🇦🇹 ევროვიზიის სიმღერის კონკურსის გამარჯვებული ავსტრიის წარმომადგენელი 25 წლის JJ გახდა, სიმღერით Wasted Love.

UFC-ს ქართველმა მებრძოლმა, ილია თოფურიამ ესპანეთში პრესკონფერენცია გამართა, სადაც ორგანიზაციის მსუბუქი დივიზიონის (70კგ) უკვე ყოფილი ჩემპიონის, ისლამ მახაჩევის შესახებ ისაუბრა.თოფურიამ აღნიშნა, რომ მახაჩევმა თავისი სიტყვა არ შეასრულა და მსუბუქი წონის საჩემპიონო ბრძოლას თავი აარიდა.„ისლამმა განაცხადა, რომ დივიზიონის ქამარს არ დათმობდა. მე მსუბუქ წონაში იმისთვის არ გადავედი, რომ ვინმეს რაღაც ვთხოვო – გადაწყვეტილებებს თავად ვიღებ. მითხარით, ვინ გააკეთა ის, რაც თქვა? ვინ აღმოჩნდა მართალი? როდესაც ქამარს მოვიპოვებ, მას შეუძლია, რიგში ჩადგეს. ეს რიგი საკმაოდ გრძელია“, – განაცხადა თოფურიამ. ილია თოფურია მსუბუქ წონაში სადებიუტო ბრძოლას პირდაპირ საჩემპიონო ქამრისთვის გამართავს. UFC-ის პრეზიდენტმა, დანა უაითმა მიმდინარე კვირაში ოფიციალურად დაადასტურა, რომ „ელ მატადორი“ ვაკანტური ქამრისთვის ჩარლზ ოლივეირას დაუპირისპირდება. ბრძოლა ლას ვეგასში 29 ივნისს ჩატარდება.რაც შეეხება ისლამ მახაჩევს, UFC 315-ის დასრულების შემდეგ მან დაწერა, რომ ორი დივიზიონის ჩემპიონობას აპირებდა. საბოლოოდ, მან მსუბუქი წონა დატოვა და წლის ბოლოს ქვემსაშუალო დივიზიონის (77კგ) საჩემპიონო შეხვედრას ავსტრალიელ ჯეკ დელა მადალენასთან ჩაატარებს.შეგახსენებთ, რომ ილია თოფურია გასულ წელს ქვემსუბუქი წონის (65გ) ჩემპიონი გახდა და ქამარი წარმატებითაც დაიცვა. 2025 წლის თებერვალში კი დივიზიონი დატოვა და ახალ წონაში გადავიდა. მან აღნიშნა, რომ პირველივე ბრძოლა საჩემპიონო ექნებოდა.ამჟამად 28 წლის მებრძოლს კარიერაში 16 შეხვედრა აქვს ჩატარებული, საიდანაც ყველა მოიგო.

სპეციალური სამხედრო ოპერაციის შედეგი უნდა იყოს კრიზისის გამომწვევი მიზეზების აღმოფხვრა, გრძელვადიანი მდგრადი მშვიდობისთვის პირობების შექმნა და რუსეთის უსაფრთხოების უზრუნველყოფა, – ამის შესახებ რუსეთის პრეზიდენტმა, ვლადიმერ პუტინმა განაცხადა.პუტინის განცხადებიით, რუსეთს აქვს საკმარისი ძალა, რათა სპეციალური სამხედრო ოპერაცია მისთვის საჭირო შედეგით დაასრულოს.„ეს შედეგი არის იმ მიზეზების აღმოფხვრა, რომლებმაც გამოიწვია ეს კრიზისი, გრძელვადიანი მდგრადი მშვიდობისთვის პირობების შექმნა და რუსეთის უსაფრთხოების უზრუნველყოფა. ჩვენი ხალხის ინტერესების უზრუნველყოფა იმ ტერიტორიებზე, სადაც ცხოვრობენ ადამიანები, რომლებიც რუსულ ენას მშობლიურად მიიჩნევენ და რუსეთს თავიანთ სამშობლოდ თვლიან“, – აღნიშნა პუტინმა.ამასთან, პუტინის თქმით, რუსეთი პატივს სცემს აშშ-ის ეროვნულ ინტერესებს და იმედოვნებს, რომ რუსეთის ინტერესებსაც იგივენაირად პატივს სცემენ.„ამერიკელებს, ამერიკელ ხალხს და ამერიკულ ხელმძღვანელობას, პრეზიდენტის ჩათვლით, აქვთ თავიანთი ეროვნული ინტერესები, და ჩვენ პატივს ვცემთ ამას. აქედან გამომდინარე, ვფიქრობ,რომ ჩვენც ასე მოგვექცევიან“, – განაცხადა პუტინმა.

სრულიად საქართველოს კათოლიკოს-პატრიარქი ილია მეორე ლეო XIV-ს რომის პაპად არჩევას ულოცავს.„თქვენო უწმინდესობავ, გულითადად გილოცავთ რომის პაპად თქვენს არჩევას. ეს თქვენი პიროვნების დიდი დაფასებაცაა და თქვენზე დიდი პასუხისმგებლობის დაკისრებაც. ჩვენს წინააღმდეგობებით სავსე ურთულეს დროში თქვენი მხარდაჭერა ჭეშმარიტი ღირებულებების დასაცავად, თქვენი შემართება და სიმტკიცე ფრიად მნიშვნელოვანი იქნება მთელი მსოფლიოსათვის. როდესაც შევხვდი მის უწმინდესობას, პაპ ფრანცისკეს, მაშინაც აღვნიშნე და კვლავ გავიმეორებ, რომ რომის საყდარი და საქართველოს მართლმადიდებელი ეკლესია ძმების – პეტრეს და ანდრია მოციქულების დაარსებულია, რაც დღესაც ჩვენ შორის ურთიერთობებს გამორჩეული პატივისცემით მსჭვალავს. მიიღეთ ჩვენი საუკეთესო სურვილები. შევთხოვ უფალს, წარმატებულ-ჰყოს თქვენი მოღვაწეობა არა მარტო კათოლიკური სამყაროსათვის, არამედ მთელი კაცობრიობისათვისაც“, – ნათქვამია წერილში. 

ლუის ენრიკე: ხვიჩა კვარაცხელიას აქვს ინტელექტი და თავმდაბლობა იმისთვის, რომ ყველაფერზე ადაპტირდეს

ვატიკანში, წმინდა პეტრეს მოედანზე პაპ ლეო XIV-ის ინაუგურაციისადმი მიძღვნილი წირვა დაიწყო. მანამდე პაპი მოედანზე შეკრებილ ხალხს მიესალმა.შეკრებილთა შორის იყვნენ არიან მსოფლიო ლიდერები, მათ შორის აშშ-ის ვიცე-პრეზიდენტი ჯეი დი ვენსი და უკრაინის პრეზიდენტი ვოლოდიმირ ზელენსკი.ინაუგურაციას ესწრება საქართველოს დელეგაცია და "ოცნების" არჩეული პრეზიდენტი, მიხეილ ყაველაშვილიც. ინაუგურაცია და ეკლესიის სამომავლო პერსპექტივები საინაუგურაციო ცერემონია წმინდა წირვაშია ინტეგრირებული, მისი ცენტრალური ნაწილი კი ახალი პაპისთვის ძალაუფლების ორი ინსიგნიის - პალიუმისა და მებადურის ბეჭდის გადაცემაა. ცერემონია ხაზს უსვამს ეკლესიის რწმენას, რომ პაპი პეტრე მოციქულის მემკვიდრეა. პაპის ინაუგურაცია ყოველთვის საყურადღებოა არა მხოლოდ ახალი ლიდერის არჩევის გამო, არამედ იმ განზომილებებით, რომელიც ეკლესიის რწმენის და ძალაუფლების სიმბოლურ აქტებს ასახავს და მორწმუნე კათოლიკეებს კიდევ ერთხელ აჩვენებს. პაპი ლეო XIV-ეს ინაუგურაციის შემდეგ ერთგვარი მანდატი მიეცემა მომავალ საქმიანობაში როგორც პაპს, რომელმაც უნდა იტვირთოს ეკლესიის და მთელი ქრისტიანული სამყაროს რწმენისა და ერთიანობის პასუხისმგებლობა.