შემოსავლების სამსახური 150 ვაკანსიაზე სტაჟირების კონკურსს აცხადებს

ისრაელის თავდაცვის ძალებში აცხადებენ, რომ ირანიდან ისრაელის მიმართულებით გაშვებული რაკეტები დააფიქსირეს.„თავდაცვითი სისტემები საფრთხის აღსაკვეთად მოქმედებენ“, – აღნიშნულია განცხადებაში.ისრაელის თავდაცვის ძალებმა მოსახლეობას მოუწოდეს, დაუყოვნებლივ შეეფარონ თავი სპეციალურ თავშესაფრებს და დარჩნენ იქ შემდგომ განკარგულებამდე.

უნგრეთის საგარეო საქმეთა მინისტრი პიტერ სიიარტო ბუდაპეშტში უკრაინის საელჩოსთან გამართულ საპროტესტო აქციას შეუერთდა.„რატომ გადააქვთ უნგრეთის გავლით 900 მილიონი დოლარი, 420 მილიონი ევრო ნაღდი ფული და 146 კილოგრამი ოქრო? რა არის ამ ყველაფრის მიზეზი? ეს უკრაინის ომის მაფიის ფულია? ჩვენ უკრაინელებისგან დაუყოვნებლივ ახსნა-განმარტებას ვითხოვთ. მათ უნდა თქვან, ვისი ფულია ეს და რისთვის იყენებენ“, – განაცხადა სიიარტომ აქციაზე.ამასთან, პიტერ სიიარტომ უკრაინა უნგრეთის არჩევნებში ჩარევაში დაადანაშაულა და აღნიშნა, რომ კიევი ქვეყანაში უკრაინის მხარდამჭერი მთავრობის მოყვანას ცდილობს.„უკრაინელები უნგრეთის არჩევნებში უფრო მკაცრად და სერიოზულად ერევიან, ვიდრე ოდესმე. რა უნდათ მათ? მათ სურთ პროუკრაინული მთავრობა“, – აღნიშნა უნგრეთის საგარეო საქმეთა მინისტრმა.ცნობისთვის, დღეს უკრაინის საგარეო საქმეთა მინისტრმა, ანდრეი სიბიგამ განაცხადა, რომ უნგრეთის ხელისუფლებამ უკრაინის შვიდი მოქალაქე, „ოსჩადბანკის“ თანამშრომლები მძევლად აიყვანა და საბანკო მანქანით გადატანილი თანხა მოიპარა. აღნიშნულთან დაკავშირებით ინფორმაცია გაავრცელა უნგრულმა მედიამაც, რომლის მიხედვითაც, უკრაინული სანომრე ნიშნებით მოძრავი ნაღდი ფულის გადამტანი მანქანები უნგრეთის კონტრტერორისტულმა ცენტრმა დააკავა.ამასთან, ცოტა ხნის წინ უკრაინის საგარეო საქმეთა მინისტრმა, ანდრეი სიბიგამ განაცხადა, რომ უკრაინის შვიდივე მოქალაქე, რომლებიც უნგრეთში დააკავეს, სამშობლოში დაბრუნდა.

ირანის საელჩოში სამძიმრის წიგნში ჩანაწერები გაკეთდა-ვიმედოვნებთ, რომ სამხედრო მოქმედებებს დიპლომატია ჩაანაცვლებს ,,თქვენო აღმატებულებავ, როგორც ქართველი ხალხისა და საქართველოს წარმომადგენელს, მადლობას მოგახსენებთ, რომ დღეს მობრძანდით საელჩოში და სამძიმრის წიგნში ჩანაწერი გააკეთეთ. მეგობარი გაჭირვებაში იცნობა.ვუსამძიმრებთ ირანელ ხალხსა და ირანის ისლამურ რესპუბლიკას, სადაც მიმდინარე სამხედრო მოქმედებებმა მრავალი ადამიანის, მათ შორის უზენაესი სულიერი ლიდერის, აიათოლა ხამენეის, სხვა პოლიტიკური ლიდერების, უამრავი უდანაშაულო სამოქალაქო პირისა და ათობით ბავშვის სიცოცხლე შეიწირა. ვიმედოვნებთ, რომ მალე აღდგება მშვიდობა და სამხედრო მოქმედებებს დიპლომატია და პოლიტიკური დიალოგი ჩაანაცვლებს''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს.

თეთრი სახლის პრესსპიკერმა კეროლაინ ლევიტმა განაცხადა, რომ შეერთებული შტატები ირანში სამხედრო ოპერაციის მიზნებს სავარაუდოდ 4-დან 6 კვირაში მიაღწევს.თეთრი სახლის პრესსპიკერის თქმით, ოპერაციის მიზნებია: ირანის სარაკეტო პროგრამის და საზღვაო ფლოტის განადგურება, ირანის მიერ ბირთვული იარაღის შეძენის თავიდან აცილება, ასევე, რეგიონში შეიარაღებული დაჯგუფებების მხარდაჭერის შეწყვეტა.„სულ რაღაც ექვსი დღის შემდეგ, ირანიდან ბალისტიკური რაკეტებით განხორციელებული საპასუხო დარტყმები 90 პროცენტით შემცირდა. ბოლო ექვსი დღის განმავლობაში ჩვენ ვხედავდით, რომ „ჰეზბოლა“ და ჰუსიტები თითქმის არ იბრძოდნენ“, – აღნიშნა ლივიტმა.ირანის მომავალ ხელმძღვანელობასთან დაკავშირებით კითხვაზე ლევიტმა განაცხადა, რომ „ამერიკის ინტერესებშია, ირანი აღარ იმართებოდეს რადიკალური ტერორისტული რეჟიმის მიერ“ და რომ დონალდ ტრამპი „აქტიურად განიხილავს, ვინ გახდება ირანის მომავალი ლიდერი“.„პრეზიდენტი, როგორც შეიარაღებული ძალების მთავარსარდალი, როდესაც დაადგენს, რომ ირანი აღარ წარმოადგენს საფრთხეს შეერთებული შტატებისთვის და ოპერაცია „ეპიკური მრისხანების” მიზნები სრულად შესრულებულია, ირანი უპირობო დანებების მდგომარეობაში აღმოჩნდება, თუნდაც, თავად ასე არ თქვას. გულახდილად რომ ვთქვა, მათ ამის სათქმელი ადამიანიც თითქმის აღარ ჰყავთ; შეერთებულმა შტატებმა და ისრაელმა ყოფილი ტერორისტული რეჟიმის 50-ზე მეტი ლიდერი გაანადგურა, მათ შორის თავად უზენაესი ლიდერი“, – განაცხადა ლევიტმა.

პარლამენტის იურიდიულ საკითხთა კომიტეტმა მეორე მოსმენით - მუხლობრივად განიხილა და მხარი დაუჭირა “ადმინისტრაციულ სამართალდარღვევათა კოდექსში“ დაგეგმილ ცვლილებებს, რომლის ამოქმედების შედეგად, საგზაო-სატრანსპორტო წესების დარღვევაზე არსებული ჯარიმები იზრდება და პასუხისმგებლობა მკაცრდება.საუბარია შინაგან საქმეთა სამინისტროს მიერ მომზადებულ კანონის პროექტზე, რომელიც პარლამენტს გასული წლის ნოემბერში წარედგინა. მეორე მოსმენის ფარგლებში გარკვეული მუხლები დაკორექტირდა.საკანონმდებლო ცვლილებათა პაკეტის თანახმად:100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა 20 ქულით შემცირდება.50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის.50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა 10 ქულით შემცირდება.50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის.დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე. ამასთან, როგორც კომიტეტის სხდომაზე ითქვა, აღნიშნულ მუნიციპალიტეტებს ახალციხე და ოზურგეთი დაემატება.დამატებით პასუხისმგებლობა დგინდება “BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.გარდა ამისა, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით. ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება სპეციალურ დაცულ სადგომზე გადაყვანას დაექვემდებარება.