14 წლის ქეთი მეისრიშვილს სასწრაფოდ ესაჭიროება ჩვენი დახმარება-გთხოვთ გავავრცელოთ

მიმდინარე წლის პირველი 4 თვე საქართველოს ავიაციის ინდუსტრიისთვის განსაკუთრებით წარმატებული იყო. სამივე საერთაშორისო აეროპორტი 2 მილიონ 200 ათასამდე მგზავრს მოემსახურა, რაც 13 პროცენტით მეტია წინა წლის ანალოგიური პერიოდის მაჩვენებელზე. მნიშვნელოვანია, ეს მონაცემი არის ისტორიული მაქსიმუმი ჩვენი ქვეყნის ავიაციის ინდუსტრიისთვის, - განაცხადა ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა.როგორც მინისტრის მოადგილემ აღნიშნა, ასევე გაზრდილია საქართველოს აეროპორტებში შესრულებული რეისების რაოდენობაც და ზრდამ 16 პროცენტი შეადგინა.„ეს დასტურია იმისა, რომ საქართველო კვლავ განაგრძობს, იყოს მოთხოვნადი ტურისტული მიმართულება. მიმდინარე წელს ჩვენს ავიაბაზარს ოთხი ახალი ავიაკომპანია (ბრიტიშ ეარვეისი, იზიჯეტი, ედელვაისი და ტრანსავია - ფრანსი) შემოემატა. ეს ნიშნავს გაზრდილ სიხშირეებს, წვდომას ჩვენთვის სტრატეგიულად მნიშვნელოვან ქვეყნებთან, რაც განაპირობებს მგზავრთნაკადისა და ტურისტული ნაკადების ზრდას. საქართველოს მთავრობა განაგრძობს მოლაპარაკებებს სტრატეგიულ საერთაშორისო ავიაკომპანიებთან, რათა ვიხილოთ მეტი ახალი საერთაშორისო ავიაკომპანია საქართველოს ავიაციისა და ტურიზმის სექტორში“, - აღნიშნა მარიამ ქვრივიშვილმა.მინისტრის მოადგილის ინფორმაციით, ქვეყნის ავიაბაზარზე შემოვა ავიაკომპანია „ეარ სერბია“, რომელიც რეგულარული ფრენების შესრულებას თბილისისა და ბელრადის მიმართულებით დაიწყებს.„ყოველივე ეს ხელს შეუწყობს ჩვენი ქვეყნის უმნიშვნელოვანესი დარგების - ტურიზმისა და ავიაციის სექტორის გაძლიერებას, რაც დადებითად აისახება ქვეყნის ეკონომიკაზე“, - აღნიშნა მარიამ ქვრივიშვილმა.

გერმანიის კანცლერი ფრიდრიხ მერცი არ ელოდება, რომ უკრაინაში გერმანელი ჯარისკაცების იქნება გაგზავნილი.მისი თქმით, საკითხი დღის წესრიგში არ დგას.ამის შეასხებ ფრიდრიხ მერცმა Welt TV-ის ეთერში განაცხადა.„ჩვენ შორს ვართ ცეცხლის შეწყვეტისგან და კიდევ უფრო შორს ვართ სამშვიდობო შეთანხმებისგან“, – აღნიშნა გერმანიის კანცლერმა.ფრიდრიხ მერცის თქმით, უკრაინის კონფლიქტში სამდღიანი ცეცხლის შეწყვეტის რეჟიმი, რომელიც ვლადიმერ პუტინმა 9 მაისთან დაკავშირებით გამოაცხადა, შესაძლოა, გახანგრძლივდეს. მისივე თქმით, საკითხი რუსეთის ხელისუფლებაზეა დამოკიდებული.

"ვერტმფრენი ჰაერში დაიშალა" - ფედერალურმა ოფიციალურმა პირებმა ოთხშაბათს გამოაქვეყნეს ნიუ-იორკის საექსკურსიო ვერტმფრენის ფოტოები, რომელიც გასულ თვეში მდინარეში ჩავარდა, რის შედეგადაც ექვსი ადამიანი დაიღუპა. ინფორმაციას nbcnews-ი ავრცელებს.სათვალთვალო კამერებიდან გადაღებულ ფოტოებზე ჩანს, თუ როგორ გამოეყო ვერტმფრენის კუდს კორპუსი, რომელშიც ძრავა და როტორებია მოთავსებული. შემდეგ როტორის პირები და ტრანსმისია გამოეყო კაბინას, რომელშიც მგზავრები და პილოტი იმყოფებოდნენ.ფოტოები ფრენის შესახებ ეროვნული სატრანსპორტო უსაფრთხოების საბჭოს მიერ გამოქვეყნებულ წინასწარ ანგარიშთან ერთად გამოქვეყნდა."რამდენიმე თვითმხილველმა განაცხადა, რომ ვერტმფრენის დაშლამდე და მდინარეში ჩავარდნამდე რამდენიმე აფეთქების ხმა გაიგონეს“, - ნათქვამია ანგარიშში.ჯერჯერობით ვერტმფრენის ჩამოვარდნის ზუსტი მიზეზი უცნობია და ექსპერტები პოტენციური მიზეზების დადგენაზე მუშაობენ. ვერტმფრენის ჩამოვარდნის საქმის პირველად ანგარიშში, რომელიც 6 გვერდს მოიცავს, საფრენი აპარატის ჩამოვარდნის ძირითადი მიზეზის შესახებ ინფორმაცია არ არის. ამის შესახებ, სავარაუდოდ, ვერტმფრენის ნარჩენების სასამართლო ექსპერტიზის დასრულების შემდეგ გახდება ცნობილი.

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა, გენერალური პროკურატურის თანამშრომლებთან ერთად ჩატარებული ოპერატიული ღონისძიებებისა და საგამოძიებო მოქმედებების შედეგად, ტრეფიკინგის ბრალდებით, წარსულში სხვადასხვა დანაშაულისთვის ნასამართლევი 1993 წელს დაბადებული მ.ფ. დააკავეს. ინფორმაციას შსს ავრცელებს.„ინტენსიურ რეჟიმში ჩატარებული გამოძიებით, მათ შორის მოსამართლის განჩინების საფუძველზე განხორციელებული ფარული საგამოძიებო მოქმედებების შედეგად დადგინდა, რომ ფინანსური სარგებლის მიღების მიზნით, ბრალდებული ფსიქოლოგიური ძალადობის გამოყენებითა და მუქარით, 1963 წელს დაბადებულ ლ.ქ.-ს, გარკვეული ანაზღაურების სანაცვლოდ, სხვადასხვა პირთან სქესობრივი კავშირის დამყარებას აიძულებდა.გამოძიებით ასევე, დადგინდა, რომ ამ გზით მოპოვებული თანხის ნაწილს ბრალდებული ისაკუთრებდა.გამოძიება საქართველოს სისხლის სამართლის კოდექსის 143-ე პრიმა მუხლის პირველი ნაწილით მიმდინარეობს. დანაშაული 12 წლამდე ვადით თავისუფლების აღკვეთას ითვალისწინებს“,- აღნიშნულია შსს-ს ინფორმაციაში. 

შინაგან საქმეთა სამინისტროს აჭარის პოლიციის დეპარტამენტის ხელვაჩაურის რაიონული სამმართველოსა და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად უკრაინის მოქალაქე, 1992 წელს დაბადებული ვ.კ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ბრალდებით დააკავეს. ინფორმაციას შსს ავრცელებს.„სამართალდამცველებმა სასაზღვრო-გამშვები პუნქტის, „სარფის” ტერიტორიაზე ბრალდებულის პირადი შემოწმების შედეგად განსაკუთრებით დიდი ოდენობით ნარკოტიკული საშუალება „მეტადონი“ აღმოაჩინეს. პოლიციამ ვ.კ. ბრალდებულის სახით დააკავა.გამოძიება სისხლის სამართლის კოდექსის 260-ე და 262-ე მუხლებით მიმდინარეობს. დანაშაული 20 წლამდე ან უვადო თავისუფლების აღკვეთას ითვალისწინებს“, – აღნიშნულია შსს-ს ინფორმაციაში.