11 სექტემბრის ტერაქტში ბრალდებულებთან საპროცესო შეთანხმება დაიდო – NYT

15 ივლისიდან თბილისიდან შანხაის მიმართულებით პირდაპირი ავიარეისების დაწყება ეკონომიკური თანამშრომლობის, ვაჭრობისა და ტურიზმის გააქტიურების ახალ შესაძლებლობებს ქმნის. ჩინეთის უდიდესი მეგაპოლისი, რომელიც ყოველდღიურად მილიონზე მეტ სტუმარს მასპინძლობს, მოგზაურებისთვის ერთ-ერთ ყველაზე პოპულარულ მიმართულებას წარმოადგენს.ქალაქის მნიშვნელობასა და ტურისტულ პოტენციალზე ჩინეთის ტურისტული სერვისების სათაო ოფისის წარმომადგენელმა ქსუნ ჟანმა ისაუბრა."შანხაის ერთ-ერთი მთავარი უპირატესობა ის არის, რომ ქალაქი საერთაშორისო ავიარეისების ერთ-ერთი ყველაზე დიდი ჰაბია ჩინეთში. აქ შეგიძლიათ მოინახულოთ 500 წელზე მეტი ხნის ისტორიის მქონე ბაღები, 400 წელზე ძველი ტაძრები და ამავე დროს, იხილოთ თანამედროვე ჩინეთის სიმბოლო - ცათამბჯენებით სავსე ქალაქი. სწორედ ისტორიისა და თანამედროვეობის უნიკალური შერწყმა აქცევს შანხაის ერთ-ერთ ყველაზე საინტერესო ქალაქად," - განაცხადა ქსუნ ჟანმა.შანხაიში ვიზიტორებს შესაძლებლობა აქვთ, ქვეყნის მდიდარი წარსული და სწრაფად მზარდი თანამედროვეობა ერთდროულად შეიგრძნონ.მოგზაურებისთვის ჩინეთის კულტურის გაცნობის მნიშვნელობაზე შანხაის ტურისტული კომპანიის წარმომადგენელმა იეჰუა ჩენმა გააკეთა განცხადება."თუ ჩინეთში ჩამოსვლას გეგმავთ, მე გირჩევდით, რომ ამ ქვეყნის შესწავლა შანხაით ან პეკინით დაიწყოთ. ჩინეთში ჩამოსვლისას, ყველას სურს მეტი გაიგოს ჩვენი ისტორიის შესახებ. შანხაის შედარებით ახალი ისტორია აქვს, თუმცა აქ ყველაფერი ყოველწლიურად ძალიან სწრაფად იცვლება. ბოლო 30 წლის განმავლობაში ქალაქი ძალიან შეიცვალა. შანხაიში შეგიძლიათ ერთდროულად დაინახოთ წარსული, თანამედროვეობა და მომავალი," - განაცხადა იეჰუა ჩენმა.

ეუთო-სთან თანამშრომლობა გაგრძელდება, თუმცა ამ თანამშრომლობის ხარისხი დამოკიდებული იქნება იმაზე, თუ როგორ განაგრძობს თავად ეუთო-ს საპარლამენტო ასამბლეა თავის საქმიანობას – დარჩება კვლავაც ჯო უილსონის დონეზე, თუ ამაღლდება ჯო უილსონის დონეზე ზემოთ, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მისი თქმით, ეს იქნება პრინციპულად მნიშვნელოვანი საკითხი საქართველოს დელეგაციისა და ეუთო-ს საპარლამენტო ასამბლეის თანამშრომლობისთვის.„ ვნახოთ, როგორ გაგრძელდება პროცესები. კიდევ ერთხელ გავიმეორებ, რომ თანამშრომლობის ხარისხი დამოკიდებული იქნება თავად ეუთო-ს საპარლამენტო ასამბლეის შემდგომ საქმიანობაზე“, – განაცხადა პრემიერმა.

საქართველოს წინააღმდეგ მიმართული კოორდინირებული კრიტიკის არაერთ ტალღას, რეალურად, არც დემოკრატიის ხარისხთან და არც ადამიანის უფლებებთან არავითარი კავშირი არ აქვს, „დიპ სთეითისთვის“ მთავარი პრობლემა მოქმედი ხელისუფლებაა, რომელიც არა არაფორმალური ოლიგარქიული გავლენების, არამედ ეროვნული ინტერესების შესაბამისად მოქმედებს, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მთავრობის მეთაურის თქმით, ამის მაგალითია ზოგიერთ პოსტსაბჭოთა ქვეყანაში ბოლო დროს ჩატარებული არჩევნები ან უკრაინაში ამ კუთხით არსებული რთული ვითარება, რადგან ევროპულ ბიუროკრატიას პრობლემა მხოლოდ საქართველოსთან აქვს, სხვა ქვეყნებში ჩატარებულ არჩევნებს კი, მრავალრიცხოვანი დარღვევების თუ დემოკრატიასთან შეუთავსებელი პროცესების მიუხედავად, უპრობლემოდ აღიარებენ.„რადგან არჩევნებზე ვსაუბრობთ, მიუხედავად იმისა, რომ სხვა ქვეყნის საქმეებში არ ვერევით, სამართლიანობისთვის აუცილებლად უნდა აღინიშნოს, რომ თუ ზოგიერთ პოსტსაბჭოთა ქვეყანაში ბოლო დროს ჩატარებულ არჩევნებს ან უკრაინაში ამ კუთხით არსებულ რთულ ვითარებას გადავხედავთ, იოლად დავრწმუნდებით, რომ არაფორმალურ ოლიგარქიულ გავლენებს დაქვემდებარებულ ევროპულ ბიუროკრატიას პრობლემა მხოლოდ საქართველოსთან აქვს, სხვა ქვეყნებში ჩატარებულ არჩევნებს კი, მრავალრიცხოვანი დარღვევების თუ დემოკრატიასთან შეუთავსებელი პროცესების მიუხედავად, ისინი უპრობლემოდ აღიარებენ.საგულისხმოა, რომ ევროპულ ბიუროკრატიას, საქართველოს მსგავსად, პრობლემები ჰქონდა უნგრეთთან, ვიდრე ქვეყანას ვიქტორ ორბანი მართავდა, აგრეთვე სლოვაკეთთან და სერბეთთან, ანუ ქვეყნებთან, ხელისუფლებებთან და ლიდერებთან, რომლებიც გამოკვეთილად ეროვნულ პოლიტიკას ატარებენ.ეს ყველაფერი ცხადყოფს, რომ საქართველოს წინააღმდეგ მიმართული კოორდინირებული კრიტიკის არაერთ ტალღას, რეალურად, არც დემოკრატიის ხარისხთან და არც ადამიანის უფლებებთან არავითარი კავშირი არ აქვს. „დიპ სტეიტისთვის“ მთავარი პრობლემა მოქმედი ხელისუფლებაა, რომელიც არა არაფორმალური ოლიგარქიული გავლენების, არამედ ეროვნული ინტერესების შესაბამისად მოქმედებს. ამიტომაა, რომ უკრაინაში ომის დაწყების დღიდან, საქართველო უსაფუძვლო კრიტიკისა და ცრუ ბრალდებების ქარცეცხლშია გახვეული.ამ ფონზე, ჩვენი თანამოქალაქეების გარკვეულ ნაწილს შეიძლება გაუჩნდეს ილუზია, რომ სხვა სახელმწიფოების მსგავსად, რომლებიც არაფორმალურ ოლიგარქიულ გავლენებს არიან დაქვემდებარებული, საქართველოც შეიძლება დაჰყვეს „დიპ სთეითის“ თამაშის წესებს და ამით, ერთხელ და სამუდამოდ დაასრულოს ის ტურბულენტობა, რომელშიც ჩვენს ქვეყანას ევროპული ბიუროკრატია ამყოფებს. ამ ილუზიის თავს მოხვევაა სწორედ არაფორმალური ოლიგარქიული ძალის მიზანი. ეს არის ილუზია, რომლის ვერშეცნობის ფასსაც დღემდე იხდიან ერთ დროს ყველაზე წარმატებული ევროპული სახელმწიფოები. ეს არის ფასი, რომელმაც ეს ქვეყნები ეკონომიკურ სტაგნაციამდე, იდენტობის მოშლამდე და უმძიმეს ღირებულებით კრიზისამდე მიიყვანა“, – განაცხადა პრემიერმა.

აზერბაიჯანის პრეზიდენტმა, ილჰამ ალიევმა განაცხადა, რომ ქვეყანა ევროპის საბჭოდან სრულად გასვლის შესაძლებლობას სერიოზულად განიხილავს. ამის შესახებ მან შუშაში, მეოთხე გლობალური მედიაფორუმის გახსნის ცერემონიაზე ისაუბრა.„2023 წელს ჩვენ, ჩვენი კანონიერი უფლების გამოყენებით, ოკუპაციისგან გავათავისუფლეთ ტერიტორიები, რომლებიც ჯერ კიდევ სეპარატისტების კონტროლის ქვეშ იმყოფებოდა. თუმცა აზერბაიჯანის დასასჯელად შესაბამისი რეზოლუციები მიიღეს“, – აღნიშნა ალიევმა.აზერბაიჯანის პრეზიდენტმა გაიხსენა, რომ 2024 წლის იანვარში ევროპის საბჭოს საპარლამენტო ასამბლეამ აზერბაიჯანის დელეგაციას უფლებამოსილება შეუჩერა და ხმის მიცემის უფლება ჩამოართვა. ალიევის თქმით, ეს გადაწყვეტილება ადამიანის უფლებებთან დაკავშირებული არ ყოფილა და სინამდვილეში აზერბაიჯანის ტერიტორიული მთლიანობის საკითხს უკავშირდებოდა. მისი განცხადებით, სწორედ ამიტომ აზერბაიჯანის დელეგაციამ ასამბლეის მუშაობაში მონაწილეობაზე უარი თქვა.„თუ ხმის მიცემის უფლება არ გვაქვს, იქ ყოფნას რა აზრი აქვს?“ – განაცხადა ალიევმა.აზერბაიჯანის პრეზიდენტმა ასევე აღნიშნა, რომ აზერბაიჯანს მონაწილეობა არ მიუღია ადამიანის უფლებათა ევროპული სასამართლოს მოსამართლეების არჩევაში, რის გამოც, მისი თქმით, ქვეყანა ამ სასამართლოს გადაწყვეტილებებს აღარ აღიარებს.„უკვე ორი წელია, დისკრიმინაციას ვაწყდებით. ღიად ვაცხადებ, რომ აზერბაიჯანი არა მხოლოდ წევრობის შეჩერებას ან გაყინვას, არამედ ევროპის საბჭოდან სრულ გასვლასაც განიხილავს“, – აღნიშნა აზერბაიჯანის პრეზიდენტმა.ალიევის განცხადებით, ევროპის საბჭოს გენერალურმა მდივანმა მას პირადად სთხოვა, ამ ნაბიჯისგან თავი შეეკავებინა და შექმნილი კრიზისიდან გამოსავლის მოძებნა ეცადა. აზერბაიჯანის პრეზიდენტის თქმით, თუ ევროპის საბჭო აზერბაიჯანის დელეგაციას ხმის მიცემის უფლებას აღუდგენს, ქვეყანა ორგანიზაციაში მუშაობას დაუბრუნდება. მისი შეფასებით, სწორედ ევროპის საბჭომ მიიღო „უსამართლო და არალეგიტიმური“ გადაწყვეტილება, ამიტომ შეცდომაც თავად უნდა გამოასწოროს.სიტყვის დასასრულს ალიევმა აღნიშნა, რომ თუ აზერბაიჯანი ორგანიზაციას საბოლოოდ დატოვებს, ამას პრაქტიკულად ვერავინ იგრძნობს, შესაძლოა, მდგომარეობა უკეთესიც კი გახდეს.„აქ ბევრი არაფერი შეიცვლება. შესაძლოა, მდგომარეობა უკეთესიც კი გახდეს. ჩვენ არ გვსურს კონფრონტაცია. აზერბაიჯანის მიმართ მიკერძოებული დამოკიდებულებაა და ჩვენ წინააღმდეგ წამოყენებული პრეტენზიები უსაფუძვლოა. ეს ჩვენი არჩევანი არ არის. ჩვენ 2001 წელს ევროპის საბჭოს ნებაყოფლობით შევუერთდით. მაშინ ვითარება სრულიად განსხვავებული იყო. ორგანიზაციაში დიდი მოლოდინებითა და იმედით შევედით, რომ ის ჩვენი მთავარი საკითხის – ყარაბაღის კონფლიქტის მოგვარებაში დაგვეხმარებოდა“, – აღნიშნა ალიევმა.

თბილისისა და ბათუმის საერთაშორისო აეროპორტების მმართველი კომპანია „ტავ ჯორჯია“ 150 მლნ ამერიკული დოლარის ინვესტიციას განახორციელებს, რომლის მეშვეობითაც, თბილისის საერთაშორისო აეროპორტის გამტარუნარიანობა გაორმაგდება და წელიწადში 5 მილიონი მგზავრიდან 10 მილიონამდე გაიზრდება, – ამის შესახებ ინფორმაციას „ტავ ჯორჯია“ ავრცელებს.მათივე ცნობით, აღნიშნული კომპანია თბილისისა და ბათუმის საერთაშორისო აეროპორტებს მართავს და წარმოადგენს ფრანგული საავიაციო გიგანტის, Groupe ADP-ის წევრის, TAV Airports-ის შვილობილ კომპანიას საქართველოში.„საინვესტიციო პროექტი ტერმინალისა და აეროდრომის ინფრასტრუქტურის გაფართოებას, თანამედროვე ტექნოლოგიური და ოპერაციული სისტემების მოდერნიზაციასა და მგზავრთა მომსახურების საერთაშორისო სტანდარტების კიდევ უფრო გაუმჯობესებას ითვალისწინებს. პროექტი 2026-2028 წლებში განხორციელდება და მისი დასრულების შემდეგ თბილისის საერთაშორისო აეროპორტის წლიური გამტარუნარიანობა 10 მილიონ მგზავრამდე გაიზრდება. ქვეყნის მთავარი აეროპორტის გაფართოების აუცილებლობა განპირობებულია ბოლო წლებში მგზავრთნაკადის დინამიკური ზრდით. 2025 წელს აეროპორტმა რეკორდული რაოდენობის – 5,4 მილიონზე მეტ მგზავრს მოემსახურა, რის შედეგადაც არსებული საპროექტო გამტარუნარიანობა პრაქტიკულად სრულად იქნა ათვისებული.აეროპორტის გაფართოება წარმოადგენს აუცილებელ ნაბიჯს მზარდი მოთხოვნის დასაკმაყოფილებლად, მომსახურების მაღალი ხარისხის შესანარჩუნებლად და ქვეყნის საავიაციო სექტორის შემდგომი განვითარებისთვის საჭირო ინფრასტრუქტურის შესაქმნელად. პროექტის ფარგლებში:• გაორმაგდება მგზავრთა ჩასხდომის ხიდების რაოდენობა და 10-მდე გაიზრდება;• მოეწყობა საჰაერო ხომალდების შვიდი ახალი დისტანციური სადგომი;• ტერმინალს დაემატება ცხრა ახალი სარეგისტრაციო დახლი;• გაფართოვდება საპასპორტო კონტროლის ზონა და მოეწყობა 24 საპასპორტო კონტროლის პუნქტი;• დაემატება ორი ახალი საბარგო ლენტი;• განახლდება არსებული სამგზავრო სივრცეები და შეიქმნება ახალი სავაჭრო, კვების და ბიზნეს-ლაუნჯის სივრცეები, სადაც განსაკუთრებული აქცენტი ქართული სამზარეულოსა და ადგილობრივი პროდუქციის პოპულარიზაციაზე გაკეთდება;• გაიზრდება ტერმინალის მიმდებარე ავტოსადგომის რაოდენობა.პროექტის განხორციელების შედეგად მნიშვნელოვნად გაიზრდება თბილისის საერთაშორისო აეროპორტის საოპერაციო შესაძლებლობები, გაუმჯობესდება მომსახურების ხარისხი, შეიქმნება უფრო თანამედროვე, უსაფრთხო და კომფორტული გარემო მგზავრებისთვის და შესაძლებელი გახდება მზარდი საერთაშორისო მგზავრთნაკადის ეფექტიანი მომსახურება.პროექტი ხორციელდება ეკონომიკისა და მდგრადი განვითარების სამინისტროს შპს „საქართველოს აეროპორტების გაერთიანების“ (UAG) და „ტავ ჯორჯიას“ შორის 2025 წლის 15 იანვარს გაფორმებული შეთანხმების ფარგლებში. შეთანხმების შედეგად, თბილისის საერთაშორისო აეროპორტში ,,ტავ ჯორჯიას“კონცესიის ვადა 2032 წლამდე გაუგრძელდა, ხოლო კომპანიამ აიღო თბილისის საერთაშორისო აეროპორტის გამტარუნარიანობის გაორმაგებისა და 150 მილიონ აშშ დოლარზე მეტი მოცულობის საინვესტიციო პროგრამის განხორციელების ვალდებულება.ხელშეკრულების შესაბამისად, „საქართველოს აეროპორტების გაერთიანებამ“ უკვე მიიღო 25 მილიონი აშშ დოლარის ოდენობის ერთჯერადი საავანსო გადახდა (Upfront Fee). ამასთან, პროექტის დასრულების შემდეგ თბილისის საერთაშორისო აეროპორტიდან „საქართველოს აეროპორტების გაერთიანების“ წლიური შემოსავალი, არსებულ მაჩვენებელთან შედარებით, დაახლოებით სამჯერ გაიზრდება. შეთანხმება ასევე ითვალისწინებს აეროპორტის მმართველი კომპანიის მიერ ავიაკომპანიების მარკეტინგული მხარდაჭერის პროგრამის დაფინანსებას, რაც ხელს შეუწყობს ახალი ავიამიმართულებების განვითარებას, საერთაშორისო ავიაკომპანიების მოზიდვასა და საქართველოს საერთაშორისო საჰაერო დაკავშირებადობის კიდევ უფრო გაძლიერებას.„ტავ ჯორჯია“ არის Groupe ADP-ის წევრი TAV Airports-ის შვილობილი კომპანია, რომელიც საქართველოში 2005 წლიდან ოპერირებს და უკვე 20 წელზე მეტია მართავს თბილისისა და ბათუმის საერთაშორისო აეროპორტებს. ამ პერიოდის განმავლობაში კომპანიამ საქართველოში არაერთი მსხვილი ინფრასტრუქტურული პროექტი განახორციელა, რომლის ჯამური მოცულობა 250 მლნ აშშ დოლარს შეადგენს და დღეს საქართველოს საავიაციო სექტორში ერთ-ერთი უმსხვილესი დამსაქმებელია. თბილისის საერთაშორისო აეროპორტის გაფართოების პროექტი საქართველოს ავიაციის განვითარების ერთ-ერთი ყველაზე მასშტაბური საინვესტიციო პროექტია, რომელიც მნიშვნელოვნად გააძლიერებს ქვეყნის საერთაშორისო დაკავშირებადობას, გაზრდის საქართველოს ტურისტულ და სატრანზიტო პოტენციალს, ხელს შეუწყობს ახალი ავიაკომპანიებისა და ავიამიმართულებების შემოსვლას და შექმნის მყარ საფუძველს ქვეყნის მთავარი საერთაშორისო აეროპორტის გრძელვადიანი განვითარებისთვის“, – აღნიშნულია ინფორმაციაში.