2022 წლის მასწავლებლის ეროვნული ჯილდოს მფლობელი როლანდ შავაძე გახდა

"ოპოზიცია, დღეს სინამდვილეში არსებობს ვირტუალურად. სინამდვილეში მათ არც ფორმა, არც შინაარსი, არც ძალა, არაფერია არ გააჩნიათ," - ამის შესახებ საქართველოს პარლამენტის თავმჯდომარე, შალვა პაპუაშვილი "ღამის კურიერის" ეთერში საუბრობს.როგორც შალვა პაპუაშვილი ამბობს, ოპოზიცია საქართველოში გარე ძალების მითითებებით მუშაობს."ოპოზიცია, დღეს სინამდვილეში არსებობს ვირტუალურად. სინამდვილეში მათ არც ფორმა, არც შინაარსი, არც ძალა, არაფერია არ გააჩნიათ. დღეს მიხეილ სააკაშვილს 9 წლიანი განაჩენი გამოუტანა სასამართლომ, რაც ნიშნავს იმას, რომ მას 2030 წლამდე მოუწევს ციხეში ყოფნა. რაღაც ერთი-ორი საყვედური თქვეს და ხედავთ, რომ არანაირი ენერგია მათ აღარ აქვთ, არანაირი ძალა არ შერჩენიათ. ერთადერთი, რაც დღეს ოპოზიციას ასულდგმულებს, ეს არის გარედან მათი ხელოვნურ სუნთქვაზე დასმა. ხედავთ, როგორც კი ცოტათი მინელდებიან, გარედან ისმის რაიმე მჭექარე განცხადება, იმისთვის, რომ გამოაცოცხლონ ესენი და ა.შ. სინამდვილეში, ოპოზიციას იდეები არც არასდროს ჰქონია და ჩვენ საპარლამენტო არჩევნებზეც ვნახეთ, მათ სინამდვილეში კამპანია არ უწარმოებიათ რაიმე შინაარსთან დაკავშირებით, ახლა საერთოდ იდეები არ აქვთ. ერთადერთი, ეს არის დესტრუქცია, გარედან ეტყვიან დღეს იყვირეთ, იყვირებენ, ეტყვიან არ იყვიროთ, არ იყვირებენ. ასე, რომ ერთადერთი, რასაც ჩვენ ვაკვირდებით, ეს არის გარკვეული პინგ-პონგი ოპოზიციასა და მათ გარე მმართველებს შორის, ისინი რაღაცას იტყვიან და ესენი კომენტარს აკეთებენ, ესენი რამეს იტყვიან, გარეთ აკეთებენ კომენტარს და ეს ყველაფერი ხდება ტელევიზორში.მთელი ტური ჰქონდათ მოწყობილი ბალტიის ქვეყნებში, სკანდინავიის ქვეყნებში. კითხვას ვსვამ საჯაროდ, ვისი ფულით იყვნენ იქ წასულები? ჟურნალისტებმა გამოიკვლიონ და მიაკვლევენ, ბილეთი ვინ იყიდა, სასტუმრო ვინ გადაუხადა, იქ ნახავენ ზუსტად, ვისი მარიონეტები არიან," - აცხადებს შალვა პაპუაშვილი.

ნარკოტიკების გასაღებაზე სახელმწიფო უნდა იყოს უმკაცრესი, რაც შეეხება მოხმარებას, აქ ჩვენ მთავარია, მაქსიმალურად ვიზრუნოთ პრევენციაზე, - ამის შესახებ საქართველოს პრემიერ-მინისტრმა ირაკლი კობახიძემ გადაცემა “იმედი LIVE”-ში განაცხადა.როგორც მთავრობის მეთაურმა აღნიშნა, ნარკოტიკების მოხმარების თვალსაზრისით ქვეყანაში ვითარება ნამდვილად არ არის კარგი.„მთელი პროპაგანდა წარიმართებოდა ნარკოტიკების მოხმარების წახალისებისათვის ლიბერალური ნარკოპოლიტიკის ეგიდით. წინა მოწვევის პარლამენტის უმრავლესობის წევრებმა დაიწყეს საუბარი აქტიურად თემაზე, რაც ჩემთვის ძალიან საეჭვო მოვლენა იყო, შემდეგ ამ ადამიანებმა დატოვეს საპარლამენტო უმრავლესობა ასევე საკმაოდ საეჭვოდ. იდეოლოგიური დატვირთვაც აქვს ვიღაცებისთვის იმას, რომ ქვეყანაში უნდა გაიზარდოს ნარკოტიკების მოხმარება, ჩვენ ამას უნდა დავუპირისპირდეთ მაქსიმალურად. ჩვენ ვიცით, რომ ძალიან დიდი ზიანს აყენებს ადამიანს ნარკოტიკების მოხმარება, შესაბამისად, სახელმწიფოს პასუხისმგებლობაა, იზრუნოს ადამიანების ჯანმრთელობაზე. სახელმწიფო უნდა დარჩეს ჰუმანური და არსებითად უნდა იყოს ორიენტებული პრევენციაზე. რაც შეეხება ნარკოტიკების გასაღებას, აქ უნდა იყოს სახელმწიფო უმკაცრესი. რაც შეეხება მოხმარებას, აქ ჩვენ მთავარია, მაქსიმალურად ვიზრუნოთ პრევენციაზე. ამაზე არის აგებული კანონპროექტი, რომელიც არის წარდგენილი. ეს კანონპროექტი ექვემდებარება დამუშავებას სხვადასხვა მიმართულებით, თუმცა პრინციპი არის ეს - შეუწყნარებელი უნდა ვიყოთ გასაღების მიმართ, რაც შეეხება მომხმარებელს, მათზე არსებითად უნდა ვიზრუნოთ პრევენციულად, თუმცა იქაც საჭიროა კონკრეტული სანქციების ამოქმედება იმისათვის, რომ ადამიანები აიძულო, თავი შეიკავონ ნარკოტიკების მოხმარებისგან. ეს არის პასუხისმგებლობა და ასევე ამასთან ერთად ძალიან მნიშვნელოვანია, რომ პროპაგანდა გაიშალოს. რაღაცნაირად მოდურად აქციეს საკმაოდ ფართო წრეებში ნარკოტიკების მოხმარება. ჩვენ გვჭირდება საპირისპირო პროპაგანდა, ადამიანებს უნდა ავუხსნათ მარტივად, რომ ნარკოტიკებს არავითარი სარგებელი არ აქვს, მხოლოდ და მხოლოდ ვნებს ადამიანების ჯანმრთელობასა და განვითარებას. მიზანი აქ არის ძალიან მკაფიო და ძალიან ნათელი“, - განაცხადა პრემიერ-მინისტრმა.

მე არ ვეთანხმები ეთიკის კომისიის განცხადებას, რადგან ჩვენი, მათი პედაგოგების მოვალეობაა, ყველა გზა და ყველანაირი ხერხი გვეხმარა, რომ ამ პროტესტს სხვა ფორმა მიეღო, – ამის შესახებ თეატრისა და კინოს უნივერსიტეტის ასოცირებულმა პროფესორმა, ხელოვნებათმცოდნეობის დოქტორმა,  მაკა ვასაძემ საქართველოს პირველი არხის გადაცემაში „დღის თემა“ განაცხადა.„მინდა გითხრათ, რომ ასე მოხდა თსუ-ში, მაგრამ თსუ-ს რექტორმა არავითარ შემთხვევაში არ შეუშვა პოლიცია. თქვა, თვითონ მოვაგვარებ ჩემ უნივერსიტეტში ამ პრობლემასო. ასე მოხდა აკადემიაშიც და ადგნენ ის სტუდენტებიც. ეს ჩვენი, ყველას ბრალია. ეს არ არის მარტო ვთქვათ, რექტორის, მისი თანაშემწის და სხვადასხვა ინსტანციის ბრალი, ეს ყველა ჩვენგანის, ჩემი ბრალიც არის. როგორ შეიძლება, შენს სტუდენტს პოლიცია გამოუძახო, თან სამჯერ, ზედიზედ? ეს ჩემთვის აბსოლუტურად მიუღებელია და დარწმუნებული ვარ, გიორგი შალუტაშვილისთვისაც მიუღებელია. მე არ ვიცი, ვის მოუვიდა ეს თავში და ვინ გამოიძახა პოლიცია თეატრისა და კინოს უნივერსიტეტში. საფლავებში ტრიალებენ ახლა ჩვენი წინაპრები, რადგან ისინი ყოველთვის ახერხებდნენ ყველა სიტუაციის მოგვარებას საბჭოთა კავშირის დროს“, – განაცხადა ვასაძემ.

ირანის გეგმაში არ შედის ბირთვული იარაღის შექმნა, – ამის შესახებ ირანის სულიერმა ლიდერმა, აიათოლა ალი ხამენეიმ განაცხადა.მისი თქმით, ირანს ბირთვული იარაღის დამზადება რომ სურდეს, აშშ ხელს ვერ შეუშლიდა.„ბირთვულ იარაღთან დაკავშირებით ამბობენ, რომ „ჩვენ არ მივცემთ ირანს მისი მიღების საშუალებას“. ბირთვული იარაღის დამზადება რომ გვდომოდა, ამერიკა ვერ შეძლებდა ჩვენთვის ხელის შეშლას. ფაქტი, რომ ჩვენ არ გვაქვს ბირთვული იარაღი და არ ვცდილობთ მის შექმნას, არის იმიტომ, რომ ჩვენ თვითონ არ გვსურს ეს“, – განაცხადა აიათოლა ალი ხამენეიმ.ცნობისთვის, აშშ-ის პრეზიდენტმა, დონალდ ტრამპმა აიათოლა ალი ხამენეის წერილი გაუგზავნა და იმედი გამოთქვა, რომ ირანი ბირთვულ შეთანხმებასთან დაკავშირებით მოლაპარაკებას დათანხმდება. ამის შემდეგ ხამენეიმ განაცხადა, რომ აშშ ბულინგის ტაქტიკას იყენებს.

ევროკავშირის კანდიდატის სტატუსის თემა უცნაურად დადგა დღის წესრიგში, იყო ძალიან დიდი ზეწოლა, გვთხოვდნენ ომში ჩართვას, იყენებენ სხვადასხვა ინსტრუმენტს, როდესაც არ ვიღებდით ამ წინადადებას და არ ვემორჩილებოდით ამ მოთხოვნას, ამ დრო დღის წესრიგში დადგა კანდიდატის სტატუსი, - ამის შესახებ საქართველოს პრემიერ-მინისტრმა ირაკლი კობახიძემ გადაცემა “იმედი LIVE”-ში განაცხადა.როგორც მთავრობის მეთაურმა აღნიშნა, ყველა გარემოების გათვალისწინებით, მიუხედავად იმისა, რომ იყო შანტაჟის მოლოდინი კანდიდატის სტატუსის გამოყენებით, საპარლამენტო უმრავლესობამ მხარი დაუჭირა განაცხადის შეტანას.მისივე თქმით, როდესაც უკრაინის ხელისუფლებამ ელჩი გაიწვია საქართველოდან სრულიად უსამართლოდ, სახელმწიფოს სჭირდებოდა გვერდით დგომა, რადიკალურმა ოპოზიციამ,  ენჯეოებმა და მათმა მედიასაშუალებებმა არათუ განცხადება არ გააკეთეს ამ უსამართლო გადაწყვეტილებაზე, პირიქით გამოიყენეს ეს იმისთვის, რომ კიდევ უფრო ძლიერად შეეტიათ საქართველოს ხელისუფლებისთვის.„არავითარი კრიტიკა, არც უკრაინის ხელისუფლება გაუკრიტიკებიათ იმის გამო, რომ ელჩი გაიწვიეს სანქციების არდაწესების გამო, მებრძოლი მოხალისეების არგაგზავნის გამო, ასეთ დროს ხომ უნდა გამოხატო შენი ეროვნული პოზიცია, აქ ხომ არ არის საუბარი პარტიულ დაპირისპირებაზე. სახელმწიფოს სჭირდებოდა მაშინ გვერდში დადგომა და არა ხელისუფლებას. როდესაც უკრაინის ხელისუფლებამ მიიღო უსამართლო გადაწყვეტილება საქართველოს ხელისუფლებისა და ქართველი ხალხის წინააღმდეგ იმ ფონზე, როდესაც ჩვენ უკრაინას გამოვუცხადეთ უპირობო მხარდაჭერა, ეს იყო სუვერენიტეტის, ტერიტორიული მთლიანობის უპირობო მხარდაჭერა, ეს იყო ასევე რუსეთის სამხედრო აგრესიის დაგმობა. ვხედავდით, რომ კოორდინაციაში ჩართული იყო რადიკალური ოპოზიცია, ენჯეოები, მათი მედიასაშუალებები და არათუ განცხადება არ გააკეთეს ამ უსამართლო გადაწყვეტილებასთან დაკავშირებით, პირიქით გამოიყენეს ეს უსამართლო გადაწყვეტილება იმისთვის, რომ კიდევ უფრო ძლიერად შეეტიათ ხელისუფლებისთვის. ამას დაემატა ევროკავშირის კანდიდატის სტატუსის თემა, მაშინ ჩვენ შევიკრიბეთ ვიწრო წრეში და ვიმსჯელეთ ამ თემასთან დაკავშირებით. ვხედავთ, რომ არის ძალიან დიდი ზეწოლა, გვთხოვენ ომში ჩართვას, იყენებენ სხვადასხვა ინსტრუმენტს როდესაც არ ვიღებთ ამ წინადადებას და არ ვემორჩილებით ამ მოთხოვნას და ამ დროს უცნაურად დადგა დღის წესრიგში კანდიდატის სტატუსის თემა. ეს მოხდა შემდეგნაირად - უკრაინას შესთავაზეს განაცხადის შეტანა კანდიდატის სტატუსზე. უცნაური რატომ იყო, რომ იმ დროს იყო საკმაოდ მძიმე ვითარებაა შექმნილი და პირდაპირ კიევში იყო შესული რუსული ტანკები, ობოლონის უბანი ჰქონდათ დაკავებული, საუბარია ქვეყნის დედაქალაქზე და ასეთ დროს ქვეყანას, უკრაინას სთავაზობ კანდიდატის სტატუსზე განაცხადის შეტანას, არც წევრობაზეა საუბარი, არც არაფერზე კანდიდატის სტატუსი. მერე ოპოზიცია თავად დაგვეთანხმა, რომ კონკრეტული არაფრის მომტანი არ იყო  კანდიდატის სტატუსი. ამ დრო სთავაზობ უკრაინას კანდიდატის სტატუსზე განაცხადის შეტანას, რბილად რომ ვთქვათ გასაკვირი იყო. საზოგადოება ამ სიღრმეში არ შედიოდა, მით უმეტეს ემოციური ფონი იყო, ჩვენ გვევალებოდა ამ ყველაფერზე პრაგმატულად მსჯელობა. მაშინ ვიწრო წრეში ასეთი რისკი გავთვალეთ, რომ დიდი ალბათობით ამ შანტაჟისა და ზეწოლის ფონზე, კანდიდატის სტატუსსაც გამოიყენებდნენ ზეწოლისა და შანტაჟის გასაძლიერებლად ჩვენს წინააღმდეგ. თქვენ გახსოვთ, რომ ორი დღე არ შევიტანეთ განაცხადი მსჯელობიდან და რისკების ანალიზიდან გამომდინარე, მაშინ ბოლოს შევკრიბეთ საპარლამენტო უმრავლესობა, გავუზიარეთ ჩვენი მოსაზრებები რისკებთან დაკავშირებით, თუმცა საბოლოო ჯამში ისიც ვთქვით, რომ ჩვენ ვაპირებდით განაცხადის შეტანას და ამას მხარი დაუჭირა უმრავლესობამ ყველა გარემოების გათვალისწინებით, მიუხედავად იმისა, რომ გვქონდა შანტაჟის მოლოდინი კანდიდატის სტატუსის გამოყენებით. საბოლოო ჯამში გახსოვთ, რაც მოხდა, მაშინ პირდაპირ ვუთხარით საპარლამენტო უმრავლესობის წევრებს, რომ სავარაუდოდ მოლდოვას ადა უკრაინას მიანიჭებდნენ სტატუსს საქართველოს არა და ეს იქნებოდა გამოყენებული ქვეყნის წინააღმდეგ შანტაჟის გასაძლიერებლად“, - განაცხადა ირაკლი კობახიძემ.