112 წლის თამარ ჩუბინიძეს იმერეთის გუბერნატორმა გივი ჭიჭინაძემ დედის დღე მიულოცა

25 აპრილს 40 დღე სრულდება ილია მეორის გარდაცვალებიდან, აღნიშნულთან დაკავშირებით საპატრიარქო ტახტის მოსაყდრე, მიტროპოლიტი შიო (მუჯირი) სიონის საპატრიარქო ტაძარში წირვას აღავლენს. ინფორმაციას ამის შესახებ საქართველოს საპატრიარქოს საზოგადოებასთან ურთიერთობის სამსახური ავრცელებს.„ხვალ, 25 აპრილს 40 დღე სრულდება უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, ილია II-ის გარდაცვალებიდან.ამასთან დაკავშირებით, საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) თბილისის სიონის საპატრიარქო ტაძარში მღვდელმთავრებთან და სხვა სასულიერო პირებთან ერთად აღავლენს წირვას, რომლის შემდეგაც მისი უწმინდესობის სულის მოსახსენებელ პანაშვიდს გადაიხდის.ღვთისმსახურება 10:00 საათზე დაიწყება“, – აღნიშნულია ინფორმაციაში.

,,დიპლომატიურ სამსახურში რომ შევედი, ერთმა გამოცდილმა დიპლომატმა სწავლის პროცესში მითხრა: „მსოფლიოში, სადაც დიპლომატი ცხოვრობს, სიტყვებს შეუძლია ისეთივე ღრმა გავლენა ჰქონდეს, როგორც ძალას.“ დიპლომატის ორი მთავარი კაპიტალია ისტორიული მეხსიერება და მნიშვნელოვანი სიტყვა. სწორედ ეს არის ის, რაც ბოლო თვეებში მსოფლიომ ვერ დაინახა დონალდ ტრამპის ქცევაში. მას არ გააჩნია კაცობრიობის ისტორიისა და ცივილიზაციის სათანადო აღქმა და ვერც სათანადო სიტყვების გამოყენებით დაიკვეხნის. შედეგად, მან საფრთხის ქვეშ დააყენა საკუთარი ქვეყნის ავტორიტეტი და ამერიკის სამხედრო ძალის სანდოობა. ამ გამოცდილებიდან გამომდინარე, ქვეყნები დღეს უფრო მეტი პასუხისმგებლობით უნდა მოეკიდონ სიტყვების გამოხატვას და ერთმანეთის მიმართ პატივისცემას. როდესაც ვსაუბრობთ ერებსა და ძველ ცივილიზაციებზე, უნდა გვახსოვდეს, რომ ისტორია, კულტურა და იდენტობა არ არის ის ცნებები, რომლებიც მუქარის ენით ან იარლიყების მიკვრით შეიძლება დასუსტდეს. ერები, რომლებსაც აქვთ ლიტერატურა, რწმენა, კულტურა და ისტორიული მეხსიერება, დროთა განმავლობაში ყოველთვის ახერხებდნენ სირთულეების გადალახვას და საკუთარი თავის განახლებას. კავკასია, მათ შორის საქართველო, ადამიანის ერთ-ერთი უძველესი საცხოვრებელი ადგილია, სადაც აღმოჩენილია ადრეული სოციალური ცხოვრების კვალი, მათ შორის დმანისის არქეოლოგიურ გათხრებისას. ეს მემკვიდრეობა არა მხოლოდ ერთი ერის სიამაყეა, არამედ მთელი კაცობრიობის საერთო საგანძურია. ურთიერთდაკავშირებულ სამყაროში მომავალი არ შენდება დაპირისპირებაზე ან შიშზე, არამედ დიალოგზე, ურთიერთგაგებასა და პატივისცემაზე. არცერთი ქვეყანა არ გაძლიერებულა სხვების დასუსტებით და არცერთი ცივილიზაცია არ ყოფილა უფრო მდგრადი სხვების უგულებელყოფით. საქართველო, როგორც კულტურებისა და გზების გადაკვეთის წერტილი, შეიძლება იქცეს ამ დიალოგის სიმბოლოდ — ხიდად აღმოსავლეთსა და დასავლეთს შორის. როდესაც დმანისის მუზეუმი დავათვალიერე, დავდექი იმ ადამიანის თავის ქალის წინ, რომელიც ასობით ათასი წლის წინ ცხოვრობდა. დმანისელი ადამიანი მომავალზე ფიქრობდა და გადარჩენისთვის იბრძოდა, ხოლო დღეს მისი შთამომავლები კავკასიაში კვლავ მომავალზე ფიქრობენ. თანამედროვე ქართველ საზოგადოებაში, მიუხედავად განსხვავებული პოლიტიკური და სოციალური შეხედულებებისა, იგრძნობა სწორედ ეს სიცოცხლისუნარიანი აზროვნება. ამიტომ საჭიროა პატივი ვცეთ მათ არჩევანს და მივცეთ შესაძლებლობა თავად განსაზღვრონ საკუთარი გზა. კავკასია პატარა, მაგრამ მნიშვნელოვანი გეოგრაფიული სივრცეა. აქ ისტორიის არაერთი გარდამტეხი მოვლენა მომხდარა. ამ სივრცის მრავალფეროვნება და რელიგიათა მშვიდობიანი თანაცხოვრება მართლაც სანიმუშოა. როდესაც ქართველ ინტელექტუალებთან ვსაუბრობ, ვხედავ ადამიანს, რომელიც აერთიანებს „აღმოსავლეთის სულს“ და „დასავლეთის გონებას“. კავკასია მხოლოდ სავაჭრო დერეფანი არ არის — ეს არის კულტურული და პოლიტიკური კავშირის სივრცე. გუშინ, წიგნის მსოფლიო დღეს, ირანის საელჩოში თბილისში მქონდა პატივი მასპინძლობა გამეწია ქართველი ანალიტიკოსებისთვის. ჩვენ საათნახევარზე მეტი ვისაუბრეთ, გავიხსენეთ წარსული, ვისაუბეთ შეცდომებსა და ვიმსჯელეთ მომავალზე. მათ გულწრფელი სიტყვები გამიზიარეს. მათი აზრები, კრიტიკა და წინადადებები უცვლელად გადავეცი თეირანს, რათა მეორე მხარესაც მოესმინა ეს ხმა. შევთანხმდით, რომ ისტორიაში იყვნენ მეფეები და ძალები, რომლებიც თავიანთი ამბიციური მიზნებით ერთმანეთს გვაშორებდნენ. თუმცა ამ ქვეყნად მათი სახელი და ხსოვნა არ დარჩენილა. ისინი წავიდნენ, თუმცა დარჩნენ ხალხები, რომლებიც ერთმანეთთან საუბრობენ. ხალხები, რომლებიც დმანისელი ადამიანის თავის ქალისა არ იყოს, მომავალზე და გადარჩენაზე ფიქრობენ. ისინი არ იყენებენ შეურაცხმყოფელ ენას. გუშინ ჩვენ ვისაუბრეთ სინერგიასა და თანაცხოვრებაზე, მივუსხედით საერთო სუფრას და ერთმანეთს აზრს ვუზიარებდით. გოჯამ, სოსომ, ხათუნამ, დიმიტრიმ, მამუკამ, თამარმა, ირაკლიმ, ნოდარმა, რამაზმა, დავითმა, თეამ და სხვებმა გულუხვად გამიზიარეს თავიანთი ცოდნა და გამოცდილება და ამით დიდად დამავალეს. მათ დამისვეს შეკითხვები ირანის შესახებ და თავად ისაუბრეს საქართველოზე. ჩემი გუშინდელი ჩანაწერები, წიგნის მსოფლიო დღის აღნიშვნისას, იქცა იმ ურთიერთობების წიგნის შესავლად, რომელიც თავიდან უნდა დაიწეროს. მათი თითოეული ნათქვამი — უკმაყოფილება, წინადადებები და ღირებული იდეები — უმცირესი ცვლილების გარეშე გადავეცი თეირანს, რათა კავკასიის მეორე მხარეს ირანულმა ელიტამაც მოისმინოს მათი თბილი ხმა და ამ საფუძვლით იფიქროს. ჩვენი პატარა საელჩო დიდი კავკასიის გულში არის ფანჯარა ამგვარი გაცვლა-გამოცვლისთვის — ღია ფანჯარა, გამგონი ყურით, რომელსაც სურს მოისმინოს და ისწავლოს. გმადლობთ თითოეულ თქვენგანს, ვინც ჩვენი მოწვევა მიიღეთ. თქვენი ნდობით აღსავსე, გულწრფელი სიტყვები ადრესატს გადავეცი. განურჩევლად იმისა, იქნებოდა ეს თუ არა კრიტიკული გამოსვლა თუ წინადადება, ტკივილი თუ სიხარული — თქვენი სიტყვები ჩემთვის ძვირფასი სადაფია, რომელიც მტკვარივით კასპიის ზღვისკენ მიედინება, რათა სამხრეთ სანაპიროზე გაიხსნას და თქვენი სიტყვის მარგალიტი ჩვენი აზროვნების სამკაულად იქცეს-''წერს ირანის ელჩი ალი მოჯანი

ირანის საგარეო საქმეთა მინისტრი აბას არაღჩი ოფიციალური ვიზიტით პაკისტანში, ომანსა და რუსეთში ჩავა. ინფორმაციას ამის შესახებ ირანული მედია ავრცელებს.როგორც მედია წერს, ვიზიტის მიზანი კონსულტაციების გამართვა და მიმდინარე მოვლენების განხილვაა.„ვიზიტის მიზანია ორმხრივი კონსულტაციების გამართვა და რეგიონში მიმდინარე მოვლენების, ასევე ირანის წინააღმდეგ შეერთებული შტატებისა და ისრაელის რეჟიმის მიერ წამოწყებული ომის ბოლოდროინდელი სიტუაციის განხილვა“, – აღნიშნულია ირანული მედიის მიერ გავრცელებულ ინფორმაციაში

24  აპრილს - პარასკევსდასავლეთ საქართველოში - დროგამოშვებით ღრუბლიანობის მომატება. ღამისა და დილის საათებში უმეტეს რაიონში ხანმოკლე წვიმა და ელჭექი,  ღამით მაღალმთაში ზოგან თოვლი, ზოგან ძლიერი. დასავლეთის ქარი 10-15მ/წმ. ჰაერის ტემპერატურა: დაბლობში ღამით +3, +8°, დღისით +11, +16°; მთაში ღამით +1, +6°, დღისით +9, +14°; მაღალმთაში ღამით -2, +3°, დღისით  +4, +9°.აღმოსავლეთ საქართველოში - დროგამოშვებით ღრუბლიანობის მომატება.  უმეტეს რაიონში  ხანმოკლე წვიმა და ელჭექი, შესაძლებელია ძლიერი და სეტყვა,  მაღალმთაში ზოგან თოვლი. დასავლეთის ქარი 10-15მ/წმ,  ზოგან ძლიერი 17-22მ/წმ. ჰაერის ტემპერატურა: ბარში ღამით +2, +7°, ზოგან +11°-მდე, დღისით +11, +16°, ზოგან +20°-მდე; მთაში ღამით +1, +6°, დღისით +8, +13°; მაღალმთაში ღამით -3, +2°, დღისით  +3, +8°.25  აპრილს - შაბათსდასავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი, ღამით მაღალმთაში ზოგან თოვლი. დასავლეთის ქარი 10-15მ/წმ. ჰაერის ტემპერატურა: დაბლობში ღამით +3, +8°, დღისით +16, +21°; მთაში ღამით +1, +6°, დღისით +9, +14°; მაღალმთაში ღამით  -2, +3°, დღისით  +4, +9°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი, ღამით მაღალმთაში ზოგან თოვლი. დასავლეთის ქარი 10-15მ/წმ, ზოგან ძლიერი 17-22მ/წმ. ჰაერის ტემპერატურა: ბარში ღამით +2, +7°, დღისით +15, +20°; მთაში ღამით -2, +3°, დღისით +12, +17°; მაღალმთაში ღამით -5, 0°, დღისით  +7, +12°.

საქართველოს ტექნიკური უნივერსიტეტის სტუდენტები, სტუ-ის სასწავლო პროცესების მართვის სამსახურის კარიერული განვითარების განყოფილების ორგანიზებით, „ნიკორა ტრეიდის“ ტალანტების მოზიდვისა და შერჩევის გუნდის წარმომადგენლებს შეხვდნენ. ამის შესახებ ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, შეხვედრის მიზანი სტუდენტებისთვის კომპანიის საქმიანობის, პროფესიული მიმართულებებისა და დასაქმების შესაძლებლობების გაცნობა იყო.ღონისძიების ფარგლებში „ნიკორა ტრეიდის“ შერჩევის გუნდის წევრებმა ახალგაზრდებს დეტალურად გააცნეს კომპანიის ის სფეროები, სადაც დასაქმება რეალურად არის შესაძლებელი, ასევე ისაუბრეს კარიერული განვითარების პერსპექტივებზე და იმ უნარებზე, რომლებიც თანამედროვე შრომის ბაზარზე წარმატების მისაღწევადაა საჭირო.საქართველოს ტექნიკური უნივერსიტეტის სასწავლო პროცესების მართვის სამსახურის კარიერული განვითარების განყოფილების ხელმძღვანელის თქმით, უნივერსიტეტი აქტიურად მუშაობს როგორც კერძო სექტორთან, ისე სხვადასხვა სახელმწიფო და საერთაშორისო ორგანიზაციასთან პარტნიორობის გაღრმავებაზე. როგორც ასოცირებული პროფესორი ნატო ქათამაძე აცხადებს, უნივერსიტეტის მიზანია კარიერული განვითარებისთვის სტუდენტებს მრავალფეროვანი არჩევანის საშუალება მისცეს სტაჟირების პროგრამებში ჩართვისა და სამუშაო პრაქტიკის მიღების მხრივ, ასევე, კარიერული სემინარებისა და ტრენინგების სახით.„საქართველოს ტექნიკურ უნივერსიტეტსა და ბიზნესსექტორს შორის თანამშრომლობა უმნიშვნელოვანესია სტუდენტების პროფესიული განვითარებისა და მათი შრომის ბაზარზე წარმატებული ინტეგრაციისთვის. მსგავსი ტიპის შეხვედრები ახალგაზრდებს აძლევს უნიკალურ შესაძლებლობას, უშუალოდ გაეცნონ იმ კომპანიების საქმიანობას, რომლებიც აქტიურად ოპერირებენ ქვეყნის ეკონომიკაში და უკეთ გააცნობიერონ შრომის ბაზრის რეალური მოთხოვნები.ასეთი ინიციატივები სტუდენტებს ეხმარება არა მხოლოდ კარიერული გზის განსაზღვრაში, არამედ საკუთარი ძლიერი მხარეების იდენტიფიცირებასა და იმ უნარების განვითარებაში, რომლებიც თანამედროვე დასაქმების გარემოში განსაკუთრებით მნიშვნელოვანია, იქნება ეს პროფესიული ცოდნა, პრაქტიკული გამოცდილება თუ კომუნიკაციური და გუნდური მუშაობის უნარები.უნივერსიტეტის კარიერული განვითარების განყოფილებისთვის პრიორიტეტია ახალგაზრდების მხარდაჭერა კარიერული ზრდის ყველა ეტაპზე. სწორედ ამიტომ, პარტნიორობის გასაღრმავებლად აქტიურად ვმუშაობთ როგორც კერძო სექტორთან, ისე სხვადასხვა ორგანიზაციასთან, რათა სტუდენტებს შევუქმნათ მეტი შესაძლებლობა პრაქტიკული გამოცდილების მიღებისთვის, დასაქმების პერსპექტივების გაფართოებისთვის. ჩვენი აზრით, მსგავსი შეხვედრები მნიშვნელოვან როლს ასრულებს სტუდენტების პროფესიული ორიენტაციის ჩამოყალიბების პროცესში. სწორედ ეს გვიქმნის მოტივაციას, რომ აქტიური მუშაობა მომავალშიც გავაგრძელოთ, რათა ახალგაზრდებმა სწავლის პროცესშივე შეძლონ კარიერული გზისა და წარმატებული მომავლის დაგეგმვა“, - აცხადებს ნატო ქათამაძე.სტუ-ის ინფორმაციით, „ნიკორა ტრეიდის“ წარმომადგენლებთან სტუდენტების შეხვედრა ინტერაქტიურ ფორმატში წარიმართა, რამაც ახალგაზრდებს საშუალება მისცა დისკუსიაში ჩართულიყვნენ და მათთვის საინტერესო თემებზე კითხვები დაესვათ. კომპანიის წარმომადგენლებმა მათ ამომწურავი პასუხები გასცეს, ასევე პრაქტიკული გამოცდილება გაუზიარეს.