![](https://tiflisnews.ge/wp-content/uploads/2024/06/111.png)
ხვიჩა კვარაცხელია – ბედნიერები ვართ, რონალდოს მაისურიც მაქვს და შემდეგ ეტაპზეც გავედით
საქართველოს ეროვნულმა ნაკრებმა ისტორიულ გამარჯვებას მიაღწია. ვილი სანიოლის გაწვრთნილმა გუნდმა ევრო 2024-ის ჯგუფური ეტაპის მესამე ტურის შეხვედრაში პორტუგალია 2:0 დაამარცხა და მერვედფინალში გავიდა.
პორტუგალიის ნაკრების ძირითად შემადგენლობაში თამაშობდა „ოქროს ბურთის“ ხუთგზის გამარჯვებული კრისტიანო რონალდო, რომელსაც მატჩის შემდეგ მაისური ხვიჩა კვარაცხელიამ გაუცვალა.
საქართველოს ნაკრების ერთ-ერთმა ლიდერმა პრესკონფერენციაზე ეს ფაქტიც აღნიშნა და ამ გამარჯვების მნიშვნელობაზეც ისაუბრა.
„ბედნიერები ვართ, რონალდოს მაისურიც მაქვს და შემდეგ ეტაპზეც გავედით. დღეს საუკეთესო დღეა ჩვენს ქართულ ცხოვრებაში, ისტორიის ახალი ფურცელი დავწერეთ. ალბათ, არავის ეგონა, რომ ჩვენ დღეს ჯგუფიდან გავიდოდით, მაგრამ ამიტომ ვართ ძლიერი ნაკრები. ყველაფრის გაკეთება შესაძლებელია. სადაც ერთი პროცენტი არის შანსი, ყველაფერს შეძლებ. ეს დავაზუსტეთ და ჩვენი ძალა ყველას ვაჩვენეთ.
ვერ წარმოვიდგენდი, რაც რონალდოსთან მოხდა. თამაშამდე მოვიდა და წარმატებები მისურვა. ის დიდი ფეხბურთელი და პიროვნებაა. იტალიის ჩემპიონობით ძალიან ბედნიერი ვიყავი, მაგრამ ეს წარმატება უფრო მეტია“, – განაცხადა კვარაცხელიამ.
შეგახსენებთ, რომ „ნაპოლისა“ და საქართველოს ნაკრების თავდამსხმელი ხვიჩა კვარაცხელია პორტუგალიასთან მატჩში საუკეთესო ფეხბურთელად დაასახელეს.
![](http://tiflisnews.ge/wp-content/uploads/2024/04/უუუუ.png)
About Post Author
ქეთევან ნინუა
Comments
რა უთხრა სანიოლმა ხვიჩა კვარაცხელიას პორტუგალიასთან თამაშამდე
საქართველოს ეროვნული ნაკრების მთავარმა მწვრთნელმა ვილი სანიოლმა talkSPORT-თან საუბრისას, ხვიჩა კვარაცხელიაზეც ისაუბრა. „რთულია, როცა შენი გუნდის საუკეთესო ფეხბურთელი იმ თამაშს...
გიორგი მამარდაშვილი: ყველაფერს გავაკეთებთ, რომ კიდევ ერთი სასწაული მოვახდინოთ
ყოველდღე ვმუშაობ იმის გამო, რომ ეს ტურნირი მაღალ დონეზე მეთამაშა და ბედნიერი ვარ, თუ ცოტათი მაინც დავეხმარე გუნდს წარმატების მიღწევაში,...
რას ამბობს ესპანეთის ნაკრების მწვრთნელი საქართველოს ნაკრებთან მომავალ დაპირისპირებაზე
ესპანეთის ნაკრების მთავარმა მწვრთნელმა ლუის დელა ფუენტემ საქართველოს ნაკრებთან მომავალ დაპირისპირებაზე ისაუბრა. მოგეხსენებათ, ვილი სანიოლის გაწვრთნილებმა ევროპის ჩემპიონატის ჯგუფური ეტაპის...
ბიძინა ივანიშვილი საფეხბურთო ნაკრებს გამარჯვებას ულოცავს – ეროვნულ გუნდს დაწესებული ჯილდო, 30 მილიონი ლარი გადაეცემა, შემდეგ ეტაპზე გასვლის შემთხვევაში კი, დამატებით კიდევ 30 მილიონი
„ქართული ოცნების“ საპატიო თავმჯდომარე, ბიძინა ივანიშვილი საქართველოს საფეხბურთო ნაკრებს უდიდეს გამარჯვებას ულოცავს. ეროვნულ გუნდს დაწესებული ჯილდო, 30 მილიონი ლარი გადაეცემა....
„გარდიანი“ – ეს იყო ღამე, რომელიც დარჩება ათასობით გულშემატკივრის მეხსიერებაში
„გარდიანი“ პორტუგალიასა და საქართველოს შორის გუშინ გამართულ მატჩს ეხმაურება, რომელიც საქართველოს გამარჯვებით დასრულდა. „ეს იყო ღამე, რომელიც დიდხანს დარჩება ათასობით გულშემატკივრის...
CNN: საქართველომ, რომელიც ქვეყნის ისტორიაში პირველად ასპარეზობს დიდ ტურნირზე, გულშემატკივრების გული დაიპყრო
ტელეკომპანია CNN-ი საქართველოს ნაკრების ევროპის ჩემპიონატის 1/8 ფინალში გასვლას ეხმაურება და პორტუგალიაზე გამარჯვებას სენსაციას უწოდებს. „საქართველომ ევრო 2024-ზე აქამდე ყველაზე...