 35.ებრაელთა მუზეუმი 36.დააფინანსა 20-ზე მეტი მუსიკალური ანსამბლი 37.პარლამენტის ეროვნული ბიბლიოთეკა 38.ბოტანიკური ბაღი 39.2004-2007 წლებში მინისტრების, დეპუტატებისა და ა.შ. პირების ხელფასები 40.დააფინანსა სტიქიით დაზარალებულები 41.უამრავ ადამიანს უფასოდ უმკურნალა და არაერთ სტუდენტის სწავლას აფინანსებს საზღვარგარეთ 42.საერთაშორისო აუქციონებზე შეიძინა ფიროსმანის რამდენიმე ნახატი და საქართველოს ეროვნულ მუზეუმს გადასცა საჩუქრად 43.ქართული ჯარის ყაზარმების რემონტი და ხელფასები 44.საპატრულო პოლიციის სრული ეკიპირება და დაფინანსება 45.სოფელ ჭორვილის მოსახლეობისათვის სახლების მშენებლობა და მათთვის ყველანაირი დახმარების გაწევა 46.ურეკის დიდი საკონცერტო დარბაზის მშენებლობა 47.ძვ.თბილისის რეაბილიტაცია, 48.გორი-ჭიათურა-ზესტაფონი ტრასის ასფალტიზაცია 49.თბილისი ხაშურის ავტობანის თანადაფინანსება 50.ქუთაისის ძველი უბნის რეაბილიტაცია 51.საპატრულოს ავტომობილები 52.საჩხერის და გორის სამხედრო ბაზები 53.ყველა სარაგბო სტადიონი 54.რაგბის ნაკრების დასპონსორება 55.საფეხბურთო ცენტრი “ბასა” 56.თბილისის კანალიზაცია 57.აშენდა და გარემონტდა საჩხერისა და ურეკის კულტურის სახლები 58.აშენდა ბოტანიკის ინსტიტუტი 59.აშენდა პოლიციის შენობები 60.ფინანსდება ისტორიული საბავშვო ჟურნალი ,,დილა” 61.განახლდა ბაკურიანისა და საჩხერის კინოთეატრები და ხელოვნების სახლები; 62.საერთაშორისო ტურნირებისა და ჩემპიონატებში მონაწილეობისათვის ეკიპირების შესაძენად და ხელფასებისათვის წლების მანძილზე ფინანსდება 14 სპორტული ფედერაცია და 6 სპორტული კლუბი 63.ათიათასობით წიგნი საჩუქრად გადაეცა საქართველოს ეროვნულ, მეცნიერებათა აკადემიის, თბილისის სახელმწიფო უნივერსიტეტის ბიბლიოთეკებს 64.წლების განმავლობაში სოციალურ დახმარებას სისტემატურად იღებს ხელოვნებისა და სპორტის 500-ზე მეტი მოღვაწე 65.ააშენა შეკვეთილში მდებარე დენდროლოგიური პარკი 66.ააშენა და სახელმწიფოს საჩუქრად გადასცა შეკვეთილში მდებარე საკონცერტო დარბაზი Black Sea Arena 67.იოანე ზოსიმეს ხელნაწერი, სინას მთის კოლექციიდან (V-VII საუკუნეები) არამეულ და ქართულ ენაზე. ხელნაწერი აუქციონზე 1 მილიონი გირვანქა 68.კორონა ვირუსის ფონდს 100 მილიონი ჩაურიცხა ეს სია არ არის სრული და უსასრულოდ შეიძლება გაგრძელდეს, მაგრამ ესეც საკმარისია იმის გასაგებად, რომ საქმე გვაქვს ერისკაცთან — ადამიანთან, რომელიც თავის ხალხს და ქვეყანას ეკუთვნის. მის მიერ გაკეთებული კეთილი საქმეები თავად ლაპარაკობს, ის იცავს ტრადიციებს, აფასებს ისტორიას და, რაც მთავარია, საკუთარ ქვეყანას გულით ატარებს," - წერს დიმიტრი სამხარაძე. 

სახელმწიფო უსაფრთხოების სამსახურის გენერალურმა ინსპექციამ შინაგან საქმეთა სამინისტროს გენერალურ ინსპექციასთან ერთად, ერთობლივად ჩატარებული ღონისძიების ფარგლებში, სუს-ის ყოფილი და ამჟამად შინაგან საქმეთა სამინისტროს მოქმედი თანამშრომელი დააკავა, რომელსაც ბრალი სახელმწიფო უსაფრთხოების სამსახურიდან საიდუმლო ინფორმაციის გატანაში ედება.გამოძიება სისხლის სამართლის კოდექსის 321-ე მუხლით მიმდინარეობს.სახელმწიფო უსაფრთხოების სამსახური ყოველთვის განსაკუთრებით მკაცრი და შეუვალი იქნება ნებისმიერი, მცირე მასშტაბის შიდა ინფორმაციის გატანის მიმართაც კი და პირი, რომელიც მსგავს ქმედებას ჩაიდენს, უმკაცრესად იქნება დასჯილი.

ირანის საგარეო საქმეთა მინისტრმა და პაკისტანის არმიის მეთაურმა განიხილეს ძალისხმევა, რომელიც შეერთებულ შტატებთან მოლაპარაკებების ახალი რაუნდის დაწყებას ისახავს მიზნად. ამის შესახებ ირანის საგარეო უწყების ხელმძღვანელმა, აბას არაღჩიმ განაცხადა.მისი თქმით, ისლამაბადში პაკისტანის არმიის მეთაურს, ფელდმარშალ ასიმ მუნირს შეხვდა და მას ისლამურ რესპუბლიკასა და აშშ-ს შორის ომის დასრულების შესახებ ირანის პოზიცია გააცნო. ირანის საგარეო საქმეთა მინისტრს შეხვედრის დეტალები არ დაუკონკრეტებია.აბას არაღჩიმ აღნიშნა მხოლოდ ის, რომ თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში, „ვიდრე შედეგი არ მიიღწევა.“გარდა ამისა, არაღჩი პაკისტანის პრემიერ-მინისტრ შეჰბაზ შარიფს პრემიერ-მინისტრის ოფისში შეხვდა. პრემიერის ოფისის მიერ გავრცელებულ განცხადებაში ნათქვამია, რომ შეხვედრას პაკისტანის საგარეო საქმეთა მინისტრი იშაქ დარი და პაკისტანის არმიის ფელდმარშალ ასიმ მუნირიც ესწრებოდნენ.„სქაი ნიუსის“ ინფორმაციით, ირანის საგარეო საქმეთა მინისტრმა, აბას არაღჩიმ ისლამაბადში ვიზიტის დროს პაკისტანში მყოფ შუამავლებს აშშ-ის წინადადებებთან დაკავშირებით საკუთარი მოთხოვნები და ეჭვები გააცნო, თუმცა ამ ეტაპზე უცნობია, რა მოთხოვნებზეა საუბარი.

ირაკლი (დაჩი) ბერაია სახელმწიფო აუდიტის სამსახურის უფროსის პირველი მოადგილის პოსტზე დაინიშნა.ის აქამდე ფინანსთა სამინისტროს შემოსავლების სამსახურის უფროსის თანამდებობას იკავებდა, სადაც გასული წლის ივნისში დაინიშნა. მანამდე კი ფინანსთა სამინისტროს საგამოძიებო სამსახურის ხელმძღვანელი იყო. 

ჩვენ ღრმად გვწამს, რომ მისი უწმინდესობის სული დაიმკვიდრებს ხელთუქმნელ და მარადიულ ადგილს უფლის სასუფეველში და ამიერიდან ჩვენ, ჩვენს ქვეყანას გვეყოლება დიდი მეოხი და ის თავისი ლოცვით შეგვეწევა, რომ ღირსეულად გავაგრძელოთ მისი გზა, რომელიც დამყარებულია ეკლესიის სიყვარულსა და ერთგულებაზე, ღვთისადმი, სამშობლოსადმი და მოყვასისადმი სიყვარულზე და განსაკუთრებით იმაზე, რასაც გვიქადაგებდა – მშვიდობაზე, ერთგულებაზე, მიმტევებლობაზე, ლმობიერებაზე, – ამის შესახებ საპატრიარქო ტახტის მოსაყდრემ, მიტროპოლიტმა შიომ (მუჯირი) სიონის საკათედრო ტაძარში ქადაგებისას განაცხადა, სადაც პატრიარქის გარდაცვალებიდან 40 დღის შემდეგ წირვა და პანაშვიდი აღასრულა.როგორც მეუფე შიომ ქადაგებისას განაცხადა, განვლილი 40 დღე იქცა ერთგვარი დაფიქრების, მისი უწმინდესობის, ილია მეორის პიროვნების ახლებურად დანახვის, ასევე, ქართველი ხალხის ახლებურად შეცნობის დღეებად.„განვლო 40-მა დღემ სრულიად საქართველოს კათოლიკოს-პატრიარქის, ილია მეორის გარდაცვალებიდან. ჩვენ გვახსენდება ბიბლიიდან წმინდა მამამთავარი იოსები, რომელმაც თავის მამას, მამამთავარ იაკობს განუკუთვნა 40-დღიანი დაკრძალვითი მსახურება და გლოვა. ჩვენც ამ 40 დღის განმავლობაში, ღვთის შეწევნით, შეძლებისდაგვარად კრძალვით განვასრულეთ ჩვენი შვილებრივი მოვალეობა ამ პერიოდში. ეს დრო იქცა ჩვენთვის ერთგვარი დაფიქრების, მისი უწმინდესობის პიროვნების ახლებურად დანახვის, ასევე, ჩვენი თავის, ჩვენი ხალხის ახლებურად შეცნობის დღეებად. ის, რისი მომსწრენიც გავხდით, იმ უჩვეულო სიდიადით აღვსილმა სიჩუმემ, რომელმაც დაისადგურა მისი უწმინდესობის გარდაცვალების შემდეგ, განგვაცდევინა ჩვენ მოწიწებაც, სიყვარულიც და ალბათ არ შევცდები, თუ ვიტყვი, რომ სულიერი გამოღვიძება და აღმავლობაც.უფალმა ჩვენ გვანახა პატრიარქ ილია მეორის ჭეშმარიტი სახე, როგორც ნამდვილი მოძღვრისა, რომელსაც უფალთან მიჰყავს მისი სამწყსო და რომელიც, მოსეს მსგავსად, უჩვენებდა ჩვენს ერს სულიერი ტყვეობიდან გამოხსნის გზას და უნათებდა ამ გზას აღქმული ქვეყნისკენ. ეს არის სახე ნამდვილი ქრისტიანის, ნამდვილი მწყემსთავრის, ნამდვილი მოძღვრის, რომელზეც საუბრობდა წმინდა პავლე მოციქული, რომ „მე აღარ ვცხოვრობ, არამედ ჩემში ცოცხლობს იესო ქრისტე“. შეიძლება ჩვენ ვთქვათ, რომ დიახ, მის უწმინდესობაში და მის უნეტარესობაში ცხოვრობდა უფალი იესო ქრისტე, მის ღვაწლში, მის ყოველდღიურ საქმიანობაში, მის პიროვნებაში ცოცხლობდა უფალი იესო ქრისტე, იმ დიდ ღვაწლში, რომელიც მიმართული იყო ჩვენი ქვეყნის მძიმე მდგომარეობიდან გამოყვანისკენ, აღორძინებისა და გადარჩენისკენ. სწორედ ამ ღვაწლის შედეგი, ნაყოფი იყო და არის ის, რაც ვიხილეთ – ქართველი ხალხის პასუხი მის სიყვარულზე. დღემდე არ წყდება ნაკადი მის უწმინდესობის საფლავთან. ყველა ასაკის, ყველა ფენის ადამიანს სურს, გამოხატოს მისდამი სიყვარული და მადლიერება. რაოდენ სასიხარულოა, რომ მრავლად არის ახალგაზრდობა მათ შორის, ვინაიდან მისი უწმინდესობის მზრუნველობა, სიყვარული ეფინებოდა ყველას, განურჩევლად ასაკი და სოციალური მდგომარეობის თუ საქმიანობისა.ამ 40 დღის განმავლობაში დაგვიდგა აღდგომა უფლისა ჩვენისა იესო ქრისტესი. ეს იყო პირველი აღდგომა უწმინდესისა და უნეტარესის, კათოლიკოს-პატრიარქის, ილია მეორის გარეშე. შეიძლება თითქოს ჩვენი გულები მოეცვა ადამიანურ სისუსტეს, განცდებს და დაბნეულობას, დაბნეულ სამწყსოს, შეიძლება, გვეფიქრა, რა გვეშველება მის გარეშე, მაგრამ, როგორც მისი გარდაცვალების დღეებში დავძლიეთ ეს სასოწარკვეთილება, განსაკუთრებით აღდგომის დღეებში, უფლის მადლით, მისი უწმინდესობის მადლით, ჩვენში ეს მწუხარება და ტკივილი დაიძლია ღვთის რწმენისა და იმედის დიდი სულისკვეთებით. დღეს, როგორც არასდროს, ისე ძალუმად გვესმის უფალი იესო ქრისტეს სიტყვები: „მე ვარ აღდგომა და მე ვარ ცხოვრება და ვისაც მე ვრწმენე, ის, თუნდაც რომ მოკვდეს, იცოცხლებს, ის არ მოკვდება უკუნისამდე“. წმინდა წერილი როგორც გვასწავლის, დღეს ღმერთი შეაშრობს ჩვენს თვალებზე ცრემლებს, რამეთუ არ არის სიკვდილი, არც გლოვა, არც ცრემლი, არც ტანჯვა, რადგან მართალთა სულნი უფალთან არიან და მშვიდობასა შინა არიან. ჩვენ ღრმად გვწამს, რომ მისი უწმინდესობის სული დაიმკვიდრებს ხელთუქმნელ და მარადიულ ადგილს უფლის სასუფეველში და ამიერიდან ჩვენ, ჩვენს ქვეყანას გვეყოლება დიდი მეოხი და ის თავისი ლოცვით შეგვეწევა, რომ ღირსეულად გავაგრძელოთ მისი გზა, რომელიც დამყარებულია ეკლესიის სიყვარულსა და ერთგულებაზე, ღვთისადმი, სამშობლოსადმი და მოყვასისადმი სიყვარულზე და განსაკუთრებით იმაზე, რასაც გვიქადაგებდა – მშვიდობაზე, ერთგულებაზე, მიმტევებლობაზე, ლმობიერებაზე, რომლითაც მისი უწმინდესობა გამოირჩეოდა.ძნელია ჩემთვის დღეს საუბარი თქვენ წინაშე და მინდა, თქვენთან ერთად ვადიდო ღმერთი, რომ ასეთ ურთულეს ათწლეულებში მოგვივლინა ჩვენ ასეთი მწყემსმთავარი. დიდება და მადლობა უფალს, დიდება და მადლობა ყოვლადწმინდა ღვთისმშობელს მისი წყალობისა და მფარველობისთვის, მადლობა მის უწმინდესობას და უნეტარესობას, ილია მეორეს თავისი დიდებული ღვალწლისთვის“, – განაცხადა მეუფე შიომ ქადაგებისას.