წვიმა, ელჭექი, სეტყვა – გაფრთხილება 30-31 მაისის ამინდის შესახებ

არსებული ინფორმაციით, ბათუმში, მელიქიშვილის ქუჩაზე, შენობის სახურავიდან მოზარდი გადმოვარდა. დაშავებული სასწრაფო სამედიცინო დახმარების ბრიგადამ კლინიკაში გადაიყვანა. შენობაში, საიდანაც, მოზარდი, სავარაუდოდ, გადმოვარდა, ამ ეტაპზე სარემონტო სამუშაოები მიმდინარეობს. შემთხვევის ადგილზე სამაშველო სამსახურის თანამშრომლები და სამართალდამცველები არიან მობილიზებული.

რეჟისორი სანდრო ელოშვილი ხვიჩა კვარაცხელიას დღევანდელ თამაშს ეხმიანება და ქართველი სპორტსმენის შესახებ ემოციურ პოსტს აქვეყნებს.„არ ვიცი სიმართლეა თუ ტყუილი, ჩემი თვალით არ მინახავს, მაგრამ ბევრი ყვებოდა და ყოველთვის ვღიზიანდებოდი, როცა ამბობდნენ რომ გერმანიაში მაღაზიებს ქართულად აწერია “გთხოვთ არ მოიპაროთ”- არ ვვარგივართ ძმაო!- უცხოეთში მრცხვენია რომ ქართველი ვარ!ხშირად მსმენია და სულ ვფიქრობ… ვინ არ ვარგოდა? პიკასოსა და დალის გვერდზე გამოფენილი ფიროსმანი თუ ენიო მორიკონესა და ნინო როტასთან ერთად აჟღერებული გია ყანჩელი ?!სუხიშვილების წინაშე ფეხზე დამდგარი ათასობით მაყურებლის შემხედვარესაც შეიძლება გრცხვენოდეს ქართველობის? თუ რაგბში, ახალ ზელანდიასთან მატჩის დროს, საუკეთესო მოთამაშედ მამუკა გორგოძე რომ დაასახელეს, მაშინ უნდა შეგვრცხვენოდა რამის?!დიახ! მე დღეს ყველაზე ამაყი ქართველი ვარ და ამავე დროს ყველაზე მეტად ვნერვიულობ… ხვიჩაზე მეტადაც კი, რადგანაც არაფერი შემიძლია, გარდა მოლოდინისა, რომ იმ გერმანიაში, სადაც თურმე მაღაზიებში “გთხოვთ, არ მოიპაროთ” წერია, ქართული დროშა იფრიალებს გამარჯვების აღსანიშნავად!დიდი კაცია ხვიჩა კვარაცხელია… დიდი ქართველი!და იცით როდის გახდა? გოლი რომ გაიტანა?! არა! გაჭირვებისგან, სიღარიბისგან, გაუსაძლისობისგან ემიგრაციაში წასულ ქართველებზე სხვა თვალით რომ შეახედა მთელს ევროპას! იმ ემიგრანტების საძინებლებში ჩუმად გამოფენილი და ცრემლით დანამული დროშები რომ ჩამოახსნევინა იტალიელებს და მთელს ქვეყანაში აფრიალებინა, მაშინ გახდა დიდი კაციც და დიდი ქართველიც! ამიტომაც დღეს თუ შეძლებს და ხუთ ჯვრიან დროშაში გახვეული ჩემპიონთა ლიგას ჩაიხუტებს, გარდა იმისა რომ (ჩემი აზრით) ყველა დროის უდიდესი ქართველი ფეხბურთელი გახდება, თითოეულ ჩვენთაგანს მოგვიტანს იმხელა გამარჯვებას და სიხარულს, სიცოცხლის ბოლომდე რომ შეგვეძლება ვიძახოთ, მეამაყება რომ ქართველი ვარ!ამიტომაც… მიდი კვარა, მიდი! “ - წერს სანდრო ელოშვილი სოციალურ ქსელში.

2025 წლის 1-ლი ივნისიდან დიდ ბრიტანეთში ერთჯერადი ელექტროსიგარეტების გაყიდვა და მიწოდება იკრძალება- ამის შესახებ bbc-ი წერს გადაწყვეტილება მიღებულია ორი ძირითადი მიზნისთვის: მოზარდებში ვაპინგის გავრცელების შეჩერება — ერთჯერადი ვაპები, რომლებიც ხშირად შეიცავს არომატებს და მაღალი დოზით ნიკოტინს, ძალიან პოპულარული გახდა ახალგაზრდებში, რაც ზრდის დამოკიდებულების რისკს. გარემოს დაცვა — ერთჯერადი ვაპები ქმნიან დიდ რაოდენობით ელექტრონულ ნარჩენს (ლითიუმის ბატარეები, პლასტმასი), რაც სერიოზულ ეკოლოგიურ საფრთხეს წარმოადგენს.სტატია ასევე მიუთითებს, რომ 2022-2024 წლებში ინგლისში ამოიღეს 6 მილიონზე მეტი არალეგალური ვაპი, რომელთაც შესაძლოა ჯანმრთელობისთვის მავნე ქიმიკატები ჰქონოდათ. მიუხედავად იმისა, რომ ვაპინგი სიგარეტზე ნაკლებად მავნედ ითვლება, ის მაინც მოიცავს ჯანმრთელობის რისკებს, განსაკუთრებით მოზარდებისთვის. გინდა, ეს ინფორმაცია ვიდეოს ან გრაფიკის ფორმატშიაც გადაგიმუშაო?

ეკონომიკისა და მდგრადი განვითარების მინისტრის მოადგილე მარიამ ქვრივიშვილი ამერიკის შეერთებული შტატების სახელმწიფო დეპარტამენტის მიერ გამოქვეყნებულ ინფორმაციას სოციალურ ქსელში ავრცელებს, რომლის მიხედვითაც, საქართველო იმ ქვეყნების რიგებშია, სადაც მოგზაურობა უსაფრთხოა, ხოლო რისკები ნაკლები.„აშშ-ის სახელმწიფო დეპარტამენტის მიერ გამოქვეყნებული ინფორმაციის მიხედვით, საქართველო იმ ქვეყნების რიგებშია, სადაც მოგზაურობა უსაფრთხოა, ხოლო რისკები ნაკლები“-წერს ქვრივიშვილი.

ლილოს დასახლებაში დაკარგული ბავშვი მშობლებს ეძებს.ინფორმაციას სოციალურ ქსელში ავრცელებენ.„ბავშვი არის დაკარგული,იყო მაგნიტის მაღაზიასთან და თანამშრომლებმა აიყვანეს პოლიციაში,მიაკითხეთ გთხოვთ,იქნებ ვინმეს გეცნობათ“, - წერია გავრცელებულ პოსტში.