ჩერნიგოვში რუსებმა ხელისუფლების 5 წარმომადგენელი გაიტაცეს
Read Time:34 Second
ვინაიდან, დროებით, ჩერნიგოვის ოლქის ზოგიერთი რაიონი უკრაინის ხელისუფლების კონტროლს არ ექვემდებარება, რუსი ოკუპანტები იქ სხვადასხვა სისასტიკეს სჩადიან, კერძოდ, იტაცებენ თემის ლიდერებს. ჩერნიგოვის სამხედრო ადმინისტრაციამ უკვე 5 ასეთი ფაქტი დააფიქსირა. არის შემთხვევებიც, როდესაც გატაცებულები რუსეთში გადაჰყავთ. ინფორმაციას უკრაინული მედია ავრცელებს.
რუსმა ოკუპანტებმა მიხაილო-კოციუბინსკის თემის სოფელ ანდრიევკაში მერი მიკოლა ბუდალოვსკი დააკავეს. ასევე, ადგილობრივი დეპუტატი და სკოლის დირექტორი ტატიანა ბეზლიუდნა. ეს ფაქტი ადგილობრივებმა ანონიმურად დაადასტურეს. მათივე თქმით, დეპუტატი სოფლიდან, იმ დღეს, თანასოფლელების წამლების მისაღებად გაემგზავრა, რა დროსაც სოფელში რუსული კოლონა შევიდა.
ასევე, დააკავეს ნოვგოროდ-სივერსკის თემის სოფელ გრემიაჩის მერი. ადგილობრივები ამბობენ, რომ მერი რუსეთში სამხედრო ტექნიკით გადაიყვანეს.
სოფელ ნოვა ბასანში ადგილობრივი თვითმმართველობის ორი მაღალჩინოსნის გატაცების ფაქტი დაფიქსირდა, თუმცა ამ ინფორმაციის დაზუსტების პროცესი ჯერ კიდევ მიმდინარეობს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
