„ჰეზბოლას“ ლიდერი – ისრაელი ლიბანთან ომს თუ განაახლებს, მათი მიმართულებით რაკეტებს გავუშვებთ და მთელი უსაფრთხოება, რომელიც რვა თვის განმავლობაში ააშენეს, ერთ საათში ჩამოინგრევა

„ოცნება“ ცდილობს, დაგვარწმუნოს, რომ არჩევნებში სერიოზული კონკურენტები ჰყავს და მათი შევიწროება სჭირდება, არწმუნებს სამიზნე კონკურენტს მათ სწორ გადაწყვეტილებაში და იმაშიც, რომ აქვთ სერიოზული შანსი „მერიის მოგების“, ეს რწმენა აუცილებელია, რათა მონაწილეობას აზრი არ დაეკარგოს, – ამის შესახებ საქართველოს ყოფილი პრეზიდენტი სალომე ზურაბიშვილი სოციალურ ქსელში წერს.მისი თქმით, რეალურად რეჟიმს პარტიების მონაწილეობის კი არა, მხოლოდ საზოგადოების ეშინია, მას სჭირდება მონაწილეობის იმიტაცია, რომ შესაძლო მესამე ძალის სამომავლო ფორმირებას გზა გადაუკეტოს, პოლიტიკური ნიადაგი გაასუფთავოს, სადაც „ნაცმოძრაობის“ და „ოცნების“ გარდა სხვა ძალა გაქრება.„ანტიკორუფციული ბიუროს განცხადებაში ვკითხულობთ : “საქართველოს თითოეულ მოქალაქეს აქვს უფლება იცოდეს, ჰქონდა თუ არა ადგილი კანონის მოთხოვნათა უგულებელყოფას, განსაკუთრებით იმ შემთხვევაში, თუ საკითხი უკავშირდება მაღალი საჯარო ინტერესის მქონე პირს.” ეს განცხადება გაკეთდა მამუკა ხაზარაძეს მონიტორინგის დაწყებასთან მიმართებაში.კი მაგრამ „თითოეულ მოქალაქეს“ უფლება რატომ არ გააჩნია, რომ იცოდეს მაღალჩინოსნების ასობით მილიონობის კორუფციულ სქემების შესახებ, მათი დაჭერის თუ გაშვების საფუძვლების შესახებ და რაც ყველაზე მაღალ საზოგადოებრივ ინტერესს იწვევს – კერძოდ მათ მიერ „მიტანილი“ თანხები ბიუჯეტის მაგივრად (სადაც ვერ აისახება) სად მიდის. მაშინ დავიჯერებთ, ამ ბიუროს და ბატონი რაჟდენის მიუკერძოებლობას. მანამდე კი ნათელზე ნათელია, რომ ეს მონიტორინგი ემსახურება მხოლოდ და მხოლოდ პოლიტიკურ ანგარიშსწორებას.ეს ანგარიშსწორება არ ნიშნავს, რომ რეჟიმი ებრძვის ხაზარაძეს (ან თუნდაც სხვა ბრალდებებით გახარიას) იმიტომ, რომ არჩევნებში მონაწილეობენ. პირიქით არის: ეს დევნა იმისთვის სჭირდება მმართველ პარტიას, დაგვარწმუნოს იმაში, რომ ძალიან აწუხებს და ეშინია რეჟიმს ამ ორი პარტიის კონკურენციის. გაჩაღებული რეპრესიები მათ წინააღმდეგ, ლიდერების თვალში მხოლოდ და მხოლოდ ადასტურებს, მათ მიერ მიღებულ გადაწყვეტილების სისწორეს და უჩენს რწმენას რომ გამარჯვების სხვა გზა არ არსებობს და მათ გარდა გამარჯვებას ვერავინ ვერ მოიპოვებს. ეს რწმენა მყარდება რეჟიმის მიერ მოწყობილი ყოველი მორიგი შემოტევის შემდეგ. ამავე მიზანს ემსახურება – რუსეთის პროკურატურის დახმარებით – ალეკო ელისაშვილის წინააღმდეგ აღძრული საქმე… ვითომცდა სხვა ძლიერი ქართველი მეომარი არ ყოფილიყოს უკრაინის ფრონტზე, რომელიც რუსეთის ამგვარ ყურადღებას დაიმსახურებდა.სინამდვილეში „ოცნება“ ცდილობს დაგვარწმუნოს, რომ ამ არჩევნებში სერიოზული კონკურენტები ჰყავს და მათი შევიწროება მას სჭირდება. ამითი არწმუნებს სამიზნე კონკურენტს მის სწორ გადაწყვეტილებაში და იმაშიც, რომ მას აქვს სერიოზული შანსი „მერიის მოგების“. ეს რწმენა აუცილებელია, რათა მონაწილეობას აზრი არ დაეკარგოს. რეალურად რეჟიმს პარტიების მონაწილეობის კი არა, მხოლოდ საზოგადოების ეშინია. მას სჭირდება მონაწილეობის იმიტაცია არა რამე ლეგიტიმაციისთვის (რასაც ვერაფერი მას ვერ დაუბრუნებს აწი) არამედ იმისთვის, რომ შესაძლო მესამე ძალის სამომავლო ფორმირებას გზა გადაუკეტოს. მისი საბოლოო დელეგიტიმაცია, ამ პარტიების საბოლოო დისკრედიტაციით დააბალანსოს. პოლიტიკური ნიადაგი გაასუფთავოს, სადაც „ნაცმოძრაობის“ და „ოცნების“ გარდა სხვა ძალა გაქრება. დროა ამ ხაფანგიდან გამოსვლის“, – წერს სალომე ზურაბიშვილი.

პორტუგალიის მატერიკული ნაწილის ჩრდილოეთ რეგიონებში სიცხის წითელი საფრთხის დონეა გამოცხადებული, ტემპერატურამ შესაძლოა 41 გრადუსამდე მოიმატოს. დასავლური მედიის თანახმად, აგვისტო, შესაძლოა, ბოლო 15-20 წლის განმავლობაში ყველაზე ცხელი თვეც კი იყოს.წითელი საფრთხის დონე მატერიკული პორტუგალიის ჩრდილოეთ რეგიონებში – ვიანა დო კასტელოში, ბრაგაში, პორტოში, ვილა რეალში და ბრაგანსაში გამოცხადდა.პორტუგალიის მეტეოროლოგიური ინსტიტუტის ცნობით, სამქულიანი შკალით ყველაზე მაღალი, წითელი განგაშის დონე გამოწვეულია უკიდურესად მაღალი მაქსიმალური ტემპერატურის შენარჩუნებით, სანაპირო ზოლის გარდა.

,,გავზიარეთ ჩვენ მარიამს ძალიან ვჭირდებით . ანგარიშის ნომრებს და დედის საკონტაქტოს კომენტარის ველში დავდებ GE46BG0000000035191000GEL საქართველოGE93TB7657845064300105 თიბისი39001039112 მიმღები:ლანა ხარებავა.საკონტაქტო ნომერი: 575757687 ''-წერს გივიკო დიდია სოციალურ ქსელში.

რევმატოიდული ართრიტის სამკურნალო ძვირად ღირებული მედიკამენტის დაფინანსების პროგრამის შესახებ დეტალური ინფორმაცია განთავსდება თბილისის მერიის ვებგვერდზე, ხოლო განაცხადებების მიღება დაიწყება მიმდინარე წლის სექტემბრიდან, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, მოქალაქემ მედიკამენტის დასაფინანსებლად საჭირო მატერიალიზებული ვაუჩერის მისაღებად ჯანდაცვისა და სოციალური მომსახურების საქალაქო სამსახურს უნდა მიმართოს.„მინდა, შევეხო ერთ მნიშვნელოვან პროგრამას, რომლის დაწყებაც ჩვენი წინასაარჩევნო დაპირება იყო. თბილისის მერია პირველი სექტემბრიდან რევმატოიდული ართრიტის სამკურნალო ძვირად ღირებულ მედიკამენტს დააფინანსებს, რაც ძვირად ღირებული მედიკამენტის, „აქტემრას“ მისაღებად მატერიალიზებული ვაუჩერის გაცემას ითვალისწინებს. რევმატოიდული ართრიტი ქრონიკული, პროგრესირებადი აუტოიმუნური დაავადებაა, რომელიც სახსრების ანთებით პროცესს, შემდეგ მათ დეფორმაციას, საბოლოოდ კი მოქმედებისა და გადაადგილების შეზღუდვას იწვევს. მედიკამენტოზური მკურნალობის საფუძველზე კი შესაძლებელია დაავადების პროგრესის შეჩერება და მისი რემისიის ეტაპზე გადასვლა. აღნიშნულის შედეგად, პროგრამის მოსარგებლეები ქმედუნარიანები ხდებიან და  მათი ცხოვრების ხარისხი მნიშვნელოვნად გაუმჯობესდება“, – განაცხადა კახა კალაძემ.მისივე განმარტებით, მოქალაქე განცხადებით მიმართვამდე ბოლო ორი წლის განმავლობაში უწყვეტად და, ამავდროულად, პროგრამაში ჩართვის დროისთვის რეგისტრირებული უნდა იყოს თბილისის მუნიციპალიტეტში.„ბევრჯერ მითქვამს, ყველა იმ ადამიანს, ვისაც სჭირდება, დავუდგებით გვერდით. არავის დავტოვებთ პრობლემების პირისპირ. თუ გადავხედავთ სტატისტიკას, ვნახავთ, რამდენი დახმარებაა გაცემული ჩვენი შესაბამისი მუნიციპალური სამსახურების მიერ – სხვადასხვა სოციალური პროგრამები გვაქვს, ოპერაციებს ვაფინანსებთ და ა.შ.თბილისის მერიის აღნიშნულ პროგრამაში ჩართვის შესაძლებლობა კი ექნებათ რევმატოიდული ართრიტის დიაგნოზის მქონე საქართველოს მოქალაქეებს, რომელთა ქულა DAS28 ინდექსით არის 3.2 ან მასზე მეტია. სოციალურად დაუცველი ოჯახების მონაცემთა ერთიან ბაზაში რეგისტრირებულ პირებს, რომელთა სარეიტინგო ქულა არ აღემატება 150 000-ს, მედიკამენტი დაუფინანსდებათ სრულად, 100%-ით, ხოლო ყველა სხვა მოსარგებლეს – 80%-ით“, – აღნიშნა კახა კალაძემ.რევმატოიდული ართრიტის სამკურნალო ძვირადღირებული მედიკამენტის დაფინანსების მისაღებად, განცხადებას უნდა ერთვოდეს: პირადობის დამადასტურებელი დოკუმენტის ასლი; თბილისის მუნიციპალიტეტში რეგისტრაციის საინფორმაციო ბარათი; ჯანმრთელობის ცნობა (ფორმა №IV-100/ა, რომელიც უნდა მოიცავდეს სრულყოფილ ინფორმაციას ევროპული (EULAR) ან/და ამერიკული (ACR) „გაიდლაინებით“ გათვალისწინებული კვლევების ჩატარებისა და მათი შედეგების თაობაზე; ინფორმაცია გამოყენებული სინთეზური მამოდიფიცირებელი პრეპარატების ან/და ამავე პრეპარატების მიმართ წინააღმდეგ ჩვენების/აუტანლობის დაფიქსირების შესახებ; კონსილიუმის ვადიანი დასკვნა, პაციენტისთვის შესაბამისი მედიკამენტით მკურნალობის ჩატარების აუცილებლობისა და პაციენტის ჯანმრთელობის მდგომარეობის მზაობის თაობაზე; კალკულაცია მედიკამენტის მიმწოდებელი ორგანიზაციიდან; სხვა დოკუმენტი, ქვეპროგრამის განმახორციელებლის მოთხოვნის შესაბამისად“, – აღნიშნულია თბილისის მერიის ინფორმაციაში.

„ლელო – ძლიერი საქართველოში“ აცხადებენ, რომ პარტიის ანგარიშები აღსრულების ეროვნულმა ბიურომ დააყადა.როგორც  „ლელო – ძლიერი საქართველოს“ გენერალურმა მდივანმა, ირაკლი კუპრაძემ ბრიფინგზე განაცხადა, პარტიაში შესაბამისი შინაარსის წერილი დღეს მიიღეს.„ანტიკორუფციულ სააგენტოსთან ერთად, ჩვენ თავს გვესხმის საქართველოს იუსტიციის სამინისტრო, თავს გვესხმის აღსრულების ეროვნული ბიურო, დღეს მოგვივიდა წერილი, სადაც აღსრულების ეროვნული ბიურო გვატყობინებს, რომ კოლიცია „ლელო-ძლიერი საქართველოს“ ოფიციალური საბანკო ანგარიში არის დაყადაღებული“,- განაცხადა ირაკლი კუპრაძემ.მისი თქმით, ხუთი დღის განმავლობაში „არალეგიტიმური ხელისუფლება, არალეგიტიმური პრემიერი კობახიძე, ე.წ. პარლამენტის თავმჯდომარე პაპუაშვილი და სხვები ახორციელებენ სასაცილო, იუმორისტულ შეტევას კოალიცია „ძლიერ საქრათველოზე“.„ჩვენთვის სრულიად არასერიოზული იქნებოდა მათი ეს პროპაგანდისტული ნარატივი, რომ არა ის რეალური ხელშეშლა ჩვენს საქმიანობაში, რომელსაც აწარმოებენ „ლელო – ძლიერი საქართველოს“ და მისი დამფუძნებლის, მამუკა ხაზარაძის წინააღმდეგ. ვხედავთ, რომ ამ გაუგებრობაში, სისულელეში და იუმორისტული ჟანრის კლოუნადაში ე.წ. პრემიერმა კობახიძემ, მათ შორის გახვია გერმანიის ელჩი. გერმანიის ელჩი, რომელსაც წლების განმავლობაში უკვე აქტიურად ებრძვის „ქართული ოცნება“, რომელზეც 2025 წლის პირველ ივლისს გააკეთეს განცხადება, რომ გერმანიის ელჩი ქვეყნიდან უნდა გააძევონ. ეს გამოგონილი სიგიჟე, სიშლეგე, რომელიც შეესაბამება „ქართული ოცნების“ პოლიტიკურ პროპაგანდას და გაუგებარ სტრატეგიებს, წარმოადგენს ორ მიზანს – თავდასხმას გერმანიის ელჩზე და თავდასხმას იმ პროდასავლურ კოალიციაზე, რომელიც აქტიურად იბრძვის ბიძინა ივანიშვილის წინააღმდეგ და ეს არის კოალიცია „ლელო-ძლიერი საქართველო“, – განაცხადა ირაკლი კუპრაძემ.