ცესკო-ს მონაცემებით, 12:00 საათვისთვის თვითმმართველობის არჩევნებში ამომრჩეველთა აქტივობა 17.15 პროცენტს შეადგენს

როგორი განცხადებებიც არ უნდა გაკეთდეს დღეს ჩვენი ოპონენტებისგან, თუ არ იქნება ობიექტური, ქართული საზოგადოება მასზე რეაქციას არ აკეთებს, – ამის შესახებ „ქართული ოცნების“ საპატიო თავმჯდომარემ, ბიძინა ივანიშვილმა არჩევნებში ხმის მიცემის შემდეგ ჟურნალისტებს განუცხადა.მისი შეფასებით, მოსახლეობამ ისწავლა თეთრის შავისგან გარჩევა, სწორი არჩევანის გაკეთება.„დღეს კიდევ ერთი მნიშვნელოვანი დღეა ჩვენი ქვეყნის ისტორიაში. თავისუფალი არჩევნები უკანასკნელ პერიოდში განუხრელად მიმდინარეობს საქართველოში, დღესაც ერთ-ერთი საინტერესო და ძალიან მნიშვნელოვანი არჩევნებია. ჩვენმა პარტიამ, „ქართულმა ოცნებამ“ საშუალება მისცა საზოგადოებას, თავისუფალი არჩევანი გააკეთოს, ისევე, როგორც ბოლო წლებში თავისუფალი სიტყვის, ბიზნესის და ცხოვრების დაფუძნება მოვახერხეთ. 13 წელიწადია, „ქართული ოცნება“ ხელისუფლებაშია, ჩვენ ყველა მიმართულებით შთამბეჭდავ წარმატებებს მივაღწიეთ, საზოგადოებასთან ერთად, მაგრამ ყველაზე დიდი წარმატება, მიღწევა, რასაც შეიძლება, ხაზი გავუსვათ, არის ის, რომ „ქართული ოცნების“ წევრებმა, ისევე, როგორც საზოგადოებამ მოახერხა და ისწავლა ობიექტური ანალიზის გაკეთება, კრიტიკული აზროვნების განვითარება. ჩვენი საზოგადოება უკვე თავისუფლად ახერხებს თეთრი შავისგან გაარჩიოს. შესაბამისად, ჩვენ ყოველთვის ვიღებთ ისეთ შედეგებს, როგორც საზოგადოებას უნდა. სამოქალაქო საზოგადოების განვითარებით,  რომელიც მოახერხა საზოგადოებამ, მაქსიმალურად აიღო ხელისუფლება ხელში, რაც გამოიხატება არჩევნებზე სწორი პოზიციის დაფიქსირებით, ჩვენ მივიღეთ ის შედეგები, რაც გვაქვს. შთამბეჭდავი წარმატება გვაქვს ქვეყნის განვითარების.როგორი განცხადებებიც არ უნდა გაკეთდეს დღეს ჩვენი ოპონენტებისგან, თუ არ იქნება ობიექტური, ქართული საზოგადოება მასზე რეაქციას არ აკეთებს. მოსახლეობამ ისწავლა თეთრის შავისგან გარჩევა, სწორი არჩევანის გაკეთება. იმედია, დღეს საზოგადოება იქნება აქტიური, მაქსიმალურად მივლენ საარჩევნო ყუთებთან და სწორ არჩევანს გააკეთებენ“, – განაცხადა ივანიშვილმა.

იმედია, დღეს საზოგადოება იქნება აქტიური, მაქსიმალურად მივლენ საარჩევნო ყუთებთან და სწორ არჩევანს გააკეთებენ, – ამის შესახებ „ქართული ოცნების“ საპატიო თავმჯდომარემ, ბიძინა ივანიშვილმა არჩევნებში ხმის მიცემის შემდეგ ჟურნალისტებს განუცხადა.როგორც ივანიშვილმა აღნიშნა, „ქართულმა ოცნებამ“ საშუალება მისცა საზოგადოებას, თავისუფალი არჩევანი გააკეთოს.„დღეს კიდევ ერთი მნიშვნელოვანი დღეა ჩვენი ქვეყნის ისტორიაში. თავისუფალი არჩევნები უკანასკნელ პერიოდში განუხრელად მიმდინარეობს საქართველოში, დღესაც ერთ-ერთი საინტერესო და ძალიან მნიშვნელოვანი არჩევნებია. ჩვენმა პარტიამ, „ქართულმა ოცნებამ“ საშუალება მისცა საზოგადოებას, თავისუფალი არჩევანი გააკეთოს, ისევე, როგორც ბოლო წლებში თავისუფალი სიტყვის, ბიზნესის და ცხოვრების დაფუძნება მოვახერხეთ. 13 წელიწადია, „ქართული ოცნება“ ხელისუფლებაშია, ჩვენ ყველა მიმართულებით შთამბეჭდავ წარმატებებს მივაღწიეთ, საზოგადოებასთან ერთად, მაგრამ ყველაზე დიდი წარმატება, მიღწევა, რასაც შეიძლება, ხაზი გავუსვათ, არის ის, რომ „ქართული ოცნების“ წევრებმა, ისევე, როგორც საზოგადოებამ მოახერხა და ისწავლა ობიექტური ანალიზის გაკეთება, კრიტიკული აზროვნების განვითარება. ჩვენი საზოგადოება უკვე თავისუფლად ახერხებს თეთრი შავისგან გაარჩიოს. შესაბამისად, ჩვენ ყოველთვის ვიღებთ ისეთ შედეგებს, როგორც საზოგადოებას უნდა. სამოქალაქო საზოგადოების განვითარებით,  რომელიც მოახერხა საზოგადოებამ, მაქსიმალურად აიღო ხელისუფლება ხელში, რაც გამოიხატება არჩევნებზე სწორი პოზიციის დაფიქსირებით, ჩვენ მივიღეთ ის შედეგები, რაც გვაქვს. შთამბეჭდავი წარმატება გვაქვს ქვეყნის განვითარების.როგორი განცხადებებიც არ უნდა გაკეთდეს დღეს ჩვენი ოპონენტებისგან, თუ არ იქნება ობიექტური, ქართული საზოგადოება მასზე რეაქციას არ აკეთებს. მოსახლეობამ ისწავლა თეთრის შავისგან გარჩევა, სწორი არჩევანის გაკეთება. იმედია, დღეს საზოგადოება იქნება აქტიური, მაქსიმალურად მივლენ საარჩევნო ყუთებთან და სწორ არჩევანს გააკეთებენ“, – განაცხადა ივანიშვილმა.„ქართული ოცნების“ საპატიო თავმჯდომარემ, ბიძინა ივანიშვილმა საკუთარი არჩევანი მთაწმინდის რაიონის მე-3 საარჩევნო უბანზე გააკეთა. ივანიშვილი საარჩევნო უბანზე ოჯახის წევრებთან ერთად მივიდა.

დღეს თვითმმართველობის არჩევნებია. საქართველოს მოსახლეობა მთელი ქვეყნის მასშტაბით 64 მერს აირჩევს და ამავე რაოდენობის საკრებულოს დააკომპლექტებს.საარჩევნო უბნები ზუსტად დილის რვა საათზე გაიხსნება და მოქალაქეებს საკუთარი არჩევანის დასაფიქსირებლად დრო საღამოს რვა საათამდე ექნებათ. უკვე მეორედ არჩევნები, ელექტრონული ტექნოლოგიების გამოყენებით ჩატარდება.ხმის მიცემა ელექტრონულად შესაძლებელი იქნება 3061 საარჩევნო უბანზე, 777 უბანზე კი კენჭისყრა ტრადიციული წესით ჩატარდება. შესაბამისი ინვენტარით უკვე უზრუნველყოფილია ყველა უბანი.არჩევნების მიმდინარეობას ქვეყნის მასშტაბით 28 საერთაშორისო და 27 ადგილობრივი ორგანიზაცია დააკვირდება. მათ შორის არ იქნება ეუთო/ოდირი. ორგანიზაციამ ქვეყანაში მისიის არ გამოგზავნის მიზეზად დაგვიანებული მიმართვა დაასახელა.

აშშ-ს პრეზიდენტი დონალდ ტრამპი სამშვიდობო გეგმაზე „ჰამასის“ პასუხს სოციალურ ქსელში ეხმაურება.„„ჰამასის“ მიერ ახლახან გამოქვეყნებული განცხადების საფუძველზე, მჯერა, რომ ისინი მზად არიან ხანგრძლივი მშვიდობისთვის. ისრაელმა დაუყოვნებლივ უნდა შეწყვიტოს ღაზის დაბომბვა, რათა ჩვენ შევძლოთ მძევლების უსაფრთხოდ და სწრაფად გაყვანა! ახლა ამის გაკეთება ძალიან საშიშია. ჩვენ უკვე ვმსჯელობთ დეტალებზე, რომლებიც უნდა დამუშავდეს. საქმე მხოლოდ ღაზას არ ეხება, საქმე ეხება ახლო აღმოსავლეთში დიდი ხნის ნანატრ მშვიდობას“, – წერს ტრამპი.ცნობისთვის, „ჰამასი“ ცეცხლის შეწყვეტაზე დონალდ ტრამპის სამშვიდობო გეგმას დათანხმდა. ამასთან, „ჰამასში“ აცხადებენ, რომ დონალდ ტრამპის სამშვიდობო გეგმას ძირითადად ეთანხმებიან, თუმცა გეგმის გარკვეული მოთხოვნები არარეალისტურია.აშშ-ის პრეზიდენტმა, დონალდ ტრამპმა ღაზის სამშვიდობო გეგმა ისრაელის პრემიერ-მინისტრ ბენიამინ ნეთანიაჰუსთან შეხვედრისას 29 სექტემბერს წარადგინა. 

ვხედავთ, რა ჯგუფთან გვაქვს საქმე. ემოციურად დაზიანებული, სასოწარკვეთილი ადამიანების ჯგუფია, რომელიც შესაძლოა, ყველაფერზე წამსვლელი იყოს. როგორც ჩანს, ორი გენერალი, რომლებიც, თუ არ ვცდები, „ნაცმოძრაობის“ პოლიტსაბჭოს წევრებიც იყვნენ, კარგად იცნობენ სასოწარკვეთილებას, რომელიც ამ ჯგუფს აქვს. როგორც ჩანს, ისინი უშვებენ, რომ, არსებობს რისკი, რაღაც ასეთი განახორციელონ, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.პაპუაშვილს კითხვა დაუსვეს მამუკა ყურაშვილისა და ზაზა გოგავას ერთობლივ განცხადებაზე, სადაც ამბობენ, რომ ემიჯნებიან ყოველგვარ ძალადობას.„ვერ გეტყვით, რა ინფორმაცია აქვთ, მაგრამ რასაც თავადაც საჯაროდ აანონსებენ, ძალადობას აპირებენ. სამწუხაროა, რომ ამ ძალადობას მხარდაჭერა გამოუცხადა ევროკომისიის პრესსპიკერმა. მისი განცხადება 23 სექტემბერს იყო, უკვე ათი დღე გავიდა და მისი მხრიდან დღემდე არ მოგვისმენია სხვა რაიმე განმარტება. ეს ნიშნავს, რომ მხარდაჭერა ჯერ კიდევ ძალაშია. ძალადობის რამდენი შემთხვევაც მოხდება, ყველაფერზე პასუხისმგებლობა გაზიარებული ექნება ევროკომისიას, მისი პრესსპიკერის სახით. რაც შეეხება ძალადობის მოსალოდნელ რისკებს, მიზეზი ერთადერთია – ვხედავთ, რომ რადიკალური ოპოზიცია და უცხოეთიდან დაფინანსებული „ენჯეოები“ მიზნად ისახავენ არჩევნების საბოტაჟს. მათ საბოტაჟის მცდელობა ჩაეშალათ, რადგან არჩევნებში მონაწილეობას იღებს 12 პარტია, საარჩევნო პროცესი გამართული და გამჭვირვალე იყო, საარჩევნო კამპანიის წარმოების ყველა შესაძლებლობა არსებობდა. საბოტაჟი ჩაიშალა და ახლა ერთადერთი ვარიანტი დარჩათ, ხვალ კენჭისყრის პროცესის ჩაშლა და საარჩევნო უფლების განხორციელების ხელშეშლა სცადონ. ხედავენ, რომ ამასაც ვერ ახერხებენ, რადგან ხვალ ამომრჩეველი საარჩევნო უბანზე მივა. მათთვის ერთადერთი გამოსავალი ცრუ ისტერიის მოწყობაა, რაშიც ყველაზე დიდი ხიფათია, რადგან ვხედავთ, რა ჯგუფთან გვაქვს საქმე. ეს არის ემოციურად დაზიანებული, სასოწარკვეთილი ადამიანების ჯგუფი, რომელიც შესაძლოა, ყველაფერზე წამსვლელი იყოს. როგორც ჩანს, ორი გენერალი, რომლებიც, თუ არ ვცდები, „ნაცმოძრაობის“ პოლიტსაბჭოს წევრებიც იყვნენ, იმ სასოწარკვეთილებას და ემოციურ დაზიანებას კარგად იცნობენ, რომელიც ამ ჯგუფს აქვს. როგორც ჩანს, ისინი უშვებენ, რომ, არსებობს რისკი, რაღაც ასეთი განახორციელონ. სახელმწიფო სრულად მობილიზებულია და არავის მისცემს შესაძლებლობას, მათ შორის საკუთარი თავი დაიზიანოს და ამით რაღაც ისტერიები შექმნას. ეს კარგი პროცესიც არის, ჩვენ ასეთი შესაძლებლობა სხვა დროს არ გვქონია – ხვალ ის მომენტია, როცა რამდენიმე რადიკალური პარტია, რამდენიმე „ენჯეო“ და დაჯგუფებები ყველა კრიტერიუმით ოფიციალურად გაფორმდებიან, როგორც რადიკალი-ექსტრემისტი დაჯგუფებები საკუთარი თავის ამგვარი მხილებით. ეს არის ლაკმუსის ქაღალდი, რომელიც მთლიანად ამ პროცესმა უზრუნველყო, მათ შორის ჩვენი მოქალაქეების მოთმინებით. ხვალინდელი დღე, როგორც ლაკმუსის ქაღალდი, ზუსტად აჩვენებს და მონიშნავს რადიკალურ პარტიებს, რადიკალურ „ენჯეოებს“ და რადიკალურ ჯგუფებს“, – განაცხადა შალვა პაპუაშვილმა.