ცოტნე ანანიძე: ხელისუფლებას ვინც უწუნებთ ეროვნული ინტერესების დაცვას, „ქართული ოცნების“ მიერ წლების წინ მიღებულმა გადაწყვეტილებამ, უცხო ქვეყნის მოქალაქეებისთვის სასოფლო–სამეურნეო მიწის საკუთრებაში შეძენა მკაცრად შეზღუდა

„ნაციონალურ მოძრაობაშიც“ კარგად იციან, რომ სააკაშვილი იქ გადავიდა, სადაც მსჯავრდებული სასჯელს უნდა იხდიდეს, საჯაროდ ვხედავდით, კარგ ხასიათსა და ჯანზე იყო, არა მხოლოდ საქართველოს მსოფლიო პოლიტიკას ალაგებდა, – ამის შესახებ  „ხალხის ძალის“ წევრმა, გურამ მაჭარაშვილმა განაცხადა.მისი თქმით, გადაყვანის გადაწყვეტილება გასაკვირი არავისთვის არ იყო.„ანი წითლიძემ თქვა, რომ მიხეილ სააკაშვილის ერთი საპყრობილიდან მეორე საპყრობილეში გადაყვანა მოხდა ანუ, არაფერი არ შეცლილაო. მათაც კარგად იციან, რომ სააკაშვილი იქ გადავიდა, სადაც მსჯავრდებული სასჯელს უნდა იხდიდეს. ეს ჩვეულებრივი პროცესია. საჯაროდ ვხედავდით, რომ კარგ ხასიათსა და ჯანზე იყო. მსოფლიო პოლიტიკას ალაგებდა და არა მხოლოდ საქართველოსას. ეს გადაწყვეტილება გასაკვირი არავისთვის არ იყო, მისივე პარტიის წევრებისთვისაც კი. ის იმ განაჩენით მიკუთვნებული მსჯავრის მოხდას გააგრძელებს, რაც სასამართლოს მიერ აქვს დაკისრებული. აქამდე რატომ არ გადაიყვანეს? ეს კითხვები საზოგადოებაშიც არსებობდა და ჩვენც გვქონდა. როგორც ჩანს, შესაბამისმა დაწესებულებამ, რომელიც კონსულტაციებს გადიან სამედიცინო სფეროს წარმომადგენლებთან, ასე მიიჩნიეს საჭიროდ. ასე ჩაითვალა საჭიროდ სამედიცინო სფეროს კონსულტაციების საფუძველზე და მოხდა ის, რაც წესით, აქამდეც უნდა მომხდარიყო“, – განაცხადა გურამ მაჭარაშვილმა.სპეციალური პენიტენციური სამსახურის ინფორმაციით, საქართველოს ყოფილი პრეზიდენტი მიხეილ სააკაშვილი კლინიკა „ვივამედიდან“ N12 პენიტენციურ დაწესებულებაში გადაიყვანეს.

ყოფილ პრემიერ-მინისტრსა და პარტია "გახარია საქართველოსთვის" ლიდერს, გიორგი გახარიას ბრალი ოფიციალურად დაუსწრებლად უკვე წარედგინა. პროკურატურამ დაცვის მხარეს გადასცა შესაბამისი მტკიცებულებებიც.ექსპრემიერს ორზე მეტი პირის მიმართ ჯანმრთელობის განზრახ მძიმე დაზიანების ორგანიზებასა და სამსახურებრივი უფლებამოსილების გადამეტებაში ადანაშაულებენ. მისთვის აღმკვეთის ღონისძიებაზე, ასევე დაუსწრებლად, სასამართლო, სავარაუდოდ, დღესვე იმსჯელებს.ყოფილი პრემიერისა და შინაგან საქმეთა მინისტრის მიმართ სისხლის-სამართლებრივი დევნის დაწყების შესახებ განცხადება პროკურატურამ გუშინ გააკეთა. უწყების ინფორმაციით, საქმე 2019 წლის ივნისის მოვლენებსა და ჩორჩანას ეპიზოდს ეხება."ეს არის პირდაპირი ფორმით შეთითხნილი ბრალი, რომელიც ადასტურებს ერთადერთ გარემოებას - პოლიციის მინისტრს, რომლის უფლებამოსილება იყო საგუშაგოს განთავსება და, მათ შორის, ამ ტერიტორიაზე კონკრეტული პატრულირება, განსაკუთრებულ დავალებათა დეპარტამენტის კონკრეტული ფუნქცია - ამას ედავება ზუსტად იგივე ფორმით, რა ფორმითაც ამას აკეთებდა ცხინვალის საოკუპაციო რეჟიმი და, სამწუხაროდ, დღეს უკვე ქართული პროკურატურა. ეს არის ბრალდება, რომელიც პასუხგაუცემელი, რა თქმა უნდა, არ დარჩება," - განაცხადა გიორგი გახარიას ადვოკატმა ბერდია სიჭინავამ.

თბილისის საქალაქო სასამართლომ მოქალაქეთა კუთვნილი დიდი ოდენობით თანხების მოტყუებით დაუფლების ფაქტზე „სფერო ჰოლდინგის“ დამფუძნებელს გივი წულეისკირს და „სფერო ინვესტის“ დირექტორს გიორგი მურუსიძეს აღკვეთის ღონისძიების სახით პატიმრობა შეუფარდა.აღნიშნულით მოსამართლე დავით კურტანიძემ ბრალდების მხარის შუამდგომლობა დააკმაყოფილა, რომელიც გივი წულეისკირისა და გიორგი მურუსიძის მიმართ აღმკვეთი ღონისძიების სახით პატიმრობის შეფარდებას ითხოვდა.როგორც პროკურორმა ნინო კეპულაძემ სხდომაზე აღნიშნა, უკვე მიმალვაში იმყოფება ერთ-ერთი ბრალდებული გიორგი მურუსიძე და მის მსგავსად, არსებობს გივი წულეისკირის მხრიდანაც მიმალვის საფრთხე, თუ მას პატიმრობა არ შეეფარდება.მოქალაქეების კუთვნილი 12 მილიონი ლარის თაღლითურად მითვისების საქმეზე, დაკავებულია „სფერო ჰოლდინგის“ დამფუძნებელი გივი წულეისკირი, ხოლო „სფერო ინვესტის“ დირექტორის მიმართ სამართლებრივი დევნა დაიწყო.

აშშ-ის პრეზიდენტმა, დონალდ ტრამპმა ფედერალური მთავრობის ხელახლა გახსნის შესახებ კანონპროექტს ხელი მოაწერა, რაც ნიშნავს იმას, რომ აშშ-ის ისტორიაში ყველაზე ხანგრძლივი ე.წ. შათდაუნი ოფიციალურად დასრულებულია. ამის შესახებ ინფორმაციას „სიენენი“ ავრცელებს.მედიის ინფორმაციით, აშშ-ის წარმომადგენელთა პალატამ კანონპროექტი 222 ხმით, 209-ის წინააღმდეგ მიიღო. კანონპროექტის მხარდამჭერებს შორის ექვსი დემოკრატი კონგრესმენი იყო. კანონპროექტი ჯერ სენატმა, შემდეგ კი წარმომადგენელთა პალატამ დაამტკიცა, რის შემდეგაც ის აშშ-ის პრეზიდენტს ხელმოსაწერად გადაეცა.დემოკრატებსა და რესპუბლიკელებს შორის მიღწეული შეთანხმება, რომელიც 43-დღიანი „შათდაუნის“ დასასრულად იქცა, ასევე შეაჩერებს დონალდ ტრამპის მიერ დაწყებულ მასობრივ გათავისუფლებებს, გზას გაუხსნის ფედერალური თანამშრომლებისთვის ხელფასების რეგულარულ გაცემას, ათობით მილიონი ამერიკელისთვის საკვების შესაძენად დახმარების გაცემას და მთავრობა საქმიანობას დაუბრუნდება.

მონაწილე ვიყავი მაშინდელი დარბევის და კითხვები მქონდა ბატონ გახარიასთან, ოღონდ მაშინ მქონდა კითხვები, – განაცხადა პარტია „კანონისა და სამართლის“ ლიდერმა, თაკო ჩარკვიანმა საქართველოს პირველი არხის გადაცემაში „დღის თემა“.„დღეს რომ გახარიას პარტიის წევრები არიან, ისინი მაშინ კითხვებს არ სვამდნენ, თვალები რომ დათხარეს პატრიოტებს. დღეს კითხვები მაქვს უკვე ხელისუფლებასთან. იმიტომ, რომ პარადოქსია ასეთი ცინიზმი, რაც დღეს მოხდა. დღეს აღარ მაქვს ეს კითხვები, მართლა არ მაქვს ახლა გახარიასთან კითხვები, ახლა მაქვს ხელისუფლებასთან. იმიტომ, რომ ის დააწინაურეს. იმ საქციელის გამო, რაც მან ჩაიდინა, ხელისუფლებამ ის პირველ პირად დანიშნა, პრემიერ-მინისტრად, მას შემდეგ, რაც ეს დანაშაული მოხდა. იყო დათვის ტყვიების გამოყენება და ასე შემდეგ. ამიტომ, ასეთი რაღაცები მიმაჩნია უბრალოდ დაცინვად და სახელმწიფოებრიობის აბუჩად აგდებად ხელისუფლების მხრიდან”, – განაცხადა ჩარკვიანმა.გადაცემის წამყვანმა სტუმარს შეახსენა ხელისუფლების არგუმენტი, რომ სტრასბურგის სასამართლომ ხელისუფლებას ხელახლა დაავალა გამოძიების ჩატარება 2024 წლის მაისის გადაწყვეტილებით და ამ გამოძიების, საგამოძიებო ექსპერიმენტების შემდეგ ახალი გარემოებები გამოიკვეთა, რაზეც თაკო ჩარკვიანმა განაცხადა, რომ დღევანდელი ხელისუფლება აბსოლუტურად არასდროს არ უწევს ანგარიშს არცერთ დასავლურ ინსტიტუციას და ოპოზიციას, შეიძლება, დასჭირებოდა და მართლებიც იყვნენ, მაგრამ ხელისუფლებას არ უნდა დასჭირებოდა ეს არგუმენტი, რაც ახლა მოჰყავთ.„დასავლეთის ინსტიტუციებს ისინი ანგარიშს არ უწევენ. მაინტერესებს, კითხვები მაქვს, იმ საქციელის გამო რატომ დააწინაურეს მაშინ გახარია? პირველ პირად აქციეს ის ადამიანი და ეს ისეთი ნონსენსია, ისეთი პარადოქსია, რომ, შეურაცხყოფის გარდა, არაფერს არ იწვევს. ამიტომ ვამბობ, რომ უკვე მეც კი, ვისაც ძალიან ცუდი განწყობა მაქვს, ზოგადად, გახარიას მიმართ, თავს ვაძლევ უფლებას, ვთქვა, რომ დიახ, ეს პოლიტიკურია უკვე დღეს. იმიტომ, რომ მანამდე ხელისუფლებას ეს აქვს გაკეთებული“, – განაცხადა ჩარკვიანმა.თამთა სანიკიძის შეკითხვაზე, ხედავს თუ არა ის უშუალოდ 20 ივნისის მოვლენებთან დაკავშირებით პოლიტიკურ და სამართლებრივ ნაწილში შს მაშინდელი მინისტრის პასუხისმგებლობას, გვერდით რომ გადავდოთ ექვსი წლის შემდეგ ასეთი გადაწყვეტილების მიღება, გამოძიების ხელახლა დაწყება და ასე შემდეგ, თაკო ჩარკვიანმა განაცხადა, რომ ის ყოველთვის ხედავდა მის პასუხისმგებლობას.„მე ყოველთვის ვხედავდი, მაშინ როდესაც სხვები ვერ ხედავდნენ. მე, ზოგადად, ამ პარტიისგან არაფერი არ მიკვირს, მაგრამ დღეს „ლელოს“ არაერთი წარმომადგენლის გამოსვლა მოვისმინე და გამიკვირდა. ისინი პარტნიორები არიან, ერთად გადაწყვიტეს არჩევნებში მონაწილეობის მიღება, ლეგიტიმაცია შეუქმნეს იმ ხელისუფლებას, რომლის მიმართაც უკვე ყველას პრეტენზიები გვაქვს და დღეს, როდესაც სისხლის სამართლის საქმე აღიძრა გახარიას წინააღმდეგ, უცებ გამოაცხადეს, რომ მათაც აქვთ თურმე კითხვები. მე არ მომისმენია „ლელოსგან“ გახარიას მიმართ კითხვები. მე სულ მქონდა ეს კითხვები, სულ მქონდა, რადგან ეს იყო საზიზღრობა, რაც მაშინ მოხდა, მაგრამ დღეს ვწყვეტ ამ შეკითხვებს და დღეს კითხვებს მხოლოდ ხელისუფლებას ვუსვამ“, – განაცხადა ჩარკვიანმა.თაკო ჩარკვიანმა ასევე განაცხადა, რომ გახარიას პარტიის მიმართ სისხლის სამართლის საქმეა აღძრული, მის წევრებს კი კითხვები არ აქვთ და ხელისუფლებას ლეგიტიმაცია შეუქმნეს.„ეს, იცით, რა არის? რასაც მე ვამბობდი მუდამ და მივმართავდი, რომ ეს მოძრაობები და თამაშ-თამაშით რაღაც გარიგებები, რომ ჩვენ შემოვალთ და ხელისუფლება ხელს არ გვახლებს, არ არის ნამდვილი ბრძოლა. გულწრფელი ბრძოლა, იცით, როდის არის? როდესაც ხელისუფალს ეუბნები, მე შენთან პრეტენზია მაქვს, აი, ამაზე, მე შენთან პრეტენზია მაქვს კორუფციაზე და ასე შემდეგ“, – განაცხადა ჩარკვიანმა.