შოკის მომგვრელი ამბავი თბილისის ცენტრში – შვილი დედის ცხედარს 2 წელი საკუთარ საძინებელში, ზეწარში გახვეული მალავდა. გაუჩინარებულ დედას მხოლოდ მაშინ მიაგნეს, როცა შვილიც გარდაიცვალა – რა მოხდა საიდუმლოებით მოცულ ბინაში?!

7 მარტს, ეროვნული გმირი ჟიული შარტავა დაიბადა… ” ცხოვრება გრძელდება! რადგან სამშობლოსათვის ბრძოლას ყოველთვის აქვს აზრი!”საქართველოს თავდაცვის სამინისტროჟიული შარტავა 1944 წლის 7 მარტს, სენაკში დაიბადა. სწავლობდა სენაკის მეორე საშუალო სკოლაში. 1966 წელს დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი. 1973 წელს სწავლობდა ასპირანტურაში ტექნიკური კიბერნეტიკის სპეციალობით. ეკავა კომკავშირული და პარტიული თანამდებობები თბილისსა და რუსთავში. საქართველოს სსრ უმაღლესი საბჭოს წევრი. 1989 წელს დაამთავრა სსრ კავშირის საგარეო საქმეთა სამინისტროს დიპლომატიური აკადემია. ტექნიკურ მეცნიერებათა კანდიდატი.1992 წელს ჟიული შარტავა საქართველოს რესპუბლიკის პარლამენტის წევრად აირჩიეს, რუსთავის მაჟორიტარული ოლქიდან. აფხაზეთის ომის დროს, 1993 წლის ივნისში, შარტავა აფხაზეთის ავტონომიური რესპუბლიკის მინისტრთა საბჭოს და აფხაზეთის თავდაცვის საბჭოს თავმჯდომარედ დაინიშნა. 1993 წლის 27 სექტემბერს, სოხუმის დაცემის დღეს, გენერალ-მაიორი შარტავა უშუალოდ ხელმძღვანელობდა მთავრობის სახლის დაცვას, რა დროსაც სეპარატისტისტებმა თანამებრძოლებთან ერთად ტყვედ აიყვანეს და დახვრიტეს.აფხაზეთის ომიდან რამდენიმე წლის შემდეგ, ჟიული შარტავას გმირობის შესახებ საქართველოს კათოლიკოს-პატრიარქი ილია II იგონებდა: „მისი გარდაცვალებიდან რამდენიმე თვის შემდეგ, ჩემს სახელზე საპატრიარქოში უცნობი ავტორის წერილი მოვიდა. ავტორმა არ იცოდა, რომ პიროვნება, ვის შესახებაც წერდა, აფხაზეთის მინისტრთა საბჭოს თავმჯდომარე იყო. რუსულად დაწერილ წერილში ეწერა: „ჩვენ არ ვიცოდით, ვის ვესროდით, მაგრამ ერთი კია, გამაოცა ამ კაცის შეუდრეკელობამ, უშიშარობამ, სიმამაცემ, სამშობლოს ამგვარმა სიყვარულმა. მისი სახელი ასანთის კოლოფზე დავწერე, რათა იცოდეთ, როგორი გმირები ჰყავს საქართველოს. და, თუ საქართველოს თუნდაც ერთი ადამიანი ჰყავს ასეთი, იმ ქვეყანას გადაშენება არ უწერია”. ეს ბარათი მომწერა კაცმა, რომელიც მტრის ბანაკში იბრძოდა და ალბათ, თვითონაც მონაწილეობდა შარტავასა და მისი მეგობრების წამებაში“.„წაუსვლელობა არ შეიძლება. სჯობს ამ ომს შევეწიროთ და მომავალი თაობა გადავარჩინოთ. ჩვენი თაობა ისედაც ვალშია მათ წინაშე“… „ბოლომდე ვიბრძოლებთ, ვიდრე შეგვიძლია და თუ სიკვდილი გვიწერია, არც ეს უნდა იყოს დიდი ტრაგედია. ისეთი ბიჭები იხოცებიან, რომ ძნელია ამის შემყურემ სიცოცხლეზე იფიქრო. რას იზამ, ბედისწერას ვერ გაექცევი.“ – ეს იმ სიტყვების ჩამონათვალია, რომელიც ჟიული შარტავას სიკვდილამდე დღეებით ადრე უთქვამს.2004 წელს ჟიული შარტავას პირველს მიენიჭა საქართველოს ეროვნული გმირის წოდება. იგი ასევე დაჯილდოებულია, სიკვდილის შემდეგ, ვახტანგ გორგასლის I ხარისხის ორდენით. დაკრძალულია თბილისში, ვაკის პანთეონში.

„მომავალი რამდენიმე თვე, მარტის ჩათვლით იქნება ყველაზე მძიმე თვე მსოფლიო მასშტაბით“,- ამის შესახებ ასტროლოგი, ეზოტერიკოსი გოგა მანია სოციალურ ქსელში წერს.„მომავალი რამდენიმე თვე, მარტის ჩათვლით იქნება ყველაზე მძიმე თვე მსოფლიო მასშტაბით. ყველაზე დაცული მაინც საქართველოა. თუმცა პატარა ნგრევებით გადავიტანთ, შედარებით მარტივად. მეტად გვიყვარდეს და დავაფასოთ ერთმანეთი“,-წერს მანია.

გერმანიის კანცლერმა, ფრიდრიხ მერცმა განაცხადა, რომ გერმანია ყოველთვის ისრაელის გვერდით იდგება.„ჩემი მეთაურობით შექმნილი ფედერალური მთავრობა არასდროს გააჩენს ეჭვს იმის შესახებ, თუ სად ვდგავართ. ჩვენ ისრაელის გვერდით ვდგავართ“, — განაცხადა გერმანიის კანცლერმა.ამასთან, ფრიდრიხ მერცმა აღნიშნა, რომ გააკეთებს „ყველაფერს ანტისემიტიზმის წინააღმდეგ საბრძოლველად გერმანიაში, სადაც არ უნდა გამოვლინდეს ის“.„ყველაფერს გავაკეთებ, რათა ეს ქვეყანა დარჩეს ქვეყნად, სადაც ებრაელებს შეეძლებათ თავისუფლად და ღიად გადაადგილება“, – აღნიშნა მერცმა.გერმანიის კანცლერის სიტყვით გამოსვლისას ერთ-ერთი დამსწრე სკანდირებდა სიტყვებს „პალესტინა“, რასაც მერცმა უპასუხა.„ისინი, ვისთვისაც ამ ბანერს აფრიალებთ, იარაღს თუ დაყრიან, კონფლიქტი 24 საათში დასრულდება. ეს არის კონფლიქტის ძირითადი მიზეზი და არა ისრაელის სახელმწიფო, რომელიც იბრძვის თავისი არსებობისა და თავისუფლად ცხოვრების უფლებისთვის“, – უპასუხა ფრიდრიხ მერცმა.

მიცვალებულთა მოხსენიების დღეებში ქრისტიანები კორკოტს ან წანდილს ( კოლიოს) ვამზადებთ.ზოგჯერ საკურთხს შინ აკეთებენ, სანთელს აანთებენ, საკმეველს შემოატარებენ და ღვინით მიცვალებულის შესანდობარს ამბობენ. ეს არ არის საკმარისი. საკურთხს იმიტომ ჰქვია საკურთხი, რომ ის იკურთხება, კურთხევას კი მხოლოდ სამღვდელო პირი აღასრულებს. ამ დროს აღევლინება პანაშვიდი და მღვდელი ღვთის სახელით შენდობას უგზავნის მიცვალებულის სულს. ამის გაკეთება ერისკაცს არ შეუძლია.კურთხევის შემდეგ საკურთხს მეტწილად ტაძარში ტოვებენ  და ნაწილი - ტაძრის მსახურთ, ნაწილი კი გლახაკებს ურიგდებათ. საკურთხის დროს ხშირად მიცვალებულის სახელზე შეწირულობასაც გაიღებენ შესაძლებლობის ფარგლებში.კორკოტის მომზადების ტრადიციაიულიანე განდგომილმა,  კონსტანტინეპოლის მეფემ, უარყო ქრისტე და კერპთაყვანისმცემლობას შეუდგა. მან იცოდა, რომ დიდმარხვის პირველ კვირას მორწმუნენი მარხვას განსაკუთრებით წმინდად ინახავდნენ და ცოდვებს ინანიებდნენ. იულიანემ უბრძანა ქალაქის თავს, მთელი კვირის მანძილზე ყოველდღე შეებღალა ბაზარში გასაყიდი სანოვაგე სამსხვერპლო ცხოველთა სისხლით.მეფის ბრძანება შესრულდა.კონსტანტინეპოლის მთავარეპისკოპოს ევდოქსის გამოეცხადა წმინდა თეოდორე ტირონი , ამცნო, რომ საზრდელი ნაკერპალის სისხლით იყო შებილწული და ურჩია, მის ნაცვლად მიეღოთ კოლიო - თაფლთან ერთად მოხარშული ხორბალი. ქრისტიანებმა შეიძინეს ხორბალი, კოლიო მოხარშეს და მთელი კვირის განმავლობაში მას იხმევდნენ. ასე გადაურჩნენ მარხვის შემწიკვლებას (დარღვევას). მას შემდეგ დიდმარხვის პირველი შვიდეულის შაბათი წმინდა თეოდორეს ხსენების დღედაა მიჩნეული და მორწმუნეები კოლიოს, ანუ წანდილს ხარშავენ. როგორ მოვამზადოთ კორკოტიდაგჭირდებათ: ხორბალი 250 გრ. ქიშმიში 100 გრ. (სურვილისამებრ გარგარის ჩირი 100 გრ). ნიგოზი 100 გრ. თაფლი 100 გრ. შაქარი 100 გრ. კონიაკი 50 მლ.ლ.თქვენ შეგიძლიათ შეიძინოთ მშრალი ან გაფუებული ხორბალი. გაფუებული ხორბლის შეძენის შემთხვევაში, მიაქციეთ ყურადღება, რომ ის არ იყოს ამჟავებული. თავის დაზღვევის მიზნით, გირჩევთ შეიძიოთ მშრალი ხორბალი. ამავდროულად, მშრალი ხორბლის შეძენის შემთხვევაში, თქვენ გეძლევათ საშუალება განსაზღვროთ მისი რეალური ზომა.პირველ რიგში, ხორბალი გაარჩიეთ კარგად, გარეცხეთ და დადგით მოსახარშად. ამასობაში გარეცხეთ ქიშმიში, ოდნავ მოხრაკეთ ნიგოზი და გაატარეთ ის ხორცის საკეპი მანქანის მსხვილ ბადეში. შეგიძლიათ დანაყოთ ან დაჭრათ ნიგოზი. დუღილის პროცესის ბოლოსკენ დაამატეთ ხორბალს ქიშმიში, კონიაკი და შაქარი. წყლის დაშრობისთანავე, დაამატეთ კორკოტს წვრილად დაჭრილი გარგლის ჩირი, თაფლი და კარგად მოურიეთ. კორკოტში შეგიძლიათ გამოიყენოთ ვაშლი ან ატამი. კორკოტს ხილი უნდა დაამატოთ ცივ მდგომარეობაში.შენიშვნა: თუ წყალი დაშრა და ხორბალი არაა მოხარშული, დაამატეთ გადადუღებული წყალი

მაინტერესებს, ხარჯები და შემოსავლები, რა მეთოდით შეაფასეთ? რატომ არის გაყალბებული დასკვნა? ეს არის დასკვნის გაყალბება - ხარჯებს რომ მითვლით, როცა „აიფონი“ ვიყიდე და ბანკში რომ თანხა მაქვს შეტანილი, ამას არ მითვლით, ეს რა სამართალია? - ამ კითხვებით უკანონო შემოსავლის ლეგალიზაციისთვის ბრალდებულმა თავდაცვის ყოფილმა მინისტრმა ჯუანშერ ბურჭულაძემ შემოსავლების სამსახურის აუდიტის წარმომადგენელს, ივანე ბედინაშვილს მიმართა.დღევანდელ სასამართლო პროცესზე ივანე ბედინაშვილი პროკურატურის მხრიდან მოწმის სახითაა წარმოდგენილი. მისი თქმით, შემოსავლების სამსახურის აუდიტმა შეისწავლა ჯუანშერ ბურჭულაძის, მისი ოჯახის წევრებისა და მასთან დაკავშირებული პირების, მათ შორის ცოლის ძმის, ვასილ მხეიძის, შემოსავლები და გასავლები.მოწმის თქმით, კერძოდ, ისინი ადგენდნენ 2015 წლიდან თავდაცვის ექსმინისტრის ქონებრივ მდგომარეობას, აქტივებს, კრიპტოვალუტის წარმოშობის წყაროს და ა.შ. ასევე ადგენდნენ უძრავი და მოძრავი ქონებებიდან მიღებულ თანხებს.ამასთან, სამსახურს უნდა დაედგინა ჯუანშერ ბურჭულაძის თანამდებობაზე ყოფნისას მიღებული შემოსავლები. მოწმე ივანე ბედინაშვილის თქმით, ჯუანშერ ბურჭულაძე და მასთან დაკავშირებული პირები 2025 წლის მონაცემებით, მათ შორის ფლობდნენ 31 ერთეულ სატრანსპორტო საშუალებას. 2024 წლის მდგომარეობით ფლობდნენ 41 ერთეულ უძრავ ქონებას, აღნიშნული ქონებიდან 15 ერთეული ქონება, ისეთი ქონება იყო, რომელსაც ფლობდნენ 2014 წელსაც.მოწმის თქმით, 2024 წლის 8 თებერვლიდან 2025 წლის აგვისტომდე, ჯუანშერ ბურჭულაძისა და მისი ოჯახის წევრების მიერ მიღებული შემოსავლები ხელფასის სახით შეადგენდა 376 ათასზე მეტ ლარს.„მათ შორის, აზარტული თამაშებიდან მიღებული თანხა შეადგენდა 800 000-ზე მეტ ლარს. ასევე, 2025 წლის აგვისტოს მონაცემებით, 3 მლნ ლარზე მეტს შეადგენდა გაწეული თანხები.უძრავი ქონებით მიღებულმა ხარჯმა რეალიზაციით მიღებულ თანხას გადააჭარბა 1 მილიონი ლარით. ჯამში ხარჯებმა შეადგინა 8 მილიონზე მეტი ლარი. 2015 წლის იანვრიდან 2024 წლის დეკემბრამდე, ბურჭულაძის და მისი ოჯახის მიერ მიღებული თანხები აღემატება 10 მილიონ ლარს“, - განაცხადა ივანე ბედინაშვილმა.მოწმის მიერ წარმოდგენილი დასკვნის მიმართ კითხვები ჰქონდა ბრალდებულ ექსმინისტრს. როგორც ჯუანშერ ბურჭულაძემ აღნიშნა, ამ დასკვნით სასამართლოს შეცდომაში შეყვანა ხდება.„მაინტერესებს, ხარჯები და შემოსავლები რა მეთოდით შეაფასეთ? მეთოდები არის აბსოლუტურად აცდენილი ერთმანეთში, ხარჯებს თვლიან სხვა მეთოდით, შემოსავლებს სხვა მეთოდით....კითხვა - რატომ არის გაყალბებული დასკვნა? ეს არის დასკვნის გაყალბება. შეურაცხყოფა არ მიმიყენებია (მოწმისთვის). რატომ გასცდნენ დასკვნას და თანაც ისეთი ინტერპრეტაციით, რითაც შეცდომაში უნდა შეიყვანონ სასამართლო. რატომ არ არის მითითებული დასკვნაში ობიექტური მომენტები? რატომ არის დასკვნაში ინფორმაცია არასრულად მითითებული? აქ ნიუანსებზეა საუბარი და ვასაბუთებ იმას, რასაც ბრალდება მედავება“, - განაცხადა ჯუანშერ ბურჭულაძემ.ამასთან, ჯუანშერ ბურჭულაძის თქმით, ბრალდება ლეგალიზაციაში უთვლის მისი შვილის, დავით ბურჭულაძის შემოსავლებსაც და ეს იმ ფონზე, როცა მის შვილს თანხას სიდედრი ურიცხავდა.„ხარჯებს რომ მითვლის როცა „აიფონი“ ვიყიდე და ბანკში რომ თანხა მაქვს შეტანილი, ამას არ მითვლის, ეს რა სამართალია, ბატონო მოსამართლევ? როცა თანამდებობაზე დავინიშნე, (თავდაცვის მინისტრობამდე) ვფლობდი 9 ბინას, როცა წამოვედი ვფლობდი 7 ბინას. არის თუ არა ეს მითითებული დასკვნაში?" - განაცხადა ჯუანშერ ბურჭულაძემ.ამ წუთებში, თბილისის საქალაქო სასამართლოში თავდაცვის ყოფილი მინისტრის, ჯუანშერ ბურჭულაძის, გიორგი ხაინდრავას, ვლადიმერ ღუდუშაურისა და ვასილ მხეიძის სასამართლო პროცესი მიმდინარეობს. სხდომას არ ესწრება ერთ-ერთი ბრალდებული, ვლადიმერ ღუდუშაური.ცნობისთვის, თავდაცვის ყოფილ მინისტრს, ჯუანშერ ბურჭულაძეს ბრალდება სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით და 332-ე მუხლის მეორე ნაწილით წარედგინა, რაც სამსახურებრივი უფლებამოსილების ბოროტად გამოყენებასა და უკანონო შემოსავლის ლეგალიზაციას გულისხმობს. აღნიშნული ქმედება სასჯელის სახედ და ზომად 9-დან 12- წლამდე თავისუფლების აღკვეთას ითვალისწინებს.ბურჭულაძეს საერთო ჯამში 1 593 212 ლარის უკანონო და დაუსაბუთებელი შემოსავლის ლეგალიზაციას ედავებიან. ბრალის მიხედვით, ჯუანშერ ბურჭულაძემ 2023 წელს მისი მოადგილის, ნათესავისა და საქართველოს თავდაცვის სამინისტროს შესყიდვების დეპარტამენტის ყოფილი უფროსის დახმარებით, სამხედრო ჰოსპიტალს სამედიცინო აპარატი 2 606 272 ლარის ნაცვლად, 3 940 000 ლარად მიაწოდა, რის შედეგადაც, სამინისტროს 1 333 728 ლარის ქონებრივი ზიანი მიადგა.ასევე, 2025 წლის მარტში, ჯუანშერ ბურჭულაძემ და მისმა მეუღლემ ესპანეთში 544 000 ევროდ ქონება შეიძინეს. აღნიშნულის წარმოშობის დამალვის და შენიღბვის მიზნით, ამ ქონებისთვის კანონიერი სახის მისაცემად, მათ მესამე პირთან დაბა წყნეთში მდებარე უძრავი ქონების ფიქციური ნასყიდობის ხელშეკრულება გააფორმეს.რაც შეეხებათ, ვლადიმერ ღუდუშაურსა და გიორგი ხაინდრავას, მათ დიდი ოდენობით თანხის გაფლანგვას ედავებიან, ვასილ მხეიძეს კი გაფლანგვაში დახმარებას.მათ ბრალი წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, საქართველოს თავდაცვის სამინისტროს კუთვნილი დიდი ოდენობით თანხის გაფლანგვის და გაფლანგვაში დახმარების ფაქტზე, საქართველოს სისხლის სამართლის კოდექსის 182-ე მუხლის მე-2 ნაწილის „ა“, „დ“ ქვეპუნქტებით და მე-3 ნაწილის „ბ“ ქვეპუნქტით აქვთ წარდგენილი, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.ვლადიმერ ღუდუშაური გირაოს სანაცვლოდ არის გათავისუფლებული.