10 დაღუპული და 200-მდე დაშავებული, მაშველები დაბომბილ შენობებში ადამიანებს ისევ ეძებენ – ბოლო ცნობები ისრაელიდან

საქართველოს ძიუდოისტთა ნაკრების წევრი ეთერ ლიპარტელიანი უნგრეთის დედაქალაქ ბუდაპეშტში მიმდინარე მსოფლიო ჩემპიონატის გამარჯვებულია.ქალთა შორის 57 კგ წონითი კატეგორიის ფინალში 25 წლის ძიუდოისტმა იაპონელი მომო ტამაოკი იპონით დაამარცხა და პირველი ქართველი ქალი ძიუდოისტია, ვინც მსოფლიო ჩემპიონის ტიტულს დაეუფლა.დღეს ტურნირზე გამომსვლელი ორი ქართველი, ლაშა შავდათუაშვილი (73კგ) და ნინო ლოლაძე (57კგ) ადრეულ ეტაპზე დამარცხდნენ და მსოფლიო პირველობა უმედლოდ დაასრულეს.შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო და დღემდე საქართველოს ნაკრები მედლის გარეშე იყო.

თურქეთში, აქსარაის პროვინციაში, ორი საჰაერო ბურთის ჩამოვარდნის შედეგად, ერთი ადამიანი დაიღუპა და 31 დაშავდა. ინფორმაციას euronews-ი ავრცელებს.მედიის ცნობით, დაღუპული ერთ-ერთი საჰაერო ბურთის პილოტია. საჰაერო ბურთები იჰლარას ხეობიდან აფრინდნენ და ტურისტულ ფრენას ახორციელებდნენ, როდესაც სოფელ გოზლუკუიუსთან ჩამოვარდნენ.აქსარაის გუბერნატორის მეჰმედ ალი კუმბუზოღლუს განმარტებით, საჰაერო ბურთების ჩამოვარდნა, სავარაუდოდ, ქარის მკვეთრმა გაძლიერებამ გამოიწვია. მისი თქმით, ტურისტების ჯანმრთელობას საფრთხე არ ემუქრება."სამწუხაროდ, ჩვენი მფრინავი გარდაიცვალა, რადგან კალათის ქვეშ გაიჭედა. ჩვენი ტურისტები კარგ მდგომარეობაში არიან, ისინი სასწრაფო დახმარების მანქანით გადავიყვანეთ საავადმყოფოში, მათი გამოკვლევა გრძელდება", - განაცხადა გუბერნატორმა.საჰაერო ბურთების ვარდნის შედეგად, დაშავებულია 19 ინდონეზიელი და 12 ინდოელი ტურისტი.

ირანმა და ისრაელმა უნდა დადონ შეთანხმება და დადებენ, ზუსტად ისე, როგორც ინდოეთსა და პაკისტანს დავადებინე, იმ შემთხვევაში ეს მოხდა აშშ-სთან ვაჭრობის გამოყენებით, რათა მიგვეცა მიზეზი და საღი გონება მოლაპარაკებებისთვის იმ ორი შესანიშნავი ლიდერის მონაწილეობით, რომლებმაც სწრაფად მიიღეს გადაწყვეტილება და ყველაფერი შეწყვიტეს, – ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.როგორც ტრამპი აღნიშნავს, მისი ჩარევის შედეგად, ისრაელსა და ირანს შორის მალე მშვიდობა იქნება.„ჩემი პირველი ვადის დროს, სერბეთი და კოსოვო ებრძოდნენ ერთმანეთს, როგორც ეს ათწლეულებია, ხდება და ამ ხანგრძლივ კონფლიქტს უკვე ომში გადაზრდა ემუქრებოდა. მე ეს შევაჩერე! (ბაიდენმა გააფუჭა გრძელვადიანი პერსპექტივები ძალიან სულელური გადაწყვეტილებებით, მაგრამ მე ამას ისევ გამოვასწორებ!). კიდევ ერთი საკითხია ეგვიპტე და ეთიოპია და მათი დაპირისპირება დიდ კაშხალთან დაკავშირებით, რაც დიდ გავლენას ახდენს მშვენიერ ნილოსის მდინარეზე. ახლა მშვიდობაა, ჩემი ჩარევით და ასე გაგრძელდება! იგივე მოხდება ისრაელსა და ირანს შორის, მალე მშვიდობა იქნება! ახლა უამრავი ზარი და შეხვედრა მიმდინარეობს. ბევრს რამეს ვაკეთებ და არ ველოდები დიდ ყურადღებას ან მადლობას, მაგრამ ეს არაფერია, ხალხმა იცის, რაც ხდება. გავხადოთ ახლო აღმოსავლეთი კვლავ დიდებული!“, – წერს დონალდ ტრამპი.

„სოციალური კვლევისა და ანალიზის ინსტიტუტის“ (ISSA) კვლევის თანახმად, საქართველოს მოსახლეობის უმრავლესობა (53%) ემხრობა, რომ ხელისუფლების წინააღმდეგ მიმართული პროტესტი გაგრძელდეს, ხოლო მესამედი (32%) ამ მოთხოვნაში კატეგორიულია.კვლევის მიხედვით, რეგიონებში პროტესტის გაგრძელების მომხრეთა წილი (46.5%) აჭარბებს მოწინააღმდეგეთა წილს (36.5%), თუმცა კატეგორიულად მომხრეთა და მოწინააღმდეგეთა წილები თითქმის იდენტურია.სოციალური კვლევისა და ანალიზის ინსტიტუტმა (ISSA) რაოდენობრივი ტიპის კვლევა 2025 წლის 5-20 მაისის შუალედში ჩაატარა, რომელიც საქართველოს სრულწლოვანი მოსახლეობის 2000 რესპონდენტს დაეყრდნო. გამოყენებულია პირისპირი ინტერვიუს მეთოდი. რესპონდენტებთან შედგა პირისპირ ინტერვიუ. რაც შეეხება შერჩევის ცდომილებას, განსაზღვრულია ±2.2% მთლიანი შერჩევისთვის, 95%-იანი სანდოობით. მონაცემების შეწონვა მოხდა დემოგრაფიული ცვლადების (სქესი, ასაკი, განათლების დონე, რეგიონები, ქალაქი/სოფელი), აგრეთვე, 2024 წლის საპარლამენტო არჩევნების შედეგების გათვალისწინებით. კვლევა სოციალური კვლევისა და ანალიზის ინსტიტუტმა (ISSA), ამერიკულ ორგანიზაცია Rosner Research LLC - თან თანამშრომლობით განახორციელა.

ინდოეთში, მაჰარაშტრაშის შტატში, ქალაქ პუნაში ხიდის ჩამონგრევას სულ მცირე 2 ადამიანი ემსხვერპლა, კიდევ რამდენიმე კი დაკარგულად ითვლება. რკინის ხიდის ნგრევის მიზეზი სავარაუდოდ, წყალდიდობა გახდა, რომელიც ძლიერ წვიმას მოჰყვა.ადგილზე სამძებრო-სამაშველო სამუშაოები მიმდინარეობს.