10 ადამიანი დაშავდა გუდაურში საბაგიროს ავარიულად გაჩერების გამო ვიდეო

მედიის ცნობით, ახლო აღმოსავლეთის საკითხებში ჩინეთის მთავრობის სპეციალური წარმომადგენელი ზაი ჯუნი საუდის არაბეთში ჩავიდა, რათა სპარსეთის ყურის რეგიონში სტაბილურობის შენარჩუნების მიზნით შუამავლის როლი შეასრულოს.მისი თქმით, პეკინი მზადაა, ერ-რიადთან ითანამშრომლოს, რათა „გაატაროს დაუღალავი ძალისხმევა სპარსეთის ყურის რეგიონში მშვიდობისა და სტაბილურობის შესანარჩუნებლად“.„ბიბისის“ ცნობით, ზაი ჯუნი, რომელმაც ჩინეთი მოიხსენია „საუდის არაბეთის კარგ მეგობრად და პარტნიორად“, მოლაპარაკებებს მართავს საუდის არაბეთის საგარეო საქმეთა მინისტრთან, ფეისალ ბინ ფარჰან ალ საუდსა და სპარსეთის ყურის თანამშრომლობის საბჭოს (GCC) გენერალურ მდივანთან, ჯასემ ალ-ბუდაივისთან.ზაი ჯუნმა ასევე გაიმეორა პეკინის მოწოდება და აღნიშნა, რომ სამხედრო ოპერაციები დაუყოვნებლივ უნდა შეწყდეს.

აშშ-ის პრეზიდენტი დონალდ ტრამპი აცხადებს, რომ ირანის უზენაეს ლიდერად მოჯთაბა ხამენეის დანიშვნით უკმაყოფილოა. ამის შესახებ დონალდ ტრამპმა Fox News-ს განუცხადა.ტელევიზიის წამყვანის, ბრაიან კილმიდის განცხადებით, ის აღნიშნულ საკითხზე აშშ-ის პრეზიდენტს ესაუბრა, რაზეც ტრამპმა უპასუხა: „მე უკმაყოფილო ვარ“.ცნობისთვის, ირანის ყოფილი უზენაესი ლიდერის, აიათოლა ალი ხამენეის ვაჟი მოჯთაბა მის შემცვლელად დანიშნეს. მედიის ცნობით, 56 წლის მოჯთაბა ხამენეი ირანის უზენაესი სულიერი ლიდერის თანამდებობაზე ექსპერტთა ასამბლეის წევრებმა აირჩიეს.ისრაელის უსაფრთხოების სამსახურები მიიჩნევენ, რომ აიათოლა ალი ხამენეის ვაჟი მოჯთაბა ხამენეი, შესაძლოა, გასულ კვირას განხორციელებული ავიაიერიშის შედეგად დაჭრილი იყოს.

აშშ-ის პრეზიდენტი დონალდ ტრამპი აცხადებს, რომ ირანთან ომის დასრულების შესახებ გადაწყვეტილება ორმხრივი იქნება და მას ისრაელის პრემიერ-მინისტრთან, ბენიამინ ნეთანიაჰუსთან ერთად მიიღებს.აშშ-ის პრეზიდენტმა Times of Israel-ს განუცხადა, რომ ირანი ისრაელის განადგურებას აპირებდა და ის მან და ბენიამინ ნეთანიაჰუმ იხსნეს.„ირანი აპირებდა ისრაელის და მის გარშემო ყველაფრის განადგურებას. ჩვენ ერთად ვიმუშავეთ. გავანადგურეთ ქვეყანა, რომელსაც ისრაელის განადგურება სურდა“, – აღნიშნა ტრამპმა.კითხვაზე, შეძლებდა თუ არა ისრაელი ირანის წინააღმდეგ ომის გაგრძელებას, თუ აშშ გადაწყვეტდა თავდასხმების შეწყვეტას, ტრამპმა უარი თქვა ამ შესაძლებლობის განხილვაზე და აღნიშნა, რომ ეს საჭირო არ იქნება.როდესაც მას მოჯთაბა ხამენეის ქვეყნის ახალ უზენაეს ლიდერად დანიშვნის შესახებ ჰკითხეს, ტრამპმა ასევე უარი თქვა კომენტარის გაკეთებაზე და აღნიშნა: „ვნახოთ, რა მოხდება“.

რეჟიმი დროს წელავს. ვხედავთ, ამდენი თვეა, ფეხს ითრევს პარტიების აკრძალვაზე, იმის მიუხედავად, რომ პარლამენტის კომისია ამისთვის შექმნეს. ხვდებიან, რომ ახლა ისეთ პოლიტიკურ ფორმაში არ არიან, მორიგი რეპრესიული ნაბიჯი განახორციელონ, – ამის შესახებ „ნაციონალური მოძრაობის“ თავმჯდომარემ, თინა ბოკუჩავამ განაცხადა.ბოკუჩავას თქმით, „იციან, რომ ძალიან მძიმე შედეგები იქნება, განსაკუთრებით საერთაშორისო პარტნიორების მხრიდან, რადგან ეს ერთგვარი წითელი ხაზია და ოფიციალურად ნიშნავს ქვეყანაში ერთპარტიული დიქტატურის გაფორმებას“.„ამავდროულად, დღევანდელი განცხადება ნამდვილად ასახავს იმ შიშს, რომელიც რეჟიმს აქვს ოპოზიციური გაერთიანებების მიმართ. დღეს ოპოზიციის ალიანსი არის ყველაზე ქმედითი ოპოზიციური ერთობა, რაც კი შექმნილა ბოლო პერიოდის მანძილზე და ეს განცხადება ამასაც უკავშირდება. ორი ფაქტორია – ერთი არის რეჟიმის შიში ოპოზიციური ერთიანობის მიმართ და მეორე, ისინი ცდილობენ, დრო მოიგონ. ტექნიკურად მოუწევთ ამ სარჩელის გამოტანა და ახლის შეტანა, თუ ახალი პარტიების დამატებას მართლაც გეგმავენ“, – განაცხადა თინა ბოკუჩავამ.ცნობისთვის, საქართველოს პრემიერ-მინისტრმა, ირაკლი კობახიძემ დღეს განაცხადა: „ალბათ მოგვიწევს საკონსტიტუციო სასამართლოში შეტანილი სარჩელის კორექტირება, დაგვჭირდება პარტიების დასახელებათა შეცვლა ან დამატება“.შეგახსენებთ, საკონსტიტუციო სასამართლოში წარდგენილია სარჩელი, სადაც მოთხოვნილია „ნაციონალური მოძრაობის“, „კოალიცია ცვლილებისთვის“ და „ძლიერი საქართველო – ლელოს“ საქმიანობის არაკონსტიტუციურად ცნობა და აკრძალვა.

გამოსვლას დავიწყებ მილოცვით და იმ წარმატების აღნიშვნით, რაც ჩვენმა გუნდმა მოიპოვა ზამთრის ოლიმპიადაზე, რომელიც მართლაც გამორჩეულად სასიხარულო აღმოჩნდა. საქართველოსთვის სპორტული გამარჯვებები და მაღალი მიღწევები უცხო არ არის და ჩვენ თითოეული შეჯიბრიდან თუ ტურნირიდან ყოველწლიურად მაქსიმალურ შედეგს ველოდებით, – ამის შესახებ საქართველოს პარლამენტის თავმჯდომარემ, შალვა პაპუაშვილმა ფიგურულ მოციგურავეთა ეროვნული ნაკრების წევრებისა და საქართველოს ფიგურული ციგურაობის ფედერაციის წარმომადგენლების დაჯილდოების ღონისძიებაზე სიტყვით გამოსვლისას განაცხადა.პარლამენტის თავმჯდომარის თქმით, თითოეული ნაბიჯი და მიღწევა სპორტში უმძიმეს ძალისხმევას, ყოველდღიურ შრომას უკავშირდება.„ქართველები მაქსიმალისტები ვართ, გვინდა, მეტს მივაღწიოთ, საუკეთესოები ვიყოთ, მუდამ გვწყურია გამარჯვება. ეს ადვილი არ არის. ძნელი და რთულია, უპასუხო გულშემატკივრის ასეთ მოთხოვნას, რადგან თითოეული ნაბიჯი, მიღწევა სპორტში უმძიმეს ძალისხმევას და ყოველდღიურ, მუხლჩაუხრელ შრომას უკავშირდება.მეორე მხრივ კი, ეს მხარდაჭერა, გულშემატკივრის სიყვარული და ენერგია იძლევა იმ ძალას და მოტივაციას, რაც სპორტსმენს მიზნისკენ სვლაში ეხმარება.წლების წინ არსებობდა სპორტის რამდენიმე პოპულარული სახეობა, რასაც მაყურებელი და გულშემატკივარი ჰყავდა და ბევრი სახეობა გულშემატკივართა მხოლოდ ვიწრო ჯგუფის მხარდაჭერით სარგებლობდა. დღეს ეს ვითარება სრულად შეიცვალა.ჩვენ დღეს ვხედავთ ქართული სპორტის, ქართული დროშის ერთიან და უპირობო მხარდაჭერას. ჩვენ დღეს ვხედავთ უპრეცედენტო აღმაფრენას ნებისმიერი სახეობის მიმართ, სადაც კი ქართული დროშა ფრიალებს და ქართული ჰიმნი ისმის. ეს ჩვენი სახელმწიფოს სიძლიერესა და თვითშეგნებაზე მეტყველებს.ამ ყველაფრის გამოხატულებაა საქართველოს ფიგურულ მოციგურავეთა ეროვნული ნაკრები, რომელსაც, მის ფედერაციასთან ერთად, ვულოცავ ზამთრის ოლიმპიადაზე მიღწეულ შედეგს და ქართულ სპორტში შეტანილი წვლილისთვის ვუხდი მადლობას. მადლობა კიდევ ერთხელ და გილოცავთ მიღებულ ჯილდოებს“, – აღნიშნა შალვა პაპუაშვილმა.საქართველოს პრეზიდენტმა, პრემიერ-მინისტრისა და პარლამენტის თავმჯდომარის წარდგინებით, საქართველოს ფიგურულ მოციგურავეთა ეროვნული ნაკრების წევრები და საქართველოს ფიგურული ციგურაობის ფედერაციის წარმომადგენლები ღირსების ორდენებით დააჯილდოვა.