📽️„სააკაშვილი მიივიწყეს, ყველა პოლიტიკურმა ლიდერმა მიხეილ სააკაშვილი უნდა მოიაზროს მათ გვერდით…“ – მურმან დუმბაძე

აშშ-ის სახელმწიფო მდივანი მარკო რუბიო აცხადებს, რომ უკრაინისთვის რთული იქნება რუსების დაბრუნება იმ ტერიტორიებზე, სადაც ისინი 2014 წელს იყვნენ. ამის შესახებ მარკო რუბიომ ჟურნალისტებთან განაცხადა.რუბიოს თქმით, ამ ომის დასასრულებლად დათმობებზე წასვლა ორივე მხარეს მოუწევს.„ვფიქრობ, ორივე მხარემ უნდა გაიგოს, რომ ამ ვითარების სამხედრო გადაწყვეტა არ არსებობს. რუსებს არ შეუძლიათ, დაიპყრონ მთელი უკრაინა და აშკარაა, რომ უკრაინისთვის ძალიან რთული იქნება ნებისმიერი გონივრული დროის პერიოდში აიძულოს რუსები, დაბრუნდნენ უკან იქ, სადაც ისინი 2014 წელს იყვნენ“, – აღნიშნა აშშ-ის სახელმწიფო მდივანმა.რუბიომ ასევე აღნიშნა, რომ აუცილებელი იქნება რუსეთთან მომავალ მოლაპარაკებებში იმის განსაზღვრა, თუ რისი დათმობა სურთ მათ.

უკრაინის პრეზიდენტი ვოლოდიმირ ზელენსკი აცხადებს, რომ მშვიდობა უკრაინისა და პარტნიორების საერთო მიზანია. ამის შესახებ ზელენსკი სოციალურ ქსელში წერს.„ძლიერი პოზიციები წინა ხაზზე და ძლიერი დიპლომატია უნდა მუშაობდეს ერთად სამართლიანი და ხანგრძლივი მშვიდობის მისაღწევად. აშშ-ის ლიდერობითა და მთელ ევროპასთან თანამშრომლობით, ეს აბსოლუტურად მიღწევადია. მშვიდობა ჩვენი საერთო მიზანია“, – აცხადებს ზელენსკი.უკრაინის პრეზიდენტმა ხაზი გაუსვა ევროპულ ძალისხმევას უკრაინის მხარდაჭერის გაზრდის მიზნით ბოლო კვირების განმავლობაში, რაც მოიცავს ახალ თავდაცვით პაკეტებს, გაძლიერებულ საჰაერო თავდაცვას და კიდევ უფრო მეტ ინვესტიციას უკრაინის თავდაცვის მრეწველობაში.უკრაინის ლიდერმა კიდევ ერთხელ გამოხატა მისი ქვეყნის მადლიერება ყველა პარტნიორის მიმართ, რომლებიც მუშაობენ მშვიდობის მისაღწევად.ზელენსკი საუდის არაბეთში იმყოფება. 11 მარტს ამერიკისა და უკრაინის დელეგაციები შეხვედრას გამართავენ, თუმცა, როგორც „სიენენი“ წერს, ზელენსკი შეხვედრას არ დაესწრება.

ქართველი მსახიობი ნანუკა სტამბოლიშვილი თურქულ სერიალ Emanet-ში მთავარ როლს ასრულებს. მსახიობმა, რომელმაც არა მხოლოდ თურქეთის, არამედ ქართველ მაყურებლის დიდი სიყვარული მოიპოვა, გადაცემაში „კულინარიული დუელი“ მისი თურქეთში სამსახიობო კარიერის დასაწყისზე ისაუბრა.„რეჟისორმა ინსტაგრამზე მიპოვა, აქედან მოხდა ჩვენი გაცნობა და შემდეგ უკვე მიმიწვიეს. თურქული ენა გადაღებების პროცესში ვისწავლე, პირველი სეზონის დასასრულს უკვე თავისუფლად ვლაპარაკობდი თურქულად.მანამდე კი ძალიან გამიჭირდა.. გადაღებების დროს ერთადერთი ვიყავი, ვინც თურქული არ იცოდა, არც თარჯიმანი მყავდა“, – ამბობს ნანუკა სტამბოლიშვილი.წამყვანის კითხვაზე, თურქეთში ყოფნისას გრძნობს თუ არა, რომ ვარსკვლავია, ნანუკა პასუხობს: „კი, თურქები ისეთივე თბილები არიან, როგორც ჩვენ, ქართველები“.

ალბანეთის დედაქალაქ ტირანაში მიმდინარე 23-წლამდელთა ევროპის ჩემპიონატზე თავისუფალ ჭიდაობაში დასკვნით დღეს მედლები ხუთ წონით კატეგორიაში (61, 74, 86, 92 და 125 კგ) გათამაშდა.კონტინენტის პირველობის ფინალურ ბლოკში საქართველოს ნაკრების წევრმა, ლუკა ჩხიტუნიძემ (74 კგ) უკრაინელი ოლინიკი დაამარცხა და ჩვენს გუნდს ტურნირზე მეორე მედალი მოუტანა. მესამე ადგილისთვის იჭიდავა სანდრო ყურაშვილმაც (92 კგ), მაგრამ იგი აზერბაიჯანელ ფალავანთან დამარცხდა.შეგახსენებთ, რომ დღემდე ევროპის ჩემპიონატზე ჩვენს მოჭიდავეებს მხოლოდ ერთი მედალი ჰქონდათ მოპოვებული – ნიკა ზანგალაძე (57 კგ) ტურნირის ვიცე-ჩემპიონი გახდა.ხვალიდან, 12 მარტიდან, ევროპის 23-წლამდელთა ჩემპიონატზე გამოსვლას ბერძნულ-რომაული სტილით მოჭიდავეები დაიწყებენ.

თბილისში, ვაზისუბანში, მესამე მიკრო-რაიონში მომხდარ უბედურ შემთხვევას ახალგაზრდა ბიჭის სიცოცხლე ემსხვერპლა. გარდაცვლილი 28 წლის ნიკა მატკავაა.როგორც ახლობლები ამბობენ, ის სავარაუდოდ, გაზის გაჟონვის შედეგად გარდაიცვალა. გარდაცვლილი ახალგაზრდა, მორაგბე ლუკა მატკავას ძმაა.ნიკა მატკავას ტრაგიკულ დაღუპვას ეხმიანება რაგბის კავშირი და მორაგბე ლუკა მატკავას თანაუგრძნობს:„საქართველოს რაგბის კავშირი და სრულიად ქართული სარაგბო თემი ღრმა მწუხარებას გამოთქვამს ბორჯღალოსნებისა და „შავი ლომის“ წევრის, ლუკა მატკავას ძმის, ნიკა მატკავას ტრაგიკულად დაღუპვის გამო, თანაუგრძნობს მის ოჯახს და ახლობლებს“,- ნათქვამია სამძიმრის წერილში.