ხელის გულზე არსებული ხაზებით გაარკვიეთ, გყავთ თუ არა მფარველი ანგელოზი

ლაგოდეხში, კაბლში, წლების წინ 15 წლის გოგოს გაუპატიურების საქმემ მთელი სოფელი შეძრა.საქმეზე ბრალდებულმა გაუპატიურება არ აღიარა თუმცა, თქვა რომ არასრულწლოვანთან სექსუალური კავშირი 23-ჯერ ჰქონდა.საქმის მასალების მიხედვით, კაცმა მასთან სახლში სტუმრად დარჩენილი მოზარდი ორჯერ გააუპატიურა.გოგონამ ბავშვი გააჩინა და 37 კვირაზე იმშობიარა.„ბრალდებულმა ი. ბ.-ვმა განაცხადა, რომ მას ა. ა.-ვა არ გაუუპატიურებია, მაგრამ აღიარა, რომ ჰქონდა სექსუალური კავშირი ნებაყოფლობით დაახლოებით 23-ჯერ. მათი ურთიერთობა დაიწყო 2018 წლის ნოემბრის თვეში. ერთხელ, როდესაც მისი ცოლი სახლში არ იყო, ბაზარში წაიყვანა და თვითონ დაბრუნდა სახლში. შევიდა თავის ოთახში და დაიძინა. გააღვიძა იმან, რომ ვიღაც მის სასქესო ორგანოს ხელით ეხებოდა. დაინახა ა. ა.-ვა, რომელსაც მისი სასქესო ორგანო ხელში ეჭირა. მან ხელი ჰკრა ა. ა.-ვას და უთხრა, გასულიყო მისი ოთახიდან, რაზედაც ა. ა.-ვამ უთხრა, რომ უყვარდა იგი და თუ მასთან სექსუალურ კავშირს არ დაამყარებდა, უჩივლებდა. შემდეგ იცინოდნენ და საბოლოოდ იძულებული იყო სექსუალური კავშირი დაემყარებინა. პირველად 4-ჯერ დაამყარა სექსუალური კავშირი. შემდგომ ა. ა.-ვა ყოველთვის ცდილობდა მასთან ყოფილიყო — როგორც კი მისი ოჯახის წევრები სახლში არ იყვნენ, მოდიოდა მის სახლში და ამყარებდნენ სექსუალურ კავშირს. ა. ა.-ვა გეგმავდა, სად უნდა შეხვედროდნენ ერთმანეთს, ყიდულობდა მზესუმზირას და შოკოლადებს და თავისი ხელით აჭმევდა.ი. ბ.-ვმა განაცხადა, რომ მას არ სჯერა, რომ ბავშვი მისი არის. მართალია, სქესობრივი აქტის დროს თავს არ იცავდა, მაგრამ ა. ა.-ვა აიძულებდა, სპერმა გარეთ დაეღვარა და ამიტომ მიაჩნია, რომ ბავშვი მისგან არ ჰყავს. ა. ა.-ვა არ იყო ქალიშვილი, და როდესაც ჰკითხა, ვინ იყო მისთვის პირველი მამაკაცი, უპასუხა, რომ ის ადამიანი პაპას მეზობლად ცხოვრობს და "შენი საქმე არ არისო".მათი ურთიერთობის განმავლობაში ერთმანეთს მესიჯებს წერდნენ. პირველი კონტაქტი ი. ბ.-ვს და ა. ა.-ვას ჰქონდათ 2018 წლის ნოემბრის თვეში, ხოლო ბოლო — 2019 წლის იანვარში. ა. ა.-ვა აშინებდა, რომ თუ ურთიერთობას გაწყვეტდა, მასზე საჩივარს დააწერდა. ასევე სურდა პასპორტის აღება და უნდოდა, საზღვარგარეთ წასულიყვნენ“საქმეზე ბრალდებულ ი.ბ-ს 10 წლით თავისუფლების აღკვეთა განესაზღვრა.

კანადაში მხატვრული ცურვის მსოფლიოს თასზე მხატვრულმა მოცურავემ, მარია ალავიძემ თავისუფალი სოლო პროგრამა შეასრულა, 200,7612 ქულა დააგროვა და ვერცხლის მედალი მოიპოვა.ალავიძე პირველი ქართველი სპორტსმენია, რომელმაც მსოფლიოს თასზე მედლის მოპოვება შეძლო.სპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.

ქართული ჭადრაკის ლეგენდა, ნონა გაფრინდაშვილი დღეს 83 წლის გახდა. ჭადრაკში მსოფლიოს 5-გზის ჩემპიონი სოციალურ ქსელში უამრავ მილოცვას იღებს.„დღეს საქართველოს სიამაყის, ჩვენი საყვარელი ქალბატონი ნონას დაბადების დღეა. ჯანმრთელობა, დღეგრძელობა, ბედნიერება და სიხარული არ მოგკლებოდეთ. გვიყვარხართ ძალიან", - აღნიშნულია მისალოც ტექსტში.

სურამში დაკარგული მოზარდი პოლიციამ თბილისში იპოვა.მოზარდი თავს კარგად გრძნობს და მალე ოჯახთან ერთად იქნება.

59 წლის მამაკაცი, რომელიც 29 აპრილს, ჯაშუშობის ბრალდებით, ქალაქ ალექსანდროპოლისში დააკავეს, მისი გადამბირებლის ინსტრუქციებს ასრულებდა. ქართველი ემიგრანტი ბერძენი გამომძიებელი მოსამართლის წინაშე პარასკევს, 2 მაისს წარდგება. გამოძიების მასალებისა და ბერძნული დაზვერვის ოფიცრებისთვის მიცემული აღიარებითი ჩვენების თანახმად, გადამბირებელმა, დავალებებთან ერთად, მას დეტალური ინსტრუქციები მისცა, თუ როგორ დარჩენილიყო შეუმჩნეველი ალექსანდროპოლისში არსებული ბერძნული და ნატო-ს სამხედრო ბაზების ფოტო და ვიდეო-გადაღებების დროს. მანვე ურჩია სპორტული ტანსაცმლის ჩაცმა და, რადგან 59 წლის იყო, - ხელჯოხის ხმარება ბორცვებზე ასასვლელად (თითქოს, ლაშქრობაზე იყო), რათა სამხედრო ბაზების ფოტოები და ვიდეოები შემაღლებული ადგილებიდან გადაეღო. ჯაშუშობაში ეჭვმიტანილი ემიგრანტი ფოკუსირებული იყო სამხედრო მასალებზე, რომლებსაც ალექსანდროპოლისის პორტში მყოფი გემებიდან გადმოტვირთავდნენ ხოლმე და თავად იმ სატრანსპორტო საშუალებებზე, რომლებზეც ეს მასალები იტვირთებოდა. გადაღებულ მასალას ის, დაშიფრული აპლიკაციის მეშვეობით, უგზავნიდა თავის გადამბირებელს - ასევე ქართველ ემიგრანტს და გამოცდილ მაფიოზს, რომელიც ლიეტუვაში ცხოვრობს. ეს უკანასკნელი, თავის მხრივ, როგორც გამოძიებამ გაარკვია, რუსეთის სამხედრო დაზვერვის სამსახურმა (GRU) უკრაინისთვის განკუთვნილი საომარი მასალების და მათი ტრანსპორტირების საშუალებების აღრიცხვის მიზნით გადაიბირა.რატომ სჭირდება რუსეთის სამხედრო დაზვერვას ხმელეთიდან გადაღებები, როცა რუსეთს კოსმოსური თანამგზავრები გააჩნია სადაზვერვო წრეებიდან მიღებული განმარტებით, ასეთ შემთხვევებში აუცილებელია ობიექტის ახლოდან გადაღება, განსაკუთრებით მაშინ, როცა ამ ოპერაციებზე სამხედრო დაზვერვის სამსახურები მუშაობენ. რუსეთი ამას აკეთებს საბრძოლო მასალების და მათი ტრანსპორტირების გზების სრული სურათის მისაღებად, რათა მოპოვებული ფოტო და ვიდეო-მასალა შემდგომში საბოტაჟისთვის გამოიყენოს, როგორც ეს ბულგარეთსა და პოლონეთში მოხდა. გარდა ამისა, სწორედ იმიტომ, რომ ეს ბაზები აშშ-ს მიერ გამოიყენება, ასევე განხორციელდა მათი სატელიტური კარტოგრაფირება. თუმცა, გემები, ხშირად ღამით იტვირთება და გადაზიდვები მაშინ ხორციელდება, როდესაც სატელიტური კავშირი ვერ ხერხდება. ამიტომ, შემდგომი ოპერაციების ოპერატიული დაგეგმვისთვის ხმელეთიდან მონიტორინგი აუცილებელია. საქართველოდან ემიგრირებულ 59 წლის მხატვარზე არჩევანი კონსპირაციული მოსაზრებიდან გამომდინარე შეჩერდა. გარდა ამისა, ჯაშუშობის გამოაშკარავების შემთხვევაში, სპეცსამსახურებთან მისი პირდაპირი კავშირი ვერ დადასტურდებოდა. მას შემდეგ, რაც GRU-ს შუამავალს მასალას გაუგზავნიდა, 59 წლის მიგრანტი ამ მასალას თავის მობილურ ტელეფონში მალევე შლიდა. ამიტომ, ბერძენმა სამართალდამცავებმა მხოლოდ ბოლო რამდენიმე დღის მასალები იპოვეს. თუმცა, სპეციალური საშუალებით ადრე გაგზავნილი მასალის აღდგენაც მოახერხეს და მისი მეშვეობით დაადგინეს, რომ საქართველოდან წასულმა მიგრანტმა ჯაშუშური საქმიანობა, სულ მცირე, ექვსი თვის წინ დაიწყო და მოპოვებულ მასალას დამკვეთს გასული წლის შემოდგომიდან უგზავნიდა. დაკავებულმა მამაკაცმა, რომელიც პრორუსულ განწყობებს ღიად გამოხატავდა და რომელთან კონტაქტი მაფიოზმა შუამავალმა დაამყარა, აღიარა, რომ მისი გადაბირება, თავდაპირველად, ფულადი ჯილდოს შეთავაზების გზით მოხდა. ამასთან, მან ეს ნებაყოფლობით გააკეთა და შუამავალს უთხრა, რომ ამას „დედა რუსეთისთვის“ გააკეთებდა, რომლის არმიაშიც ახალგაზრდობაში მსახურობდა და, ამასთან, გარკვეულ პერიოდში ციმბირშიც იმყოფებოდა. რაც შეეხება GRU-ს მიერ დაქირავებული მაფიოზს, რომელიც ასევე ქართველი ემიგრანტია, მის შესახებ მოხდა ლიეტუვას საიდუმლო სამსახურების ინფორმირება და ამჟამად ისიც დაკავებულია. მისი საქმის გამოძიებას ადგილობრივი და ერთობლივი სამსახურები აწარმოებენ. ეს არის რუსული ჯაშუშობის ალბათ ყველაზე სერიოზული შემთხვევა საბერძნეთში, უკრაინაში ომის დაწყების შემდეგ.