13 ადგილი სახლში, რომელსაც ქურდები პირველ რიგში ამოწმებენ

"ქართულმა ოცნებამ“ საქართველოს ევროპული ინტეგრაციის კურსი არა მხოლოდ შეაჩერა, არამედ ფაქტობრივად საპირისპიროთი შეცვალა, - ამის შესახებ ევროპარლამენტარ რასა იუკნევიჩიენეს მიერ საქართველოს შესახებ მომზადებულ ანგარიშის პროექტში წერია.საქართველოს შესახებ ანგარიშის პროექტს რასა იუკნევიჩიენე 25 თებერვალს ევროპარლამენტის საგარეო საქმეთა კომიტეტში წარადგენს.ანგარიშის პროექტი სრულ სოლიდარობას უცხადებს ქართველ ხალხს, რომელიც „დემოკრატიული უკუსვლის, რეპრესიების, მტრული რიტორიკის, დეზინფორმაციისა და მუქარის ფონზე ევროპული და დემოკრატიული საქართველოსთვის ბრძოლას განაგრძობს“.ანგარიში აღნიშნავს „იმ ფაქტს, რომ უკუსვლა ფიქსირდება ცხრავე პრიორიტეტის განხორციელებაში, რაც საქართველოსთვის კანდიდატის სტატუსის მინიჭების პირობას წარმოადგენდა“.პროექტი „ხაზს უსვამს „ქართული ოცნების“ განცხადებების აბსურდულობას იმის შესახებ, რომ ევროკავშირში ინტეგრაცია მთავარ პრიორიტეტად რჩება, მაშინ როდესაც მისი უმაღლესი თანამდებობის პირები და მთავრობასთან დაკავშირებული მედია სისტემატურ კამპანიას აწარმოებენ და ევროკავშირის, მისი ოფიციალური პირებისა და დიპლომატების წინააღმდეგ მანიპულაციურ ნარატივებს, დეზინფორმაციასა და შეთქმულების თეორიებს ავრცელებენ“ და „გმობს იმ ფაქტს, რომ 2024 წლის ოქტომბრის გაყალბებული საპარლამენტო არჩევნების შემდეგ, „ქართულმა ოცნებამ“ სრული ავტორიტარიზმისკენ სვლა კიდევ უფრო გააძლიერა“. ანგარიში „ხაზს უსვამს, რომ ევროკავშირისა და მისი წევრი სახელმწიფოების მიერ დაწესებული მიზანმიმართული პერსონალური სანქციები ბიძინა ივანიშვილის, „ქართული ოცნების“ ლიდერების, მოსამართლეების, პროკურორებისა და სხვა თანამდებობის პირების წინააღმდეგ, რომლებიც პასუხისმგებელი არიან საქართველოში დემოკრატიულ უკუსვლაზე, არჩევნების გაყალბებაზე, ადამიანის უფლებების დარღვევებზე და პოლიტიკური ოპონენტებისა და აქტივისტების დევნაზე, დაუსჯელობის წინააღმდეგ მნიშვნელოვან ინსტრუმენტს წარმოადგენს“.ასევე, პროექტი „შეუძლებლად მიიჩნევს საქართველოს ხელისუფლებასთან ურთიერთობას იქამდე, ვიდრე მათი რეპრესიების, შეზღუდვებისა და ევროკავშირის წინააღმდეგ მიმართული დეზინფორმაციის მიმდინარე კურსის შეცვლა არ მოხდება“.დოკუმენტი „აღნიშნავს, რომ 2025 წლის 4 ოქტომბრის მუნიციპალურ არჩევნებს ოპოზიციური პარტიების უმრავლესობამ ბოიკოტი გამოუცხადა და მწუხარებას გამოთქვამს, რომ საქართველოს საარჩევნო კოდექსში შეტანილმა ცვლილებებმა ადგილობრივი დამკვირვებლების, მედიისა და საარჩევნო სუბიექტების რეგისტრაციის შესახებ ახალი შეზღუდვები დააწესა“.ანგარიში „ხაზს უსვამს გრანტების შესახებ კანონში 2026 წლის 28 იანვარს გამოცხადებულ ცვლილებებს, რაც მნიშვნელოვნად აფართოებს იმის მნიშვნელობას, თუ რა ითვლება „გრანტად“ და უცხოეთიდან მთავრობის წინასწარი ნებართვის გარეშე დაფინანსების მიღებას სისხლის სამართლის დანაშაულს ხდის“. პროექტი „შეშფოთებას გამოთქვამს იმის გამო, რომ "ქართულმა ოცნებამ“ უკვე არაერთი კანონპროექტი მიიღო, რომელიც მიზნად ისახავს სამოქალაქო საზოგადოებისა და დამოუკიდებელი მედიის ჩახშობას“ და ანგარიში „ყველა პოლიტიკური პატიმრისა და სხვა უკანონოდ დაკავებული პირის დაუყოვნებლივ გათავისუფლების მოწოდებით კიდევ ერთხელ გამოდის“.„გმობს „ქართული ოცნების“ მიერ პოლიტიკური ოპონენტების დევნას, მათ უკანონო დაკავებას, მუქარასა და ფიზიკურ თავდასხმებს და პოლიტიკური ნიშნით დაკავებული ყველა ოპოზიციონერი პოლიტიკოსის დაუყოვნებლივ გათავისუფლების მოწოდებით გამოდის“. ანგარიში „შეშფოთებას გამოხატავს საქართველოს პარლამენტის 88 წევრის მიერ შეტანილ საკონსტიტუციო სარჩელთან დაკავშირებით, მათ მიერ სამი ძირითადი ოპოზიციური პარტიის საქმიანობის არაკონსტიტუციურად გამოცხადების შესახებ“.ასევე, ანგარიში „მიესალმება ეუთო-ს მოსკოვის მექანიზმის ამოქმედებას“ და „აღნიშნავს, რომ კომისიის წინადადება საქართველოს დიპლომატიური, სამსახურებრივი და ოფიციალური პასპორტების მფლობელებისთვის უვიზო მიმოსვლის შეჩერების შესახებ, „ქართული ოცნების“ რეჟიმის მიერ ფუნდამენტური ღირებულებების დარღვევის პირდაპირ შედეგს წარმოადგენს. მწუხარებას გამოვთქვამთ, რომ დემოკრატიულ უკუსვლასა და რეპრესიებზე პასუხისმგებელი ქართველი ოფიციალური პირებისთვის ევროკავშირის მასშტაბით უვიზო მიმოსვლის აკრძალვა უნგრეთისა და სლოვაკეთის წინააღმდეგობის გამო შეუძლებელი გახდა. გაფრთხილებით აღნიშნავს, რომ საქართველოს ხელისუფლების მხრიდან უმოქმედობამ შესაძლოა მთელი ქვეყნის მოსახლეობისთვის უვიზო მიმოსვლის შეჩერება გამოიწვიოს“.პროექტში აღნიშნულია, რომ „ევროკავშირის უმაღლესი წარმომადგენლის განცხადებებთან და სანქციებთან დაკავშირებით საბჭოს გადაწყვეტილებებთან საქართველოს შესაბამისობის დონე 40%-მდე დაეცა. იმედგაცრუებას იწვევს ის, რომ უკრაინის მხარდამჭერ საერთაშორისო და ევროკავშირის ინიციატივებთან საქართველო სისტემატურ თანხვედრაში არ არის“. ანგარიში „საქართველოს ხელისუფლებას თანამშრომლობის გაძლიერებისკენ მოუწოდებს, რათა საქართველოს ტერიტორიის ევროკავშირის სანქციებისგან თავის არიდების მიზნით გამოყენება არ დაუშვას“, ასევე, „აღნიშნავს, რომ „ქართულმა ოცნებამ“ ევროატლანტიკური ინტეგრაციის გზის მიტოვების შემდეგ ჩინეთთან, რუსეთთან და ირანთან თანამშრომლობის მიმართულება აირჩია“.ანგარიშის პროექტი „კიდევ ერთხელ მკაცრად გმობს რუსეთის მიერ საქართველოს რეგიონების, აფხაზეთისა და სამხრეთ ოსეთის, მიმდინარე ოკუპაციასა და „ბორდერიზაციის“ პროცესს, რაც საქართველოს სუვერენიტეტისა და ტერიტორიული მთლიანობის დარღვევას წარმოადგენს“.

2012 წლიდან მოყოლებული რეალურად დინამიკა არის პოზიტიური. სოციალური მიმართულებით მილიარდ ექვსასი მილიონი იყო სულ და 6.9 მილიარდზეა ასული. ეს პატარა რიცხვი ხომ არ არის?! მთლიანად ჯანდაცვის ბიუჯეტი 9.2 მილიარდზეა ასული. ეს ხომ კოლოსალური ზრდაა, რომელიც ხმარდება რეალურად იმას, რომ მოსახლეობამ იცხოვროს უკეთ და კეთილდღეობისთვის შეიქმნას პირობები, – ამის შესახებ ჯანდაცვის მინისტრმა, მიხეილ სარჯველაძემ სახელმწიფოს სოციალური პოლიტიკის შესახებ საუბრისას განაცხადა.მინისტრმა აღნიშნა, რომ 2012 წლის შემდეგ, სიღარიბე მკვეთრად, 30 პროცენტზე მეტიდან 9.4 პროცენტამდე შემცირდა.„რაც შეიძლება მეტი რესურსი უნდა ჩაიდოს მეტი ეფექტის მოსატანად, რომ თითოეული თეთრის დანახარჯი ემსახურებოდეს საბოლოო ჯამში იმ მიზანს, რასაც ჰქვია ამ ხალხის ხელშეწყობა, რომ დაძლიონ სიღარიბე. დღემდე რომ ეს ეფექტურად მუშაობს, ეს არის ფაქტი იმიტომ, რომ ამ დანახარჯების ზრდასთან ერთად, ფაქტია, რომ პირდაპირ პროპორციულად კლებულობს უმუშევრობაც და სიღარიბეც. აქვე მინდა აღვნიშნო, რომ ითქვა, თითქოს პოლიტიკური მიზნით არჩევნების წინ მატულობს სოციალურად დაუცველთა მაჩვენებელი და ასე შემდეგ. თუკი კვალიფიციურად შევხედავთ რიცხვებს, თუკი გავითვალისწინებთ, რა რაოდენობის ზრდაზეა, რამდენი ოჯახით გაიზარდა, მაგალითად, ბოლო ხუთი წლის განმავლობაში ოჯახების რაოდენობა, მიხვდებით, რომ ამას არჩევნებისთვის, რაღაც დიადი მიზნებისთვის არავითარი კავშირი არ აქვს და არის უბრალოდ მტკნარი სიცრუე“, – განაცხადა მიხეილ სარჯველაძემ.მინისტრმა ხაზი გაუსვა, რომ კლებულობს უმუშევრობის მაჩვენებელიც და სახელმწიფო ამ მიმართულებით აქტიურად განაგრძობს მუშაობას.„ჩვენ კომპლექსურად ვუყურებთ ამ საკითხს, რომ სიღარიბის დაძლევა არის არა უბრალოდ დანახარჯების გაზომვა, არამედ ეს არის რეალურად იმის მიღწევა, რომ რაც შეიძლება მეტ ადამიანს, რომელსაც ამ დრომდე ჰქონდა პრობლემა, რომ გამკლავებოდა სიღარიბეს, გაუჩნდეს მეტი უნარი. ამ კუთხით მხარდაჭერის პროგრამა უბრალოდ ფულის გადახდით არ შემოიფარგლება. ამას სჭირდება მათ შორის უნარების განვითარება, რაზეც მუშაობს განათლების რეფორმაც და დასაქმების პროგრამები, რომელიც ჩვენი სამინისტროს ქვეშ საკმაოდ წარმატებულად ფუნქციონირებს. ხდება ჯაჭვის აწყობა, რომლითაც, პროფესიული განათლება აძლევს ადამიანებს მეტად განვითარების შესაძლებლობას“, – განაცხადა მიხეილ სარჯველაძემ.

ბავშვებში გავრცელებული სეზონური ვირუსი და რეკომენდაცია მშობლებს - იაშვილის სახელობის ბავშვთა ცენტრალური საავადმყოფოს სამედიცინო დირექტორმა ბრიფინგი გამართა.ივანე ჩხაიძის თქმით, თებერვალში გრიპის ვირუსის სეზონური მაჩვენებელი მომატებულია. მისი რეკომენდაციაა, მშობლებმა ყურადღება მიაქციონ სიმპტომებს და, საჭიროების შემთხვევაში, დროულად მიმართონ ექიმს."როდესაც ვსაუბრობთ სეზონურობაზე, მხედველობაში გვაქვს გრიპის და სხვა მწვავე რესპირაციული ვირუსული ინფექციების შემთხვევების მატება.თებერვლის მეორე კვირას, რესპირაციული ვირუსი გახდა ძირითადი ვირუსი სტაციონარშიც და მან გადააჭარბა გრიპის ვირუსით ინფიცირებულთა რაოდენობას, რაც აისახა კიდევ კლინიკურ გამოვლინებაში. ახლა, არა ფილტვის ანთება, არამედ ბრონქიოლიტი წარმოადგენს მომართვიანობის ერთ-ერთ მთავარ მიზეზს.ბავშვებში, გართულების ძირითადი მიზეზი არის ბრონქიოლიტი და ფილტვების ანთება, ხველა, ძლიერი თავის ტკივილი, ყელის ტკივილი, კუნთებისა და სახსრების ტკივილი, საკვებზე უარის თქმა, სისუსტე - ამ ყველაფრის უკან დგას გრიპის ვირუსი.5 წლამდე ასაკის ბავშვების შემთხვევაში, პირველი 48 საათის განმავლობაში დაწყებული ანტივირუსული თერაპია არის მაქსიმალურად ეფექტური. ამიტომ, ჩვენ ყოველთვის ვთხოვთ მშობლებს, მიმართონ ექიმს, რომელიც ბავშვის მდგომარეობას შეაფასებს," - აცხადებს მ. იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძე.

25 თებერვალს ევროპარლამენტის საგარეო საქმეთა კომიტეტში საქართველოს შესახებ ანგარიშს წარადგენენ, - ამის შესახებ კომიტეტის დღის წესრიგში წერია.ევროპარლამენტის საგარეო საქმეთა კომიტეტში ანგარიშს საქართველოზე ევროპარლამენტის მუდმივი მომხსენებელი, რასა იუკნევიჩიენე წარადგენს.პროექტის თანახმად, ანგარიში ასახავს ფაქტს, რომ „საქართველოში დემოკრატიული უკუსვლა კიდევ უფრო მეტად გაძლიერდა“.ანგარიშის პროექტში აღნიშნულია, რომ „ქართული ოცნება“ ევროკავშირის, ოფიციალური პირებისა და დიპლომატების წინააღმდეგ „სისტემატურ კამპანიას აგრძელებს“.„ეს არის მეორე ანგარიში საქართველოს, როგორც ევროკავშირის კანდიდატი ქვეყნის შესახებ, რომელიც საქართველოსთან დაკავშირებით კომისიის 2025 წლის ანგარიშს ითვალისწინებს. ანგარიში ასახავს ფაქტს, რომ საქართველოში დემოკრატიული უკუსვლა კიდევ უფრო მეტად გაძლიერდა. უკუსვლა ფიქსირდება ცხრავე პრიორიტეტის განხორციელებაში, რაც საქართველოსთვის კანდიდატის სტატუსის მინიჭების პირობას წარმოადგენდა. მმართველი პარტია „ქართული ოცნება“ ევროკავშირის, ოფიციალური პირებისა და დიპლომატების წინააღმდეგ თავის სისტემატურ კამპანიას აგრძელებს, მანიპულაციური ნარატივებით, დეზინფორმაციითა და შეთქმულების თეორიებით“, - ნათქვამია ანგარიშის პროექტში.ანგარიშის თანახმად, „საქართველოს სამოქალაქო საზოგადოებისა და დამოუკიდებელი მედიის საქმიანობა კიდევ უფრო მეტად რეპრესიული კანონმდებლობით ირღვევა, კერძოდ გრანტების შესახებ კანონში შეტანილი ბოლო ცვლილებებით“.„პოლიტიკური ოპონენტები დაკავებული არიან ან მუქარისა და ფიზიკური თავდასხმის წინაშე იმყოფებიან. ასობით სამოქალაქო საზოგადოების აქტივისტი ფიზიკური ძალადობისა და დაშინების მსხვერპლი გახდა, ათობით აქტივისტი კი პოლიტიკური ნიშნით დააკავეს“, - აღნიშნულია დოკუმენტში.ასევე, „ანგარიში მხარს უჭერს ევროკავშირისა და წევრი სახელმწიფოების მიზანმიმართულ სანქციებს „ქართული ოცნების“ ხელმძღვანელობისა და მთავარი თანამდებობის პირების წინააღმდეგ, ასევე, მიესალმება ეუთო-ს მოსკოვის მექანიზმის გააქტიურებას და ქართული დიპლომატიური და სამსახურებრივი პასპორტების მფლობელებისთვის უვიზო მიმოსვლის შეჩერების შესახებ ევროკავშირის გადაწყვეტილებას აღნიშნავს“.

"საქართველოში, ბოლო პერიოდში და განსაკუთრებით "ქართული ოცნების" ხელისუფლებაში მოსვლის შემდგომ, მკვეთრად გაუმჯობესდა სიღარიბის მაჩვენებლები და მოსახლეობაზე სოციალური ზრუნვა მკვეთრად გაიზარდა", - ამის შესახებ განცხადება საქართველოს ფინანსთა მინისტრის მოადგილე მიხეილ დუნდუამ "დებატების" ეთერში განაცხადა.მინისტრის მოადგილის განმარტებით, 540 000 ადამიანი გამოვიდა 12 წელიწადში უკიდურესი სიღარიბის მდგომარეობიდან, როდესაც წინა 9 წლიან პერიოდში, საკითხი პრაქტიკულად ადგილიდან არ დაძრულა."საქართველოში, ბოლო პერიოდში და განსაკუთრებით "ქართული ოცნების" ხელისუფლებაში მოსვლის შემდგომ, მკვეთრად გაუმჯობესდა სიღარიბის მაჩვენებლები და მოსახლეობაზე სოციალური ზრუნვა მკვეთრად გაიზარდა. ამასწინათ გამოქვეყნდა საერთაშორისო სავალუტო ფონდის ანგარიში, სადაც საქართველო 4 პარამეტრიდან 3 პარამეტრში საუკეთესო ქვეყნად დასახელდა რეგიონში. სოციალური დახმარების თვალსაზრისით, ეს არის სოციალური დახმარების ადეკვატურობა, ეფექტიანობა, მოცვა. ერთ-ერთი პარამეტრი - მიზნობრიობა, სადაც საშუალო პარამეტრი გვქონდა, გამომდინარე იქიდან, რომ მოცვის უფრო მაღალი ხარისხი ჰქონდა ქვეყანას ვიდრე მიზნობრივი სოციალური საჭიროებები და ამასთან დაკავშირებით იგეგმება სერიოზული ნაბიჯების გადადგმა.რაც შეეხება უკიდურესი სიღარიბის ზღვარს მიღმა მყოფი მოსახლეობის მდგომარეობას მისი გაზრდის თუ შემცირების მიმართულებით, ეს მაჩვენებელიც მკვეთრად არის შემცირებული, ამას მსოფლიო ბანკი ავრცელებს. მაგალითად: 2004 წელს, 21% იყო უკიდურესი სიღარიბის ზღვარს ქვემოთ მსოფლიო ბანკის მონაცემებით, 2012 წელს 19%, ხოლო ახლა, 2024 წლის მაჩვენებელი არის 4% ანუ 4-5-ჯერ შემცირდა მაჩვენებელი. 540 000 ადამიანი გამოვიდა 12 წელიწადში უკიდურესი სიღარიბის მდგომარეობიდან, როდესაც წინა 9 წლიან პერიოდში პრაქტიკულად არ დაძრულა ადგილიდან საკითხი. პრაქტიკულად არ მოგვარებულა არაფერი", - განაცხადა საქართველოს ფინანსთა მინისტრის მოადგილე მიხეილ დუნდუამ.